金滿庭京川滬菜館 (奧海城二期)

营业中

休息中

賽螃蟹: 好似無上次食0甘好味小籠包: 都OK露筍鮮魚卷: my favorite 因為我中意食筍埋單發覺都0吾平，0吾通不經不覺下，已經加了價? $30茶錢+前菜，都0吾便宜啊。曾幾何時，呢度系廉價餐廳來啊！0吾怪得最近weekdays無長龍出現

一行7日, book 唔到檯, 等左個半鐘, 大家發誓唔飽唔走。小籠包X2紅油抄手擔擔面(唔辣)螞蟻上樹桂花斑塊咸肉炆聿白半隻雲吞雞酸辣湯豆沙窩餅桂花糕小籠包真係好正, 多汁, 皮薄, 有肉味但唔太濃, 有鮮味。紅油抄手唔辣有點怪, 但好大粒, 好多餡, 都好好味。擔擔面(唔辣), 因為有朋友唔多食辣, 所以叫左個唔辣, 好香花生味, 仲有粒粒花生碎, 湯濃, 面爽螞蟻上樹有點普通, 不過味道都OK桂花斑塊真係好正, 桂花少少甜, 斑塊又厚又大件, 好滑, 味道好特別, 可惜分量唔夠7個人分.....但真係好好味咸肉炆聿白味道OK, 但不特別出色半隻雲吞雞都有10粒雲吞真係估唔到, 半隻雞都好大唔係雞BB size, 手撕食好正, 有雞味仲好滑, 一D都唔係煲完湯既質地, 個湯好有雞味, 又有菜既清甜, 非常好酸辣湯好多辣, 少少辣少少酸好開胃豆沙窩餅好多豆沙, 熱辣辣, 軟熟清甜好味桂花糕清甜, 有杞子蘆薈, 唔係死甜, 好清新聞仲有個人蔘烏龍茶甘甘甜甜, 回味無窮7個人飽住走, 其間服務都周到, 但太多人等, 上菜好快, 我地唯有不停叫野先可以食耐D, 但食物真係好味, 有機會一定

第一次學人寫食評,因為金滿庭真係抵讚喎~上星期六約埋三個好姊妹春茗, 我係openrice睇左好耐最後決定去金滿庭因為我地大家都鍾意食d京川菜式. 知道呢度長期大排人龍所以我同朋友jo提早去排隊. 大概等左大半個鍾之後就有位喇. 睇個餐牌時真係樣樣野食都好吸引啊但我地4個女仔又唔食得幾多.最後我地叫左雲飩雞,水煮魚片,蝦仁蛋餅,小籠包,生煎包,炸菜肉未(with叉子燒餅)甜品係高力豆沙. 雲飩雞好鮮甜美味,但由於我地只係叫左1/4size的,所以一人一碗仔就冇左喇.水煮魚片...好失望>.<"因為以前係加連威老道果間"滿江紅"食過覺得好正.但佢呢度的就唔係幾得. d魚一d都唔嫩,下面d牙菜浸到淋晒失去口感. 蝦仁蛋餅,朋友話想食,但覺得同普通煎蛋咁冇咩特別.小籠包好juicy,好好味! 生煎飽我冇食到因為已經好飽,朋友話一般囉.炸菜肉未(with叉子燒餅),朋友仔話想食,但我覺得麻麻地.高力豆沙,大大個白雪雪,又唔會太甜,鬆軟好味!ps.值得一讚既係服務員姐姐,見到佢個名叫"黃x嵐",佢太度欣勤,親切有禮. 對於我地的無理要求都能合當處理,絕無黑面. 使我真真正正感受到

食dinner叫左蝦子海蔘、蟹粉小籠包、酸辣湯、担担面、醉雞同雲白肉，各樣都保持水準，但担担面始終花生醬味太重，今次睇餐牌發現好多食物都加晒價，啱嘅，始終物價樣樣升，唔通要人做蝕本生意咩，但加還加，千祈唔好將價就貨，一定要keep住水準，如果唔係就少了一個開餐的地方。

一行六人六點半去到，毋須等位，點了以下菜式：一口小籠包：皮薄多汁，水準一直保持擔擔麵：難得可以走蝦米，走了蝦米依然好味紅油抄手：醬汁足夠，辣辣地砂鍋雲吞雞：雲吞及湯屬普通，雞夠嫩，而且沾雞醬好味元蹄：好稔，入口即熔。傻佬炒飯：OK，飯夠乾身

好耐唔幫襯金滿庭了,因為成日都要大排長龍,難得今日早食晚飯,一於去開餐\.我地兩個人點了以下菜式:一口小籠飽: 好多汁,水準唔錯,但我地覺得樓上雪園的小籠飽做得更出色.蘭州手拉擔擔麵: 麵好滑,份量亦多,但好點\"漏\"香花玫瑰骨: 份量多,肉質林滑,肥瘦適中,味道有點濃露筍鮮魚卷: 露筍爽及清甜,魚卷有魚味,好清新整體來說,食物好味,但價錢一般,不過7:30pm 前埋單免加一,優點.

那天跟媽媽想食面,,去了近我們家的金滿庭,隊就要排,,但老實說,,,咁既價錢,,可以選擇更好味既上海菜,,那天叫了炸醬面,擔擔面,8寶面,菜包,咸肉炒時菜,,但憑良心講句,,無一樣拍得住翡翠拉面館,,價錢就差唔多,,但係面又唔夠人彈牙,,又唔見到師傅拉面,,不過算不過不失..

6:15已經去到奧海城, 入去金滿庭坐低埋, 不出三個字就全院滿座, 好在行得快 兩個人點了: 素鵝: 有一陣油炸的"益"味, 如果唔係會幾好食小籠包: 好好味, 水準真係拍得住鼎泰豐水煮鮮魚片: 夠辣, 不過除左辣, 食唔到其他味道, 即係連咸味都冇.砂鍋雲吞雞: 雞有雞味, 雲吞有雲吞味, 津白有津白味; 但成煲野一的連貫性都冇, 好明顯係分開煮再裝成一鍋.高力豆沙: 皮唔平均, 味道麻麻 成餐飯覺得水準一般, 咁多人等...真係奇怪

之前食過幾次都覺得好味，但今次食完之後覺得呢間野退步咗超多，已由美味變成唔好食了！三個人，六點半去到，唔洗等位。1) 宮保明蝦：超級大搵笨。點菜前已問waitress蝦是否比清炒蝦人的蝦大，她說是的。個菜一上枱，視覺上真係而為係大隻蝦，一咬落去...無肉嘅，全部都係粉漿，粉漿厚到不得了，再咬深D先食到少少蝦肉，蝦無味，唔知食緊咩，完全搵笨。個醬係有少許辣，但一d都無宮保嘅惹味，又有好多辣油浸住d蝦，好難食。碟野成$128架，俾大隻少少嘅蝦都合理呀！真過份！2)鮮魚羹：呢個ok ge，起碼夠熱；都無難度可言。魚有d腥，又不夠芫茜。3)啫啫通菜煲：好咸，又係無難度之作都唔得，咸到你食兩條已經唔想食。4)小籠包：唯一能保持水準之作，皮薄多汁，汁鮮肉嫩，係無得彈之作！5)京醬牛柳絲配薄餅：薄餅係好脆，但無面粉香味呢！京醬牛柳絲又係好咸，牛柳絲俾拿過，已無牛肉味，又無咬口......6)醉雞：酒過濃，變得好苦；雞好紅點咁會退步成咁架？唔怪之得無咁多人排隊啦，我地八點成完出黎，都係得大概十人排隊。

星期四我o地一行三人去食晚飯, 未夠七點都要等位. 坐落唔夠新港城那間舒服仲有點兒嘈. 我o地3 個人都叫o左幾多野食個部長都問我o地食唔食得晒.....哈哈~我o地一坐底佢o地就放o左碟前菜$12-係台, 係煎蝦不過我o地唔o岩食所以係點菜ge 時候問部長可唔可以換, 佢都算幾好人換o左雞翼俾我o地(個汁幾好酸酸辣辣). 講返我o地叫ge 菜:小龍包(8隻)$34-= 掂, 皮薄都算係多汁, 一定要襯熱食, 價錢都可以接受鍋貼(4隻)$28-=一般, 以咁ge 貨色價錢略貴春卷(3條)$24-=麻麻, 裡面全部都係淺綠色的菜, 紅蘿蔔都冇一條, 好似怪怪o地鐵板京蔥爆牛肉$78-=麻麻, d 牛肉"拿"到冇味, 有點兒覺得搵笨回鍋肉$52-=一般, 冇乜特別花雕醉雞$65-=一般, 冇乜特別, 雞算滑傻佬炒飯$68-=冇特別, 真係3 個傻佬叫炒飯, 係我O地唔O岩部長話另一款好食D 大家唔信. 大家話有咸蛋同肉鬆應該好味D.不過有樣野值得讚, 好新鮮熱辣, 同杯茶好飲. 我叫O左碧鏍春沖O左幾次都仲有茶味.

希望政府頒個勳章的地位給金滿庭老闆及所有廚師, 表揚他們為香港美食天堂的美譽所作出貢獻, 為香港市民胃口的福祉而努力, 但不可給金章, 因為他們的價錢越來越貴, 而且等位時間長o 他們可否租埋隔離個鋪位, 招呼多些食客, 唔好要人等成兩粒鐘呢? 大佬, 好痛苦架, 兩粒鐘呆等, 個商場又無咩好行o

7/9 星期五晚約了四位朋友到金滿庭晚膳，預約了也要等一陣才有位，我們9：15埋單，仍有很多人等位。我們叫了荵油伴麵，配一個湯撈來食，不覺太油膩。紅油抄手，辣辣地，好味。香花玫瑰骨，有很多細細的玫瑰花，另到個骨很香花味，玫瑰骨很瘦不肥，較健康。露筍鮮魚券，魚塊沾上蛋漿煎然後包有露筍做餡，配合獻汁撈在上面，很特別，味道很清新。油炆筍凍食很爽口。和尚帶帽配燒餅，把蛋炒到鮮黃色一大塊蓋住一些炒牙菜及菜絲，伴入燒餅食，個燒餅很乾，配合這個混合醬汁的牙菜及菜絲，恰到好處。甜品叫了高力豆沙，要十元一個，最少叫兩個，高力豆沙熱熱地，內裡有少少蓮蓉及香蕉，不太甜，好味。又叫了杞子蘆薈桂花糕，外表精型通透，清楚見到杞子及桂花粒，口感有點似Jelly，味道OKAY.

已經幫襯很多次，跟之前乖乖五點鐘在門外排隊拎飛唔同，今次上演一幕等位奇遇記！話說一行七人睇６：００ｐｍ戲，臨入場前拎定飛，睇完出來７：３０，張飛過了九個位，問佢有無得補番，佢話有，再問要幾耐補番，佢話唔係呀，係有張桌等緊我地。望入去，真係有張吉抬係度！真夠運！坐低，要左壺人參烏龍同龍井。好鍾意呢度的茶，特別係人參烏龍，因為入口第一下係烏龍甘味，之後舌尖滲著甜味，非常過癮。點菜：小籠包、回鍋牛肉、水煮牛肉、和尚戴帽、辣椒雞（想試芝麻雞但賣哂）、賽螃蟹，之後，哈哈唔記得左。之前通常同家人來，比較少機會食辣野，今次同朋友來試下，發覺都唔係太辣，特別係回鍋牛肉，不辣，但好夠獲氣，味濃宜送飯。水煮牛肉則辣度一般，未至於要嘖火，辣椒雞則辣椒還辣椒、雞還雞，似乎浪費了辣椒。味道一如以往的高水平，但十分認同樓下說，金滿庭的空調有改進必要，人太多了，好熱好焗，加埋食辣的話，真是比較辛苦的。附圖是回鍋牛肉。

We had a yummy dinner there last night. We ordered lots of dishes! 我地点咗小籠包3籠, 兩個擔擔麵, 砂鍋雲吞雞, 花雕醉雞, 賽磅蟹, 上海炒年糕, 雞絲粉皮, 炸熳頭, 生煎包, 椒鹽排骨, 炸銀絲卷, 腰果雞丁, 東坡肉, 海哲, 雲白肉...好似就係咁多啦! The food was great! We all enjoyed the dinner very much. Will go back for sure!

一間舖頭出左名自然多人幫襯但如果出品同服務跟唔上的話, 就等於退步啦我對金滿庭既出品同招呼仲停留係兩年前但事隔兩年再幫襯, 換來有少少失望囉小籠包, 水準keep到, 皮薄汁多肉絲叉子燒餅(類似啦), 肉絲多多, 餅仔得四件, 塞完仲大把肉絲有剩擔擔麵,個汁杰左少少蝦子蔥燒海參, 完全唔入味, 只係撈個汁係上面雲吞雞, 湯好鮮甜, 雲吞,雞亦嫩口, 好食環境方面, 通風及空調唔得, 四個人一邊食一邊流汗, 食完都唔坐立即埋單走人最差就係招呼, 明顯人手唔夠, 要一壺滾口, 足足搵左三個唔同既侍應, 等左十分鐘有多, 埋單都係要等5-10分鐘, 希望佢會增加人手啦