金滿庭京川滬菜館 (奧海城二期)

营业中

休息中

竟然是第一次來金滿庭枉我是上海菜迷^0^失禮失禮剛剛從台灣回來有感鼎泰豐的質素下降只可以用一般形容因此對上海菜的鍾愛有輕微下降金滿庭令我重拾對上海菜的鍾愛它的擔擔面, 小籠包還有醉雞都令我非常滿意至少小籠包的皮雖不太薄, 但汁多擔擔面的麻醬很讚.......吃不停口醉雞.....終於吃到有酒味的醉雞了~一個字好!!!

懶左一排嘅師傅, 終於的起心肝, 開始寫下野喇! 睇番d相, 嘩, 原來成個幾禮拜冇寫過食評, 而最舊嘅食評竟然係喺中秋節!一年一度中秋節, 好應該人月兩團圓, 所以亦間接比師傅搵個籍口出黎食餐飯啦; 兩口子一致決定食上海野, 順便當做節, 而地點就揀左呢間! 行到埋去都幾多人, 可幸係唔需要等好耐就有位喇! 一坐底勁肚餓嘅師傅即刻睇下有咩好食先, 商量後一致決定柯打一客小籠包, 雲白肉, 燻蛋兩隻同埋咕嚕肉! 等左一陣就有得食, 上菜速度都幾快, 差唔多同一時間四款食物同時登場! 首當其衝就梗係試下個小籠包啦, 小籠包一客有八隻, 大細適中, 一啖放入口發覺肉汁非常豐富, 而且皮夠薄饀又靚, 大啖大啖食真係非常好味, 加上師傅從來未試過一餐食四隻小籠包, 所以感覺好正呀; 雲白肉其實係薄切豬頸肉, 薄薄嘅豬頸肉加上軟腍腍, 但腍中帶爽, 再點秘制嘅汁, 真係好好味; 燻蛋兩隻就開邊上, 味道冇咩特別唔算吸引, 皆因覺得佢燶左多過似燻, 但蛋黃依然好軟熟, 可以啦; 咕嚕肉味道酸酸甜甜, 非常醒胃, 一d都冇過火, 不過炸粉偏厚, 加上入口都幾硬, 呢度扣少少分啦!總括黎講食物質素頗

事原: 我今天與家姐在奧海城買衫,買得興奮, 夜了, 已經10:15p, 看見金滿庭收 11:00p. 我們只打算很快的食一個麵. 入座前, 姿客小姐態度已經不好. 第一句, 「我們last order 10:30p」. 我們說:「沒問題」. 她說: 「我們11:00p 收舖.」我們再說:「沒問題, 我們知道.」 而我和姐姐已開步走入餐廳內. 我們這一刻仍很感謝她所提供的資訊. 奇怪的是, 這位姿客小姐反而從後叫上來, (這一刻, 不是她帶我們進入餐廳, 而是我們走在前頭, 她從後叫上來, 有點像在喝停我們) 說:「11:30要離場了.」 我們再說: 「是, 知道,明白, 好的. 」 我和姐姐繼續向前走, 而這姿客小姐給了我們以下這一個表情「 」她這個表情, 我立刻意會到的是, 「我已經說了這麼多, 你仍要入來嗎?」唉. 我們已經拉開坐位, 坐下了, 我以為如果我這一刻才又起來離開餐廳 很沒禮貌 像在運吉攪事. 所以我們也很快點了菜, 希望大家開心. (可惜, 現在, 我才明白, 原來如果我這一刻 雖然坐下了才又離開,眾侍應們才是最開心的. 我再講, 大家就明)菜很快就來了.

禽晚約了舊同事食飯,有人提意到金滿庭, 舉脚贊成, 因為一直都好想試, 但每次經過d人多到ar...好彩今次佢吔早d到等位, 7pm我一嚟到做啱啱入坐.小籠包 - 有8隻, d皮都幾薄又多肉汁紅油抄手 - 雲吞大大粒, 個汁都幾好味又夠辣1/4份砂鍋雲吞雞 - 個湯好甜, 配雲吞, 黃牙白京式牛肉配薄餅 - 牛肉一絲絲甜甜哋又有d榨菜絲, 好味四季豆 - 乾身好味最後一定要提 - 流沙包 - 嘩!係我食過最好食的流沙包, 咬開, d蛋黃油...流到ar....本想影張相但掛住食, 又要小心嗰d流少流到一手都係...無影到我哋一直坐到10pm, waiter不斷為我哋加水...埋單只係HKD400. 正ar.....下次一定再嚟食流沙包

六月三十日(一)又到每月慶祝日子，今次揀左黎金滿庭食，雖然遲左唔小，但都要補番尼篇食評，因為今餐實在太滿意~! 本人和老婆都最愛尼度砂鍋雲吞雞~小籠包一啖一隻，SIZE剛好，肉汁豐富，皮薄饀靚，個人認為不下於鼎泰豐~砂鍋雲吞雞可以叫1/4隻，岩晒兩個人食，雞湯鮮甜，天然無添加，雲吞鮮美，美中不中不是雞脾部份，雞肉點特製醬油亦非常好味，不過醬油味精則很重~排骨湯麵上次吃過擔擔麵，覺得湯比不上詠藜園，麵則相同的高質，今次試清湯配麵果然更顯麵的高質，豬扒亦炸得不俗，只是個人認為調味還可以更好~已經吃到很飽，本想吃高力豆沙也吃不下這裡地點雖然偏遠一點，但以其食物質素，還是非常值得再來~!

今天是中秋節，我同青檸先生去完科學鑣的深海奇珍和冒險完後，就去了金滿庭吃飯。我地叫左： 1)花雕醉雞 2)小籠包 3)擔擔麵 4)炸饅頭 5)羌汁湯丸 6)杞子桂花糕 7)鍋貼。我地興奮得濟，叫左好多野，有d都食唔哂。原本想叫我很喜歡食的雞絲粉皮，但奈何今日下午個餐吃過同汁、差不多味道和好(溜)的食物，所以無揀。今晚的食物，樣樣都好好食，而且是我和他都同樣喜歡吃的。如果俾我排次序，我會選最好食的是: 1)小籠包 2)花雕醉雞 3)炸饅頭 4)杞子桂花糕 5)鍋貼 6)擔擔麵 7)羌汁湯丸好耐都無寫過openrice了，但這三天假期，能和他一起渡過，真的好開心，今晚還和他吃一頓這麼可口和豊富的晚餐，真係希望這三天的時間能夠慢些過去。

一行7人黎到奧海城, 諗住book定位等住食番餐, 點知原來不設book位, 所以7點已經去到. 那時, 門口的人龍漸漸成形, 還好等了10分鐘, 便安排我們入坐由一位朋友發辦, 點左個8人套餐, 如下:雞絲粉皮: 粉皮唔會係撈既過程中斷/散開哂, 證明有咬感, 不失為一碟開胃小菜賽螃蟹: waiteress會問你要唔要埋蛋黃, 可以分開上, 但個個都要, 倒落去撈幾下, 再叫多碗白飯黎送, 一流!!龍井蝦仁: 雖然唔知係咪雪藏貨, 但食落冇乜雪味; 而且用龍井黎炒香, 食落有一陣陣甘香係口入面揮之不去, good!!時菜肉絲炒伊麵: 有一點點扣分, 個伊麵底有d生生地, 唔知係咪太快上, 煮唔熟砂鍋雲吞津白湯: 每人分到一粒雲吞同2碗湯, 少少鹹但唔會話飲到你頸渴高力豆沙: 包皮係好鬆化, 但係個人覺得做餡的紅豆同香蕉唔係好夾一口小籠包(另點): 招牌菜, 必點之選, 真係落足料, 咬下去d汁流哂出黎, 試埋一口鯨吞仲過癮, 不過要睇熱呀桂花糕(另點): 中式甜品首選, 朋友們大讚好味!總結而言, 環境優雅, 甚有中式菜館味道; 亦有電視機俾一眾追劇迷娛樂; 服務方面, waiter

有日有位同事說要到奧海城吃午飯,我們第一時間便想到金滿庭.Lunch時間一早預計到要等位,所以我們特別提早出發;幸運地避開了人潮,一到達便有位.二話不說便先點了個小籠包 - 皮薄餡靚,味道一流,且又真的可以做到夾起也不會穿.雪菜肉絲炒年糕 - 炒得不俗,年糕十分煙韌,不過鹹了點,可能是雪菜問題.. 紅油抄手 - 不太辣,我反而覺得它很甜,幾好食.素菜包 - 很大粒,似炸彈. 皮薄而餡料全是菜,可以說是健康之選;但一籠得四粒, 抵食與否則見仁見智.上海粗炒 - 沒有特別但炒得幾好,不會是"油淋淋"那種. 相比之下個人始終比較喜歡炒年糕.對上一次去已經是年前的事,難得依然保持水準,同事更嚷著下次要再去呢! 如果每次都不用等位就更perfect!

疲累的積奇教完水之後, 相約祖安一齊食飯, 本身想去<金船長>, 不過打去book位0既時候, 服務員話要晚上九點九先有檯, 咁當然轉移陣地啦, 我地決定0左去<金滿庭京川滬菜館>. 1. 小籠包 (8隻 $39) ~ 果然有質素, 皮薄餡實, 價錢合理!!! 2. 擔擔麵 ($30) ~ 今次叫0左少辣, 因為0岩祖安食. 味道不錯. 如果趁早點食,麵質效果會更佳!!! 3. 高力豆沙 ($10 兩隻起) ~ 以前都是在<金滿庭>攞回對高力豆沙的信心, 因此喜歡了它. 有香蕉同豆沙餡的高力豆沙真的好好味, 外內層都是很鬆軟, 正正正!!!P.s. 由16/8 開始, 凡5:45pm後入座, 而7:30pm前結帳, 有免收加一的優惠.整體評價：果然保持到一貫的水準!!! (首選：金滿庭, 次選：金煌庭）

早就想來這裏食，無奈每次都要排隊。今日終於趕得早，當然要把握時機一試。茶芥碧螺春 $9：其實我幾乎是不識品茶的，只知道第一杯遠不如第二杯來得清苦。餐前小食（酸辣瓜條）$12：為了平衡營養需要，揀了脆脆的瓜條，酸酸辣辣都幾開胃。漁香玉環帶子 $35 2件：一來愛吃帶子，二來喜歡漁香的味道，就點了這個餸。帶子外身很入漁香的甜辣味，內里幼滑鮮嫩，如果拌了醬汁吃更為美味。一口小籠包 8隻 $34：皮非常薄，夾的時候要格外小心；餡亦很香口很多雞湯，一口咀掉很有滿足感呀。很有水準的小籠包，就是一籠八個實在有點多，兩個人清掉有些費力呢。北京水餃 8粒 $36：朋友叫好，我卻覺得和家里煮得“速凍餃子”沒有太大分別呀；而且肉的份量過多，又缺少肉汁，感覺有點滯；餃子皮倒是頗為北方化，有家鄉的親切感呢。桂花丸子紅豆湯 $20：吃中餐也不能少了甜品以為會是紅豆沙，料不到果真是湯來的，很甜但不夠紅豆味；丸子細細粒整得慢精細，內里還有香香的黑芝麻餡。算是間有水準的京川滬餐廳，只可惜是日只得兩個人食，故沒機會試到更多菜式，下次再來吧。

已經去過幾次，每次都係同媽媽去，每次都係食上海粗炒，因為我至細都好鐘意食，也食過好多間，這間都可以說不錯，但價錢真係好貴（＄８９）加一之後差不多（＄１００），如果只係普通一個炒麵買到那麼貴，我覺得唔值，　因為裡面沒有好貴材料，　至於其它食物，都還可以，媽媽喜歡食担担麵，但有一次要等咗４５分鐘，待應說因為很多人叫，師傅要現在手打麵，所以耐咗，　點解唔可以先同客講聲，要等咁耐也要問一吓才通知客人，　這個服務真係唔得，　如果我係一個待應，一定唔會發生這個問題，香港待應真係唔得，請人都要揀Ｄ有禮貌之餘也要有心對待客人！另外有次食小籠包，裡面有骨，如果小朋友食咗，唔小心會整損條舌，條骨好似一粒米再大Ｄ，又尖，我都未試過，真係第一次發生這個現像，　真係誇張！整體上都可以，水準唔差，只係價錢問題，我也會帶朋友去試！　

好耐之前，經常和家人去金滿庭食晚飯。雖然食物味道不錯。但每次都要等好耐先有位。(每次都要等成個鐘....)講返正題﹕食物。推介食物 (每次必食)~ 雪菜炒年糕﹕係用青雪菜炒，即係唔係用普通雪菜。年糕都幾有咬口。值得一食。~ 鎮江肴肉﹕冰凍前菜，加埋醋一齊食。夠哂開胃。~ 小籠包﹕皮夠簿、夠多肉汁。~ 鍋貼﹕本人鍾意食煎炸食物~~ 哈哈~~~ 紅油抄手﹕家姐鍾意食。唔係好辣。對我來講，普普通通啦差少少菜式﹕~ 炒膳糊﹕我鍾意膳糊多汁，可以用銀絲卷點汁食。但呢度就好少汁.......(不過味道OK架!)好想食，但每次都賣哂食唔到﹕~ 手撕雞~ 砂鍋雲吞雞最近好少再去食啦。原因?? 就係唔想再排隊low~~ 順帶一提，由於排隊時間好長，佢地會提供茶水、食物俾排隊既人，幾體貼，值得一讚。環境﹕乾淨、整齊。服務﹕OK。

有fd o係USA番黎，約班fds出黎聚舊。原本只攞4個位，因為個fd大頭蝦唔記得仲有2個fds，所以一加再加加到6個人。人加多咗但都無得換大枱。眼見不遠處有張"視覺上"較大的枱，要求轉過去，點知個waitress話一樣大喎。真係幾無奈，張枱咁細，完全唔夠擺野，兩個tea pots都佔咗唔少位啦！見我地咁逼，都唔張"look look"枱俾我地擺tea pots，真唔識DO~算...費事再要求，唔換咪唔換，坐迫d囉...雞絲粉皮：麻醬惹味非常，味濃，雞絲亦夠多小籠飽：皮薄多汁，肉鮮，但唔趁熱食d湯就無晒榨菜肉崧配燒餅：個餅我無食；但榨菜肉崧就炒得幾香幾惹味，又不會太咸傻佬炒飯：幾有鑊氣，多料，有蝦、帶子、肉鬆等，仲有咸蝦乾，的確係幾咸，幾香口嘅擔擔麵：面條ok, 但略嫌唔夠彈牙，比較稔身；個湯底幾香，唔太辣，麻醬很香生煎包：細細個，肉餡鮮，面包也鬆軟，個底有芝麻，煎完很香芝麻味雞肉燴面：我無食食物整體質素ok, 但服務真係有待改善。叫佢開多位都要叫幾次。食剩少少飯，個waitress行過黎，用很不情願同催促 (還帶點忟) 的口吻來問："仲要唔要呀？？？" 咩service 呀而家，我地

上星期六小弟生日，老婆建議去奧運站金滿庭食，下晝五點幾起程，六點三到，已經等位等十個號碼。周圍行到七點終於等到！一早係外面睇定菜單，即刻落單如下: 紅油抄手、小籠飽(八隻)、春卷、榨菜肉崧配燒餅、1/4份砂鍋雲吞雞，好豐富呀！食品逐樣評:1. 紅油抄手 - 好紅、好似好辣，但一D 都唔辣，不過好食。2. 小籠飽 - 有一定水準，皮薄、熱，好！不過碟醋無薑絲，扣少少分。3. 春卷 - 炸起，好熱，建議攤凍至好食，因為好熱氣。4. 榨菜肉崧配燒餅 - 即係塞D料入燒餅食，以前D燒餅無咁闊、無咁大，而家改良左，易入易食，不過四件真係入唔晒D料。5. 1/4份砂鍋雲吞雞 - 又雲吞，不過好似呢個鮮味過紅油抄手。唔知兩隻雲吞真係有分別定唔同師傅？個湯幾甜，正！飽到食唔晒，要打包食淨D榨菜肉崧同砂鍋雞；第日榨菜肉崧煮麵同砂鍋雞煲粥，仲係好好食呀！一餐飯食兩餐，抵！唔記得添，個餐食左$290。

六月八日(星期日)同老公等左一陣就有位!而且值得一讚既係佢地送d小食比等緊位既客人,其他食肆可以學學!!^^飲西湖龍井,茶味唔錯!!!唔係一d差既茶葉!.....首先黎個小食先!佢地比左個凍芝麻雞,都幾滑呀!主菜叫左:1)闊佬炒飯:有蝦有蛋白同埋傜柱,d飯炒得幾好,一粒一粒分開,呢d先係靚既炒飯!而且蝦好爽!用料唔錯!2)一口小籠包,有8隻,而且好多汁,好正!!!3)桂花斑腩,桂花味不算太濃,沒有漏遮石斑的鮮味,有高水準既石斑呀!!!!!必試其石斑之主菜,怪不得,很早石斑已經沽清!!!4)砂鍋雲吞雞(1/4):好彩有1/4選擇!好正呀!特別係雞,加埋佢d醬食,又滑,又有雞味,一點也不像是煲完湯既雞呀!!!!雲吞也不錯,滿是肉!!!個湯都ok!.....每人有3粒雲吞!下次都係多d人黎食好,因為佢好多野食都係適合好多人share既!!!!今次我地兩個都食到棒住個肚...........好似芝麻雞呀等等.....今日食左兩餐都好好食!!!住在大角咀的人有福了!