金船長餐廳 (已結業)

與同事走過大角咀大全街,便入去試午餐,我點了鱸魚配薯菜我同事點了中東包,我的午餐來了，嘩!那片簿簿鱸魚旁邊配了薯條和雜菜,但主菜的鱸魚太少了吧，薄薄一片只有2吋直徑大了吧(忘記拍下),問餐廳的經理，他回覆一直都係咁大塊,若鱸魚來價價錢貴,餐廳便不要把鱸魚放入菜單，份量太少，我食完跟未吃午餐時的飢餓感沒有分別，午餐不知在胃那裏(午餐價錢太約50元)同事的中東包份量剛好,味道不差

原本留位六點半,早了半小時.但是照樣係食個半鐘就要夜枱. 第一度試薯皮,好掂想番order 跟住試洋蔥圈,唔油膩,OK... 再來係pizza,有驚喜..同一般pizza專門店食開果D完全唔一樣 到豬手跟飯上,一樣掂.好容易離刀,唔會Ngun.皮下脂肪好好膠質感覺. 最後上埋甜品時,隔離枱兩位女士見到即時跟order....四個大人一個細路,埋單五百幾. OK 喇..... 不過地方太細同埋隔涉.

今日朋友生日重遊金船長餐廳，真係令人懷念的美食。今次都係有食得獎作品黑松露菌芝士夾心比薩 - 仍然咁好食，親佢熱既時間食真係好正!!!!有脆脆地既外層芝士粉，真係好食到停不了!!!!!另外仲叫左虎蝦天使意粉、什錦拼盤。虎蝦天使意粉 – 天使意粉索晒o的汁，超有海鮮鮮甜既味道；什錦拼盤 – 就不過不失啦!!!下次一定要試下其他野~~

之前已經同朋友食過金船長，真係好好味。所以就襯住男友生日，帶佢來慶祝。早一日已經BOOK定位，九點去到都仲要等多一陣。1.+錢轉餐的湯 推介指數♥ ♥同普通忌廉湯冇咩唔同!2.金船長漢堡 推介指數♥ ♥ ♥ ♥ 漢堡眾所周知可以揀牛肉熟度..好細心切開左4份,,方便拎!!漢堡的牛肉唔鞋...好厚身!食落好有口感~旁邊的粗身薯條..剛炸起脆卜卜的!讚!3.黑松露PIZZA 推介指數♥ ♥ ♥ ♥ ♥最出名的PIZZA點可以唔食..!上木台後..店員都講解番有3種食法!之後我地就襯熱快點食..!WA~芝士濃郁~我同男友係芝士狂..所以覺得好正!!!加佢的醬汁都幾好..等冇咁漏!! 1碟8件..我地一於食哂!!!HA~4.車仔意粉 推介指數♥ ♥ ♥ ♥ ♥呢到意粉可自由搭配..由男友揀左材料!!我地今次的醬汁係金船長秘製..初初好擔心唔知係咩..但係食完真係一讚呀!唔識形容個隻味..成個意粉好Creamy..真係一流!份量少~可能要叫多D其他野食!5.心太軟 推介指數♥ ♥ ♥ 因為男友生日..係OPEN RICE見到人地生日.餐廳會幫你寫名!所以我BOOK位個陣已經講左寫咩字心太軟都唔錯

元旦日有party 要exchange gifts，放工之後同阿媽去大角咀食tea兼買禮物。原本想去譚仔，但無開。於是行吓行吓就去咗金船長。之前都試過金船長，印象不錯。下午茶時段來說，人也算多。下午茶款式很多，有十樣以上。有最簡單嘅雞翼到炒飯都有。我要了 茄汁雞絲冬菇螺絲粉，阿媽就要了薑米海鮮炒飯，配飲品。等了10 mins先有得食~茄汁雞絲冬菇螺絲粉賣相對版，很多醬汁。夠熱，燙口添呀~螺絲粉不會過淋，很有咬口。雞絲同冬菇份量適中，不過雞絲連皮同有雪味！阿媽個薑米海鮮炒飯都係好一般，唔夠薑味，海鮮也是雪藏細細粒嗰d。整體黎講只屬一般，可能晚市會好d~

比個食評呃左TIM...見到成190個哈哈笑應該唔會差啦!其實除左個黑松露菌醬意式比薩之外其實真係MO咩特別好食...環境就有D似椰林閣FEEL....但係個價錢都合理..所以唔好期望咁大去,就冇問題..SO FAR對我黎講去一次就夠....就唔會有第2次...

真係好好味呀!!!!我地個日夜晚9個人.....好彩預早BOOK位.....我地ORDER左好多野食.....心太軟、黑松露菌醬意式馬斯卡普芝士夾心比薩、金船長芝士漢堡、三文魚沙律PIZZA、千層面、羊肉漢堡、鹹豬腿飯、梳乎里、蕉糖布丁、木糠布丁、豬仔肉意粉、沙律1個真係樣樣都好好味!!!不過一定要食既....心太軟、黑松露菌醬意式馬斯卡普芝士夾心比薩好味到喊~哈哈~

食物上檯前,廚師似乎用過少少心機去裝飾..但老實說...有點不倫不類食物一般,唔可用好好食來形容唔值得排隊去食意粉都是一大pat汁....與一般荼餐廳無分別如果用去荼餐廳的心情去食會覺得唔錯,但唔好當去食西餐,你會好失望...

黑松露菌醬意式馬斯卡普芝士夾心比薩我覺得佢個醬太膩，食左1塊都唔想再食，不過味道唔錯，除左個醬太膩之外，仲好濃。 精選2:墨汁麵+煙三文魚+洋蔥+唔同種類等等.....呢個精選意粉係我呢餐最滿意既食物，芝士夠多，唔錯，不過覺得太少，想食多d都冇。 唔記得左個名，香辣(尤魚)佢話有微辣，其實一d都唔辣，點既醬有d似M記既甜酸醬，正係得個甜字，外面又唔脆，不過個(尤魚)都算大條下既。 唔知係金船長芝士漢堡 定 金船長漢堡，個漢堡既特色正係塊肉厚，我唔覺得有咩好味，好似普通漢堡咁，只係肉比一般既厚。 心太軟唉，本來好期待，但食起黎原來都差唔多，麻麻地好味，一般般啦，最好既就係熱既朱古力軟心同凍既雪糕混埋一齊食個陣，冇咩特別。 服務態度不錯，收野個d都好快，見到你d水就冇又會幫你加。不過地方就太遠啦，唔識路既話就好易行錯，同埋地方較細。比人既感覺有d擠迫。

留意了此餐廳良久, 終於有機會來試了, 早一日BOOK定位, 心裡參考各食家的食評BOOK了七點半, 但原來這裡真的超級不就腳, like in the middle of no where, 雖然我是深水埗人, 但從來也不知這個地方怎樣去, 結果就是遲到了, 而餐廳也打了幾次電話來吹.去到令我始料不及的是那位經理類似的先生竟然開口先說我累到他失去兩枱客 真有禮貌不過今天是BB的生日, 絕不會計較這小小插曲這裡的服務其實幾好, 斟水很快, 侍應也幾有耐性向你介紹, 而且裝修不錯, 值得加分可惜除了位置偏遠之外, 這裡的格局及size根本就是與一間普通茶餐廳無異, 雖然看得出店主及店員花了不少心思令它在其他方面如食物及服務顯得不平凡, 只是其他外在的東西我不得不有這種感覺說回食物, 對set dinner沒有太大興趣, 而且原來各樣單點食物可以加錢轉餐及加甜品平十蚊, 所以更加沒理由叫set dinner點了至出名的幾樣食物, 環境太暗所以影相不太高質, 請見諒餐湯先來, 類似cream soup with clam, 飲落有鮮味, 絕對不錯的! 不過陪襯的蒜蓉包不香又不脆, 不吃也罷終

同女友第2次到此用餐由於有BOOK 位所以唔洗等點了兩個DISHES一個就係傳聞之中的黑松露菌醬意式馬斯卡普芝士夾心PIZZA另一個就係長腳蟹意大利飯兩個人份量剛剛好PIZZA 正如之前網友的評論一樣-> 讚~8塊~ 雖然對於兩個人似乎多了一點好香口 感覺頗為特別 芝士味恰到好處亦不似得其他PIZZA那麼油膩第二度菜選了一個番茄長腳蟹意大利飯醬汁味道稍為濃一點 不過尚可入口埋單二百左右 整體算不上抵食 始終地方隔涉不過黑松露菌醬PIZZA果然無令人失望

今次第一次食, 已經叫哂CAESAR SALARD 心太軟、黑松露菌醬意式馬斯卡普芝士夾心比薩、金船長芝士漢堡、墨魚車仔意粉CAESAR SALARD 夠大盤. 我地4個女仔分都可以再加, 幾好~炸遊魚絲" 好好好正!!!好快上而且又熱!! 惟一可惜就係細份左D黑松露菌醬意式馬斯卡普芝士夾心比薩: 我覺得有75分。如果熱同埋多D料會更加好金船長芝士漢堡: 麻麻地....墨魚車仔意粉: 佢CHEESE 味會重過墨魚味, OK啦心太軟: 我覺得一般, 可能係我唔中意食心太軟整體呢間最特別的地方就係佢既CHEESE 味幾濃, 唔會令人好飽不過會幾香如果你唔中意CHEESE 味就小心D啦~同埋最想講係佢地既SERVICE 真係超級理想!!論係上級定係普通 waiter, waitress, 佢地都好有禮貌同埋會留意到客人幾時加水、幾時想換碟呢間真係我近年去過最好servie的地方

第一次在金船長食晚餐真的沒有令人失望山長水遠去到因為都幾多人係門口等緊門口的經理先生很nice的為各人安排座位仲好細心甘係餐廳入面拎幾張圓櫈俾等緊既人坐食物方面: 叫左一個羊架set, 一個牛扒set 羊架很軟唔蘇, 好味牛扒就好似燶左d 又有dd 韌要扣分但配菜就好新鮮, 蕃茄仔好甜最後叫左個心太軟, d 朱古力真係好正, 唔會太甜連個雪糕都好滑, 加埋d 好似好立克碎真係好好食圓滿的一餐~ Nice

認識呢間餐廳都一段日子，不過因為地點較隔涉，所以遲遲未去。今次因為牛一，所以專程搭的士入去，試新嘢。兩個女仔，叫了最有口碑的黑松露菌醬芝士夾心pizza，同埋自選車仔意粉，甜品係心太軟。想講黑松露菌醬芝士夾心pizza，之前唔知底蘊，以為係傳統的pizza，仲問個waiter係厚批定薄批，佢當時笑笑口話一般厚啦。來了，才知道所謂pizza，其實係個樣類似葱油餅的大批，而廚房切了它做八份，所以都幾飽肚。pizza裡面用了好多芝士，加埋黑松露菌醬，聞落好香，食落口咸咸地咁，外脆內軟，好好食。自選車仔意粉揀了秘製醬汁、墨魚麵、煙肉，同樣好味，個醬汁有d似忌廉汁，但又有d芝士味，同墨魚麵好夾，正!!心太軟都ok，但因為兩個主食都好特出，相對甜品就顯得較普通。

同女朋友兩個人企係太子諗0左好耐都諗唔到食咩好。決定上open rice 搵下有咩好食，搵搵下就搵0左呢間店鋪。幾經波折終於黎到食0野，發現d set din都唔平。個湯又冇咩興趣，不如散叫。兩個人叫0左個自選意粉同漢堡。意粉-要0左卡邦尼汁墨汁面，正wor，好多汁，好creamy。配魚柳同雞絲very good。漢堡-要0左7成熟，但係好似唔止7成，不過不失。甜品揀0左心太軟-唔太甜，唔錯，兩個人0岩0岩好。最值得我寫食評0既係店員都好好人好熱心，因為粗心大意0既我唔小心倒瀉0左杯水，服務員第一時間問我有冇事同幫我抹返。當堂加晒分~