金華冰廳

营业中

休息中

再寫金華，唔寫招牌菠蘿包、奶茶等等。寫下晚市炒野。今次去左擴充了的隔離店舖，新淨又坐得舒服些。一入座唔知叫咩好，個伙計哥哥仔即刻推介吃我地吃炒野，話又大碟又好味。老公叫左個"星洲炒米" , 我就叫左個" 沙嗲菜遠牛河"，不到5分鐘上菜，果然係好大碟。但係" 沙嗲菜遠牛河"比起"星洲炒米"相對失色，因為"菜遠"變左生菜... 怪怪的！而且個沙嗲汁好稀，唔夠味。"星洲炒米"就好好多，乾身夠味，又大碟，老公話好好食。兩樣野都係$40，叫炒野可以半價加熱飲，飲熱奶茶加埋就係$47/位，但係好奇怪地，牆壁上貼左推介４樣食品︰海南雞飯、星洲炒米、豉椒牛河，仲有一樣唔記得，寫住奉送熱飲$48！散叫加熱飲仲平過佢個推介？！建議老闆快D 搞搞個定價，執返好佢。炒野OK，會再encore ，下次再試其他。