金船長餐廳 (已結業)

瀏覽openrice都很久了，但寫食評是小妹第一次！令我建立成為會員寫食評的就是這間金船長了！看過openrice關於金船長的食評，評價甚高，所以藉著復活節假期品嘗下(還有去royal garden吃自助餐，都唔錯)，點知金船長真的令我很失望。或者應該這樣說，我並不是對這餐廳失望，因為我根本未嘗試過，而且入口並不是太難食，只是並沒有這裡的食評那麼誇張。如果抱著看完這裡的食評後到品嘗，定必失望！令本人寫食評，正正就是想告訴各位事實，不想大家抱著一個十分祈望的心情嘗試！由於此餐廳的價目、食品及食品圖片，都有很多朋友介紹過、張貼過，所以在此不再多說了！是次點了以下食品：檸什味道不錯黑松露芝心薄餅味道真的很普通唯一可讚是廚師很有心思金船長芝士漢堡包果舊漢堡扒可以講仲差過早餐去快餐店食的牛扒完全冇肉味不要提牛的味道好了那片肉很象加了鬆肉粉般成舊肉像沒有靈魂般當時完全不知道自已正在咬著什麼東西總之十分差.................麥當當比她們好得多梳乎厘ok唔係太好亦唔係太差最係評語是可一、不可再！

好的食店都會吸引我去試試, 今次去到大角咀區搵好味食店, 輪到金船長了, 根據地圖, 找了很久才找到嘩, 真的很多人等, 咁偏僻的地方都吸引了這麼多食客, 犀利! 等了五分鐘便入內坐, 餐牌主要係漢堡包, 自選意粉, pizza同甜品, 要了黑松菌薄餅, 招牌芝士漢堡, 肉醬意粉同心太軟, 食物全部都唔算好食, 例如個薄餅好似係多士而唔係薄餅, 漢堡同意粉同一般餐廳無大分別!最值得食係個甜品, 心太軟, 賣相幾靚, 朱古力夠香, 夠熱, 個cake都軟熟, 咁多食客, 唔通都只係想食呢個?服務唔錯, 侍應好有禮貌, 笑容可鞠, 係全店最有價值既地方!

無記錯既話...金船長開業大概兩年幾由岩岩開始無乜人識, 食到而家街知巷聞水準仍然都keep到, 難得難得以往同女友差唔多一個月黎一次食既野通常黎黎去去都係果幾樣隔左三兩個月無去, 一坐低order都係叫返果d 野真係好似一個習慣 hahahaha例牌係湯+一個車仔意粉/焗飯+ pizza+甜品+檸茶湯 - 飲左農村清湯同大蒜薯茸湯, 呢度d 湯一向都唔錯, 款款都做得幾好車仔意粉 - 通常都會揀卡邦尼汁扁意粉, 味道都ok, 份量就比以前細碟左, 無辦法物價上升, 明白既...黑松露pizza - 每次都想試第二d pizza, 可惜最後都係敵唔過呢個得獎菜既誘惑, 真係太吸引啦!! 外脆內軟, 好香但唔濃既芝士味, 點少少提子醋加埋d 伴菜一齊食, 咁就唔會覺得"漏", 一絕呀!!蘋果批 /梳芙里 - 蘋果批味道唔錯, 但如果再脆d 口感仲好; 梳芙里好食, 仲有幾種味揀, 最愛都係原味同香蕉味!

大角咀路段冇路標,而且金船長門面不起眼所以唔熟路既人可能要搵一輪~ 佢係金家樂(茶餐廳) 對面街 / watsons+惠康轉左既街尾星期日, 12點30分去到已經要等位 個老闆叫我地weekend訂位會較方便,仲俾埋卡門我地還好等左一陣就入得有set lunch (around $40), 但我地就當然只叫名菜啦服務不錯~雖然忙但都很有禮~不時添水上菜速度幾快, 等1,2個字就有得食裝修都不錯,係光線不夠+唔係寬敞,但問題不大既一行2人, 叫了1) 黑松露芝心薄餅 2)金船長芝士漢堡飽1)黑松露芝心薄餅 (around $90)8件(其實size不太大的), 很好吃!* 個中髮waitress介紹呢個囉獎菜式,原來有3種食法: 1)就咁食 2)點jam食 3)點沙津菜食2) 同3)食法都好正! 朋友就中意2)既食法不過幾溜,勁多cheese~ 我和朋友各食3塊就掛了. . 不過2個男仔會食得哂2) 金船長芝士漢堡飽 (around $50)叫burger包埋薯條的,薯條雖然只是配角,但很好吃! 又粗又有薯味,很新鮮個burger就咁睇無咩特別,但一開很厚很juicy的漢堡! 起碼係m記

睇完地址去食, 喺大角咀, 去到先知一啲都唔易搵先嚟既係黑松露菌醬芝士夾心薄餅, 好似係用多士做既飛碟多過係一個pizza, 唔係咁好食, 食到第二件已經漏...自選車仔意粉要白汁雞肉意, 味道ok, 唔係差, 只不過唔算好特別, 只係可以自己揀餡而已!跟住甜品係朱古力心太軟, 心太軟要好食朱古力一定要香, 但佢地既朱古力只係一般...服務幾好, 侍應盡心去做, 只係食物真係一般..

之前見d食評好勁咁就好想去試下喇~~終於都去左lu~~點左幾樣都係呢到最出名o既野食1. 金船長芝士漢堡~個漢堡好juicy~2.黑松露菌醬意式馬斯卡普芝士夾心Pizza....個個都話好好食.仲拎左獎嫁......點知~好失望...一d都吾好食~如果唔點個汁真係吾知點放入口呀.....3. 三文魚什果沙律~~食完d咁heavy o既野之後~食呢個好似清清腸胃咁~~4. 朱古力心太軟...呢個真係好一般~同埋d位迫迫地....同埋好嘈.....總括: 就唔覺得呢間野特別好食~!

去過金船長已經無數咁多次，但次次都係食LUNCH SET，冇乜心機寫食評﹗雖然佢D lunch set都唔差，但又未好到或差到要寫食評lor﹗星期日把心一橫，唔食lunch set，叫左個金船長芝士漢堡，嘩.............真係好好食呀﹗一望落去，見到咁大塊牛肉，都已經知係好鬆軟，成寸咁厚，唔怪得之waiter要問我地要幾成熟了﹗伴碟仲有好多肥薯條，真係望到都知到好嘢﹗首先食薯條，嘩，熱到呢，真係啱啱炸完攞出黎，雖然係好熱，但係呢d薯條先係最好食﹗之後食個burger，個d芝士溶左落個牛肉度，再加上塊牛肉真係好軟，味道剛剛好﹗如果係要搵嘢挑剔的話，就要數牛肉唔夠juicy，但對於我黎講，我覺得已經好perfect 了﹗下次再去試埋個黑松露pizza先﹗

今日試左openrice 好多人話好食既金船長餐廳 之前book左好几次都book唔到 今晚終於食到了 不過唔知係唔係期望太大 佞後感麻麻地而已 最衰今日出門口太趕 唔記得帶相機我地一行4人食左好几個老闆介紹的主打菜式如下:1) 黑松露菌pizza 几新穎的一個pizza 個外型似中式果隻雞蛋夾餅 中間個醬都几好食 不過好"溜" 一件起2件 止 我地4個人剛剛好 一人2件 再食多件就too much了....... 值80分2) 煙三文魚凱撒沙津 平平無奇 生菜不是正中的沙津生菜 煙三文魚有4件 算係咁啦.....3) 牛肋骨 十分差 好"硬" 成舊石頭咁 我同d朋友都對依個牛好失望 枉個老闆仲勁sell4) 漢堡飽 個waiter問我地要几成熟 真係估唔到漢堡飽都可以要几多成熟 之後我朋友話7成啦 $60 都算抵食 有好多薯條伴碟 好粗既薯條 我好鐘意 個漢堡扒都ok 不過我自己覺得唔夠 juicy 5) 墨魚汁pasta 都几好.....可以自由配搭sauces, pasta 同埋 料 自由度几高 老闆會問你喜好 之後幫你

今日難得放假，點都要俾自已既胃口享受下。咁就同幾個老友去左呢度食，呢間都好巴閉，唔訂位都唔知要等幾耐。而且訂左位都剩係幫你hold一個字，所以book左位都要準時呀。另外，佢地會有食野既限時，一般都係一個鐘頭三個字。我地三個叫左兩個餐，金船長芝士漢堡、焦糖燉蛋同火焰雪山。餐湯分別係羅宋湯同忌廉湯。個羅宋湯都有濃郁既蕃茄味，但料就唔算太多。而忌廉湯就唔錯，個湯好夠味同好濃。絕對唔係"麵粉"湯。牛仔肉呢個唔錯既，肉夠淋之餘，肉味又夠。而且又唔會太熟或者太生，不過配菜既薯條就唔係太熱，可能係炸左薯條既緣故啦。辣肉醬天使麵個份量都幾多，肉醬酸酸地幾開胃。而天使麵又唔會太淋又唔會太硬，可見整天使麵要相當既技巧。話明辣肉醬，就應該辣辣地。點知唔食得辣既美女都唔覺得辣，可見個名有......金船長芝士漢堡絕對好食過某連鎖快餐店。個漢堡雖然唔算大份，但製作好認真。個牛肉都幾大舊，肉質juicy。而配菜既薯條係新鮮炸起，卜卜脆，好好味呀。焦糖燉蛋呢個係凍食既，個蛋味好夠，而且好滑。美女話熱食既都唔錯，但面頭既糖膠可能會溶哂。而俊男話想享受燉蛋既美味，應該糖膠面輕敲一下，糖膠同燉蛋一齊食先最好食。可

H今日做壞學生,退學跟K專程去試金船長的黑松露菌芝士夾心比薩,其實H大約在兩年前曾到此試吃漢飽,但今次是為極多人推介的黑松露菌芝士夾心比薩以來,只可惜換來的是失望!先點吃了目標: 黑松露菌醬意式馬斯卡普芝士夾心比薩 ==> 份量都幾多,有8大件,但沒甚麼味道,不講黑松露菌味,就連芝士味都不濃,頗失望,吃完都不知黑松露菌是甚麼味呀 ~~後點吃了:車仔意粉==> 味道OK,但不算出色, 而且廚師落牛油太重手,碟底全是牛油總括食物質素只是一般,以食物來評價錢亦不便宜,但服務幾好, 不過H&K日後都再難有興趣專程來試食!!

今晚晚餐係金船長餐廳,係openrice得到過百好評之餐廳之一,希望可以吃多幾間過百好評既餐廳呢食既係個名好長既黑松露菌醬意式馬斯卡普芝士夾心比薩,自選意粉揀了白汁雞肉火腿天使麵同心太軟!黑松露菌醬意式馬斯卡普芝士夾心比薩係夾餅的pizza,坦白講,味道只係一般,pizza好似多士,面頭會有好多芝士粉,另外黑松露菌醬其實食唔出什麼味道,只係淡淡的一股像焗田螺用的牛油味...最大問題係食到第二塊已經覺得好漏...自選意粉都幾好,因為可以根據自己既喜好去決定吃什麼,而天使麵係我既至愛,個白汁底都ok,幾好味,不過因為個pizza漏,所以食天使麵既時候胃口已經打左折扣了..心太軟好好味,朱古力係漏出嚟,但蛋糕軟熟,甜唔做得唔錯..服務好好,特別係女侍應大多都好好態度,抵讚,但食物就一般而已..

之前睇過呢間餐廳d食評覺得唔錯，想黎試好耐，不過一直冇時間，!咁岩早幾日因為工作上約左個客係大角咀，所以就順便同個客過黎晚膳，發覺d食物都幾有水準，係地方細d，不過今時今日租金昂貴既市場下，我都唔奢求話可以坐到好大既地方金船長小食拼盤 - 呢個叫做ok啦，全部都係炸野，叫做咩都有唔係太好又唔係太差金船長芝士漢堡 - 好大，未試過食漢堡要用刀切，而且肉汁夠，配上溶左入去既芝士，好好食！黑松露pizza - 呢個係得獎菜，所以一定要order試試，經理介紹左3種唔同食法，我覺得三種食法都有唔同口感和味道，其中夾住pizza配菜食，我就覺得係最好，可能我鐘意d比較複雜既口感食法啦~而且有成八件，真係好抵食！心太軟 - 甜品我唔係太高要求，朱古力+雪榚配合ok，不過我嫌佢太細粒服務方面非常之好，招呼和照顧都做得好好，比起其他餐廳既服務方面，呢間好明顯同員工做過顧客方面既培訓，不過今次因為得我同客兩個人，人少關係試唔到其他菜，下次有機會我會約埋女朋友過黎試下其他上次未試過d推介菜！

下午茶常常吃，今次試晚餐，仍然好抵食~!黑松露菌醬意式馬斯卡普芝士夾心Pizza- 好多件呀!!! (一共有8塊)，而且每塊都幾大同厚，同男朋友吃2個人真係食唔晒~~- 好特別的提子汁醬，真係冇諗過會咁配搭，但係又配得幾好味喎!- 個經理還向我們介紹有3種食法: 1) 就咁食 2) 點提子汁醬黎食 3) 同埋or夾住pizza既配菜一齊食- 我就建議"2) 同3)"的食法，因為pizza本身比較乾，點小小會冇咁乾，而且甜甜地幾好味~- 經理友善地向我們介紹，咁我們都俾d建議啦: 可否自選幾多塊黎食呀? 有時唔可以一大班人去，又想吃多d不同食物，又想食埋呢 個pizza，8塊真係2個人黎講太多了..>< (我好似好貪心咁，咩都想食XP) 希望經理人們可考慮啦~~車仔意粉- 墨汁麵+2種芝士+蒜茸+三文魚+白汁+雞肉- 我很喜歡吃金船長的天使麵，今次就試了墨汁麵，一樣了不起!!!- 因為這個車仔意粉是客人可自選配搭，我覺得這個心思很好呢，客人可選自己喜歡的 ^.^- 店內有2種芝士揀: Mozzarella 水牛芝士 & Parmesan芝士 (唔知有冇

「金船長餐廳」,這個名字對我已經不再陌生了~因為之前也在openrice看過食評,很多人都讚賞喔!!!所以一直都想找個機會去試試這裡的”心太軟”(因為本人喜歡吃喔><)今天,終於有機會了,懷著期待的心情去品嚐一餐~~今日和男朋友仔去左奧海城睇5:00場…我地book左7:30…..咁我地就準時到達…平時睇開食評個個都話呢間野既氣氛好…..我滿心期望….誰不知…..一入到去….已經一眼見晒個地方…之後我地好似搭”木台”咁(因為太迫…跟本與鄰近坐位沒有距離,失望~.~”)好喇…開始叫野食了~我地叫左”黑松露pizza”、”意大利海鮮焗飯”、”金船長小食拼盤”、”心太軟”……^^”金船長小食拼盤”(5分)裡面有”炸油魚蘇、雞翼、炸洋蔥圈、咖哩角”炸油魚蘇-----沒有味,我寧願食酒樓的好過!!雞翼------沒什麼特別!!炸洋蔥圈-------脆皮粉太多了~不知自己吃緊什麼似的咖哩角-----真是抱歉,我完全吃不到咖哩味?”黑松露pizza”(7分)食落口的口感也蠻得意…..很香的芝士味,加上提子醋更香口!!可惜..什麼黑松露我根本不知是什麼味…..這道菜,吃得多也很膩喔!!

一去度, 就見到manager 在phone confirm booking 中, 其實我地book 7.30pm, 都係6.00pm 先收到call confirm, 似乎地...真係好多人黎食喎!!!um...店舖有點細...用左有限既空間去service 無限既客人...kaka...不過manager 都好nice 又好忙咁introduce 左d menu.我地點左:金船長芝士漢堡一開左四,個漢堡好厚喇, 個口好似唔係好夠大. haha.到後尾我都係有用刀切~ 据扒咁, 好有肉汁喇, 唔會硬, 加埋溶左既cheese, 好味!係個薯條唔係好薯同有d'林'.車仔意粉- #3天使麵+意式香草醬+蒜茸+三文魚+紅甜椒+黑水欖+中蝦車仔意思係可以自己pick 想要既sauce呀, main course 呀, side 呀, 我地就要個set好左既, 唔要chicken 要左salmon,個manager 話綠綠地, 好靚架,點知, 黎到, 見唔到有salmon既?問個waitress話miss左, 即係拎入去幫我地加番,之但係...d 天使麵出番黎個時...碎曬...似乎係就咁加落