金牌小龍 (已搬遷) 新店位置

見到the one開左間台灣野,緊係要黎試下啦,我咁鍾意食小籠包...好彩book左位,去到門口都好多人等架,佢打黎confirm都講左兩次繁忙時間就算book左去到都能要等多陣,真係咁誇張咁? 我仲話八點半都仲叫繁忙時間呀??我地4個人食可以坐卡位,d位好似窄少少啦,又冇乜街景睇...我地叫左11樣野食,都好似好誇咁,我地夠晒食,都幾飽下...唔係太勁大碟,所以想試多d野...小籠包, 一籠6粒,細細隻皮薄,湯同肉都好味!糯米燒賣,我覺得一般啦,食左都會幾頂胃架...醉雞,佢唔同平時上海野o既醉雞,佢d係一塊塊,應該係雞脾肉,雪到好凍,又冇乜酒味,麻麻~蔥油拌麵,lei個真係有d失望喇,細細碟,暖暖地,d味好似有d怪...普通紅油豬耳,我食左一條ja,都幾夾口,少少辣,但都真係幾油下蒜泥白肉,都大碟,估唔到咁多,勁蒜呀,好濃,食到我第二日仲feel到有蒜味,哈~韮菜鍋貼, 睇落去煎到成餅野咁,痴埋晒一舊,但皮薄,都好味...排骨蛋炒飯, lei個幾好味呀,排骨唔會乾淨淨,有d黑椒係上面,好香,d炒飯香口少少濕,我鍾意三杯雞,我一定要叫黎食,我好鍾意佢d味,又唔太濃,都好大碟,好多雞,

雜誌近期成日介紹這間新店，於是引唔住去試。 我去了The One那間試，相信全個場只得這一間需要排隊。 排了30分鐘終於有位，不知是否兩人座位比較多，若然是兩人的話很快就有位。 裝修大方，四人卡位幾好坐又唔迫。 服務普普通通。小籠飽 – 皮算薄而內多湯，但貴韭黃鍋貼、菜肉生煎飽、滷大腸、蒜泥白肉、水晶蛋、菜肉紅油抄手、蒜茸菠菜、糖醋排骨、台式滷肉飯和排骨蛋炒飯，味道不錯，但沒有驚喜。 碟頭好細碟，好似個台式滷肉飯咁，我想只有六湯匙飯加少少肉碎，每人吃到好少分量，所以才叫蛋炒飯。說真句，這個價錢可以有很多選擇，一試無防囉！

比起鼎泰豐，金牌小龍的價錢算是相對實惠的，但對於一般人來說還是高了點。要不是為了吃那「黃油蟹小龍包」，我還真捨不得常常來這吃，這家店開幕至今短短數日，我已經來這貢獻了不少銀兩，就是為了這籠「黃油蟹小龍包」。據說「黃油蟹小龍包」是季節性的，過了時節後就得明年請早了。雖然一籠要128港幣，但為了解饞，還是得長途跋涉來吃，聽說最近打特價99元，愛吃蟹的人手腳要快一點。

尖咀公司附近有不少新商場開幕，單是新食店都可以排滿八月今日放工，就同左兩個同事搵野食！第一個目標鎖定！金牌小龍．．．八點未夠，已經人山人海。好多人排哂隊！幸好，唔洗１５分鐘就可以入座，待應帶左我地去餐桌位置後好有禮貌咁介紹幾個招牌菜．．．我地都滿意佢既介紹但係，我地係門口已經諗定食咩喇．．．所以唔洗喇．．．經過我地既一番討論後，我地叫左唔少野食．．．印象深ｄ嘅有．．．金牌小籠包無聊數過．．．又真係有１９褶喎！夾起小籠包見到ｄ湯汁係薄薄嘅皮入面．．．果然厲害！未放到入口，唔小心一跌！成隻小籠包係枱面，無事！果然係勁，雖然薄，但係唔易穿架！原盅雞湯真係雞湯！唔係史雲生！真係好鮮味呀．．．未打開蓋就已經聞到雞味喇！三杯雞有好香的醬油味，食落甜甜辣辣咁，十分惹味！食飯一流甜點有　豆沙小籠包一向喜愛甜，吃落不過不失，不太膩！待應又幫我地換碟又係咁幫我地加水！服務一流！食物雖然未試哂，但係我地點嘅都比想像還好！　加分！

上個月返完工，終於出咗糧喇！應承左老豆，出糧要請食飯．．．知佢鍾意食餃子、小籠包，諗住去鼎泰豐食架！不過好似太貴喇．．．上黎ｏｐｅｎｒｉｃｅ搵搵．．．有新野．．．金牌小龍！！試試佢．．．尖沙咀ＴＨＥ　ＯＮＥ商場入面，咩都未開，食店就開左不少！因為全家人夜晚個個有節目，所以我地揀咗中午去食！一去到就冇乜人！可以揀窗邊嘅卡位住，環境唔錯！去食野首要既就係地方舒服！呢度不錯啦！！當個個坐定定，係時候點野食喇．．．老豆話：喂喂！有黃油蟹小籠包喎！我就口快快答：隨便叫啦，唔洗就住喎！睇睇餐牌，嘩！！！！好彩！都唔係好貴，仲好似幾抵食喎首先叫左ｄ必叫之選先！黃油蟹小籠包好好味！好香！又多汁！吞咗之後個口仲有濃郁嘅蟹味！愛蟹人必吃之選呀！醉雞媽子話得三四舊唔抵食！但係我請客丫嗎！一於叫叫叫！！黎到數下數下都有十舊喎！食落仲幾香酒味！金牌小籠包ｘ２老豆一個都食一籠．．．冇法子唔叫兩籠！！生煎包 :good :good因以前飲茶不快經歷，心目中嘅生煎包係硬！乾！同埋難食！但係鐵板生煎包都係第一次見！個包只係比小籠包大少少！可以一啖放哂入口！見佢咁得意就比次機會佢啦～～鐵板上有一層脆脆．．．相信係上湯煎乾

服務態度: 明明有window seat, 但帶位小姐話無. 座位偏窄牛肚: 過淋通菜: 過咸酸辣湯: 味度同街邊碗仔翅一樣?蟹粉小籠包係最好, 中規中距好在而家係the one食飯超過HK$100可以HK$1換百老匯戲飛

小籠包一向係我杯茶, 睇左幾個叫好食評, 加上係新商場,今日周未決定嚟試, 11:35am到, 客唔多, 我地二人坐卡位, 幾舒服, 侍應都好有禮貌, 第一感覺已唔錯由於係午餐,唔想太heavy,叫左蟹皇小籠,鍋貼(男友想食),麻醬撈面,滷水大腸(個人極喜好豬腸).蟹皇小籠-好味,食到蟹,皮薄唔穿鍋貼(男友想食)-肉汁夠, 皮幾脆麻醬撈面 - 一般,無咩特別,但咁價錢HK$27, 合理滷水大腸-夠腍,不錯小吃總評係絕對值得再嚟。

我係一個好鍾意食小籠包嘅人，睇到有新小籠包店，當然要趕快試吓啦。當然，鍾意食小籠包嘅人都可能會以鼎泰豐為比較，首先，要講吓服務，尚算不錯，非常有禮貌，值得讚賞。但係本店座位非常迷你，絕對坐得唔舒服。要改善。（我明白租貴，但唔可以咁過份架）。講效率，非常快 （如果想慢慢食，可能會嫌太快），食得慢嘅朋友就唔好一次過叫勒。因為伙計話湯要襯熱飲，三杯雞會黐底，麵凍咗會黐埋一舊！！！食物：1.台式酸辣湯： 唔理係咪台式定其他，又唔酸，又唔辣，係好令人失望嘅，好彩湯底夠味，自己落啲醋落啲辣椒醬都唔算難飲2.小籠包: 皮薄，唔易穿，肉汁夠味，但唔夠清甜。皮有少少唔夠滑，水準算唔錯，係一般小籠包店之上，可以話同翡翠小籠包差不多。可以一提係，無令我有衝動叫多一籠。如果淨係為咗食小籠包，不如去鼎泰豐3.台式擔擔撈麵：麵質幾彈牙，味道不錯，好香花生味，有少少辣味4.三杯雞：份量好少，但幾惹味，薑同蒜頭爆得幾香，味幾好，唯一係雞件太細太碎，有少少難入口5.豆漿：味道普通，唔太甜。但咁細杯收＄14蚊就唔抵飲勒6.鍋貼: 由於以上嘅野份量細，唔夠兩個人食，所以加咗個鍋貼，反而有驚喜。味道很好，有肉味，但係無油膩

跟甜魔會長有點東西交收，也就索性一齊吃下午茶，尖沙咀新商場The One是我們的目標，而來勢洶洶的金牌小龍正是我們的第一站，懶理它是A貨還是B貨了。跟Yan和龍哥商議一會，除了必吃的小籠包外，還點了排骨蛋炒飯以及紅油抄手。由於仍會有下場，三款食物夠了。金牌小籠包，一籠六隻，賣相是較扁身，但就摺得幾靚。用筷子夾起，就知道是皮薄，又不會穿，包得很好。吃下，肉味幾鮮的，但可以再濃味一點，湯汁豐盈，又是有水準的小籠包。再來的排骨蛋炒飯，賣相不錯，卻就是金玉其外。排骨是過份的乾身，咬落雖不算韌，不過一點也不鬆化，水準平庸得很；蛋炒飯，欠缺應有蛋香，炒飯又是濕濕的，我最怕。Yan更笑說是排骨的水份全走進炒飯裡。索價$50的蛋炒飯，貴不是很貴，感覺卻是不值。最後一味是紅油抄手，可選菜肉餡料或鮮蝦餡料，其實已經不正宗。不過，只要是好吃，我絕不介意的。這個紅油，大概對辦了，辣度都剛好，起碼沒有像市面有些甜甜的紅油/ 甚至是黑油，而抄手的皮亦算薄而滑，菜肉餡料味道尚可。望一望錶，差不多要去第二和第三站，否則時間來不及了。

尖沙咀的新mall越開越多，真是令人高興，雖然無盡的新餐廳也表示減肥越來越難... 　上週六吃完豐富Cammino午餐，仍舊來了The ONE下午茶，其中金牌小龍是首個目標。環境方面驟看不錯，實而較窄不太好坐。而仔細看了，餐廳店名原來是小龍而非小籠，又在餐單上刻意標榜「深圳原鼎泰豐」，還真有點怪。打開餐單，選擇較鼎泰豐為多，但真正的吸引力的又不太多，是日三人只揀了三款食物：　金牌小籠包($42)-同香港鼎泰豐一樣，一客只得六件，而且扁扁的包身更為細小，令眼寬肚窄的我有點失落。幸而多摺的小籠包果真做到皮薄、多湯、味鮮的要求，與鼎泰豐原店確有8分相似，至於是否與深圳店同水準，由於時間太久忘記了，或者下次到深圳吃過再分享吧。無論如何，小籠包的大小始終是令我最介懷的地方，原來我欣賞的是「中籠包」，總覺得口腔幾乎都被包身與肉汁塞滿，才算是最夠滋味的! 　菜肉紅油抄手($35)-再講一次，這裡真真真怪，抄手也竟然有菜肉同蝦肉可揀，後者會貴$10的。可知道在重慶吃的抄手，百分百無花無假是豬肉餡，當然小店會秘密加水將豬肉發得很滑很嫩，然後平均塗在抄手皮上做成難忘的美味。這裡的菜肉抄手，鮮香度當然無法相

　　是夜約定朋友晚膳，原想嚐試19或20樓的食肆，不過朋友的身體抱恙，故退而求其次。店方分別展示信心的一面，「金牌小龍」的名稱不在話下，除了廚師公開展示技巧外，還有餐紙上列舉國內多間分店，正所謂「不是猛龍不過江，並非靚女不......」，似乎有備而戰，食客唯有迎戰。　　六時三十分左右食客不多，故沒有留座的情況下，仍可自由入座。侍者安排倚窗座位，有禮地端上各類食具、茶壺，還細心地解說菜餚，不消一會便可點菜。　　時間只花了五分鐘，侍者陸續端上食品，醉雞是我的選擇，外觀特別，只因店方料理的雞片呈圓片型，大小相約並已去骨，相信連兒童也可放心地吃。先嚐一件，雞肉呈嫩滑，可能雞隻肥瘦度適中，故覺得咀嚼時也不察覺肥膩。店方刻意調較酒味淡薄，目的為迎合食客，而我與友人喜歡酒味輕輕略重的醉雞，不過這道前菜可證店方是有心經營。　　豉味涼瓜片，目的是想增加用膳的纖維，用餐時刻意留待最後才吃，只因豆豉會影響味覺。涼瓜片留有甘香味，而豆豉、香蔥在其中，味道只屬及格，倘若店方選擇以其他的烹調方法處理涼瓜便更好，如：冰鎮涼瓜、涼瓜炒蛋等。　　鎮店的金牌小籠包，熱烘烘，一客六件，眼見皮層尚薄，夾起時不易弄破皮層。本人

　 周圍行去到呢間新商場..得四樓有多D野食。橫樹都未試過。個門面都幾好...係門口睇下個menu就入左去.. 環境：有窗口位的..不過可恨地佢既窗口位現時係對住個地盤..無咩風景可言=.=..不過勝在坐既位坐得舒服!!!四人沙發枱...服務：服務值得一讚!!!!!!! 所有既侍應都非常有禮貌。個個無諭咩時候都笑住的..!!雖然枱上面有茶壷自己用...但係侍應都會不時過黎幫你斟茶...食品：（啲野食都唔會等好耐又係值得一讚)1. 醉雞（凍食) - $5x : 一上到枱。因為個碗好細個。以為好少..點知入𥚃都有１０件。 抵讚既係佢既賣相...非常精緻.. .咊道方面。我諗都好睇個人口味。我就幾o岩feel.. 係酒味＋杞子淮山既味道來的。上述既材料味道配合得幾好...2. 蒜泥白肉 - $4X : 賣相就普通....味道非常不好.. 敗筆之處就係佢太過酸同辣味太重..無左啲蒜味..可以不試...3.金牌小籠包 - $4X : 一定要試..皮夠薄.. 一件食落去..啲湯係口中爆開..。用湯份量剛好..湯味濃郁.. 饀料不亦失.. 可以用正字黎形容..話晒都「金牌」..無可能會唔試...

是日「The One 偷跳團」的另一個主賽場地, 是剛剛進駐香港的金牌小龍。相信大部份朋友都對這個名字沒有太多印象, 但能夠一氣過在港九兩大商場 - 皇室堡 及全新商場 The One 開設分店, 相信來頭真的不小。九龍區的首家金牌小龍位於 The One 四樓飲食樓層, 無論店外門面和店內裝修同樣一絲不苟, 充滿內地色彩。一行數人被安排坐於主餐區中央位置, 感覺開揚和舒適。甫坐下, 翻閱餐牌一看, 卻發現精緻得來卻感覺老土, 再細心看看, 在金牌小龍標誌下方竟然寫著「原深圳鼎泰豐」, 心裡突然一沉, 換句話說, 這是 A 貨嗎? 反正也坐了下來, 一試也無妨, 於是便如計劃般點選菜式。但餐牌上充滿娘味的餐牌實在令人對食物的信心有點卻步, 就正如其中一張相片中那個豆沙小籠包, 那個「血盤大口」加上那份量十足的餡料, 實在令人喘不過氣來, 未點選已經飽了。亦因為餐牌的影響, 我們也採用「止蝕」的策略來點選首輪的食品。等候了幾分鐘的時間, 食品便來了, 但看店員送來的排場 (食品與配料同時奉上, 還出動到兩位店員), 加上精緻的餐具, 是加分的部份, 但當看清楚食品本身的賣相時, 實在有扣