金樂軒雞煲魚鍋

营业中

休息中

嚟到北角想食雞煲，搵到間幾偏僻嘅舖頭，點知入面咁旺，坐滿哂人好彩咁啱有人走，可以有張卡位坐坐底就叫咗個雞煲，小辣雞煲用料好豐富，有好多新鮮嫩滑嘅雞件，又有冬菇，豆卜，芫茜等，索哂啲味！醬汁好濃稠，越煲越入味之後嚟嘅呢個魚皮勁有驚喜！！！同第二度食到嘅唔一樣，本身魚皮刮得好乾淨，一啲多餘嘅皮肉都冇，所以keep到好薄好脆炸完出嚟一啲粉都冇，啖啖到feel到係真材實料，又香又唔油膩，必食推介叫咗嘅餸都陸續送到，所以叫咗店員加湯呢度加嘅湯係深色嘅濃湯，同一般雞煲火鍋店加嘅清湯好不一樣，所以越煲越濃味菜肉雲吞同鮮蝦雲吞雙拼，兩隻餃都好足料菜肉雲吞入面，菜肉比例各佔一半，切碎，食落好平均鮮蝦雲吞口感較豐富，有木耳絲，蝦米同肉碎，兩者都唔錯墨魚滑好彈牙，豬皮索味得嚟有咬口，而且同雞煲嘅味道都好夾，唔使沾醬汁已經好好食食到好頸渴，叫咗兩渣竹蔗茅根嚟清下熱氣，果然飲完成個人好舒服，好似有股涼氣落肚打邊爐梗唔少得午餐肉佢呢度用咗靚嘅罐頭，肉片煮完之後好淋，亦有好香午餐肉嘅味道，有食到肉絲正然後當然繼續戰鬥椒鹽鮮魷呢個小炒份量好多，每舊鮮魷都漲卜卜，而且粉漿好薄，外面金黃酥脆，入面爽口彈牙個電爐十分夠火候

經同事介紹team dinner 試試，味道唔錯，所以忍不住馬上再帶家人試試😋 地道舖仔，但食客不少。重慶奇味雞煲，夠香唔算辣，但就好香口，好和味，令人停唔到口，當中嘅豆泡吸晒啲味真係超好食，鮮冬菇就要煮奈少少先吸多啲味，唯一不足就係要咗一隻雞都感覺唔夠食，希望可以多返啲雞啦。兩次都食咗酸菜桂魚，本身唔係fans都覺得好食，桂魚片好滑，而且刀工一流，魚片分明，而且唔多骨，中鍋夠4人食❤️ 酸菜味道剛好，唔會酸到臭，鍋中仲有啲旺菜，唔錯～ 兩個鍋都可以加湯做火鍋。試咗韮菜餃，但皮厚少菜，自己比較鍾意多韮菜。 脆皮大腸好味，中間放咗蔥粒減輕油膩感。煎墨魚餅反而沒有驚喜，一般。咸肉炒蒜芯唔錯，蒜芯唔老😋 馬蹄水比較淡味唔夠甜，但食雞煲咁熱氣不防飲飲😆

點了酸菜桂花魚鍋，椒鹽金錢鱔，雞絲粉皮，竹蔗茅根。一整條的桂花魚，魚很嫩，配酸菜一起吃，一流！湯也一定要喝，很下火。椒鹽金錢鱔炸得很酥脆，很好吃。但因為份量太多，吃不完，最後外帶回家。雞絲粉皮是我個人愛好，所以點來吃，沒想到也好吃。竹蔗茅根喝得出來很足料，而且很冰，非常愛它。

餐廳好有本地特色，裝飾簡潔，座位非常多同大，適合一班人黎打邊爐。老重慶奇味雞煲叫左細雞煲加小辣，細雞煲二人分享剛剛好，同坊街以爆辣味爲主打既雞煲唔同，依個雞煲辣味係慢慢滲出來，味道好好。雞肉好嫩滑加上好入味，雞肉非常多，可以食到啖啖肉。仲有豆腐卜、冬菇同芹菜等配料。冬菇好粒，除左有香濃既菇味之外，仲加埋雞煲既小辣，好好食。豆腐卜真係必需，因為佢吸收哂雞煲既精華，加上鬆軟既口感，好好食。土魷魚食完雞煲就加水變火鍋啦，當然要先食土魷魚，因為滾一滾就好快食得，一份既份量都唔少，口感又好彈牙！鮮魚片真係要俾個「靚！」字佢，魚肉厚身而且完全冇骨，因為夠哂厚身，加上慢慢燙熟佢，魚肉唔會散開，完完整整咁進入我既口中，口感非常之好，而且好有鮮味。鮮蝦雲吞配韮菜餃見到有店員姐姐親手包緊餃子，就覺得要試試啦。兩種餃都係皮薄餡靚，韮菜餃超惹味，而且有豬肉既香味。雲吞就有大大隻蝦係入面，好充料。

今日食左個靚雞煲。好道地既細舖頭，但野食整得好夠味，好食。餐廳外表雖然看似普通，但都識整好多送。可以食小菜，都可以打邊爐。咁既天氣梗係食雞煲溫暖下。雞煲叫左小辣，個辣味好惹味，小小辣但越食越開胃。雞肉煮得啱啱好，好滑唔會老。雞肉份量多，抵食。豆卜入曬雞煲既味，好濃郁。最重要係有香菇，菇索曬雞煲汁，好香。食完個雞煲，叫左個安格斯肥牛。打邊爐食肥牛係一定既。牛肉彈牙多汁。上等安格斯牛肉口感真係唔同啲。雖然加左湯，但雞煲陣惹味都仲係度，加埋肥牛真係無敵，好好食。之後叫埋個餐肉食。厚切既餐肉，食得好夠喉。最鍾意打邊爐加餐肉，陣味每次食豆食唔厭。個餐肉唔係全部都係麵粉，係食到肉，口感好好。之後再叫個炸魚皮，又係打邊爐必備。魚皮吸曬個湯底，食一啖好脆，口感好。再叫左個竹蔗茅根，好清甜，鍾意佢自己煲，好明顯原汁原味，低糖。呢個味道啱啱好。今日既雞煲食到好開心，好滿足。

幾個麻甩佬吹水, 最好就係打邊爐有個fd住起北角, 上網搵餐廳時見到依間評語幾好餐廳唔算好大, 但幾熱鬧閒日夜晚8點幾都爆,好彩有book定位打邊爐前叫個小菜生炒骨好野未，吾多骨，好香味，一舊一舊咁食揀完雞煲, 一開波老細就推介左渣竹蔗茅根比我地話係佢地自己自家整果然好味, 甜度啱啱好有個fd唔係太食得辣所以雞煲只係叫左小辣香料多, 有好多舊雞,d雞仲要炒過, 好惹味魚皮脆口, 正!!鵝腸好爽口,灼一灼就食得打邊爐主角一向都係肥牛依度特級安格斯肥牛, 肉質新鮮雲吞好大粒, 裡面應該落左好多料皮薄豆菌好新鮮牛餐肉雖然好想普通，但吾係用平價食材雞雜好特別非任食o既材料，但仼食價錢，質素👍🏻服務好好, 老闆又不停介紹有啲好食

在寒冷的天氣最適合吃雞煲火鍋~下班後跟同事步行到北角，找到了一家有雞煲、魚鍋等吃的街坊小菜館，位置比較偏離大路，地膽才懂的地方~雖然魚鍋好吸引，但我們還是敵不過雞煲的誘惑。火鍋配料都好多選擇~食雞煲當然要一些竹蔗茅根， 還有粟米紅蘿蔔， 味道清甜潤喉 ，清熱下火之選魚皮是自家製的，店家說要將肉完全起掉才做到那麼脆的口感呢！上菜時還是熱的， 咬下去非常脆，味道香卻不油膩。點雞煲的醬汁吃會更惹味~雞煲我們選了小辣，深啡色的醬汁味道特濃，辣味在後面慢慢散發出來感覺好爽。這個雞煲的肉分量其實相當多， 雞肉質感嫩滑 除了洋蔥和芹菜等配料，特別之處是他們加了大粒 冬菇還有豆腐卜，入味非常， 愈吃愈辣好過癮特級安格斯肥牛的牛味頗為突出，肉質也好嫩滑，脂肪的部份不多，絕對有肉食，質素也比想像中高。小小的店一點也絕不欺場！用醬汁煮了兩片超重味肥牛後才捨得加湯。這裡加的是湯不是水好有誠意，味道只會愈來愈濃郁~豬頸肉切成細絲更快熟，肉質又滑又柔軟，跟牛好不同，味道是甜甜的。韮菜餃、鮮蝦雲吞的皮算薄，餡料份量多，前者的餡料更是塞到滿滿的。喜歡雲吞用了木耳增添爽口的感覺。豬皮要在早段加進去讓其吸盡湯汁，看顏色的

有個住北角的朋友介紹北角有間食川式魚和雞煲好好味的餐廳，見今晚天氣凍凍地，所以專程來試試。晚上九時到餐廳，店內仍有差不多坐滿的客人，令我更想快點試試在選擇吃魚鍋還是雞煲也想了一會，因為兩者也太想吃，最後決定吃雞煲再加鮮魚片試試。飲品除了酒和汽水，竹蔗茅根少不了，但有熱的竹蔗茅根提供實在少見，而且沒加太多糖，反而更好更清新！等了一會，奇味雞煲一上桌子，香味襲來，雞件是炒過的，很入味也很嫩滑，洋蔥芫茜還有冬菇都十分惹味另外點了個小吃煎墨魚餅，份量確不少，兩人吃有點多，但墨魚餅是熱的，而且外面有點脆，內裡是重重的墨魚味，蘸醬一起吃是很好的配搭，有點飲泰式蝦餅的感覺。然後幾盤火鍋配料一同上桌，其中鮮魚片實在令人十分驚喜！看上去無甚特別，但灼一後，非常鮮甜，非常嫩滑，而且一般吃完雞煲加湯後，配料較難入味，但這個鮮魚片卻仍然入味。問問老闆才知道是桂花魚，難怪這麼好吃，十分推薦鵝腸洗得乾淨，灼一會便吃，十分爽口！韮菜餃和雲吞也十分足料，韮菜餃內的韮菜十分多，餡料豐富，不會偷工減料。豬大腸有肥有瘦，任君選擇，而且洗得乾淨，如果在吃雞煲未加湯前一起煮，更加好味！整體而言，食物質素很不錯下次來到，必定嘗試

老母突然好想食酸菜魚 做帶咗佢去北角一間賣雞煲魚鍋嘅金樂軒 因為天氣越嚟越凍 所以一入到去都坐滿曬客人 做開咗間房畀我哋添baby shark dudududu酸菜桂花魚煲HKD188。一入到門侍應就好熱情用唔純正廣東話問我地想食雞定魚 待客態度一流。老母話桂花魚市價貴 一條都二三十蚊 所以就簡左鍋魚lol (正一師奶 因為第一次食就冇諗過佢會原條咁上 以為係好似龍脷柳咁成煲一舊舊 所以開蓋都幾驚喜 亦都睇得出擺盤上比較有心思。 另外一個考慮因素就係老母鐘意食酸 我鍾意食辣 一次過 滿足曬兩個人的願望perfect！。 大鍋裝住原條雪白嘅魚肉 加上有酸菜同其他綠色蔬菜嘅點綴。我見d湯冇起泡好似唔太熱 打算較大個火 侍應好好心提一提我 盡量唔好俾佢大火咁耐 如果唔係啲魚肉會變老就冇咁好食 我就乖乖地停手啦。 而且佢叫我哋先飲湯 再食魚肉 食到咁上下就叫人入嚟加水開始打邊爐。 對於湯頭嘅評述：第一啖幾好味😘😘😘但之後再飲落去就唔知點解變得愈來愈辣😖😖 但勝在味道自然 酸菜味唔會搶過咗魚鮮味 加上天冷飲之 全身迅速暖返灑🌞。成煲有d位都幾tricky 見到湯面靚靚仔拱起左明顯條魚同啲酸菜係面

寒冷嘅天氣最岩就係食火鍋啦由於朋友住依度附近，所以先識帶我黎依間響內街嘅小店。雖然只係閑日嘅晚上，但係店內已經座無虛席啦！好彩我地8點前就到左，唔係嘅話就一定要等位啦事不宜遲，我地即刻叫左一渣竹蔗茅根同一個小辣嘅老重慶奇味雞煲竹蔗茅根非常清甜，飲落好舒服另外出面有唔少雞煲都係一開始就連埋湯底，而依度嘅雞煲係要再後加湯底做火鍋，所以夠曬正宗D雞肉非常嫩滑鮮味又啖啖肉，連埋好多燜冬菇，令成個雞煲都好香重點係，依度加俾客人嘅湯底，居然唔係水/極淡嘅雞湯，而係雞煲本身個味開出黎嘅濃湯，所以絕對唔會越食越淡，真係誠意十足，抵讚另外，炸魚皮都係另一驚喜之作，連我一向唔食魚皮嘅人都破例食唔停口魚皮不單止炸得好脆，而且好薄身，食落少d罪惡感！又夠曬新鮮，一d油溢味都無，真係好正！最後，一睇相都知，肥牛嘅雪花非常均勻，部位一流，食落無得彈最後我地當然叫翻個讚歧烏冬索曬d湯汁，烏冬十分彈牙，同雞煲簡直係絕配值得一讚嘅係，老闆同老闆娘嘅態度都好好，殷勤待客，又會推薦特別好食嘅野，好彩佢地推薦左魚皮俾我，否則就真係走寶啦好期待下次再來食

見呢排凍凍地就去食番個雞煲，黎得呢到就食番個風味雞煲啦因為我地都唔係好想食辣，所以叫左個唔辣既老重慶奇味雞煲，一鍋都好足料，冬菇、芫茜、洋蔥、豆卜，成個汁都好滋味，雞件唔韌，冬菇又香又滑我地仲叫左少少其他配料同小食午餐肉，打邊爐落一流啦，午餐肉唔會散收收汕頭牛肉丸，好有牛丸味，但唔會有渣，食落彈牙唔會死實香菇貢丸，香菇味好正啊，貢丸相比牛丸肉較軟，識食一定食香菇貢丸鵝腸唔腥，夠薄夠爽脆，打邊爐油脂出哂黎，非常之好食什菌炒牛頸脊，茨汁炒什菌同牛頸脊，汁好甜好味，炒到好入味，菌類唔會太青，牛頸脊肉都軟林，但整體又唔係好油淋淋，搞到食唔停口脆皮炸大腸，炸得好香口，大腸乾淨又唔會太肥，亦唔會太難咬開我今日唔飲得啤，所以得老友叫左啤酒係到啤啤佢，我就只好乖乖地飲我既忌廉啦不過竹蔗茅根都好清甜解渴架，唔飲汽水飲呢個都得！

天氣涼， 想食熱辣辣嘅嘢~~諗起好耐無食雞煲， 上網見到呢間咁多好評，地點就腳，搵埋朋友去試下。 主打有🐥雞煲同🐟魚煲， 我哋就揀咗個二人份量嘅重慶奇味細雞煲。$168話係二人份量,其實都好大煲。我諗都夠三至四個人食~~✨ 食雞煲嘅嘅靈魂就係嗰個醬汁。我哋叫咗小辣 ，配料都唔少，有冬菇，辣椒，芫荽，洋蔥，加埋 佢個醬汁好濃郁又帶少少麻辣，真係好惹味👍👍 我個位唔食得辣嘅朋友都仲覺得可以加多少少辣，建議大家可以叫辣少少。P. S. 試過唔夠辣，其實可以即刻返加辣的。配料有好多選擇，我哋都揀咗幾款枝竹$38✨建議大家要叫，仲一定要喺未加湯之前就放落去索曬啲醬汁。店員服務好好，送到來已經同我地建議不如直接加落去，慢慢煮。✨墨魚滑 $58其實幾抵食，因為街市買呢度一半都冇嘅份量都要$25， 加上佢好有墨魚味，食得出既鮮味，冇乜添加其他調味料。✨安格斯肥牛（小）$118 肉同脂肪嘅分佈好好，無話好肥，好滑又有牛味~~ 一碟份量都有番咁上下 ，唔錯。貢丸 $50／10粒小店好好生意，一路都座無虛席。我估佢哋做熟客生意多，入親黎都會同店員用潮州話定福建話（?!）打招呼。 店舖阿姨又會久唔久同啲食客傾

我真係好鍾意打邊爐，尤其是一到秋天冬天，今日收咗工就同同事嚟咗北角呢間充滿人情味嘅雞煲魚鍋店。首先真係要讚一讚老闆同老闆娘都好親切好好人，一入門口感覺似返咗屋企咁，暖粒粒！竹蔗茅根水清潤足料。老重慶奇味雞煲一定要加豬皮，雞煲好正宗，辣味唔會蓋過麻味，互相平衡！自家製炸魚皮，又薄又香脆，仲要唔油膩，出面真係食唔到ga!特級安格斯肥牛，好新鮮！鮮墨魚滑，又係另一必食，咬落去好彈牙加埋新鮮墨魚滑，真係好正！呢菜都係咁新鮮，睇得出呢間店真係好有誠意，係北角既朋友真係要試試吖！

朋友喺北角住，我問佢有北角有咩好食推介，佢就同我介紹金樂軒雞煲，今日決定去試一試～ 店舖位置唔算好當眼，位於和富道，由北角地鐵站去大約行五分鐘就到，都算方便～ 我七點鐘去到，所以未係好多人，唔使等位～ 店員同老闆娘都好細心同熱情咁招呼我哋，又會介紹店鋪嘅招牌食物俾我哋～ 我地揀咗酸菜桂花魚鍋，特級安格斯肥牛，蟹柳，肉丸雙拼，鮮墨魚滑，飲品就點咗竹䉀茅根～上菜速度都好快～ 酸菜桂花魚鍋好正呀😍好大鍋，有一整條桂花魚，而且有好多酸菜同其他蔬菜，真材實料，分量十足～ 當然要先試一試湯底啦，湯底真係好正呀👍🏻 酸度十足，又有魚嘅鮮味而唔會腥，而且唔會好鹹，一陣打邊爐完全唔使用調味料都已經好好味，真係好正嘅湯底呀😋 然後試一試魚肉，魚好新鮮，非常嫰滑彈牙，一個字，正👍🏻 酸菜唔會太鹹或太酸，因為味道已經入曬d湯到喇～ 都未開始打邊爐，我地已經不停食魚，同飲咗好多湯喇😆 店員都好細心幫我地加返d魚湯，而唔係加水，真係值得一讃👍🏻 所以食到最尾都仲好好味，又唔怕會飲曬d魚湯😚 其他食物都好正呀～ 特級安格斯肥牛小碟份量都算多，肥牛脂肪分佈平均，好有牛味，但唔會羶，肉質鮮嫩唔靭，好味～ 蟹柳都好鮮味，

星期一出街食, 約家人過海食返餐, 黎左北角嘅金樂軒.大約7點左右到, 未算太多人, 望落坐位之間都算寬敞.前菜先黎一個尖椒皮蛋, 份量都唔細下, 皮蛋尖椒都好大件, 可以大口大口食.同行家人唔食得辣, 所以試左奇味雞煲, 見到奇味以為真係「怪味道」, 結果原來幾好食, 味道香濃, 煲裡的餡都唔少, 雞自然唔少得, 仲有洋蒽, 芫茜, 蒜頭, 豆卜, 同埋好咬口又好味的大啡菇!! 食完雞煲要食火鍋, 所以另外點左羊肉片, 蟹柳, 生菜, 支竹, 墨魚滑 羊肉片好大一盤, 仲要唔係薄薄一層, 絕對抵食.蟹柳大小朋友都愛食生菜份量比較少, 但睇得出有洗過有處理過, 望落新鮮乾淨.支竹質素都唔差.墨魚滑簡直係火鍋必備品,  爽滑入味, 仲要有拳頭大小其間加湯時, 見佢地嘅湯都有不同, 奇味煲加湯底時都唔見沖淡味道, 火鍋唔會越食越無味, LIKE!食完火鍋, 飲返杯竹蔗水, 唔太甜, 清清涼涼好下火.備註: 食到8點左右, 全場幾乎坐滿, 原來星期一都好多人黎食, 店員雖然忙碌, 但一直都很好禮貎.