金船長餐廳 (已結業)

大角咀有咩好食?問左唔同人意見，有人話呢間金船長餐廳食西餐算唔錯，結果今日就同朋友去左食LU~點左個自選雙併晚餐，味道好好，上菜個speed都可以接受，同朋友傾左陣計就有得食XD值得一試!

細細間既大角咀意式餐廳金船長, 一定要BOOK位入面西餐廳甘樣,但環境真係有D逼,我地二人點左黑松露菌醬意式馬斯卡普芝士夾心比薩 幾特別,有少少黑松露汁,但味道當然好啖,另外比薩就好似熱香餅既林林既質感切成兩個三角形,味道甜甜地得黎微暖,面夾左美味既芝士醬,幾得意三文魚沙律 一般, 就好似煙三文魚 加生果加沙律醬一樣小食併盤 洋葱圈,青口, 冇乜特別整體一般, 價錢偏貴, 但食一次OK

餐廳易找，就在力奇對面而已!我們一行7人被安排坐在餐廳的角落位置，餐廳位子不多，而每張枱的距離頗近，鄰座的人說話大聲點我們都聽到~!9吋黑松露比薩 – 男侍應生把碟放下便開始介紹怎樣吃這個比薩(但他聲線之低相信只有他一人才聽到他自己說的話)。1. 將比薩連同伴碟的橄欖菜一起進食。2. 將比薩沾上餐廳特製的新鮮提子醋。3.不配任何配料進食。不論是哪個食法，一定要襯熱食!而小妹較喜歡將比薩沾上提子醋一塊進食，又酸甜，又有香濃芝士味!芝士炸意大利飯球伴龍蝦汁 - 龍蝦汁是另外裝在小杯裡。五粒的炸意大利飯球呈啡色，體積比乒乓球要細。這道菜一樣要襯熱食! 外層炸得脆，內裡的意大利飯滿佈芝士，煮得軟腍，形成強烈對比。讚啊!焗芝士肉醬千層麵 – 面層的芝士太硬喇!!! 就算用刀和叉也無法切開芝士。大家唯有放棄這面層的芝士吃底下的肉醬千層麵。味道方面不會太咸，是普通的一道菜而已。白汁牛柳絲蜆肉天使麵 – 這個是餐廳的車仔意大利粉。朋友幾經辛苦才想到各款配料和醬汁。白汁味淡但可接受，天使麵略嫌煮得過腍。配料分量亦過少。德國咸豬手 – 吃完了以上的各款芝士啊、白汁啊，再吃這道菜的時候已有點兒漏漏的。老實說

實在很久沒有去過「金船長」吃飯了，所以這天當老婆仔提議來這兒食午餐，便立即和議，和她一起來這裡吃頓午餐。午市套餐共有五款選擇，我叫來「帆立貝吊筒仔茄汁焗飯」，再在兩款餐湯選擇中揀了「淡咖喱海鮮忌廉湯」，再加杯「凍咖啡」，便成了這天的街坊午餐。印象中，「淡咖喱海鮮忌廉湯」之前我是曾經喝過的，喜歡它較為特別，也喜歡它帶點兒辣，較為開胃。這次再喝，感覺尚佳，雖然那些所謂海鮮無非是急凍蝦仔、蜆仔、魷魚仔等，帶有咖喱成分的忌廉湯始終因為有了咖喱的少許刺激辛辣味道而變得特別開胃，伴以小塊的蒜蓉包，還算可以。但「帆立貝吊筒仔茄汁焗飯」我便不大喜歡了，蕃茄味道太酸，初吃還好，但是愈吃愈酸，而且帆立貝只得一隻，吊筒仔也不是太多，結果吃到最後，就只得那些酸滋滋的茄膏伴飯吃。如果可以的話，我寧願多付點錢，換來多點帆立貝和吊筒仔好了。我知道這次來吃午餐沒有吃到它的招牌菜，對它的評價未必公允，但一間有質素的餐廳，即使是一個普通的午市套餐，也是應該做得更好的吧！不然，又和一般的街坊餐廳有何分別？希望「金船長」可以在每方面都証明得到它是一間高質素的西餐廳吧！

終於嚟到 頂頂大名 的 金船長，門面比較簡約，我們 book 好枱，準時 7點鐘到達，所以不用等位。 內裏都算簡潔，店員很快地為我們點餐，可能由於店內位置唔多，所以店員收碟上菜， 速度都比較快。Order 些主菜，有些易可以加 $25 ，有餐湯 及 飲品。 清海鮮湯，好似雜菜湯咁，普通啦。味道較淡。好多人，必要會order 黑松露pizza, 好香，外皮鬆脆而且好似有層 芝士粉鋪住，內含 黑松露芝士 ， 如果喜歡食芝士的人會很喜歡，所以朋友說好好食，但麻麻地芝士的我，覺得味道好 穌。加左 提子醋 比較清新D 。 自選意粉，味道唔錯，意粉有些 煙韌爽口，個醬汁夠 creamy 。龍蝦汁天使麵，醬汁有微苦，如果配 意粉可能較好。金船長pizza : 料多，夠味， 熱辣辣皮薄夠脆。店員推介 : 豬手，炆得夠諗，可以骨頭離肉，夠鹹香，個豬皮夠膠，有漿口感，重膠原。紅酒燴羊膝 : 可以，但未見突出，但唔覺有 羊騷味，再諗少少會更好。總結 : 由於坐位唔多，所以食完即走較好，否則店員會有 催趕的眼神。

大角咀向來都是美食匯聚的地方金船長餐廳是其中一間屢獲好評的小店今次是第二次到訪上次在午飯時間光顧 有不少套餐 大概50多元就有成交事前已留位訂座 職員亦再三確應訂座當日餐廳座無虛席 8時半打後仍有不少人等候是日叫了2道菜 1) 車仔意粉 ($60~80, 視乎配料種類及數目)是小店的推介美食之一可以隨意選擇喜歡的意粉,配料及醬汁自由度很高 客人可以按自己的口味自由配搭當然拿不定主意的話都可以選擇店方預先設定的幾款車仔意粉我叫的是青咖喱天使面配鴨胸及龍利柳從顏色上以為意粉會不夠辣但原來有很重的咖哩味 不過鴨胸比想像中少而且整體份量都不夠 對男士來說可能太少2) 黑松露芝士夾心PIZZA ($98)已經是第二次品嚐這道得獎菜有6吋及9吋之分 (無記錯的話)6吋有6大塊 這PIZZA跟我們一般所見的PIZZA大有不同有三種食法1) 原汁原味 – 芝士味不會太漏 黑松露好香 面頭好脆2) 加伴碟的提子汁 PIZZA吸收了提子汁 食落甜甜地反而令人愈食愈開胃3) 加提子汁再加有機菜個人最喜歡3)的食法 有多重滋味 好清新的確是很有創意的菜式 一次過滿足你3種不同的口感另外可+$25 跟湯,包及飲

終於試到金船長喇,今日8點去到都要等差唔多一個鐘無計喇,想食嘛！一入去就叫左個招牌黑松露pizza依到絕對唔係普通出面食到既pizza,因為佢個口感好特別之後店員就教左我地有唔同食法就係點下提子醋咁食另外就係同伴菜一齊食,我自己就覺得就咁食已經好香,不過點提子醋都唔錯！因為可以令個Pizza食落無咁油膩，原因係提子醋酸酸甜甜，好清新,所以配埋個Pizza,之後講番個pizza, 其實芝士同黑松露都夾下,之前都食過差唔多既野,不過都真係唔錯不過,第二舊就點下野食, 酸酸甜甜唔錯 ,口感仲無咁悶好食,真係估佢唔到有咁食法。另外食左一個芝士煙肉焗蠔,好比到驚喜我！平時係出面食既焗蠔都係好細隻,但依到個都幾大隻下,仲要有4-5隻 ,最緊要係夠鮮甜,控制得唔錯。最後就有一個牛肋骨,整體上都唔錯 肉質林得黎又有咬口, 個汁都唔錯,依到整體都唔錯,下次再黎。 

第一次同朋友去食千層麵幾好味 燒春雞好滑餐湯包包好好味 好滑好creamy 但間餐廳好大壓迫感對面好多情侶 閃死我地尼D單身族食嘅時候唔多覺輕鬆 仲有D唔好意思-_-"整體尼講其實ok ;3

今日其實係慶祝我倆的棉婚記念日首先我們分別order1>(2個普通的餐湯)係雜菜海鮮湯&南瓜忌廉湯湯就感覺沒有太大驚喜相反個蒜茸包我真認為超正外脆得黎又唔會硬的包仲軟綿綿哈哈如果的包再叫就好啦現在想起都好想食2>(蜜糖焗雞亦)就真係普通小小但本身我們都超仲意食雞亦咁雞亦就只可說不過不失沒有太高水準3>(自選車仔意粉(精選2))哩個意粉直情係我的最愛本身好仲意墨魚麵但每次食完都會黑媽媽但反而配上忌廉香草汁直情係完美的配合又食到墨魚味但又不會黑媽媽老公都費時同我爭成碟比哂我4.(金船長芝士漢堡)感覺幾新鮮味道都唔錯的肉都好多汁好滑仲意漢堡包的人要試下唯一麻煩的係好難食用刀叉到最後會散開哂5>(牛肋骨)就偷聽到隔離台叫了一份我又叫份比傻佬其實我都唔食的所以只食過一啖不過老公都說唔錯其實我見到血淋淋想嘔6>(原味梳乎厘)實在好味到連平時都唔食甜野的我ko哂仲意梳乎厘一定要留肚試真係超高水準7>心太軟都好好味老公讚不絕口謝謝老板為我們寫的美美字令我們的記念日完滿

意想不到像大角區這樣的舊區...四周滿佈舊樓同時也有不少餐廳進駐...而且更是小店而非集團店...金船長可以話係同區之中名氣比較勁個堆...以前已經狗仰大名...今次故意引發此行...搵丫搵搵左好耐終於搵到...老實講位置真係幾遠而且仲要係街尾...下午茶時間唔算太多人只有4-5台...打開下午茶餐選擇都幾多而且算平...平均3X元就有交易...每人叫左一個餐...過左一陣就上台...賣相唔錯...份量都算合理...但PIZZA就怪左少少...印象中夏威夷PIZZA應該唔會有咁多洋蔥同青椒...搞到個味道有D怪...但PIZZA本身係香脆...意粉就2個都好好肉醬意粉正常味道...而白汁海鮮意粉既白汁較CREAMY而且汁都夠份量幾抵食...一邊食一邊吹水冇人趕實在很舒服...三五知己聊天好選擇...但相信最大原因係因為今日係平日+下午茶時段而已...

終於泥到品嚐久仰大名的金船長8點去到幾乎等了一個中！招牌黑松露pizza 這份並不是平常的pizza 口感好特別 店員教我地有三種食法1）就咁食2）點旁邊的提子醋3）和伴菜一齊食我地就覺得點提子醋最好食！令pizza食落無咁流，因為提子醋酸酸甜甜，好清新 芝士煙肉焗蠔依個係第二個驚喜！平時係街食既焗蠔都係好似豆豉咁細隻 但依到個啲係正常size 仲有4-5隻 又好鮮甜當日既special dinner :牛肋骨整體不錯 肉質不是太韌又不是太林 但我本身不是太喜歡食肉：p

同好友book左位準時黎到就入座了原來都唔算好多位好彩book左位姐嗌左兩樣主食,一個salad,兩個主食都加錢轉餐先黎餐湯,一紅一白正常貨色吧之後係蟹餅saladd菜都幾新鮮,不錯蟹餅份量都算多之後係南瓜帆立貝意大利飯說真的,有d漏,不過意大利飯係咁得兩粒帆立貝唔係太夠喉雖然帆立貝唔太夠味最後係大家既推介芝士黑松露pizza個侍應哥哥教我地點食賣相幾好,同平時既pizza唔同食第一舊, 芝士同黑松露都幾match wo!不過食完意大利飯已經有d飽同埋漏><第二舊要點提子汁,少少酸甜,好食好多 第三舊建議加埋佢d配菜食但我接受唔倒隻菜味><都係繼續點提子汁食 YUMMY!估唔倒一個pizza 可以有兩三種食法,幾創新咁食又唔會咁漏!的確有d心思餐飲都係普通貨色就唔提了食完之後真係好飽好飽了本身仲想食甜品聚多陣呢!

自選車仔意粉 精選2 $81(好食指數: 7/10)意粉都可以好似車仔麵咁任選汁，意粉，配料。我地懶得揀就揀左推介既精選2，係已配搭好既白汁芝士煙三文魚墨汁麵。意粉唔乾身，味道配搭幾好，惟獨唔夠芝士同墨汁味。黑松露醬意式馬斯卡普芝士夾心pizza(6吋) $98(好食指數: 8.5/10)呢個係店舖得獎菜式，同平時食到既pizza大不同。表面烘得幾脆，好似曲奇餅咁，入面係搽左黑松露同芝士，外硬內軟，相映成趣。佢可以配埋提子汁同菜夾埋一齊食，酸mei mei食落輕盈d，無齋食咁濃味咁漏。金船長芝士漢堡包 $60(好食指數: 7/10)包面就普通左d，不過夾住既肉烤到7成熟，好juicy。但整個包欠缺左d層次同特色。不過薯條係新鮮炸，薯肉仲好嫩，唔係萬年油炸到出油嗰款既薯條。8-11-2013

已經忘記了上次到訪金船長是何時, 不過, 難得與老姊撐枱腳, 兼且由她作東, 無論到哪裡吃也沒有意見! 今次老姊選了舊居地: 大角咀的金船長餐廳. 平日晚上約七時多八時到達, 門外已經見到人龍! 不過由於下雨的關係, 人龍不長, 只需等約三四張枱. 侍應問我倆是否介意坐門口位, 如不介意可立即入座! 為了不須站在門口呆等, 我們便答應. 不過位子實在很擠迫, 根本放不下什物! 侍應便拿了圓櫈給我們放袋子, 很細心!雖然侍應主動上前介紹我們吃晚餐, 但我們並不是很餓, 而且今次希望吃些以往沒有吃過的特色食物, 於是決定點 a la carte. 我們最終點了車仔意粉, 金船長芝士漢堡, 和忌廉焗廣島蠔.金船長芝士漢堡: 金船長芝士漢堡是這店的招牌貨之一, 有漢堡飽之餘, 還有薯條和少許蔬菜. 芝麻麵包外脆內軟, 芝士也因為麵包和牛肉的溫度而溶化, 與麵包和牛肉融為一體, 芝士味也因而得以散發出來, 很美味!漢堡牛肉可以自選生熟程度, 我們點了七成熟, 不過上枱時看見牛肉其實已經全熟! 幸好漢堡牛肉一點也不乾, 咬下去時還有肉汁和油份流出, 比坊間不少餐廳的芝士漢堡好吃! 漢堡牛肉比平常吃

由於當日想去的地方滿了, 所以便上網找找有什麼好去處, 見這間餐廳好多人讚, 而且食物style好合心水, 於是馬上打電話去Book 位了。地點位置有些隱蔽, 我們也找了一陣子, 門口有錶位可泊車, 餐廳地方不大, 座位不多, 約30 個! 環境似一般茶室只是燈光較暗。我們order 了自選車仔意粉, 當日廚師推介的豬扒, 黑松露菌醬意式馬斯卡普芝士夾心比薩(超長的名 ), 另外order 了2 客甜品 心太軟和梳乎厘, 基本上除了那個超長名外型似三文治的Pizza比較好吃外, 其他完全沒有驚喜, 味道完全唔掂, 我完全唔enjoy這餐Dinner, 質數一般, 價格並不平宜, 這餐合共 HK$540, 用這價錢我相信一定可以有更好味更好環境的其他地方, 唔明點解咁多人讚, 我地中伏了, 永遠再見了金船長! (>.<)