金樂軒雞煲魚鍋

营业中

休息中

老母突然好想食酸菜魚 做帶咗佢去北角一間賣雞煲魚鍋嘅金樂軒 因為天氣越嚟越凍 所以一入到去都坐滿曬客人 做開咗間房畀我哋添baby shark dudududu酸菜桂花魚煲HKD188。一入到門侍應就好熱情用唔純正廣東話問我地想食雞定魚 待客態度一流。老母話桂花魚市價貴 一條都二三十蚊 所以就簡左鍋魚lol (正一師奶 因為第一次食就冇諗過佢會原條咁上 以為係好似龍脷柳咁成煲一舊舊 所以開蓋都幾驚喜 亦都睇得出擺盤上比較有心思。 另外一個考慮因素就係老母鐘意食酸 我鍾意食辣 一次過 滿足曬兩個人的願望perfect！。 大鍋裝住原條雪白嘅魚肉 加上有酸菜同其他綠色蔬菜嘅點綴。我見d湯冇起泡好似唔太熱 打算較大個火 侍應好好心提一提我 盡量唔好俾佢大火咁耐 如果唔係啲魚肉會變老就冇咁好食 我就乖乖地停手啦。 而且佢叫我哋先飲湯 再食魚肉 食到咁上下就叫人入嚟加水開始打邊爐。 對於湯頭嘅評述：第一啖幾好味😘😘😘但之後再飲落去就唔知點解變得愈來愈辣😖😖 但勝在味道自然 酸菜味唔會搶過咗魚鮮味 加上天冷飲之 全身迅速暖返灑🌞。成煲有d位都幾tricky 見到湯面靚靚仔拱起左明顯條魚同啲酸菜係面

寒冷嘅天氣最岩就係食火鍋啦由於朋友住依度附近，所以先識帶我黎依間響內街嘅小店。雖然只係閑日嘅晚上，但係店內已經座無虛席啦！好彩我地8點前就到左，唔係嘅話就一定要等位啦事不宜遲，我地即刻叫左一渣竹蔗茅根同一個小辣嘅老重慶奇味雞煲竹蔗茅根非常清甜，飲落好舒服另外出面有唔少雞煲都係一開始就連埋湯底，而依度嘅雞煲係要再後加湯底做火鍋，所以夠曬正宗D雞肉非常嫩滑鮮味又啖啖肉，連埋好多燜冬菇，令成個雞煲都好香重點係，依度加俾客人嘅湯底，居然唔係水/極淡嘅雞湯，而係雞煲本身個味開出黎嘅濃湯，所以絕對唔會越食越淡，真係誠意十足，抵讚另外，炸魚皮都係另一驚喜之作，連我一向唔食魚皮嘅人都破例食唔停口魚皮不單止炸得好脆，而且好薄身，食落少d罪惡感！又夠曬新鮮，一d油溢味都無，真係好正！最後，一睇相都知，肥牛嘅雪花非常均勻，部位一流，食落無得彈最後我地當然叫翻個讚歧烏冬索曬d湯汁，烏冬十分彈牙，同雞煲簡直係絕配值得一讚嘅係，老闆同老闆娘嘅態度都好好，殷勤待客，又會推薦特別好食嘅野，好彩佢地推薦左魚皮俾我，否則就真係走寶啦好期待下次再來食

見呢排凍凍地就去食番個雞煲，黎得呢到就食番個風味雞煲啦因為我地都唔係好想食辣，所以叫左個唔辣既老重慶奇味雞煲，一鍋都好足料，冬菇、芫茜、洋蔥、豆卜，成個汁都好滋味，雞件唔韌，冬菇又香又滑我地仲叫左少少其他配料同小食午餐肉，打邊爐落一流啦，午餐肉唔會散收收汕頭牛肉丸，好有牛丸味，但唔會有渣，食落彈牙唔會死實香菇貢丸，香菇味好正啊，貢丸相比牛丸肉較軟，識食一定食香菇貢丸鵝腸唔腥，夠薄夠爽脆，打邊爐油脂出哂黎，非常之好食什菌炒牛頸脊，茨汁炒什菌同牛頸脊，汁好甜好味，炒到好入味，菌類唔會太青，牛頸脊肉都軟林，但整體又唔係好油淋淋，搞到食唔停口脆皮炸大腸，炸得好香口，大腸乾淨又唔會太肥，亦唔會太難咬開我今日唔飲得啤，所以得老友叫左啤酒係到啤啤佢，我就只好乖乖地飲我既忌廉啦不過竹蔗茅根都好清甜解渴架，唔飲汽水飲呢個都得！

天氣涼， 想食熱辣辣嘅嘢~~諗起好耐無食雞煲， 上網見到呢間咁多好評，地點就腳，搵埋朋友去試下。 主打有🐥雞煲同🐟魚煲， 我哋就揀咗個二人份量嘅重慶奇味細雞煲。$168話係二人份量,其實都好大煲。我諗都夠三至四個人食~~✨ 食雞煲嘅嘅靈魂就係嗰個醬汁。我哋叫咗小辣 ，配料都唔少，有冬菇，辣椒，芫荽，洋蔥，加埋 佢個醬汁好濃郁又帶少少麻辣，真係好惹味👍👍 我個位唔食得辣嘅朋友都仲覺得可以加多少少辣，建議大家可以叫辣少少。P. S. 試過唔夠辣，其實可以即刻返加辣的。配料有好多選擇，我哋都揀咗幾款枝竹$38✨建議大家要叫，仲一定要喺未加湯之前就放落去索曬啲醬汁。店員服務好好，送到來已經同我地建議不如直接加落去，慢慢煮。✨墨魚滑 $58其實幾抵食，因為街市買呢度一半都冇嘅份量都要$25， 加上佢好有墨魚味，食得出既鮮味，冇乜添加其他調味料。✨安格斯肥牛（小）$118 肉同脂肪嘅分佈好好，無話好肥，好滑又有牛味~~ 一碟份量都有番咁上下 ，唔錯。貢丸 $50／10粒小店好好生意，一路都座無虛席。我估佢哋做熟客生意多，入親黎都會同店員用潮州話定福建話（?!）打招呼。 店舖阿姨又會久唔久同啲食客傾

我真係好鍾意打邊爐，尤其是一到秋天冬天，今日收咗工就同同事嚟咗北角呢間充滿人情味嘅雞煲魚鍋店。首先真係要讚一讚老闆同老闆娘都好親切好好人，一入門口感覺似返咗屋企咁，暖粒粒！竹蔗茅根水清潤足料。老重慶奇味雞煲一定要加豬皮，雞煲好正宗，辣味唔會蓋過麻味，互相平衡！自家製炸魚皮，又薄又香脆，仲要唔油膩，出面真係食唔到ga!特級安格斯肥牛，好新鮮！鮮墨魚滑，又係另一必食，咬落去好彈牙加埋新鮮墨魚滑，真係好正！呢菜都係咁新鮮，睇得出呢間店真係好有誠意，係北角既朋友真係要試試吖！

朋友喺北角住，我問佢有北角有咩好食推介，佢就同我介紹金樂軒雞煲，今日決定去試一試～ 店舖位置唔算好當眼，位於和富道，由北角地鐵站去大約行五分鐘就到，都算方便～ 我七點鐘去到，所以未係好多人，唔使等位～ 店員同老闆娘都好細心同熱情咁招呼我哋，又會介紹店鋪嘅招牌食物俾我哋～ 我地揀咗酸菜桂花魚鍋，特級安格斯肥牛，蟹柳，肉丸雙拼，鮮墨魚滑，飲品就點咗竹䉀茅根～上菜速度都好快～ 酸菜桂花魚鍋好正呀😍好大鍋，有一整條桂花魚，而且有好多酸菜同其他蔬菜，真材實料，分量十足～ 當然要先試一試湯底啦，湯底真係好正呀👍🏻 酸度十足，又有魚嘅鮮味而唔會腥，而且唔會好鹹，一陣打邊爐完全唔使用調味料都已經好好味，真係好正嘅湯底呀😋 然後試一試魚肉，魚好新鮮，非常嫰滑彈牙，一個字，正👍🏻 酸菜唔會太鹹或太酸，因為味道已經入曬d湯到喇～ 都未開始打邊爐，我地已經不停食魚，同飲咗好多湯喇😆 店員都好細心幫我地加返d魚湯，而唔係加水，真係值得一讃👍🏻 所以食到最尾都仲好好味，又唔怕會飲曬d魚湯😚 其他食物都好正呀～ 特級安格斯肥牛小碟份量都算多，肥牛脂肪分佈平均，好有牛味，但唔會羶，肉質鮮嫩唔靭，好味～ 蟹柳都好鮮味，

星期一出街食, 約家人過海食返餐, 黎左北角嘅金樂軒.大約7點左右到, 未算太多人, 望落坐位之間都算寬敞.前菜先黎一個尖椒皮蛋, 份量都唔細下, 皮蛋尖椒都好大件, 可以大口大口食.同行家人唔食得辣, 所以試左奇味雞煲, 見到奇味以為真係「怪味道」, 結果原來幾好食, 味道香濃, 煲裡的餡都唔少, 雞自然唔少得, 仲有洋蒽, 芫茜, 蒜頭, 豆卜, 同埋好咬口又好味的大啡菇!! 食完雞煲要食火鍋, 所以另外點左羊肉片, 蟹柳, 生菜, 支竹, 墨魚滑 羊肉片好大一盤, 仲要唔係薄薄一層, 絕對抵食.蟹柳大小朋友都愛食生菜份量比較少, 但睇得出有洗過有處理過, 望落新鮮乾淨.支竹質素都唔差.墨魚滑簡直係火鍋必備品,  爽滑入味, 仲要有拳頭大小其間加湯時, 見佢地嘅湯都有不同, 奇味煲加湯底時都唔見沖淡味道, 火鍋唔會越食越無味, LIKE!食完火鍋, 飲返杯竹蔗水, 唔太甜, 清清涼涼好下火.備註: 食到8點左右, 全場幾乎坐滿, 原來星期一都好多人黎食, 店員雖然忙碌, 但一直都很好禮貎.

火鍋店成行成市但有水準的確難求！秋風起，想起朋友介紹過北角有一間雞煲很有水準，今晚決定同朋友一試😋一食已急不及待要重點推介呢幾款「必食」：當然首先係個雞煲火鍋湯底，細心既伙記因應我只能承受BB辣來炮製了微辣湯底，個BB辣準承度拿揑得好好👍但啲雞又入晒味。驚喜位係你完全不需要用嗰啲習慣性火鍋調味料，足以夠味道。另外「必點推介」有即叫即整熱辣辣炸魚皮及炸墨魚餅，我想講脆過薯片呀。鮮牛脊背肉一上台見色澤已知新鮮我地仲order左自家製足料韮菜餃，鮮桂花魚皮和雞雜，無得輸。連竹庶水都好足料，我地唔使一個回合清了👍

放工約左朋友仔一齊嚟到北角食好西，之前佢就食過呢間覺得雞煲好正宗所以就帶我嚟啦！先嗌左個細嘅老重慶奇味雞煲($168)🐔，好快就上枱，一放落嚟已經好香，嗌左bb辣嘅🐽🐽 雞件都好多，又多嫩滑，重要好入味，雖然係bb辣但都係越食越辣😝 入面嘅豆卜好肥但最入味就係佢，完全吸哂d湯汁😛 點左個墨魚滑($58)🤤 出奇地好食！每一舊都有墨魚粒，好有咬口，而且好鬼彈牙💁🏻 另外亦點左雙拼餃($58),炸魚皮($40),生菜($33)同金菇($38). 魚皮即炸所以非常脆口，又可以吸哂d湯🤗🤗 小菜都嗌左2樣，一款係雜菌炒牛頸脊($98)，d牛炒得剛好，唔會有渣，又易咬！加左燒汁落去煮所以好惹味，雜菌亦都入哂味，成碟送飯非常正！煎墨魚餅($128)都係重點！煎得香口，墨魚彈牙！下面仲有d蝦餅，好脆送酒正！最推薦係餐廳自制嘅竹庶茅根($28)😍清甜解渴🤤

在北角，有不同特色美食，有地道的，有家鄉的，是次選了金樂軒雞煲魚鍋，試試特色小店。進入店舖，侍應熱心招待，由於喉嚨有點不適，侍應馬上送上熱水，這就是小店的人情，體貼。酸菜魚鍋，淡淡魚肉塊，真係啖啖肉，冇骨的，而且只有魚的鮮味，沒有任何腥味！酸菜的酸味恰到好處，配合魚湯的鮮味，整個湯也是甜甜的，非常回味！什菌炒牛頸脊肉，一個字「正」。牛頸脊肉非常嫩滑，爽口！用牛油炒過的什菌，非常香口！而牛頸脊肉的份量也非常多。十分抵食！燒汁煎白鱔，白鱔啖啖肉，燒汁包著白鱔，份外甘香。蒜心炒鹹肉，有點清菜點綴，令這餐不太過有肉的犯罪感滿滿的一餐，飽足的。既有人情味，食品也非常美味的，只有小店才能做到。

今日放工心血來潮想食打邊爐，但係又唔想等位😛所以就捐窿捐揦搵左呢間係北角嘅雞煲試吓～點知有驚人發現，個雞煲好好味！啲雞又滑又入味！超正呀！仲要有好多諗晒嘅洋蔥、好入味嘅豆卜、冬菇！打邊爐當然唔少得肥牛啦！啲肥牛又夠肥又諗又有肉味！Nice！之後仲特登叫咗碟好出名嘅墨魚餅！超級彈牙！一定要叫！老闆仲推薦左炒韭菜花！好耐冇食過好好味！又夠鑊氣！打邊爐最怕餐廳唔夠涼，呢度冷氣夠但又唔會太凍最好嘅係老闆好細心熱辣辣入鋪頭，老闆好細心！即刻問你要唔要渣冰凍嘅竹蔗茅根小小餐廳有呢啲服務會再幫襯！

今晚放工很夜，索性同老婆去北角呢間雞煲試吓。呢間鋪頭雖然裝修簡陋，但食物很有質素，老闆娘同老闆都很好客，主動介紹佢哋嘅撚手菜。同老闆娘傾過計， 佢哋本身間鋪喺柴灣，但依家雖然搬咗嚟北角，但柴灣嘅居民都會過嚟食，咁就知道呢間野有好多回頭客，嘢食一定有質素。老闆係上海人，但佢去咗四川學四川菜，跟住返嚟開雞煲。我哋叫咗個老重慶麻辣雞煲、酸菜桂花魚鍋、咸肉炒蒜心、鮮味香煎墨魚餅、蒜香椒鹽豬手。♨️老重慶麻辣雞🐤煲：叫咗個小辣，但已經都很惹味，雞件很滑，內裡有豆腐卜，索晒啲麻辣味，很正，👍🏼推介！♨️酸茶桂花魚🐟鍋：酸茶加桂花魚，絕配！我好鍾意呢個配搭。桂花魚很滑，食個不停！👍🏼推介！🥇蒜香椒鹽豬手：炸到外脆內軟，咬落去，脆卜卜，跟住咬到裡面豬手肉，很軟，👍🏼推介！🦑鮮味香蒜墨魚餅：很大份，有水準！🎋咸肉炒蒜心：送啤酒一流，蒜心很爽，加上咸肉既味道，配搭很好！👍🏼推介！總結：呢間位於北角既忍世雞煲，價錢合理，坐得舒服，服務又好！值得再去！

打邊爐一直都係我嘅至愛， 雞煲就更加不在話下啦， 幾個人食飯最好嘅選擇就係雞煲喇。 估唔到係北角和富中心附近有間咁好味嘅雞煲喎。 而且係新假期2017年必食得獎食店。 食雞煲點少得啤酒$32同汽水$10喎， 另外仲叫咗個好足料冰凍竹蔗茅根水$28， 因為自家煲而且又足料， 所以飲落有竹蔗茅根紅蘿蔔 嘅清甜清潤. 嚟呢到緊係食雞煲啦， 我地叫咗半隻老重慶奇味雞煲$168， 因為本人唔食得辣， 所以呢個係唔辣嘅， 足料雞煲除咗有雞之外， 仲有冬菇同豆卜， 雞肉嫩滑， 雞煲醬汁濃但又唔鹹， 香料爆得好香， 雞肉， 冬菇豆卜完全入哂味， ！跟住叫咗2個小菜， 什菌炒牛頸脊 $98 , d牛頸脊好腍， 原來什菌同牛係咁配嘅， 炒出嚟又唔油。 脆皮炸大腸 ($88) 真係必食呀, 外脆內腍， 真係好腍㗎， 唔似出面嗰 d 咬唔開。 呢個我最愛。 雞煲食完仲可以打邊爐㗎， 加咗清湯再叫咗肉丸雙拼 $50 (汕頭牛肉丸跟冬菇貢丸), 仲有老公至愛嘅午餐肉$40, 我至愛嘅鵝腸$48 . 老板不時都會出嚟同食客交流， 睇吓食物嘅質素， 同老板傾計原來本身係柴灣搬過嚟北角已經2年時間左右， 做開街坊

這家位於北角的小餐館，雖然看起來不起眼，但是他們家的食物卻非常的好吃。這家餐廳主要是以雞煲和魚煲而聞名，我們這次就去嘗了他們家最好吃的魚煲和雞煲，真的是味道極佳。我們選擇了老重慶奇味雞煲和酸菜桂花魚鍋。他們家的雞煲，魚堡的味道非常鮮美，魚肉白嫩多汁，雞肉細膩可口，加配的調料十分入味，雞煲有重慶的辛辣，魚煲有著膿稠的酸菜香味。配著乾扁四季豆，喝著竹蔗茅根汁，整頓飯很是完美！喜歡吃雞煲魚堡的朋友們，可以來這裡嚐一嚐！

星期四晚係渣華打完波就比朋友帶到黎呢間川菜館。鍾意食辣ga我梗係say yes啦！打完波天氣又熱，朋友即刻叫左壺竹庶芧根，邊飲邊睇餐牌慢慢𢵧野食。一飲即刻透心涼，重要一啲都唔甜，好清潤！後來先知原來係自家煲架！我地一行三人叫左水煮牛頸脊、重慶雞煲、椒鹽鮮魷、咸肉蒜心，呢四樣餸。個水煮牛頸脊叫左bb辣，牛頸脊好抵讚，好重牛味，水煮大家都知係重囗味但個牛味一啲都冇被蓋過，入面重有豬紅同紅薯粉吸哂啲汁ga精華，我食唔停口用咸肉、冬茹絲、椒絲炒蒜心，少少惹味得黎更多ga係蒜心ga清甜。後來原來聽老闆娘話係當造，怪唔知得咁甜咁好味又冇渣！👍🏼本來叫左水煮牛就覺得唔好再叫啲重口味ga餸，但朋友話每次黎都必食呢個雞煲，咁就叫個細成全佢啦。正，啲雞有雞味同埋好滑！好欣賞啲豆卜吸曬啲汁，超好味！最後呢味鮮魷夠熱又夠脆，我仲會浸一浸落去水煮牛度吸啲汁，唔同食法，好惹味！不得不讚老闆娘好得意，成日笑笑口，間唔中會埋黎問下野食如何，feel到係有誠意ga菜館，朋友冇介紹錯！