金船長餐廳 (已結業)

I have read a few positive comments on openrice, and thus would like to give this restaurant a try. We arrived late on a Monday evening, and were greeted with a sincere smile as we walked into restaurant. Though we have made no reservation, the manager kindly seated us at the one last table inside the restaurant.We have ordered wings, another starter (forgot already), burger and pasta. I wouldn't say the food are the best in town, however, given the price they charged on each dish, I can see

大角咀有好味意大利食店，如何能不一探究竟比預約的時間早到，未夠七點，很多吉枱，但店家依然只安排坐窄窄的二人枱食物種類頗多，尤其意粉可以自己配搭，幾得意提供的水有香草味，雖然減去了水喉的味道，但飲落總有點怪怪的感覺~煙三文魚凱撒沙律沙律碟頭不大，菜只用了生菜，麵包粒略細，沒有蒜蓉味，相信只是用硬身法包壓碎。煙三文魚貨色一般，煙薰味不夠香而肉質也不夠嫩。最失策的地方是煙肉粒太細太少，沒有香味也不脆，令到整盤沙律很淡。如果沙律菜可用上多幾種不同的菜，加多些沙律汁及多一些煙肉，根本不用加煙三文魚或其他肉類都會好好食。羊肉漢堡飽推介菜色自然期待高一點，可惜換來的是有點失望。首先其實味道是不錯的，不過未到 "好" 的級數。食得出店家很細心的把包先烘脆才夾上羊肉，可惜沒有牛油味，若果先塗上牛油再烘應該會更香口好味。另外身為主角的羊肉也有點遜色，首先羊味不突出，如果要我估的話，我實在估不到食的是羊肉，而且不夠 juicy, 其實可以說是有點乾，但又未乾到漢堡扒會散開的程度。令人失望的地方是羊肉太熟，裡外都是同一種顏色，食落更覺得有點粗糙。卡邦尼汁龍脷蜆肉天使麵 天使麵的軟硬煮得剛剛好，龍脷柳沒有雪味但

昨天同朋友慶祝生日，有人說不想再吃日式、韓式…最後上OPENRICE睇下就揀左呢間。一行五個人，BOOK位個時真係有D晒氣，本來BOOK9點的，一來已經比人叫早D來…「不如8:45喇，我地留台15分鐘，可以留到9點」OK喇，都係9點…之後有人打來CONFIRM，個人又叫我早D來…「8:30來唔來到呀?我地留台15分鐘，留到8:45分」我「我地8點先係美孚出發，而且未來過，唔知來唔來到喎…」「咁8:30，留台15分鐘，不過你預返來到可能要得一陣喎。」(又要人早D到，之後又話早到要等…咩餐廳來咖…)去到之後果然要等，其實都等到8:50左右先入到去…叫左︰精選意粉2(非常好)海鮮意大利飯(非常好)帕爾馬火腿甜瓜PIZZA(好)煙三文魚PIZZA(很好)芝士BURGER(一般)心太軟(非常非常好)香蕉梳孚里(一般)個精選意粉2同海鮮意大利飯好好吃，非常有奶香兩個PIZZA都好OK，個包就一般喇，可吃可不吃…到甜品，個心太軟勁好味，一整開就好似洪水爆發咁流晒D朱古力出來…雖然只係食左一啖，不過真係非常回味至於個梳孚里，有蕉味，不過D質感同我自己整個D冇咩分別，可吃可不吃…

19/7/2009 (星期日)下午行去這間好有名氣的金船長食下午茶餐，這兒的下午茶餐有很多選擇，足足有廿款咁多，我就叫咗忌廉汁海鮮意粉($28)，再加$2轉我的至愛凍檸檬茶。忌廉汁海鮮意粉：意粉上枱時發覺料非常少，而且份量唔多，雖然意粉煮得啱啱好，唔會太淋，忌廉汁都好香，但確實有d失望。

呢篇係久封的食評, 太久了, 忘記了post. 近日有友人話想到訪此食肆, 想起這久違的食評. 好啦, 俾個機會佢解封. 四個人, 點了: 黑松露菌醬意式馬斯卡普芝士夾心比薩. 呢個真係得個怪字, 芝士味好淡, 又少少淡而無味feel, 外表係焗得幾脆既. 想加個source 試下, 會否配合點?! 原來那藍莓味的醬汁, 係唔加好過加. 好似香口膠咁的味道... 呢個真係唔多合格. 巴拿馬火腿沙律. 巴拿馬火腿算ok, 當然不可跟sabatini 相題並論, 但一分錢一分貨, 算係夠味, 收貨有餘. 哈蜜瓜ok 甜, 還可以. 白汁三文魚墨魚汁麵. 呢個雖然看似平凡, 但味道又幾唔錯喎. 白汁唔會太漏, 恰到好處. 黑魚汁麵有咬口, 也能吸收白汁和芝士的味道, 唔錯! 牛肉漢堡. 呢個都係期待的名物. 呢個沒有令我們失望. 牛肉仲係好嫩, 好軟熟. 加上蕃茄等配料, 又新鮮, 又健康. 熱騰騰的薯條也加咗唔少分!服務方面, 都ok, 見門外挺多食客等候, 也沒有催迫我們埋單. 但若對食物介紹可詳盡點會更好.

"金船長餐廳"，門口仲有得泊車，幾方便喎甘筍忌廉湯第一啖好有忌廉味，但越飲越啖，不過都OK好飲嘅鮮榨西瓜汁係要另加$10的，我肯定佢係鮮榨，不過唔知溝咗幾多冰，淡淡的我食C餐，煙肉白菌忌廉汁燴闊麵好好食，我仲要加勁多芝士粉餅餅食G餐，西冷牛扒配紅酒汁牛扒好食，唔嚡唔un無渣，好嫩，好食過自稱王者的扒仲有一個小食拼盆 : 蜜糖雞翼；咖哩角；洋蔥圈；炸魚柳蜜糖雞翼最好食，咖哩角食唔到有咖哩味兩個人食咗$156好平呀，西餐喎~~~計埋來回的士都唔洗$200相關網誌 : http://hk.myblog.yahoo.com/jessicalim1112/article?mid=7380

其實呢間餐廳都幫襯過好幾次。想當年因為佢在open rice有甚多好評，專程來試試佢的招牌菜，覺得都唔錯，但係一直都無寫關於佢的食評。最近又再幫襯，就寫寫這次光顧對佢的印象吧。今次來呢度叫左三樣嘢，分別係「金船長招牌漢堡包」、「炸魚薯條」同「海鮮意大利飯」。以下就係呢幾樣嘢的評價：1）「金船長招牌漢堡包」：可能唔係第一次食，已經無左嗰種新鮮感同驚喜，覺得雖然質素ok（當然比老麥好），但係Mos Burger同時新d漢堡包就比佢更加好食啦。伴碟的薯條就唔錯，算係炸得幾好。2）「炸魚薯條」：呢個老婆仔話有魚腥味，不過我又覺ok喎（可能我係貓啦），雖然唔係話整得好出色，但都算過得去。伴碟的薯條亦有水準。3）「海鮮意大利飯」：全晚最好味我覺得係呢個，個意大利飯幾有水準，幾正宗，好煙韌，好味。海鮮都ok，係份量少左d，整個飯吃起來膩滯左d，不過都預左Risotto係咁，所以叫定杯凍檸樂消滯。埋單兩個人夾埋差唔多$200，在呢區來說唔算得係平，不過呢度食物質素始終有一定水平，所以都仲幾多人幫襯，如果晚上來唔訂定位，都未必即時有位，隨時要等呢！

原本好掛住呢度的甜品，加上好耐無來過這裡吃飯，所以今天便來幫襯下啦，點之我和兩位友人都吃到一肚子氣......原本book了七點半，但是我們七點十分便到了，帶位姐姐跟我們說八點半要還木台，友人問： 「不是一個半小時嗎？」理論一會後，姐姐話我們可以坐到9pm。落單後，waiter很快便跟我們說如果我們想order甜品的話，最好現在落order，因為要花多一點時間預備，那我們只好叫埋啦。點之當我們吃到一半的時候，waiter們久不久就問：「d野還要不要的，不要的話我幫你收o左d碟o丫。」碟上好明顯還有食物，收o羊呢？我們看看錶，只是過了半個小時而已，距離還木台還有很多時間！！ 不要說9pm還木台，距離八點半還有大把時間，太討厭了！他們越是想我們吃快點，我們偏偏吃慢點！！差不多八點，waitress跟我們說甜品已預備好了，現在上了。算，上咪上，總之不到一個半小時，我們是不會埋單的！又不是沒錢俾，為什麼好像要趕客似的！加上門口也沒人等位！甜品到了，我們order了心太軟和奶凍。首先吃心太軟，切了一刀已發現沒有朱古力"醬"流出，吃了一口便很失望，質地古怪，可能未烘透啦，味道跟以前差得太遠了！然後

為心太軟再次黎到金船長. 是晚訂枱7:30, 一行3人大約於7:10 到達, 女侍應問我地可唔可以8:30還枱, 後來佢望一望時間, 主動話可以9:00先還. 先點左沙律及2個小食, 無咩特別. 就係d小食仲未完成1/3之際, 男侍應走黎問我地係唔係會叫甜品. 話個梳乎厘比較耐, 幫我地落左單先. 咁我地由始至終都無講過要叫梳乎厘, 我地同佢講要個心太軟同意式奶涷. 落左單後... 男侍應同另一女侍應就係我地張枱後面, 不停討論左成5分鐘, 望下我地又講下, 搞到鬼咁唔舒服! 好似未食已經叫定你走咁! (當時只不過係坐左大約20分鐘). 後來問個男侍應係唔係d甜品有d咩問題, 佢話係幫我地就番時間上.... 嘩...我地啱啱坐底無幾耐咋喎! 之後再食食下野...男侍應就拎d甜品碟黎話師傅幫我地做緊d甜品, 幫我地set定先....我地同佢講未食完野, 佢都唔理! 幾分鐘後, 個女侍應過黎話d 甜品做好啦! 真係嬲都無用, 未拿拿聲爬埋枱面d野食囉! 點知, 成5分鐘d甜品都未出! 心太軟黎啦! 一切開...無野流出黎既? 再mak開佢... 一pad半固體既野pad左出黎...! 再食

是日晚餐，再訪金船長，點了以下食物:金船長漢堡:金船長的名菜，牛肉又可揀幾成熟，我們選了7成熟。牛肉個邊邊好脆但係入面真係好juicy，個cheese 唔係太strong，不過作為burger 用既cheese，恰到好處! Chips新鮮煮，非常之香脆，亦都有薯味，Yummy!!海鮮Risotto:吃到Risotto應有的口感,質感creamy之外,飯粒有咬口，唔錯!朱古力心太軟:雪糕同朱古力既比例幾好，把spoon一下開，朱古力漿會溢出來，不過如果個皮可以脆d就好了!!服務很好，跟單和進度照顧得很周到，有禮貌，可能去的那天人流不多，收碟的速度是比較快，不過我覺得可以接受，唯一係桌子之間太近，坐得較迫!但值得encore!

今年生日第一次同朋友去試下兩個人叫左三份野食~一黎先叫自選意粉揀左巴馬臣芝士、香草忌廉汁、辣肉腸、煙三文魚、天使麵~都幾足料呀~唔錯唔錯之後再有一個芝士漢堡飽~個塊牛肉都好大塊~都叫鎖到d肉汁係入面~食落都唔會令人易口渴~值得一試~最後再叫一個炸軟殼蟹意大利焗飯~味道都唔錯~酸酸地~幾開胃~而且個軟殼蟹都ok大隻~之後再有試左佢個甜品~試左佢個心太軟~都幾好食~而且個服務都幾好~D人都幾醒目~不過可能個日落大雨~冇人係度等位~所以就算滿座都唔會有畀人趕既感覺~所以食得都幾舒服~

今日老細生日, 同同事夾錢請佢食飯. 食評如下:凱薩沙律: 次次都食, 菜新鮮爽口, 有醋味又唔會太酸, 好味pizza: 薄批, 香脆多芝士, 但無咩特別. pizza hut好食d意式牛肉丸意粉: 蕃茄味濃及多汁, 令碟意粉好入味, 反而牛肉丸味淡, 但有好多粒, 抵食炸洋蔥圈: 脆皮又鬆化, 配有沙律醬, 洋蔥新鮮有汁洋蔥湯: 一般白湯, no good由於是lunch time, 要等位, 位與位之間都幾迫. 但service 幾好, 成日加水, 叫佢比刀叉及碗都好快手.

朋友們常說道這家餐廳很超值而味道不錯。約了多次，這次終於有時間跟他們一起去吃晚餐了。那天book了晚上8時半。當我們坐下時，不需要花太多時間去看看有甚麼好吃。因為友人們經常光顧.及跟跟是日推介。 說真環境只是不過不失， 但侍應生及老板的確很棒.。來過的客人他們也能夠記起；很有親切感.。 他們亦很有禮貌及笑容地解釋每一道菜的最佳食法，可以說是有問必答。雖然食物味道末能帶給我很大的驚喜。但已這些小厨房設備及價錢，有這樣的烹調水準及服務，怪不得朋友們都喜歡在此聚會。P.S. 是晚我的推介是牛肋骨，特別是他的醬汁，很配合味道。

友人補祝我的生日…來到他公司附近的金船長…我一直都把這間餐廳記在我的試食list之上…不過我寫上去的原因是為了心太軟而已…因為年頭的時候我不知為何十分喜歡吃心太軟…可惜現在這股熱情已經散去了…不再愛吃心太軟…也把這家餐廳的名字埋在記憶深處了…~這家餐廳比我想像之中小…檯與檯之間有點擠…友人訂了七點半的檯…我們準時到達…當時外面還未有客人等候…因為據他所說午市和晚市都很旺場的…沒訂位的通常都要等…兩個人點了一份牛肉漢堡和一個車仔意粉…意粉選了墨汁意粉…香草忌廉汁…野菌…蟹柳…墨魚和煙三文魚…另外我們都加了$20轉餐…包餐湯和餐飲…但友人還擔心不夠飽…提議多叫一個小食…而最後選了fish & chips…餐湯跟蒜蓉包先上…餐湯是雜菜湯和忌廉磨菇湯之選…友人誤以為雜菜湯是平常喝到的紅湯…沒想來的竟然是雜菜清湯…有點失望之餘還想叫侍應換掉…~我覺得侍應或者該向客人說清楚…畢竟清湯和紅湯確實存在著差異…而一般所指的雜菜湯都是紅湯吧….不過這個雜菜清湯還是可以的…雖然雜菜就只有洋蔥絲和蘿蔔絲…另外蒜蓉包不夠熱…而且蒜蓉味不足…配上雜菜清湯更是格格不入….~Fish & chips…脆漿不會太厚…炸

呢間餐廳0係幾年前已經有朋友0係blog介紹過，但係佢都係人地帶佢去，都唔係幾識教我點去，跟住我就冇左件事，不過，幾個月前有朋友食左係咁話好，搞到我終於想黎試下。今次當然唔少得係openrice個地圖幫忙，令我同朋友都可以準確地知道餐廳所在，終於識黎喇~我地到左0既時候已經有下午茶供應，於是，0係金錢拮据0既情況下更加令我地喜出望外，我叫左芝士海鮮意粉，朋友叫左薑汁炒飯，我地仲叫左個朱古力梳乎里添~個芝士海鮮意粉好有芝士味，我好鍾意呀~而且d料都幾足，雖然係tea set，你地睇下幅相啦~食左一啖朋友0既炒飯，真係覺得我個意粉好味好多囉不過我覺得個炒飯其實少得幾靚，因為d飯係一粒粒架最後個梳乎里係ok架﹗唔會太細個，兩個人都夠，因為之前碟野都令我地飽飽地，梳乎里唔會太甜，但夠朱古力味，我會下次試其他味道唯一唔好係可能因為我地冇book檯，walkin之下要坐正0係門口個位，道門又開又關，熱風不時襲來，我地真係幾難受囉~老闆都幾好人，體察到我地0既慘況，只係冇位換，只有每次客人開門時都企0係我地檯邊，擋一部分0既熱氣，都算係咁