金樂軒雞煲魚鍋

营业中

休息中

放工約埋同事去搵食，北角太多選擇，行行下見到間小店好似幾好，有雞煲又有麻辣仲要有小菜，一於就呢間～～入座嘅時候大約夜晚8點，眼見店內都full曬，得返門口一張枱。同店員傾咗幾句，我哋話第一次嚟食有無好介紹，佢介紹咗幾款俾我哋～奇味雞煲 $168 （小）叫咗小辣，煮得乾身，但係又好夠味，好香，辣味剛剛好，份量同配料都好足，正！XO醬什菌炒聖子 $144兩隻聖子，但加埋配料一d都唔細碟，好夠鑊氣，聖子夠爽口，什菌好入味，成碟餸都好惹味啊！福建醋肉 $88炸得好乾身，肉質夠曬爽口，配埋甜辣醬，好夾！水煮腰花 $98 （例牌）都係叫咗小辣，都幾辣下，雖然叫咗腰花，但係入面好多料，有旺菜同薯粉喺底，索晒味，好好味呀～小店，除咗食味道，仲有人情味，一邊食都見老闆出嚟同食客傾下偈，介紹下有咩新款菜，又講下古仔，真係難得！

上個星期我約左我兩個朋友,佢地兩個都係北角番工,就腳就去左北角食喇,有個朋友好想食雞煲,就順佢意啦！橫掂好耐都未食過,我地都係雞煲王,好鍾意食雞煲,又可以坐耐啲傾計我地係openrice見到金樂軒有雞煲食,都未試過~Staff知道我地第一次食,都好貼心咁同我地介紹呢度邊啲小菜比較出名我地非食雞煲不可~就點左個奇味雞煲(唔辣), 我地幾個都唔食得辣,仲叫左兩碟小菜同幾款配料食我地都叫左一渣竹蔗茅根水飲,消消暑, 飲落好清甜, 感覺係好天然, 無再額外添加砂糖, 好好飲好解渴雞煲好快就到喇!!我地唔客氣喇~雞煲好香, 每件雞肉都好嫩滑鮮味,雖然我地點左唔辣, 但都保留到重慶雞煲既香同滋味, 雞煲入面仲有冬菇同豆卜, 好豐富,冬菇同豆卜都非常入味好林,就算係配菜,都令雞煲生色不少食食下個雞煲,其他既小菜同配菜都開始陸續到齊, 上菜好有效率脆皮炸大腸外皮好脆,豬大腸中間仲有少少蔥,好特別,出面食都未見過。炸大腸外脆內軟,加埋入面啲蔥好爽,口感好豐富!點埋個自家制酸甜醬,好夾!黑醋小排骨好特別,雖然個樣黑黑地唔算好討好,但肉質好結實,黑醋味好濃,酸酸甜甜好開胃,我地成碟好快清哂~雞煲食到咁上下我

其實我真係勁鍾意食雞煲就算夏天都會好想食今次，朋友知我鍾意食，突登帶我黎呢度食叫了辣炒土豆絲土豆唔會太生好正仲要幾入味，又唔會食得我太full 正啊！我朋友鍾意豬潤好大份啊！真係抵到嘔～尖椒都好香好好味咁大份我地真係勁夠喉！雞煲都勁正熱辣辣得黎又夠辣！好香啊～真係無介紹錯！雞勁多，而且好嫩滑！又唔會太肥我鍾意佢個醬唔係太咸，唔會太口渴不過都叫個竹蔗水清吓熱啦～唔會太甜！好健康而且又夠曬我地2個飲～

外遊咗一段時間，回港之後，陸續約朋友出嚟食飯聚舊。今日香港那邊的朋友鍾意食辣所以帶咗佢去北角和富道一間正宗川滬菜館食晚飯。雖然是裝修普通嘅小店，但食嘅係正宗嘅川滬菜 同濃濃嘅人情味。每次來這幫襯，啲伙記都好熱情咁招呼，間中仲同客人無論生，熟吹水交談，有說有笑，氣氛融洽，充滿人情味。入座後，看菜單選擇多多，樣樣都想食想試，在猶豫中，伙記推介今日龍躉好靚，於是今次就捨滑滑滋味鷄煲揀水煮龍躉魚鍋。伙記又細心查詢我哋食唔食得辣，知道朋友鍾意食辣但唔食得太辣，就主動同廚房説小辣再減辣。水煮魚鍋煮得色香味俱全， 龍躉食材如推介好新鮮，裙邊膠質彈牙，肉又嫩又鮮，四川的麻辣湯底，食到我倆口唔停，加快手往煱内舀， 鍋裏面其他配菜，長兆菜，芽菜也滋味非常。伙記還特意提醒我們關爐，因魚不能加熱太久，別過熟影響口感，真細心。我們又點了椒爆豬肝，鑊氣十足，豬膶爽脆全無異味。什菌炒牛頸脊，幾款菌特有的奶油香，爽稔的牛頸脊配上獨特的醬料，口感不錯，惹味非常，滋味十足。同朋友傾得開懷，坐了很久，店的客人漸次多起來了，坐無虛席。 魚窩也食得七七八八，不捨那極好味的湯底，我們又再叫了店家自家製的鮮蝦併韮菜雲呑及手打鮮爽墨

🐔🐓🐔🐓🐔🐓🐔🐓🐔🐓🐔🐓🐔🐓每一次食雞煲都要揀d高質地方😋雖然e間係小巷🤔但絕對熱鬧🤣而且店員老闆都超nice😍有時經過會問下覺得味道點🤤亦主動話你知食既次序😛😛我食過佢d雲吞水餃😏真係一試難忘可能係手作 所以餡料十足😌其他既小菜 😝我可以答你🌬真係好夠獲氣🔥🔥真心😚唔會有油標出泥😂 亦好容易入口😀絕對推薦大家😋一定要食 又抵又足料重點係勁warm😍

呢間位置唔太明顯嘅金樂軒，惹味嘅奇味雞煲和小菜 令到佢成為不少北角人一家人食飯嘅好去處，一家人唔想到餐廳炒幾個小菜咁普通，黎呢到食番個雞煲或魚煲配幾個惹味小菜確實係一大班人聚餐嘅好選擇。老重慶奇味雞煲，一上枱嘅時候已經煮好咗 用爐令佢保持熱度，可以自己選擇辣度。雞煲用嘅雞都係新鮮三黃雞所以十分嫩，即時滾耐咗都唔會覺得靭，雞煲除咗食雞係主角之外，配菜同樣吸收咗醬汁嘅精華，成為另一個主角，香菇 豆卜 洋蔥 每一件配菜都十分入味，特別係香菇同豆卜。除咗雞煲之外，仲叫咗你一d小菜送飯，首先有呢個推介嘅香煎墨魚滑，香煎魚蛋就食得多但墨魚話就比較少，剛剛炸起嘅墨魚滑十分彈牙，外皮炸得脆口，切成薄片令到一粒粒嘅墨魚粒更加有咬口。 四季豆一向係我嘅至愛，但係因為健康嘅關係喺屋企煮嘅都唔會使用炸嘅方式，嚟到呢度就放肆一下叫咗個四川乾煸四季豆，唔會有太油嘅感覺，炸得啱啱好唔會有一種草青味， 而且配上惹味嘅肉碎絕對可以食幾碗白飯，呢道四季豆都可以自己選擇辣度架。

本身約左岀銅鑼灣食飯，收工超大雨，於是又黎左附近的金樂軒食 黎過食幾次，可算是飯堂啦哈哈～鐘意呢到打雞煲魚鍋火鍋小菜樣樣都掂叫左個老重慶奇味雞煲～朋友不吃辣所以走辣（我就無辣不歡😂），不過估不到走辣依然風味十足，麻而不辣一樣咁惹味。呢到的雞煲是用新鮮三黃雞，肉質很鮮味～入面好足料！$168好抵食食到咁上下叫左渣竹蔗茅根，非常清甜生津 差不多枱枱都有一渣，打邊爐必備加湯打邊爐～叫左鮮雞雜（即雞內臟），唔係度度有得叫黎打邊爐，好正鮮甜有嚼勁的鵝腸仲有牛丸雙拼，彈牙有牛味，是必點之一每次上菜店長都會好熱情咁介紹下啲菜式，呢碟都是佢誠意推薦的什菌炒牛肩脊，果然好好味，牛肩脊炒有獲氣肉質軟稔又肉味十足，什菌都好入味，撈飯食一流！壓軸登場的是百吃不厭的煎墨魚餅，新鮮煎好，還是冒煙的上菜，墨魚餅咬下去可咬到粒粒分明的墨魚肉，口感豐富配酸辣醬食實在一絕～這樣的服務很好 ，店長同啲店員姐姐都好nice又會同客人吹下水，東西也很好食，所以才常常吸引我回頭光顧吶

朋友帶路 o黎食魚煲, 依個係酸菜桂花魚煲酸菜同魚肉都好多, 勁足料 ar 我好中意食酸菜 ga桂花魚冇咩骨, 魚肉好滑!份量都多, 好抵食朋友推介依個福建醋肉, 好特別 o甘我係第一次食呢~外面好酥脆, 入面係啖啖肉 好好食食哂 d 魚就叫 o左 d 火鍋配料打邊爐上菜時似係老闆娘 ge 姨姨話 d 韮菜餃係自己包 ga韮菜餃包得好飽滿札實 每個都大大隻仲有個雙拼 ge 肉丸, 分別係牛肉丸同牛筋丸又係自家制 ga食落果然係好濃郁牛肉味 唔係粉 o個 d 牛丸 竹蔗茅根都好飲, 好清甜 依度 d 煲同小菜都好好食, 招呼又好朋友真係識食

今天約了細佬小璋到北角的金樂軒吃飯，這間飯店我想去很久，因為每次經過總是人山人海的多人，今天特意收早六時己去到了!老重慶奇味雞煲是這裏的招牌菜，我和弟弟都很愛吃辣，所以叫了一個中辣試試水温，想不到有着重慶的奇味雞，辣度剛好而且雞又滑又香濃，我們停不了口!再來一個酸菜桂花魚鍋是我的心頭好，我們今次反過來要了一個BB辣，想吃一條原味一点的桂花魚，桂花魚片很嫩滑，最重要是魚片十分新鮮可口，魚湯也啖啖鮮甜，好味透了!  再要了一格安格斯牛頸脊細滑又啖啖牛的濃味，真的吃過番尋味!最後再來一個辣炒土豆絲，真的夠獲氣!而且煎墨魚餅是招牌手打的，墨魚和蝦片也炸得又香又脆，而且十分爽口!我和弟弟看到菜牌還有很多可口的小菜，下次我們再光顧吧!

今晚成家人一齊出嚟食朋友推介嘅雞煲，一行四人，就叫左兩個煲，一個小菜同埋幾個火鍋配料。先講下環境同服務啦，啲枱都幾大張，所以好闊落，而老闆娘同其他員工都好親切有禮因為媽媽唔太食得辣，所以就叫咗小辣，但係都好惹味呀雞肉好入味，肉質結實得黎又幾滑，落咗好多香料所以味道好豐富，而煲裏面既豆卜吸晒啲湯都變得好好味呀，勁快比我地掃哂食完啲雞仲可以用個湯黎打邊爐添呢個魚鍋用咗全條桂花魚，分量十足，個湯底用咗好多魚骨、酸菜同其他配料去煲，味道勁濃郁，而魚肉本身起骨起得好徹底，食起上嚟好方便，加上煮得好滑呀雖然同雞煲一樣係小辣，呢個魚鍋辣度比較低，十分適合一啲唔食得辣嘅人呢！牛頸脊肉既牛味十分之濃郁加埋啲雜菌同葱蒜去炒真係好送飯，我哋每人都食咗一碗飯食完果兩個煲同埋個小菜都仲有啲意猶未盡，就追加左一啲火鍋配料，包括特級安格斯肥牛、豬潤同埋鮮蝦雲吞。肥牛同埋小菜嘅牛頸脊一樣好有牛味，豬膶好爽口，而雲吞就食得出係自家製，皮薄而且餡料豐富我哋仲叫咗一揸大嘅竹蔗茅根水，飲落去有天然嘅竹蔗甜味，唔似街邊嗰啲落咗好多糖去煲，健康得黎又解渴呢間餐廳小菜選擇好多，下次再嚟會試吓其他小菜呢

之前已經喺網上邊見唔小關於呢間餐廳既食評，一直都以為係膳稿但點知試過先知呢間野的確係值得推薦既今次首先嗌咗個酸菜桂花魚鍋，上枱嘅時候已經將啲魚肉起曬做一片片 魚肉入面完全冇骨咁濟，加上個湯底既味道酸酸地之餘仲有魚鮮味，之後拎黎打邊爐簡直一流呢到必須推薦個豬潤，勁新鮮，食落非常爽口另外仲嗌咗個小菜叫蒜芯炒鹹肉，除左我家鄉之外其他地方真係好難見到有呢道菜式，而呢到整出黎既味道絕對一流，趁熱將蒜芯連同肥鹹肉夾住一齊食，真係感動到想喊

這個晚上跟一位好朋友到北角吃晚飯，事源這個朋友將要到韓國交流一個月，我們決定在臨走前食一餐比較舊式的傳統美食，但朋友有點兒想吃雞煲，所以我們決定找一家有雞煲吃的餐廳。內在環境餐廳環境有茶餐廳的感覺，有傳統舊式餐廳的感覺，但環境絕對不錯，非常乾淨。食物種類我們可以先選擇雞鍋或者魚鍋，吃完雞或魚後再加水成為火鍋。餐廳提供的食物種類非常多，不單有火鍋(雞魚)和其他配料單點，還有多種特色小菜。老重慶奇味雞煲 $168雞煲上枱時極香，香料多，令雞味非常特別，雞件 塊塊有肉，非常惹味，服務員更端上一個特製醬汁，令整個味道更突出。什菌炒牛頸脊 $98朋友在餐牌上看見這個小菜，喜歡吃牛頸脊的他立即說要點一份，我們都覺得這個小菜什菌有點兒多，牛的份量則適中，牛肉不肥，但味道不錯。煎墨魚餅 $128我在餐廳牆上看見有煎墨魚餅的相片，二話不說立即點了一份，熱辣辣煎到金黃色的墨魚餅伴著蝦片，墨魚餅有點兒彈牙，味道極為不錯，配上泰酸辣醬簡直是人間美食！炸魚皮 $40 炸響鈴 $42這兩份火鍋配料則沒有什麼特別，跟平常在家吃的味道一樣，不過配上他本來雞鍋的汁，特別好味！炸魚皮和炸響鈴都脆卜卜，品質不錯。餃云吞雙拼

朋友住北角 上去佢屋企打牌打完佢介紹屋企對面食雞煲我最鍾意冬天食雪糕 夏天食雞煲可能香港好多人都有咁既闢好又或者呢間雞煲真係正 八點平日 座無虛席 好彩朋友醒目個朝book左咋主菜: 雞煲小辣 好正 好岩送啤酒 既麻又辣少少甜甜地 個汁較得好好 好like呢種味覺享受!!!! 聽到隔泥幾枱都叫大辣 下次再試中 一步一步泥~我鐘意呢d雞煲店每樣餸咁叫 任食個d通常用料唔得 今次全部新鮮肥牛正 韮菜餃正 豬紅正 娃娃菜正服務都好好 雖然人多推介既勝子夠大隻不得不提既係鮮墨魚餅Ummm..有d似炸蝦餅 不過係彈牙既墨魚!!係必食!

北角和富道係隱形食街成條街都係餐廳晚晩拍唒車係度前排去歐洲玩 又涷又大風又大雨好懷念hk既雞bowl同bino!!!!!!!於是醒起呢間 好耐之前吃過酸菜魚窩好正今次試佢地個奇味雞煲叫左小辣(唔食開辣既可能要叫bb辣)個煲個汁係精華 好惹味D豆卜索唒d汁如果唔係飽會叫埋饗鈴😍😍😍😍😍個煲只係叫左輕少少野 餃呀 鵝腸咁本身個bowl已有好多料因為實在俾佢牛肩燒著在麻麻地好過隱^^ 仲有我最愛既🐷紅同薯粉係入面😍😍😍😍飲品有自家竹蔗芧根 幸福感滿滿

聽朋友說吃了這麼多次的雞煲，這次終於有機會到訪北金樂軒試了。其實進入到了這店鋪也令我感到格外高興，像火煱般一樣的食法。而當中也有很多的菜式令我覺得很難忘，例如這家的魚旦是他們手工打的。口感也很爽口，還有炸物等。除此以外，還有店鋪的招牌菜未介紹。就是雞煲了，雞煲的雞汁有足夠的味道。我也試過用雞汁來伴飯，大大增加了自己的胃口。😂😂😂😂😂😂有很多數之不盡的食物令我評出正面的說話，推介大家來這家店鋪試雞煲👍🏻👍🏻👍🏻👍🏻👍🏻👍🏻👍🏻👍🏻👍🏻