金華冰廳

营业中

休息中

每次到旺角，好自然想起去金華食菠蘿包。今次又經過，離遠望見金華門口人頭湧湧。行到門口，知道原來這些人是等外買菠蘿包，無須等位可入坐。一口咬落菠蘿包，包皮熱辣辣，趣卜卜，面包軟滑，正。見到店舖推介鮮油菠蘿包，我曾經試過，因麭包是熱辣辣，鮮油放上去，好快溶左，令到麵包濕左感覺，没有口感。所以大家都係要菠蘿包食就最正。

第一次寫食評~~!<2014.05.06>友人話金華冰廳的菠蘿包好好食，不如搵日去吧。我上OPENRICE睇睇，「嘩，四百幾個好評！」，便決定去試試！下午３點，經過金魚街，過左一條馬路，就睇到金華了。門口排了幾個人，心諗：「唔知使唔使排半粒鐘呢？」原來我錯了，個啲人係排隊外賣菠蘿包。唔使排隊入去好開心，入去係普通茶餐廳格局，好多人，都幾迫下。２個人去的話，搭枱是少不免。雖然知道金華最出名的是菠蘿包，由於仲未食早餐同午餐，就叫埋沙嗲牛麵試試。＜沙嗲牛麵　配　凍咖啡＞味道沒有什麼特別，與普遍茶記一樣／或比較差，如果唔係肚餓既話，可以不試。＜下午茶餐：雞翼蛋撻　配　凍奶茶＞本人對蛋撻無咩特別喜好，但是這個酥皮很薄，一食就食到蛋芯，不錯！＜菠蘿油＞網友們大力推介的菠蘿油，送上來的時候好似剛剛出爐。（可能真係剛剛出爐）菠蘿皮好鬆脆，牛油是軟的，外脆內軟，入口即溶，真係好好味。而且食既時候，菠蘿皮唔會食到成枱都係。BTW, 下次如果想食菠蘿包，都係外賣方便。

咁啱路經附近，見門外人頭湧湧，都諗住唔使入去坐啦。點知剛啱有位，所以即時入去坐定定，等食。 先叫咗個雞翼拼蛋撻茶餐，兩隻雞翼大大隻，賣相吸引。點知咬落去…生嘅？！即時叫伙記換過，佢哋又肯換過兩隻新嘅雞翼。讚！ 至於個蛋撻，好好味，甜度剛剛好，蛋漿亦唔稀。讚！ 食完唔夠喉，於是食埋個菠蘿包，個菠蘿包真係正，皮脆包軟，配奶茶簡直無得彈！難怪門外排長龍買啦！再讚！

其實大家出黎食飯，沒有必要為啖氣。我地知道有最低消費，我地叫左一人份先，另外一份想諗下先再叫。但呢到d 員工話唔可以，要我地叫哂兩人份。仲指住其他強國客，話佢地叫哂，諗唔到都叫杯奶茶啦。咁原本我想走，鬼叫想飲杯奶茶。好，我就叫兩杯奶茶一個菠蘿油，唔係我消費唔起，唔好睇死人。不過今次問題在於奶茶有雜質，有d 胡椒粉味，又煲過龍，太苦。我地想叫佢比d 奶沖淡d , 唔好浪費。但老板娘話我地唔識奶茶，話杯奶茶已夠淡，再加變奶水，只叫我地再落糖，覺得各位港人小心呢間野，只服務強人！

學完野好肚餓, 去左starbuck飲咖啡, 但D cake貴, 無啦啦想食蛋撻, 於是係太子亂行. 行行下見到有間餅舖, 出面貼左好多雜誌, 好似好勁咁. 再睇睇, 蛋撻要4.5一個? 好貴. 但見雜誌話菠蘿油同西多士出名, 又突然好耐無食菠蘿油, 就叫左個. 原來都幾多人等出爐, 於是趁人叫, 我又叫.熱哄哄的菠蘿油, 外皮完全同平時食既菠蘿包唔同. 係爭十皮, 呢個好有層次感, 塊外脆皮睇落有1cm厚, 聞落去好有蛋香味, 食落去好脆, 雖然厚, 但咬落去口感好好, 一咬就鬆, 好香既蛋味就係口裡面徘徊, 錯中複雜, 只有自己咬落去先知係咩一回事.至於裡面既油, 食落又唔覺好油, 同個包好融入咁, 完全無肥膩感覺, 反而油好似唔係好夠, 食到最後無sai 油.嘩, 呢個咁豐富既菠蘿油可以令人諗好多野.n 食下食下, 買包既人成條人龍出左黎, 果然名不虛傳!

在旺角找吃的，貴了許多。路過此茶記，42元有㗎喱豬軟骨和凍奶茶。。。尚算可以。架厘很香，也很濃郁，豬軟骨也不少。。。極速十分鐘吃完。尚有一杯凍茶。找些點綴，追加一個每桌都有的波蘿油。溫暖軟熟，清香可口，那片油置身其中，造出油潤與清香之交織，於口中久久不散。嚐一口凍茶，奶味茶味配搭得當，與那波蘿油產生了使人放鬆之感，難之忘懷。

金華岀名菠蘿油就係人都知，但我去到並唔係食菠蘿油。我去食早餐ABCDE。星期日一早已經坐滿哂人，早餐餐都係28蚊有一個餸，再跟火腿，腸仔，蛋同飲品一杯。我叫左重量級嘅午餐肉通粉，，朋友就沙嗲牛肉米。奶茶夠濃奶味都幾重，通粉米粉黎先過腿丶腸、蛋，通粉唔會過淋而且係我鍾意食嗰隻，無紋嘅。兩塊午餐肉，薄薄地但都煎得幾香囗。朋友仔嘅沙嗲牛都幾好味。食到一半腿腸蛋，我仲同朋友講唔會食飽先黎掛。食到一半腿腸蛋終於黎啦！一次倒埋落去通粉到，好豐盛啊！

約了爸媽吃晚飯，吃飯前陪老妹晃來這邊買東西路過它心思思想吃菠蘿油，但她又不喜歡吃幸好這天天氣冷特別的餓１個人也應該吃得完的最後點了個菠蘿油，6點多沒什麼客人也不用等太久，拿上手還是熱暖暖的夾著檸檬味的牛油，半溶滑滑的加上香脆的外皮，它還是沒變耶老妹看到我買，它也要吃蛋糕這個就有點小貴 hkd$5感覺不夠鬆軟，但富濃濃的蛋香每次吃都還是這麼的喜歡到現在也是

圖片當中有最有名既熱奶茶，沙爹牛肉意粉，最出名西多士，同菠羅油！味道相當不錯，特別係奶茶佢地採用了黑白淡奶茶味香濃，認真不錯！ 西多士方面就香軟爽口，入口即融！令我呢個肥妹仔好深刻印象！ 環境：相當迫，地下就好多食物碎。講真，真係唔係人人都接受得到！座得都唔係好舒服！服務態度：認真差，十問9唔認！價錢都係比較貴，但有少少過份左！有時D食物都唔值呢個價！

再寫金華，唔寫招牌菠蘿包、奶茶等等。寫下晚市炒野。今次去左擴充了的隔離店舖，新淨又坐得舒服些。一入座唔知叫咩好，個伙計哥哥仔即刻推介吃我地吃炒野，話又大碟又好味。老公叫左個"星洲炒米" , 我就叫左個" 沙嗲菜遠牛河"，不到5分鐘上菜，果然係好大碟。但係" 沙嗲菜遠牛河"比起"星洲炒米"相對失色，因為"菜遠"變左生菜... 怪怪的！而且個沙嗲汁好稀，唔夠味。"星洲炒米"就好好多，乾身夠味，又大碟，老公話好好食。兩樣野都係$40，叫炒野可以半價加熱飲，飲熱奶茶加埋就係$47/位，但係好奇怪地，牆壁上貼左推介４樣食品︰海南雞飯、星洲炒米、豉椒牛河，仲有一樣唔記得，寫住奉送熱飲$48！散叫加熱飲仲平過佢個推介？！建議老闆快D 搞搞個定價，執返好佢。炒野OK，會再encore ，下次再試其他。

和Shirley的爭拗終於得出結果了.... 某天當我吃着弼街金華餐廳的雞批時批評它不值八元，說聖安娜的也不差，只需五元.... 但今天下午我吃了聖安娜的雞批，晚上回家又吃Shirley留給我的金華雞批..... 發覺金華的雞批竟比聖安娜的雞批大逾倍，味道更是超班。 批皮鬆脆，間或咬到了像粗沙糖的物體，原來是芝麻，它豐富了口感； 餡漿的濕潤剛好中和了外層的乾涸，帶着洋蔥的香味，磨菇的彈性和有嚼勁的雞肉，可算是街頭頂級雞批，難怪其門如市。 不知是否經一整天工作後胃口大增，還是Shirley的誠意兼焗爐製造的溫暖，我竟覺它值68分，當中可能帶有感情因素......

Hotdog and pineapple bun with a thick slice of butter are must-have of Kam Wah according to most of the review from openrice. Although I’m neither a big fan of hotdog, nor a big fan of pineapple bun with a thick slice of butter, I still came here to try it. Apart from ordering these two food items, I also ordered a glass of coconut milk with red beans.Hotdog - They made the hotdog with sausage, sliced tomato, lettuce and relish. They didn’t seem to put any mayonnaise in it. The hotdog bun was wa

今早在此餐廳食早餐，不是第一次，經常在四人卡位搭上不同客人，即一張枱四人不熟悉，又坐唔落很迫，今早食的公仔麵又唔熟，火腿又無煎，非常難吃。其實他的招牌菠蘿油也不是太好吃。所以我打算都不會有下一次。

如題迫迫迫、趕趕趕都要食之絕不欺場之奶茶和菠蘿油，奶茶好滑，是奶茶精BILL TAI TAI 心水TOP 3的茶餐廳！凍奶茶唔知，但熱奶茶多數掂！唔使多講一定要飲番杯！另外就是菠蘿油- 這個邪惡之物！明知肥死，就一定要死在一個最好吃的菠蘿油手上！轉數快都係有關係，金華的菠蘿油永遠是熱辣辣新鮮出爐！難怪堂食外賣都咁受歡迎！ 個皮好脆，熱辣辣的包將那件厚厚的牛油溶化得恰到好處！總之一句講晒，趁熱食！另外下午茶的炸雞翼和酥皮蛋撻都係我大愛之物！雞翼係全翼，夠份量，加埋個酥皮蛋撻就係一個幾飽肚的tea set！推介！今日在舊店迫迫迫餐死，出去埋完單才發現金華已經擴充要埋隔離間店舖，以後再來可以坐得舒服d 啦！

菠蘿包新鮮熱辣，散發陣陣面包香，菠蘿包表皮金黃色，內裡軟綿綿，回味無窮。很可惜牛油很快便溶了，影響到口感，吃不到半溶的牛油菠蘿包令人失落。下次再吃金華的菠蘿油一定要不理儀態極速食才行！