金牌小龍 (已搬遷) 新店位置

又到了尖沙咀吃午餐，上星期去了iSquare，所以這次來The One。這是第4次來The One，之前3次都是到同一間餐館，就是媽咪的新愛「迎」，而每次都是從停車塲直上，未逛過商塲。這次乘地鐵來，第一次經門入，很有新鮮感，又有時間逛商店，真好肚餓時看directory找東西吃，見到「金牌小龍」，聽說是在國內的鼎泰豐的師博開的，水準很好，便選定了。只是等一、兩張枱，還可以。地方迫一點但也可以。碗碟都印上了「金牌小龍」的logo，很整齊漂亮。我們二人點了酸棘湯、涼伴棘牛，金牌小籠飽及菜肉生煎飽。酸棘湯味道較易入口，不會過酸或過棘。牛切得薄，伴了青瓜中和棘味，亦不錯。雖然小籠飽的皮很薄，夾起來搖了幾下也沒穿，肉汁亦夠多，但皮較乾及太"un"。菜肉生煎飽更差，沒有味道，做法看似特別，想令個底煎香，但完全沒有煎到香脆的效果，反而太硬似乎這個金牌還末夠金，比起翡翠或鼎泰豐的麵粉類食品還差幾成。有待改進！

因同事是食家，往往喜歡到處搵新食店．到 THE ONE， 知金牌小龍與鼎泰豐既原因，聽同事提到國在內鼎泰豐已轉名為金牌小龍，因此，我們就決定來試下!我地order了：　金牌小籠包：比 Jade 既 真係多湯汁！合格！　　紅燒牛肉麵，呢度無論牛肉，麵，同湯底都是一般，合不去大婆牛肉麵嘗試試 ? 而最令我驚喜，就係 排骨蛋炒飯：炒飯炒得金黃而乾身，好耐冇食咁好味既炒飯，不覺油膩。至於排骨，比較硬，如再改善會再好一些。其他食物，請看相片。Conclusion: 蛋炒飯最出色

是日特意去The One 試金牌小龍,等位時間可算是沒有,可能是因為太早吧。優美的環境使每位食客都心情舒暢。雖然缺乏海景,但有動聽音樂撘夠。待應生們服務不俗,一坐下便有茶喝了。讚! 好,是時侯說食物了。 生煎包($36):9分 出乎意料地好食!別人的都難食,但它卻是整餐中最岀色的!爽爽的各種菜類合起來,絶對值得一試!!金牌小籠包($42/6):7分 失望,小籠包的味道、質素和别的都沒分別,特意去食的話就不要了。油蔥拌麵($27):7.5分 一般,上湯味道很淡,配上伊麪就淡上加淡了。 雞湯伴麪($52):4.5分 劣中之劣,雞肉老得像個老太婆;而湯跟伊麪又不配,牛頭不搭馬嘴,這樣又能稱得上是好菜呢??豆沙小籠包($30):8.5分 甜得適中,外形又得意,值得一試啊!!整體來說是不錯的,但就有數道菜有点劣,但都一試無妨,有空便去試試吧!!

是次受到某雜誌之邀請,來到近期人氣之商場 - The One,在商場內的新餐廳試菜,其中一站,是有深圳鼎泰豐之稱的"金牌小龍".十年前還是年少氣盛,初次到台北,一落機便急不及待,走到去鼎泰豐吃小籠包.如今香港也有直屬經營,無須專程到台北吃.至於深圳的金牌小龍,與鼎泰豐有什麼關係?這不是今次的討論要點.The One食店有高低之分,即是在高層的食店,比較高級一點,金牌小龍在四樓,相對地大眾化.價錢與鼎泰豐相若,每人百多銀便可大吃一頓.與鼎泰豐一樣,店外的櫥窗,可以看到內裏的師傅做小籠包之過程.菜式基本上也是差不多,小籠包之外,有台式小吃,炒飯,盅湯,雲吞等等.今次試的菜式有四味,應該全是店方的招牌菜.當然小籠包一定有.首先品嘗的,卻是紅燒牛肉麵.此牛肉麵沒有其他台灣牛肉麵的粗糙,賣相齊整.牛肉軟稔鬆化,牛肉湯底的牛味濃香,帶有點點辣,結尾甘醇.感覺暢和.麵條比較扁身,聽說是自家手拉,一下之下的確有彈性.此牛肉麵賣$52,值水準之上.那些自稱班長的牛肉麵,完全不夠班.很久沒有吃過三杯雞,記憶所及,上一次品嘗此味,恐怕要數回十年八年前,在V-Mix卡拉OK(即是現今糖街Neway CEO).

最近跟朋友相約好了到尖沙咀新商廈The One跑一趟，購物減壓一下，驚喜的是發現除了一眾主流大Brand外，內裡也有市面少見的服裝牌子，可惜當日時間不早，大多關門了，看來要找時間再來慢慢看。服裝店關門，餐廳又如何？幸好時近十點還在營業，可惜大多是熟口熟面的連鎖餐廳如越旺，味千拉面，易牙妙手等等。見這邊叫金牌小龍包，很好，是未吃過的品牌，立即拉了朋友入內。餐廳頗大，所以沒有噪音問題，內裡裝修則以金色為主，配以木檯椅，亮麗起來也不太俗氣，我們被引到餐廳四人卡座，遙望繁華彌敦道，景致不錯，環境屬於中上。食物方面，當晚叫了小龍包，煎窩貼，咸肉粽，蔥花蛋炒飯及蔥油撈面。第一樣來的竟然是煎窩貼，心即涼了半截，為何會這麼快？一咬之下，外皮又軟又濕，肉餡味如嚼蠟，顯然是番叮貨式，這個索價40的窩貼，不滿意！ 蔥花蛋炒飯正正常常，但個人而高便不喜歡珍殊米炒飯，因珍殊米黏性強，難以炒至粒粒分明，事實這碟炒飯不夠乾身，而且下了不少味精同炒，要不得。咸肉粽也是番蒸的，糯米糊成一團，失望。吃至此，小龍包終於來了，論外形屬於“一口”狀，小巧易吃，但內裡湯汁很油，應該全是油，沒有上湯在內，不要說和皇之家比，其實“好

香菇花素蒸餃 / $45 /6個蒸素餃皮乾沒有水份，似都被蒸發掉了，皮稍為厚了，素餃內餡主要有紅椒粒、黃椒粒、碎粉絲、碎雲耳，冬菇絲及青菜，味道清啖排骨湯麵 /$44/一碗一塊炸豬排，皮薄肉脆，炸得均勻陣陣油香，些許黑糊椒灑面麵則是粗身闊麵，麵質一般紫糯米八寶飯/ $34紫糯米與白糯米同價，基於經常吃白糯米而選了紫糯米，我猜因為紫糯米是由黑糯米與白糯米溝在一起煮，煮出後的顏色帶深紫而名為紫糯米面層舖上腰豆、甜冬瓜、蓮子、柚皮內層是紅豆蓉，不怕甜的我也覺這紅豆蓉甜了點不過，作為午餐又加蒸餃子，一份八寶飯剛剛夠我一個人吃飽茶位每位 $5在尖沙咀的新商場內這餐廳算是多人排隊等候了，還設玻璃窗供客人觀望廚房師傅包小龍包過程，算是小小賣點吧我沒有興趣走過去看，怕看了不敢吃很高興近半年尖沙咀來了三大型商場，為"為食客"帶來更多食之選擇

一路都想喺The One試新野見有我鍾意嘅上海菜於是揀呢度可惜成日排長龍又冇訂枱服務所以好難得今次終於食到7點鐘都仲有位過多二十分鐘我達嘅時候門口已經好多人好彩有朋友早到如果唔係有排等仲可以坐到窗邊卡位雖然冇景觀可言但2個人坐卡位感覺好濶落金牌小籠包$42皮薄、肉汁多有人覺得皮愈薄愈好我自己反而皮太薄食落去冇左皮淨係食裡面嘅肉咁呢度嘅小籠包可以皮厚番dd整體上只係一般有咩特別紅燒牛肉麵$52$52係呢個份量就唔算多湯底係可以接受嘅小辣因為係友人預先order佢食嘅時候覺得麵有過硬而輪到我食嘅時候因為浸左一陣所以好淋番少少我自己本身鍾意食硬身嘅麵所以我覺得硬都冇問題牛肉係一般菜肉蒸餃$48呢個係咁多樣最好食嘅仲好食過小籠包裡面嘅菜砌得好幼細成隻餃漲卜卜皮又唔會太薄又唔太厚醉雞$58(凍食)好細碟，份量唔多味道方面好濃嘅酒味雞都唔係雞胸肉算好嘅係佢嘅酒味比其他地方嘅醉雞濃酒味入晒件雞但係食落去好冰凍呢服務方面算唔錯加水同落單速度幾快禮貌及態度合格只係得walk in 呢樣野最好有埋訂枱咁樣我會黎多幾次呢度限住食1.5hrs入座前會講明幾點還枱但好彩佢上菜快食完都唔夠個半鐘所以唔知係咪過鐘會

身邊食友對此店的評語各走極端,但每次經過門口也見人龍.這天下午三時多來到見無須等位便入來一試.心目中並沒有拿它來和其它店去作比較.環境不錯令人不禁對出品有點期望.上海肴肉----將肴肉切成厚身方形或菱形的菜館吃過不少,但切成薄片則較為少見.能切成這樣代表了質感有咁上下的硬度!入口感覺就像魚膠粉下得太多的啫喱糖一樣硬身也吃不到有肉的味道.台式酸辣湯----看起來是很足料的樣子,但酸辣味一概全無只像街邊的碗仔翅一般,只是更杰味道更淡.金牌小籠包----包身頗硬尤其是收口摺位簡直可稱之為"一塊",可用筷子打橫把整隻包夾起而不穿不爛.湯汁雖不多幸內裡餡料尚算鮮味.韮王鍋貼----底部煎得香脆雖然餡料質素只屬一般,但對比起其它這已算是最好的一款.蝦仁燒賣----果然寶物沉歸底!本來整體勉强也算OK但就被這個撤底KO了!蝦肉又霉又腥立即吐了出來,完全不能接受!退貨!筒仔米糕----取消後本想結賬止蝕離場,但店方說可換其它食物.友人一時心軟...結果不問而知.這個自稱正宗的筒仔米糕未吃已知是不正宗!用竹筒蒸出來的話會有這麽工整的梯形出現?糯米軟身偏爛是正常,但嚐不出有肉燥及丁點竹筒的味道,切得細碎的

之前都想試下, 因為o係The One裡面, 幾方便. 見d食評好壞參半, 最終都決定一試! 我吔3人行被安排坐靠窗既卡位, 但枱太細, 如果叫到成枱野一定冇位放, 坐就麻麻地! 野食方面就真係普通. 滷水海帶暖暖地, 但冇乜味! 小籠包尚算可以, 皮薄汁ok但d肉麻麻, 魯肉飯好細碗, 個底汁太多喇 韮菜好香, 但麵就硬咗d 津白好普通 生煎飽應該用水煎, 有別於平時好食既生煎飽 而豆沙小籠包還可以, 不太甜, 皮薄! 整体嚟講, 真的普通, 下次都係食番嚟自台灣既比較好.

下午先決定晚上一聚，決定食咩時，諗下未去過 The One，不如係入面選擇一間試下啦！經多人投票後就決定食台灣嘢啦！有咩好食？睇相啦！p.s. 坐位有限，最多八個人一齊坐，再多啲人就好迫架啦...

第一次去TST既The One商場之前睇open rice知國內金牌小龍來港開分店, 就好想試下講真國內金牌小龍不是特別好吃但由於我勁鍾意食小籠包, 所以好想試下它來了香港會否有驚喜由於有人竟然6點鐘叫肚餓食左一大碗牛腩粉今次只可試陪我試好少食物金牌小籠包皮夠簿、肉汁又多，比內地店好味紅油菜肉炒手 普通, 餡好多菜, 紅油不夠辣膽膽撈麵 份量少, 味道淡, 好似只食到花生味好想食既水晶蛋竟然冇得賣

位於THE ONE商場內的金牌小龍，聽聞有大陸鼎泰豐之稱，雖然鼎泰豐在我心目中印象唔太好，但心諗呢隻A貨爛船都應該有三根釘，可惜我今次真的上了一隻會沉的船，食完呢餐個心沉到極點...炸醬拌麵($32) - 麵身軟滑度欠奉，咬口亦強差人意，蔥花無爆香，炸醬味道偏濃但不辣，整體來說完全令人失望，加上份量極少，唔抵食！韮王鍋貼($36) - 如果大家對八方雲集嘅鍋貼俾劣評的話，呢度嘅韮王鍋貼肯定更低分。我係當時唯一的顧客，而且剛開店無耐，我呢份等左半小時先送黎嘅鍋貼應該係熱辣辣的，相反連微波爐翻熱過都無做到，皮唔脆都算，入面嘅餡料真係少到爆，好失望...豆沙小籠包($30/6個) - 本來黎得呢度係應該試鮮肉小籠包或者蟹粉小籠包，但見到呢度有豆沙版本，甜魔作祟之下叫來一試。豆沙甜度適中，夠香夠粉，唔錯！但小籠包皮令我跌晒眼鏡，外皮硬到好似食未解凍嘅冰皮月餅一樣。心諗好彩無叫鮮肉小籠包或者蟹粉小籠包，應該果層外皮都係同一命運，唔好話同鼎泰豐相比，甚至任何一間上海餐館都好過佢多多聲...論裝修，金牌小龍在THE ONE商場眾多食肆相比唔算突出，但坐位都算舒適，光線亦充足。服務方面還可以，但上菜效

與舊同事相聚, 見the one 已開, 就來試下!因知道沒有得訂檯, 就一放工來呢度等位, 我7點到點知唔使等, 即可入座, 比預期快有位, 仲約左其他人7:30添, 唯有慢慢座, 好在先入座, 7點半已冇位, 要等了!!先叫了小吃, 嚕水豬大腸, 嚕肉飯同擔擔麵!!等了10分鐘左右就上菜!嚕水豬大腸 - 好好味, 但碟碟野都好細碟嚕肉飯 - 真係份量好細碗, 味道ok擔擔麵 - 又係細碗之作, 不過辣左少少之後等人齊後再叫以下美食:小籠包 - 不過不失菜肉錕鈍 - ok蛋炒飯 - ok比起另一間台灣美食 (x 泰豐), 還是 x 泰豐優勝, 起碼佢招乎會好d, 而且座位設計好一點, 寬闊點, 還是覺the one 的新商場式設計不是很好, 太窄了!! 但勝在地點方便就腳, 近地鐵站!! 可以一試!!

Melo B 真的要推介這間食店！先講環境，有卡位，就算午飯時間亦可以給二人坐，私隱道頗高，不擔心鄰座会聽到大家談論的題目。其次係服務質素，雖然知道他們是新手，看見他們都非常勤力和有礼貌，親切！選擇方面，比鼎泰豐有更多樣化，除了一般的麵和餃子，還有小菜，如你不想太單調吃碗面，這店会比較適合。味道方面同鼎泰豐好近似，最欣賞是原盅牛肉湯和紅燒牛肉面，好味的湯加上入口即溶的牛筋，簡直垂延三尺，好味！餃子，菜肉餃都是中規中鉅，沒有大的驚喜。不推介的食物係肴肉，d冰未完全溶化，有冰冰的感覺！午飯不用輪侯而這樣美味，難得！同場推介﹕吃完去對面Tutti Lemon 買杯珍珠奶茶，都只係$11，抵飲！

約了老朋友出尖沙咀食飯…諗住未夠鐘,係美麗華行左一陣等朋友放工,當知道他的地鐵去到尖沙咀,我就行過去,點知行過去時下著大雨,唯有行入去一個未開哂既商場,(事後先知叫the one),於是叫朋友過來…也因太大雨我地都唔想走來走去,只好係呢度搵野食!!上到去食得既唔係大把雪糕店,就係貴價餐廳唔坐得耐,但係有一間大排長龍!原來係金牌小龍!睇睇餐牌,價錢合理! 環境又幾好!所以就揀左呢度!我地等左唔係好耐…就有位…坐左係卡位…因為左右都係玻璃,所以覺得特別大待應都為我地加茶,十分有禮!經過一輪商議…我地叫左幾樣野食一個麻醬撈麵,蝦肉水餃,小籠包,醉雞,仲有雞湯!麻醬麵都易食得飽人,兩個人share就差唔多,辣辣地,幾惹味:蝦肉水餃,當真有蝦,仲有少少肉,咬落有蝦有肉,十分豐富!小籠包, 夾起都可以見到入面湯汁,師傅猜皮同包小籠包功夫一定好好!小心睇熱,咬開真係多湯汁!醉雞, 圓圓一片片!冇骨好得意喎!而且好香酒味!原盅雞湯,兩人一碗咁上下啦…打開一陣雞的精華撲面!飲落絕無味精! 仲好滋潤!!飲得過…埋單前,我倆也覺得環境好好,朋友聚聚的好地方!仲拎個餐牌傾傾下次食咩!先發現原來呢度係”深圳鼎泰