金船長餐廳 (已結業)

26.4.2012很多人說, 讀書時期的朋友才是最close最熟的朋友, 尤其是小學或中學時期的, 如果到工作後仍然可以常聯絡, 這些就是可以跟你一世的朋友了. 此晚是我生日的正日, 就有兩位我最熟的好姊妹兼中學同學為我慶祝生日. 由中二相識到現在, 可是好像從未在正日生日和她們吃晚飯, 希望將來更多機會吧. 由從上次和好姊妹去過大角咀吃飯後, 去大角咀搵食的次數就增加了. 揀這間金船長餐廳是由於這間算是大角咀的人氣熱店, 而且價格也相宜, 又可以訂位. 不過, 由奧運站步行去都幾遠, 而且沿路又沒有什麼街燈, 昏暗中帶點清靜, 又是那句, 單身女子就不適宜一個人在這條街上走著.我們由奧運站行過去, 大約行了十五分鐘才到達. 去到已經是晚上八時十五分, 雖然是平日, 但都差不多full. 如果我們沒有訂位, 可能都無位了. 打開餐牌, 有很多選擇喎. 於是我們三個人各自點了一客自選車仔意粉, 再加了一碟蜜糖雞翼, 一碟焗薯和每人一客心太軟. 首先來的是蜜糖雞翼. 一碟有五隻. 雞翼不算大隻, 但有濃濃蜜糖味. 自選車仔意粉有很多款種類和配搭. 我揀了煙三文魚+草菇+芝士+忌簾汁+墨汁意

當日下午茶時段，餐廳內一枱客都冇，我一個人一入餐廳，侍應問我人數，我答他一人時，他居然話不做一個人生意。我一定要在這兒講這遭遇，叫所有平常會一個人進"普通平民食肆＂的人，就算同其他人一同去食飯，都唔好去這間。

之前去食既呢間餐廳 , 遲左POST上黎話說睇到朋友個FXXXBOOK POST 佢去食呢間餐廳既相之後,我覺得好吸引 , 咁就問佢間餐廳係邊度黎同埋好唔好食 ? 原來係佢公司附近 , 佢話都OK , 咁我就去左搵我朋友一齊去呢間餐廳食下午茶。間餐廳離奧運MTR STATION 唔近, 但亦都唔係遠得過份。去到餐廳我就點左個白汁海鮮意粉同埋 ICE MOCHA個意粉略嫌有d乾同埋個白汁味唔係太出 , 加d芝士粉會好食d。個MOCHA冇咩特別 , 係有點太甜。

一直都冇咩機會黎大角咀，因為交通實在唔算好方便今次特登黎到大角咀人氣既金船長黎個晚飯預先訂左位，但一如店員所講，要小等一下但係過程中店員非常親切有禮，都幾好點左幾個出名既菜黑松露菌醬意式馬斯卡普芝士夾心比薩：以索價一百幾蚊黎，冇肉黎講都會人令佢期望幾大出黎既係有6塊既餅，好似印度餅咁，係有微烘過既入面夾往起埋有兩種芝士，相信都係靚既芝士建議最好多啲人食，3-4人最理想金船長芝士漢堡：好鐘意呢個burger，入面既牛肉肉質鮮嫰，煎到好香，很吸引外層既麵包烘到微脆一啖食落去很滿足但薯條淋淋地,唔係好好食朱古力心太軟：之前睇過話呢個甜品整既水凖參差但食落又幾好食，入面既朱古力溶漿分量夠多加埋厚度適中既外層同雲呢拿雪糕一齊食真係一個晚餐很好既ending檯同檯之間既距離好近，傾計唔係好方便呢埋單：$125

Kitty去了山東做internship 1個月, 終於都回香港了~Miss her so much!!所以又是約食飯的時候了.Kitty想食扒, 所以我就上Openrice看看有什麼好推介~眼見金船長餐廳有很多人推介, 就試下你啦~金船長餐廳位於大角咀, 我與Kitty相約在奧運站, 再行去大角咀, 其實都不是很遠.我們今晚的目標是食扒, 不過呢...金船長餐廳的扒真是有點貴.所以我們都是放棄了, 試下其他菜吧.Set Dinner $138:椰菜花忌廉湯我覺得味道普通, 與普通忌廉湯沒有分別.說好的椰菜花呢?蜜餞烤豬手配蜜糖燒汁整個豬手都好有"蜜糖"味, 好甜.我自己就不太喜歡了, 我覺得豬手甜甜的, 有點怪, 鹹食會比較好食.如果你喜歡甜, 你可能會喜歡這個豬手.自選車仔意粉 $72墨汁麵、忌廉香草汁、蒜茸、洋蔥、莫沙莉娜芝士、巴麻臣芝士、香草雞絲、煙三文魚、白菌可以自己選擇配料.我覺得這個墨汁麵好食, 下次會再試.黑松露菌醬意式馬斯卡普芝士夾心比薩 $100每枱的客人都叫, waiter說這是招牌菜, 所以我們都試下.這個pizza有3種食法:1. 點提子醋2. 與碟旁的沙津一

今日同女朋友係來試下間餐廳~都係見OPENRICE 多食評~去到要等一陣位~個位WAITER(應該係經理)，叫我坐陣~仲俾左杯冰水我~叫左個蜜糖雞翼，一個SET DINNER，千層麵，BANANA CRUMBLE雞翼我覺得蜜糖可以多D~無咩蜜糖味~SET 我叫左牛柳，幾好食，火候都控制得唔错，但略嫌佢細左少少~千層麵我就幾鍾意食啦~好味~SIZE 又夠~又足料~我發現呢度既意粉份量都幾夠~有煮得唔錯~大家可以一試~BANANA CRUMBLE 都好食~又唔會好甜~臨走帶位個個WAITER 仲嗌得出我個姓~呢D 真係EXTRA SERVICE~食得幾開心~

我黎呢間野度食都係因為睇完open rice見D人對呢間ge評價ookk，而價錢都arm。今次我地2個人叫左招牌菜 : 黑松露菌醬意式馬斯卡普芝士夾心比薩、金船長芝士漢堡；甜品就叫左心太軟、原味souffle。至於味道呢,黑松露菌醬意式馬斯卡普芝士夾心比薩 ($110) 真係無得彈，中間ge黑松露菌醬同芝士味十分之香，實在值得一試。唯一不足係有D乾，但係加埋佢D汁黎食就還可以鰉；同埋如果2個人食，分量真係多左D。至於金船長芝士漢堡($55)一樣係幾好幾juicy，牛肉都幾有牛味~~甜品方面，先講原味souffle (跟餐$33)，不過不失啦。至於個心太軟(跟餐$33)就真係唔得啦，一來焗得太熟，D朱古力唔夠流心，二來個口感亦麻麻，最後都冇食哂。P.S. 仲有D Coffee，對我而言就有D太苦啦，我叫左杯薄荷朱古力咖啡就真係好難飲啦。總括而言，佢ge主菜同湯真係唔錯的！

食物的質素，比餐廳的位置還重要。煙鴨胸沙律，鴨胸香而肥，沙律菜都爽口，但油及醋可能撈太多，扣了些許分數。松露醬夾心pizza，招牌菜式，松露的感覺吃不出來，但滿有芝士香味。車仔意粉，卡邦尼墨汁麵，配煙三文魚、蝦。我自認揀左個錯配，卡邦尼同煙三文魚好似唔太match......炸軟殼蟹意大利飯，軟殼蟹炸的ok,香而脆口，但個意大利飯就普普通通啦。甜品心太軟，賣相ok!　切開朱古力半溶流出黎，暖暖朱古力配雪糕,得左！

好耐之前已經聽聞此店食物品質唔錯，但奈何位置不太就腳而一值不來試。 今日終於打破心魔從旺角東東鐵站坐小巴來到附近步行5分鐘...終於到了 附近原來也挺多不同型式的食肆 但同類的就不多，所以基本上想食乜都有。來到門口有人在等外賣(老實說好少見西餐廳外賣，可能我見識少-0-) 也有人在等位，由於我也沒有訂位所以就一邊等一邊睇門口餐牌。好彩夜晚不算太熱，而且門口也有椅子坐，舒服了不少。終於入座了，環境不算大，燈光帶暗，但聲音卻不小...因為全場滿座，情侶當然少不了...大伙兒的也是有幾台。此店可見實力程度也不小。因為不想被晚餐餐牌所限所以還是決定散叫，點了小食法式蒜蓉包和炸魚薯條 (其實還想叫洋蔥圈 青口 小食拼盤..花多眼亂) 再點了肉醬千層麵和龍蝦汁海鮮意大利飯。+35還可以要碗湯和特飲 (特飲選了檸檬什飲)，檸檬什飲酸甜得宜但時間久了要再搞搞底部的酸酸物質來中和。湯先上配了片蒜蓉包，湯味道合格而蒜蓉包雖細但香脆可口，再後上的蒜蓉包也馬上被清袋。炸魚薯條是接著的小食，炸魚比手掌大，皮不算厚同時沒帶酣腥味 值得一讚，薯條也是新鮮熱辣交足功課。主角要上場了，先上龍蝦汁海鮮意大利飯，上台後香味

一講到大角咀, 就會諗到金船長!黎呢度食, 最好預先book, 始終人氣高, 場地細七點八去到, 坐左1/3, 到八點時已經坐爆, 我倆叫左黑松露菌醬意式馬斯卡普芝士夾心比薩 $110牛肉漢堡飽 $5x炸魚薯條 $4x心太軟 $431)好快就上pizza, 黎左幾次都無食佢, 急不及待...但都影左相先!好濃烈既芝士味, 面軟底脆, 可加上提子醋或菜頭同食, 無咁膩, 但男友話提子醋味太濃, 會搶左pizza 既原味, prefer 就咁食我就鍾意加菜一齊食, 有咬口d2)黎左幾次, 每次都有叫牛肉漢堡飽, 太好食牛肉多汁唔老, keep住有水準! 3)炸魚薯條, 份量唔多, 魚手指得兩條(雖然得兩個人食)炸魚偏咸, 失分之作!4)心太軟, 要預到好既心太軟越黎越難, 試過好多地方都係過熟!一切開, 香濃既朱古力就流出黎啦!火力岩岩好! 果然有料到 但雪糕份量大d會更好最後梗係食唔哂啦~打包左pizza埋單$283, 抵!!!讚讚讚!!

我第1次嚟大角嘴食飯~所以上openrice睇下有邊間餐廳好推介。結果見到呢間金船長餐廳 既食評都好好~於是乎早2日親自去餐廳book位探下路。去到餐廳，見到入面唔係好大間，但係裝修都好ok~即刻訂埋位啦~仲有預定個心太軟寫咩名for生日用,真係幾好，先比我like。到11/5我男友生日正日，餐廳已經有人打黎confirm我張枱嘅時間同埋個心太軟‧仲有預留定熱門嘅推介T骨扒~之後我本身book左枱8:30。但係我男友突然遲收工，所以打電話去改9:00，諗住趕到。但都係要打電話改多次9:30先到，而餐廳既人每次都好nice咁話無問題，實在太好啦~一黎到金船長餐廳就有位坐唔使等位~而且仲安排我地坐得鬆動D~太好啦~餐廳入面都好多人好好生意呀~我坐低即刻叫定個預先留既T骨扒同心太軟，之後仲加個蜜糖豬手~本身想加個田螺焗薯蓉~不過無晒田螺~希望下次再黎試下~咁我地都有加野飲同餐湯~不過我地餓得滯無影相~不過個清雞湯不錯飲的說~!首先講下T骨扒~餐廳就係無介紹錯~真係好好味呀~啲肉質一啲都唔UN唔鞋~好淋~我男友同我都覺得正~!真係好味~配埋我地最喜歡的蘑菇汁~YUMMY^^到個豬手上枱~我地已

就由白色情人節之後既一日作為開始。呢兩個月落去大角咀個客仔度，想搵好野食都真係要動一動腦。例牌openrice 一下，搵到呢間叫金船長餐廳。同事講到唔錯，其實冇咩劣價，我都可以give it a try。裝修都幾有格調，可能係襯返個餐廳名。侍應服務ok，殷勤，手腳快，乾淨俐落。餐湯揀咗蔬菜湯，本身諗住應該係例牌羅宋湯，起碼有多啲菜，平衡下近排食滯咗個胃。一上臺，呈血紅色。湯中間有一兩粒對半切開嘅車厘茄，浮喺度。驚到相都唔記得影。那邊廂三位同事嗌左忌廉湯，賣相還可。只係有少少諗唔通點解忌廉湯會係黃色，呢點我都冇再深究。睇完我賣相都無乜胃口，一試，剩係得鹹味，蕃茄味都係靠茄膏吊出黎。飲完個湯，大失所望。都係食返主菜實際D，order 左個紅酒燴鴨脾薯菜，多菜少薯。一嚟到，賣相OK ，值70分。鴨脾撕開，都幾啖啖肉，味道尚可，紅酒味就唔係好覺，不過鴨脾冇乜雪味，呢點已經冇扣咁我分。始終50蚊貨仔要求唔好太高。幾個同事揀咗牛扒，太薄身，唔夠五成飽。心諗好彩個主菜贏翻佢哋個湯姐。為咗令呢個白色情人節第二日西餐午餐畫上一個完美嘅句號，女同事堅持嗌一個心太軟，好，就奉陪。朱古力流心都唔錯，只係個蛋糕

第三次光顧這間餐廳了，第一，二次也要等位，就算我有預約，第三次就不用了，人龍也消失了。餐廳光線比較暗，枱與枱之間很近，感覺有點迫，但是我很喜歡這裡的自選意粉，配料配菜到意粉款式也可一一自選，好像在食意式車仔麵一樣，首選推介墨魚麵配卡邦尼汁，無輪醬汁到麵質也不錯，加了烟肉味道更好，由於是自選配料可按照自己不同的喜好選擇，不過每次加下加下要八十多元一個意粉，而且份量也不算多，另一螺絲粉也做得不錯，加了司華力腸、香蒜、辣椒、番茄醬等，味道也不差~三文魚鮮雜果沙律（$78）的三文魚做成立體玫瑰花形，增加沙律的美感，也增加食慾，沙律主要是用鮮雜果及沙律菜，味道清新開胃，三文魚也新鮮美味~這裡的餐湯附送一塊香脆的蒜蓉包，配餐湯一流，西蘭花忌廉湯的西蘭花份量不夠多，沒有那種濃厚的感覺，味道一般~清雞湯則內有蔬菜粒，味道比想像中好，有點像罐頭清雞湯的味道，清清地又不太油~焗田螺（$62）做得很好，重牛油及香草味，與田螺的味道是絕配，附送一塊法包可用來點碟中的香草牛油，把原本沒味的法包立刻添上美味~法式鵝肝沙律（$94）就做得比較差，一塊很腍的鵝肝就這樣浪費了，很可惜喔！不但沒有做到外脆內軟，還有血水，

天氣和暖的年初四約了食友在大角咀一帶搵食 目標明確, 但礙於還是新正頭關係, 以致十居其九也未開市 正好經過金船長也就是隨遇而安好了 因為午市的人流很快, 我倆亦立即被安排就坐, 男經理還很窩心地多給我一張椅子放手袋等物件, 而細心的男人永遠是迷人的。午餐選擇不小有 A-F 供應 西蘭花忌廉湯 ; 意式清雞湯 對賣相一般的包包提不起興趣, 就由清湯開始吧 為了令飽肚感降底, 我選了意式清雞湯, 是一碗不折不扣的雞湯, 可以清澈見底, 還有粒粒雞肉增加口感, 味道是預期地清而不膩的選擇。 食友選了西蘭花忌廉湯, 其顏色是綠得有點假, 忌廉味太重, 完全連丁點蓋過了西蘭花味, 如質感上可以輕盈一點也令人更易接受。墨魚鬚意式香草醬天使麵 : 沒有預期的賣相, 怎料會是一碟炒米粉的樣子的天使麵?! 還是試了一口 … 天使麵炒得頗為乾身, 挺易入口的, 而香草醬的味道真是感覺不到了。 還好天使麵還保持應有的咬口, 而整碟只有數條墨魚鬚和青椒, 味道還合格但感覺明顯削了一點 。香煎龍利柳配千島醬: 龍利柳呈現金黃色賣相討好, 炸得恰到好處,而口感軟滑的魚肉亦不覺得油膩, 雜菜和薯條等也

很久不曾到過「金船長」吃飯，一天中午，正是午飯時間，路過這裡，見客人較少，便入內吃過午餐。這天的午餐共有六款，在六款午餐選擇中，叫來了「煙肉白菌忌廉汁燴闊條麵」和「意式焗德國雜腸飯」做午餐的主菜。先來餐湯與麵包。兩夫妻不約而同選了「鄉村清湯」作餐湯，不過這餐湯只是平平而已，清是清了，但清得有點過份，材料欠奉，味道也並不吸引。小塊的「蒜蓉包」質素同樣普通，雖夠脆身，可也無甚特別。兩款主菜中，「煙肉白菌忌廉汁燴闊條麵」水準中規中矩，但水準未算出色。「意式焗德國雜腸飯」份量頗多，但那些所謂的德國雜腸，並非如自己想像中一條條的奉客，而是切成小粒狀混進焗飯中，加上焗飯飯面幾乎全被意式的茄膏芝士醬汁覆蓋，更是難以辨認那些雜腸屬於什麼種類，實在令自己有點失望。至於味道方面，雖算可以接受，但絕對未能令自己感到滿意。餐飲叫來了「凍檸茶」，茶味一般，貫徹了這頓午餐的平凡味道。金船長，你是否已經年紀漸大，再無復當年之勇呢？