金船長餐廳 (已結業)

尋晚同老公係專程黎試一試,不過真係唔易搵,門口仲無咩特別到原來行過左都唔覺,一黎門口無人等位,二黎好似無招牌咁,結果要打去問先知原來行過左添!我地BOOK左8:30 ,去到其實係未夠鐘既,我地早左15分鐘到,所以諗住係門口睇下D介紹先喇,好快已經有職員出黎喇,又咁橋前個輪客早走左,所以我地即刻入得去喇,店鋪唔大,比較暗,枱與枱之間既距離太近,仲近過大家樂個D,見到附近幾枱食既野都係差唔多,都係既,個幾樣出名嘛!所以我地都有叫呀~~~黑松露菌醬意式馬斯卡普芝士夾心比薩~味道幾特別,有3種食法,職員亦好細心解釋,我都同老公都鐘意加汁食,但係份量對於兩個人黎講實在太多,有8件,食到第3件已經覺得好' 漏 "呀!精選意粉(煙三文魚香草雞絲墨魚麵)~我地叫左廚房推介2號,因為唔想自己揀出黎唔好食,份量對於2人食係OK,味道不過不失!朱古力心太軟:本來都好想叫梳乎里,不過我鐘意食心太軟多D,$38 一個心太軟+雪糕,不過有D失望,心太軟太細,外皮唔脆仲好厚,,食落好似有D好似怪怪地既味道,真係情願唔好叫甜品算喇!P.S. 可以加$30 就有一碗湯+飲品! 總括黎講都叫OK既,店內職員態度很好,亦很

近期好忙，現在才得閒推介食過的餐廳。我和朋友二人約於7點半去到，無book位，所以侍應要我們於9點前還枱，當然無理會。如果你是駕車人士就覺得超級方便，餐廳對出成條街都是錶位(可泊兩小時)，我一去到就有車位，真是十分好彩餐廳地方雖然不太，但裝飾佈置是用心的。侍應招呼好，有禮貌，樂意回答我的提問及介紹菜式。我點了一客漢堡包、自選配料天使麪及牛柳。漢堡包的漢堡肉非常有肉汁，芝士很香，而且其他配料(例如：芝士、生菜及酸菜等)的份量都很適中，使食的感覺很好，d配料唔會跌到周圍都係。這漢堡是比我食過多間連鎖漢堡包店的漢堡包好食，再加上配的薯條超新鮮，大大條，脆卜卜，食完後已很飽，所有連天使麪都吃不下，請侍應幫忙取消，估計都無可能，但經理好好幫手取消，我們改叫心太軟(加$20)。我朋友仔表示牛柳就太普通，可以話唔好食。心太軟就幾有水準，可能食完漢堡包的我心情大好，覺得好食。

尋日(1-3-09Sun)同家人睇完骨灰位,我同男友跟佢o地分道揚鑣,出o左去大角咀廟會.然後o黎呢o度食晏喇.同男友等o左一陣就有枱,入到去,好暗同full晒,由於唔係好餓,於是我o地叫佢o地話自創同得獎$98.00o既黑松露菌pizza同$38.00o既火焰雪山(因為好耐冇食呢樣o野喇).落order時,男侍應提議我o地叫一個黑松露菌pizza餐,只加$25.00就可以食火焰雪山.啊,咁好啦,餐湯我o地就叫o左薯蓉湯.侍應都問我o地係咪share o黎食,我o地答係.好快,唔大碗o既湯同蒜茸包都到o黎,我試吓湯,好creamy,味道夠濃,好味,不過冇薯茸o既?而男友都覺得好味.飲完後,我o地一直等呀等,等呀等,等o左好耐,見到個黑松露菌pizza喇,不過唔係我o地o既,係另一張早過我o地入o黎o既客人.咁我o地又繼續等,足足等o左有15分鐘,我o地o個份終於到喇,女侍應問我o地係咪第一次食呢個pizza,我答係,佢就好快咁介紹呢,話有三種食法,講完我就跟佢咁講.第一件,完全唔加伴上o既配料,因為已經有芝士o係面.芝士味係夠濃郁,餅皮脆脆,又熱烘烘的,而內裡o既黑松露菌,好老實講,食

終於都可以黎到一試了.雖然地方係麻煩了一點.但係都黎左....一試我同男友都覺得不錯的.可以再去.我地點左3樣野已經飽晒.1)金船長芝士漢堡我覺得有O的普通. 係O的CHESSE 好正.個肉冇乜味.. 有O的實.** HUNG HOM 時新都好咪過佢...不過呢個都可以一試.2)卡邦尼汁墨汁面+ GARLIC,CHEESE+煙三文魚超級好味.我食到停唔到口. 不過有O的可惜..三文魚老左O的.3)SEAFOOD 意大利飯好味...第一次食意大利飯的.都覺得好好味.好特別!!**另外.我知佢的黑松露PIZZA 係好食.但2人去..要三思食得晒先好食.唔係就要打包..."SIDE" 晒...因為我見隔離的2人都食唔晒.多人食就好.因為有8件呢..

朋友介紹去食,見食評又幾好便叫朋友訂位去試下.餐湯麻麻地,叫海鮮湯其實得紅蘿蔔同茜芹加雞湯再有d香草係面咁. 雞翼外皮好脆,都幾好味! 黑松露菌Pizza,真係好香好好咪,要即時熱食一流!老細見我地第一次來仲介紹左3個食法,每個食法都有唔同感覺,真係要試下. 車仔意粉,個番茄醬係用鮮番茄做,味道唔錯!朋友之前食過漢堡包話味道一般,所以今次叫左中東牛肉包,但唔係好夠熱,都係一般...芒果奶凍賣相好靚,都好滑,幾好. 心太軟,好有朱古力味朋友教要把溫呢拿雪糕一齊放入口,味道好夾,好好味,食完好有滿足感! 服務幾好,唔知係唔係坐近水吧位,個老細一聽到個風位吹頭即刻教返細,又同我地講解食物同點解要咁設計,好NICE! 整體味道同賣相都幾好.好多時用有機棻伴碟,材料都幾新鮮! 舖頭細細又係咁唔顯眼既位置,居然有咁既水準,真係唔錯!! 一定會再去食!

爐兄相約大家在大角咀的"金船長"開年,聽落也有點莫名奇妙.此店是友人子陵兄,其中之一間最愛.我們是夜十一人,霸佔近門口的一張大檯,齊齊同爐兄,里奧說聲恭喜發財.菜式一早點好,先來的是小食拼盤,洋荵圈,雞翼,咖喱角,送酒之佳品.其後奉上的清湯,味道清甜不濁.凱撒沙律是每次去美式餐廳,必然之頭盤之一,如果用上的芝士味道濃一點,會更合乎我口味.金船長的漢堡包,子陵曾經大力推介過,其漢堡份量十足,牛肉漢堡扒自稱是手打,吃落肉質頗為鬆軟.但是伴碟的薯條就有點不足,吃下去還帶一點點雪味,顯然打得不夠透.在這些地方吃西餐,通常也會吃到一點創新之菜式,好像這一道黑松露菌醬夾心薄餅,揉合芝麻蝦同西多士做法,做出這個薄餅.得出來的結果出奇地好,香脆乾身,黑松露醬香氣四溢,完全是出乎意料之外.另一個薄餅是Parma Ham薄餅,薄餅底很薄恰如其份,面頭卷著的風乾火腿,味道不算特別咸香.另一樣最受歡迎的項目是意粉,我們是夜吃了白汁扁麵配火腿粒和香草,同焗芝士墨汁麵配三文魚.也不俗,麵條吃下去亦有點彈牙感.白汁一向是扁麵之最佳朋友,此配搭得出來的結果不會差,而芝士的濃香,同黑漆漆的墨魚麵也很夾.去到Risott

最喜歡到金船長吃她的下午茶!!!!!!!!!!!因為比起其他餐廳的下午茶，金船長的真係水準高，又平又好味！！但是現在要番工，就無機會吃了～＞＜我的金船長至愛：芝士蘑菇白汁天使麵 一定要食！！下午茶吃真係抵到喊！！因為她不會因為是下午茶而減少份量，而且芝士很重，很香，很滑，很ｃｒｅａｍｙ，吃完後，口裡面還有很令人回味的芝士．．．．．．其他值得一提：6" 千島醬ｐｉｚｚａ這個還可以，比其他ｐｉｚｚａ專門店常餐入面的ｐｉｚｚａ好，足芝士而且很鬆軟。金船長漢堡ｃｈｅｅｓｅｂｕｒｇｅｒ這個大家都知道是招牌菜，但我就覺得有點兒失望，可能不是太熱和肉汁不夠鮮美。可能本人吃過在澳洲的Ｈｕｎｇｒｙ　Ｊａｃｋｓ，同埋在太子吃過某一間冰廳的豬扒ｂｕｒｇｅｒ，所以比較下，金船長漢堡只是夠大，而且對香港人來講，這個的確是有特色，先吸引那麼多人吃。薑汁海鮮意大利飯這個稱不上特別好味，但不喜歡薑汁的我，都覺得不錯的。

睇食評睇得多我係 burger 同 risotto 愛好者一心諗住晏晝冇乜人黎就可以試下出名o既芝士牛扒漢堡 同 意大利海鮮 risotto星期日晏晝, 的確唔駛等位其實都估到有下午茶餐, 但都諗住點都試下 o個兩樣但係下午茶餐真係勁平 (<$30) 同有野飲跟平到我覺得如果叫 burger ($44) / risotto ($72) 但冇野飲跟真係有 d 唔抵結果叫左蘑菇白汁天使麵 同 6" 千島醬 pizza其實等食期間都好唔開心因為真係一心黎試嘛但係.... 天使麵 --- 超 good 呀!!!!!!!!!!!!我好鍾意 creamy o既野呢個真係超 creamy, 好味到暈pizza 都幾好味, 但唔係好特別囉, 但真係好平埋單只係 $61.... 今日心思思又想去食啦!!!!其實我唔係覺得 risotto $72 好貴只係佢個下午茶餐太平唔叫好似對唔住自己天使麵都咁好味唔敢想像個 risotto 會點好期待

大約五、六年之前，在不顯眼的大角咀大全街，開著一間由酒店級大廚主理的「意式」餐廳，走的卻是大眾化路線，可以想像到，這條路殊不可行，但總算能克服到各種的困難，多年下來，小店生意穩定之餘，更屢獲好評，獲開飯當局評為熱店之選，除了三分運氣之外，大部份也是餐廳努力的成果。馬屎拍完，始終都要親身品評才知真章，較早前和一眾食友辦了一個試食團，一行十餘人，試盡店內多款招牌菜。話又說回來，與其說是「意式」，用Fusion菜來形容更加貼切，除了一些自創的食譜之外，一些美式餐廳的食品，也有供應，生意難做，放在這個地區和處境，尚可體諒。其美式小食的拼盤、牛尾清湯和凱撒沙律，能給予食客的信心。美式餐廳的巨型漢堡，這裡價錢平了一大截，各點了牛肉和羊肉兩款，其肉餅是自製的，有彈性的口感，也有肉類的原本味道，肉汁也得以保存，雖不是燒的，但也不是一些食客所言的「清蒸」，沒有下重醬汁調味，想是特顯肉餅的原味，其餘的餐包和配菜，也跟足規格，唯是晚薯條略欠脆口，記得剛開業時在午市試過一次，味道上有點今不如昔。其招牌菜之一，是自創的黑松露菌醬夾心Pizza，體現到Fusion菜的特性，賣相一般，看以街邊的蔥油餅，味道則是另一

我之前聽朋友講過話好食, 不過又見到食評話d職員服務唔係幾好, 所以一冇去食。不過昨天又比朋友訂到位喎, 咁就去試下啦!食物一流! 我見冇咩人會叫佢既牛柳, 不過朋友話一定要試, 所以叫左一個set dinner. 湯幾特別, 而個牛真係好好食, 肉味好濃, 好有水準!金船長芝士漢堡: 好好食, 塊肉好juicy, 不過一定要記得走酸瓜...車仔意粉: ,要左精選二, 個汁加埋兩種cheese真係又香又好食, d白菌同煙三文魚都好多, 真係好好食!! 不過呢個都幾飽的...甜品當然要試心太軟, 雖然食完個意粉已經好飽, 不過我都一定要試, 我好喜歡朱古力, 亦覺得佢整得幾好食。職員的服務一流, 係收碟收得快, 不過唔係我一食完就趕住收, 係好正常見到你食完咪收走囉! 唯一的不足係佢地點唔係好就腳, 但食物同服務都一流。

FOOD:1) 忌廉百汁什菌天使麵 不錯,但吃不出有甚麼特別,在別的地方也能食到...但個人黎講,好LIKE呢味菜,So我都N鍾 意食...2)金船長漢堡 O......真係有好厚既漢堡,D汁真係好多,七成熟既漢堡,JUICY...芝士REALLY溶曬,仲真係 有有芝士味^^配既薯條不油淋淋,也不太乾,不錯.....不次有機會會再嘗BURGER(ps,記得 走酸瓜)3)黑松露菌醬意式馬斯卡普芝士夾心比薩 真係extermely cheesy....但係不是平時食開既車打cheese,芝士味比較濃!不過,佢 prepare左一隻''提子味''既sause,酸酸的,再加埋一些沙律菜,感覺冇咁''溜''.但是吃了兩塊 之後,勉強吃了第三塊,但放不下第四塊了!!! 可能我們也不太喜歡那黑松露菌的味道。SERVICE: 服務態度真的不錯,未夠2:30p.m.都俾我地嗌tea set,仲有好nice既笑容。之後仲有人教 我地點樣食個pizza。感覺還親切呢!!仲有食意粉曷要加黑椒,佢樂意得很,還幫我們直接 加到意粉上,那是''電動即磨機'' 呵呵 ^^F

之前睇到好多食評講到好好笑...而咁岩訂到位...於是去試試...食物味道好普通...唔覺得好似人地講咁好味...價錢跟味道不成正比...服務態度麻麻...可能覺得唔方無生意...個個似老闆既人態度好差...d員工又係咁收野...有時仲有少少先食晒...不過佢就衝黎收...好反感...所以唔會再黎試lu~

湯又不是那麼特別好，paster只是一般，那個所謂的pizza 只是不過普通，因為它的Cheese 味有點兒過火；個burger更加不知所謂，七成熟的burger?他們用的肉根本在幾多成熟下都沒有分別；再加上那杯連什麼coffee bean都不知道的coffee和非一般難吃的Creme Brulee。那餐廳就連茶餐廳都不如，西餐廳？我想它是茶餐廳吧。

車仔意粉係必食...每次都覺得好好食...我本人好中意食pizza hut既海鮮闊條面...但食過呢度既車仔意粉後就唔再食ph啦..哈哈..我唔記我點左d咩料啦..但一定要兩隻芝士都要點齊~~漢堡包又係勁好食..食左咁多次每次都好食...夠juicy..d配料又正..而且薯條又好食...正呀!!心太軟都ok...雖然唔係最好食既心太軟...但係佢都做到果個漏出黎既效果..好滿足...唯一不滿意既係個雜菜湯..好似飲水咁..同埋黑松露pizza個味我真係接受唔到....同埋就係地點勁唔方便..每次d的士司機都搵餐死..

前幾日同個朋友去左食lunch, 一心諗住食burger, 同心太軟, 因為個個都話正.我地要左一個chicken burger 加 cheese, 哩個真係幾正, d cheese 係溶出黎, 係好有cheese 味, chicken 個 souce 都唔錯, overall 係good~ 之後要左個黑松露菌芝士夾心pizza, 完全唔得, 個味係好奇怪, 如果冇左個提子souce, 我同個fd 一件都唔想食, 最後努力下, 都只係食左一半!之後個心太軟, 係我食左咁多最差o既一個, 佢好明顯係未熟, 我仲食到d 生蛋味, 溶o既chocolate 又唔夠熱! 我同個fd share食一個都食唔晒.我係未試過食唔晒一個咁細o既心太軟, 今次都算係第一次!