金滿庭京川滬菜館 (奧海城二期)

营业中

休息中

一口小籠包 - 皮薄餡靚,甫吃下去肉汁滿瀉,要趁熱食砂窩雲吞雞 - 雲吞皮很薄,略嫌菜肉雲吞肉餡過多,太少菜餡,雞肉有點實,不過湯就十分夠雞味京醬牛肉絲 配 叉子燒餅 - 惹味可口,醬汁很濃味，而且份量十足,配合鬆脆的叉子燒餅來吃是一絕 上海排骨湯麵 - 麵過腍,排骨炸得過火了,肉質太實,比較失色的一道菜服務都不錯,每次想舀雲吞雞時, 侍應們都會主動幫我們，真抵讚的呢下次一會要去試試流沙包的!!

遠道而來的光顧，但見到排隊的人龍，實在教人吃驚我星期六傍晚7:00抵達，竟要等多達30張檯，食客之多可見一斑直至有位，已經8:30了.....誰說香港市道差的？！叫了一籠小籠包、一碟雞撕粉皮、一鍋沙鍋雞、京蔥牛肉小籠包︰一如以往的高水準，皮薄料靚沙鍋雞︰清甜可口的雞湯，加上雲吞，實在是最佳的配搭；雲吞浸在湯底內，皮薄之餘卻不輕易穿破，可見大廚的功架！京蔥牛肉︰牛肉肉質雖未算新鮮，但與香蔥爆起來，野味可口；加上用附送的燒餅包著牛肉，香脆的燒餅夾著牛肉，實在是另一種滋味！最後，見到旁邊的一檯食客叫了一客流沙包也許她們見我們兩人看得像發呆的，她們竟主動請了我們吃一個咬一口...... 黃金流沙蛋黃的香、甜，全都從包中湧出來了！很豐富的一餐！

點解係星期六日下晝必去呢? 因為下午茶時間免茶免加一, 感覺好抵食~!!果度D小龍包好食係人都知, 皮薄多汁餡靚, 又係必食既但我今次推介既野比較冷門 --- 流金歲月$2X有三個包, 次次都好高質素!! 高質素定義係次次都係咁流!!不過有D人可能覺得好油好肥膩....但食落口係有一粒粒蛋黃既口感!!食咁多次, 最誇張都係我UPLOAD果幅圖, 未食D油已經滲到出面可想而知入面既流沙真係夠晒多夠晒流!!其實呢間野仲有好多好野食, 椒鹽小黃魚, 螞蟻上樹, 炒年糕, 醉雞翼, 雲吞雞等都好好食每一味都好吸引! 食一次係唔夠架....因為果度既菜式實在太多....

(半個月前食評)之前 openrice 寫食評抽到 "CIA 光碟離奇失竊案" 既電影贈券 ^ ^ 但一直都無時間去睇, 直至當日終於有時間o係無咩選擇 (大部份戲院無做) 既情況下揀左去奧海城睇戲, 距離放映仲有段時間, 就去食左野先!之前睇過金滿庭唔錯, 所以就決定黎次次經過都好多人﹐但今次好好彩地得幾個人一開始帶位小姐仲話兩位搭枱即刻有添不過時間尚早, 都係決定等下唔同人搭枱入到去未叫任何食物之前, 奉上一碟蝦小食味道 ok, 不過蝦肉頗 "梅"擔擔麵好大碗, 本身侍應有問洗唔洗幫我地剪斷, 我地話唔洗, 但後尾有 d 後悔因為d 麵條太長... 夾極都未斷 > < 都幾難夾不過糾纏左一輪之後, 終於食到辛苦男友了! 哈哈不算辣, 很濃的花生醬味, 男友覺得食完有點"膩" 的感覺但我比較鐘意重花生醬的擔擔麵, 所以我又覺得唔錯小籠包熱辣辣, 皮薄多汁, 好食比較起鼎泰豐, 我地覺得金滿庭既較好, 因為價錢較平, 味道相差不遠砂鍋雲吞雞好食, 兩個人每人分左好多碗, d 雲吞同雞肉點 d 豉油黎食, 好好味最後點埋個高力豆沙做甜品好大個, 脹卜卜, 不過豆沙唔係好多

酷愛上海菜既我，提議阿哥生日黎呢度食餐勁既順道滿足下自己想黎呢度一試既願望，哈哈！（因為聽同事講呢度既食物有一定既水準）我地３個人，點了：招牌炒飯出乎意料之外既大碟，仲要堆到好高炒飯多，相比下材料就比較少，有帶子，蟹柳，魷魚…而且落左蛋黎炒，所以好上檯時都好香好吸引唯一最重手係面頭既蟹籽，一大堆但可惜連油都太重手，飯粒閃令令，做唔到炒飯最重要的乾身效果小籠包 (8隻)是小妹吃過最棒的小籠包！超好味！！真的做到「皮薄．多汁」但皮唔會薄到一夾就穿，亦唔會過厚，唔會黏筷子，湯汁又夠多，真的要「小心燙口」了！一個人吃兩三隻，超滿足鍋貼 (4隻)鍋貼亦好有水準師傅手藝好了得，鍋貼賣相整得好靚底部煎得金金黃黃，而且帶脆、香口，正！京醬牛肉配叉子餅牛肉煮得好淋，味道雖然偏鹹但釀入叉子餅度就一絕了叉子餅做得好脆口，面頭灑滿芝麻記得叉子餅要襯熱食，凍左就無咁脆lu！ 宮保雞丁雞肉嫩滑，大大粒，加埋西芹腰果送飯一流而且醬汁夠多，炒得夠均勻但可能小妹唔食得太辣，覺得好辣呀 手拉擔擔麵見到餐牌有兩隻辣椒，落order時已經話要少辣，但依然覺得好辣 x_x麵質比較淋，還是喜歡詠藜園的彈牙口感但湯底卻比它們做得好

剛從上海回來,又吃上海菜?!?! 有點奇怪,變了上海姑娘了嗎? 只是因為沒訂枱,又不想吃"特別價"的西餐,而且早放工,幾種因素.造就了這一個上海晚宴.五點多便來到,大家的胃口也不大好,而且媽說這裏始終都是飽點較好吃,所以我們都以小吃為重點.餐前小食 ($12) - 這晚給我們的是小魚仔,酸酸甜甜,又脆脆的,很開胃怪味雞 ($4X) - 很愛這雞,因為沒有骨,而且那酸辣醬很吸引.蝦仁爆鱔片 ($98) - 有點像豆豉醬,味道很香濃,鱔片爽口,蝦仁則較一般.北京水餃 ($38) - 8隻水餃,沒有湯的,很傳統北京式. 惜水餃味道普通,唯讚那蒜片香醋有特色.小籠包 ($38) - 這裏的小籠包水準也算不俗,皮很薄而且汁很多,但真的要用湯匙盛着,否則很易浪費包內的汁.排骨湯麵($48) - 貪心地多要了這個,因上一次在times' square吃過,讚不絕口. 惜這次豬扒略為過火,有點"實", 有點失望.

昨天晚上，9點幾睇完戲，係奧運站搵食。金滿庭如舊其門如市。一心想兩個人攞張飛等下，但surprisingly 搭檯即有!!小食係蒜子荽西青瓜. 叫左4樣菜: 1) 鱔糊蝦仁配拉麵: 鱔糊蝦仁同拉麵係分開上既，碟鱔糊蝦仁都幾大碟，足夠一啖麵，一啖鱔糊，味道唔太咸，又唔覺油。2)咸肉津白:咸肉切到細細粒，有少少肥膏黏住，幾香同唔乾，至於津白呢，好lum, 吸哂d雞湯味同咸肉味，好甜!!! 3) 小籠飽: 有8隻咁多!! 隻隻皮薄餡靚，又唔易穿，d汁又多又好甜，有肉味冇味精味，欣賞!4) 桂花糕: 共有9件咁多!! 除左桂花，仲有杞子同桂圓係裡面，凍凍地，唔太甜，又唔似Jelly 咁lum. 食唔哂，要打包.我幫襯金滿庭N咁多次，好滿意次次都保持水準，很多酒樓餐廳都做唔到，應值一讚!

今天我和老公去澳海城看戲,看完就經過一間餐館,但外邊有很多人,就好奇想試下,於是去排隊拿票...一過去就很擁擠,好不容易先擠到知客的面前,還沒來得急說幾位,那個知客就很黑面的瞪大眼睛望向我,我就不理那麼多就說了2位...她望都不望我就拿了票給我,然後就說了一些我不明白的話,我當時真的搞不懂她想怎樣...然後就望了望她的名牌(好像以c帶頭的英文,英文很長,看的不清楚,很想投訴她,因為他不止對我一個是這樣,她對其他人都這麼的黑臉)等了差不多半個小時才輪到我們,又是她帶我們,她的腳步很快,我們都跟不上了,太目中無人啦...都不知道這裡的老闆點會請這種人,態度真的無法用言語來表達...我們坐下後快束的點了小龍包,擔擔麵還有醉雞...小龍包很好吃,很多湯水,一點也不膩...難怪是這裡的招牌貨...擔擔麵的面條也很有彈性,花生醬也剛剛好,我很喜歡醉雞裡的酒太多了,覆蓋了雞的本身的味道,但還是可以接受的服務生很勤快,我很喜歡胖胖的帶領帶的男子,他無時無刻都很有笑容到了買單的時候,我老公舉手,只見又是那個黑臉知客站在收銀處,此刻他的笑容終於出現了...但見到我們揮手就即時表露原形黑面來回應我們(就只是

1點未入場睇戲前都唔知食咩好？見到門口企咗好多人於是搏一搏2個人唔駛等好耐,＋五分鐘有位!午餐又唔想叫到好似晚飯咁嘅主菜,諗住叫吓小食粉麵就OK.....點知.....瀨嘢!酸辣湯----感覺怪異!插匙羹落去攪兩吓變咗水!味道似醋多Ｄ!窩貼----一咬落去係爆汁(其實係水)皮厚餡料雪藏味強勁.鎮江肴肉----咸!咸!咸!果層啫喱喺個口溶果吓......春卷----係熱同脆但又係餡料奇怪!成塊椰菜捲住肉絲來包,一咬就全部扯晒出嚟!醬爆牛肉跟薄餅----正確係油浸牛肉絲!用塊薄餅一包,油已經滲過塊餅,一手都係.肉絲煎兩面黃----上抬見到佢撈埋一齊上已經扁晒嘴!面係全部已經浸淋晒,肉絲淡而無味!埋單多謝$380,打個六折(係個胃得幾成飽!因為每樣食少少就無郁過)仲餓餓地入場睇戲.)唔通叫Ｄ"大菜"就唔會出事?仲會好好食?

16/12/2008晚餐五個人去叫左好幾個菜素鵝:味道都唔錯,D料多過平時食開既食店鎮江餚肉:味道好似無以前第一次食咁好味擔擔麵:水準一路都KEEP住咁好味叉子燒餅配榨菜豬肉:榨菜餡調味岩岩好,夾住D燒餅真係FIT哂銀絲卷:好鬆軟,咬落去仲見到一條條既麵條仲有一味送唔知叫咩,係有D蓮子,火腿同炸春卷皮夾住D一塊好似饅頭既野,食落感覺好新鮮,咸甜岩岩好,真係值得試下食

看過包山回到香港時間尚早，拿張票子等等位也沒大問題。行行街買買衫，等了差不多一小時就有位了。小籠包一籠有八隻，個人而言，這裡的皮好像薄一點點，肉好像又鮮一點點，湯也好像好一點點，加起來就好像好很多了。連鎖店來說這裡算是很好的了，但還是君頤(2008-07-06食評)的稍稍好吃一點。京醬牛肉絲連燒餅，是飽肚之作，把幾塊燒餅全塞滿後仍有小半碟未吃，再送飯也可以，味道酸酸甜甜也很爽口，很好。桂花斑塊的芡汁很濃，桂花味不多不少，加進很有魚味的斑塊，都很不錯，比起嚼江南 (2007-10-20食評)的那淡而無味的魚塊好多了。 小食+茶芥算起來30元，就當是把等位時派發的小吃計進去吧。總的來說在京川滬的品牌中，實在是值得長年長龍的。「這趟旅行若算開心，亦是無負這一生。」落花遇上流水，一同品嘗過這樣的食物，經歷過這樣的旅程，縱使日後境況何如，也應值得記取?

went there with the she who must be obeyed for lunch on Thursday.Ordered 一口小籠包, 籣州担担拉麪, 义子燒餅, 水.一口小籠包 is excellent. Very hot when served. Thin skin. Very juicy. Same to the 水.The 拉麪 is also very good. The service is just average, especially the male waiters. When we placed orders, the male waitor appeared to be dreaming, not paying attention. The waitresses were good though.Another remarkable thing is the tea. We ordered 人參烏龍. The taste was extremely good. Ended up paying about $160.S

一聽到那些甚麼京湘川滬菜館,未吃已經打定七折.樣樣菜式都有,又如何?又京又川又滬,你當個廚係神仙麼?所以小弟吃外省菜,一直只會去專注做一個地方菜式的店.京菜可去鹿鳴春,滬菜可去老上海,蘇浙同鄉會(假如P.J可代簽多一次的話.),川菜就可去雲陽閣,或者平到笑的川味港或者聯記川王.不過,香港人比較多心,吃頓飯都當自己吃Kinda出奇蛋,偏向一次過滿足晒三個願望.所以那些標榜京川滬菜館,一樣有其市場.而在奧海城的金滿庭,正是此一混血菜系之奇葩.早聽聞過其大名.長期爆場,一入夜就幾十人在門口排隊,究竟這店有甚麼非凡吸引力?是夜就聯同三位朋友前往,來窺探一下.六點半左右入座,已經食客不絕,本身除是人龍店之外,原來店本身亦拿過甚麼藍帶大獎,亦受到上流社會才會看的"Hong Kong Tatler"雜誌青睞,選其為最佳餐廳之一.同那些五星級酒店內的食店齊名.點菜全無頭緒,唯有友人代勞.先奉上的燻蛋,沒有一點燻味,只吃到一大陣雪味,小弟也是第一次吃燻蛋吃出個雪味來.而蛋黃的蛋味不明顯,耍些鹽提味也徒然,幸好四個人每人分半邊,止蝕得快.吃罷就算.油浸筍幾好吃,吃到筍本身的爽甜.炸菜肉崧燒餅,個肉鬆就過得

我與家人是這店的長期捧場客, 可以說由開業至今, 由創立到家陣有分店, 都持續光顧.食物質素 : 每況越下, 一次比一次遜色, 巳到了底線, 不達到好食而值得推介的水平服務 : 之前的笑容可掬的待應, 全部出走了, 比起現在, 好客巳經扯不上了, 黑面倒多了速度 : 上菜速度慢了很多, 飽點要等 20 多分鐘才有價錢 : 好似神7升空甘, 以飽點類為例, 由$24 頭升到$30, 小籠包由$34升到$39總括黎講, 如果服務同食物質素保持高水準, 加價都無可厚非, 可惜並不是

每次經過都見到人山人海，好似食飯唔使錢咁，這種情景令我有時想食而卻步。先講餐前小吃，是酸辣青瓜，不算太辣的。條條的青瓜純粹手切，不是手拍的，但手瓜幾爽口，更喜歡它沒有把青瓜核取走。素鵝最先來，餡料如冬菇確實爽口，外層炸得頗為脆口，又不失煙韌的感覺，一陣子就把它掃光；接著是熱呼呼的一口小籠包，一籠有八隻，打開蓋時仍冒煙的，十分吸引。人人話呢度既小籠包皮簿，我反而覺得皮不算太簿，但好在肉好有味，肉汁亦豐盈，是有水準的。和尚戴帽，餡料有炒蛋、粉絲、冬菇絲、芽菜等，閣下可以自便把餡料塞進叉子燒餅內。雞蛋是炒得幾滑，不過我覺得這道菜太乾太寡了，正宗京菜和尚戴帽不是應該有點汁的嗎？松子黃魚也不錯，魚肉夠鬆化，尤其是醬汁做得最好，酸甜味適中，醒胃之餘亦不會太搶喉。為不浪費醬汁，叫了一籠花卷，每人一隻。又是熱騰騰的蒸花卷，點黃魚的醬汁食，非常好。