金樂軒雞煲魚鍋

营业中

休息中

在北角沒有什麼大型商場，連鎖餐廳比較少，小店經營較多，本人一向喜歡吃小店，因為不像集團式食物千篇一律，老闆較有人情味，今晚約了幾位朋友到北角和富街這間金樂軒，我們一行四人訂了檯，故能夠安排卡位，先點了酸菜龍躉魚鍋（小）和奇味雞煲（小辣）（大）。雞煲上檯時未開蓋已感受到那種強烈雞煲味，還有肥大冬菇，認真足料。酸菜魚鍋味道太鮮甜，未開始各人已飲了半鍋湯，連我朋友平日不吃魚的都有飲湯。安格斯牛頸脊 顏色非常鮮紅，好滑，一點鞋口感覺都沒有。魚皮真的係我吃過最好味的，強烈推介，老闆說是自己新鮮炸。羊肉片 夠羶海蝦去頭去腳略開邊，夠新鮮，正到爆老闆娘說韮菜餃 是自己包，足料鮮蝦雲吞 都是自家製，好食都不得了竹蔗茅根 都是自家製，非常足料。總結：不要看外表是一間普通餐廳，很多食材都是自家製，看得出老闆很用心打理，下次一定會再來試下小菜。

今日過北角搵朋友，佢話附近有間雞煲魚鍋佢好想試，就陪佢黎到呢間「金樂軒」睇落好似街坊茶記，但原來個餐牌別有洞天。有雞煲，魚，小菜，任君選擇。我地揀左【酸菜桂花魚鍋】桂花魚冇骨，魚肉非常鮮嫩，入口即化，酸菜鹹淡剛好，開胃，越煮越入味。魚湯好鮮美，飲左三碗😂打邊爐怎能沒有健康飲品，餐廳自煲【竹蔗茅根】甜度剛好，解熱解辣一流。配菜加了【炸魚皮】【午餐肉】同【蟹柳】魚皮炸得好脆，係新鮮熱辣辣出鍋，齋食已經就食晒😂 午餐肉都好特別，好似比平日食嗰啲更有口感有層次感煙韌有肉感。還是不忘辣，【水煮安格斯肥牛】麻辣鮮香，最重要唔係普通牛肉係肥牛，更入味更易入口。配料也超級豐富，好抵食。香口【椒鹽鮮魷】份量足，魷魚好林但外皮好脆，推介。

黎到呢間小本經營嘅雞煲魚鍋店，一入到去有好多枱熟客仔，睇得出老闆娘非常之熱情，招攬到好多熟客生意。叫咗個雞煲，半隻。老闆娘好熱情咁問我地食唔食得辣，最後揀咗BB辣（然後係唔夠辣既）。雞件有好多，雖然唔夠入味，但啲雞都好滑。另外仲叫咗個招牌什菌炒牛頸脊，真係超級好味！我幾乎冇乜點食過雞煲,但係清晒啲什菌，真係好入味！牛頸脊嘅數量都多，而且唔會炒得太老。另外叫咗個椒鹽鮮魷，好大碟，個人覺得呢間鋪頭啲小炒都幾出色。

This restaurant offers an authentic fish pot of which you can choose the level of spiciness to your liking.The fish pot has extremely rich flavour. If you order minimal spiciness, you can even drink the soup in the fish pot as a thoroughly satisfying and delicious broth.Whethet you are a tourist or a local patron, I fully recommend trying this restaurant.

為咗同靚媽慶祝終於唔使做🎉🎉 小秘書今日同班新舊同事嚟到「金樂軒雞煲魚鍋」同佢賀一賀🍻 未嚟之前，我有上網做啲功課㗎😉 見咁多人讚好，所以我對「金樂軒」都有啲期望👀 由於大家收工嘅時間都唔同，我哋早到嘅當然要為遲到嘅同事試吓味先啦。首先嚟嘅係煎墨魚餅，墨魚膠被一層脆脆的外皮包住，口感好好又夠鮮味😋 而且外表睇嚟都幾大碟，不過原來大廚加咗半碟炸米粉、蝦片墊底，咁嘅份量收$128真係有啲貴😅 之後我哋叫咗個🐔雞煲同🐟桂花魚煲做膽，再加啲火鍋料作為今晚嘅聚餐，事實「金樂軒」嘅食物質素係👌🏻嘅！大家圍埋有講有笑都好開❤️ 美中不足嘅係比個大叔侍應激到火都嚟埋，破壞哂成晚氣氛！你有無諗過成圍枱十一個人求要公筷，佢好敷衍咁拎5對過嚟，話成間餐廳啲公筷都比哂我哋😡 之後又無啦啦拎樽蔗水過嚟逼我地要咗佢，我哋講咗幾次‘唔啱飲’，佢就當耳邊風😡😡 唔係個阿豬媽走埋嚟做和事婆，我真係好想爆個大叔囉😈👿

經介紹，同朋友專程黎到依間餐廳食晚餐。我地到既時候系1900，坐左陣就開始越來越多人，好熱鬧，晚餐既話要記得早少少到 依道招牌行有雞煲同魚煲，朋友好鐘意食魚，而且我地想試多d 菜色驚叫一個雞煲就飽曬，所以就揀左個桂花魚魚煲。煲有得揀大、中、小。我地叫左小，誰不知小煲都好大份量，好抵食!!! 魚煲有成大條桂花魚，有酸菜，魚湯微酸微辣，不油膩，好好味! 我地亦叫左手打餃同海蝦，老板娘話手打餃系員工一手一腳包既，好足料海蝦一碟有八隻，好大隻又鮮味，正!! 土豆絲辣辣地，味道唔錯。椒鹽鮮魷味道都okay。紅蘿卜粟米甘蔗水甘甘甜甜，夠凍，好啱食煲既時候飲。我地兩個食到好飽，好滿足! 依間餐廳好啱約大班人食飯，值得去!

雖然呢排熱到飛起，但係都阻唔到我同太太食雞煲嘅決心!由其最近聽到話北角有間叫金樂軒嘅雞煲好出位。落單嘅時候姐姐話，一定要試吓個炸墨魚餅，果然冇介紹錯，個墨魚餅外皮炸到脆卜卜，有啲似啱啱炸起嘅魚片頭咁!墨魚餅咬落好彈牙，可能手打關係墨魚餅有啲空氣喺入面，唔會實的的咁，入面仲有一粒粒嘅墨魚粒!呢個麻辣雞煲越食滋味，爆香晒嘅紫天椒，蔥蒜麻辣香，雞件算都多仲有啲豆卜。初初食嘅時候味道唔會太咸!因為好多雞煲為咗之後加湯都會特別整到好咸~食到咁上下，個嘴都開始孖孖地....姐姐又講自家制竹蔗茅根水好下火，初初都擔心係糖精做，飲完成口酸。但呢個唔太甜之餘飲完又真係幾解暑!呢個魚片...好滑，又冇咩骨落加埋去麻辣湯一齊食一流~自家制雲吞:粒粒大小都一樣入面仲有隻蝦仔雲耳，啲皮滾完都唔會散晒。呢個薯粉我好欣賞，平時係啲粉都係生嘅，都唔知滾幾耐先熟，呢個一早整熟咗啲只要碌一陣就食得!響鈴好脆口，冇油益味加埋麻辣雞湯真係冇得輸~蘿白好甜喔～兩個人食到勁飽!呢間都可以mark低，下次再約成班人嚟食過ps.廚師同店員都好親切，味道又好味。

有北角返工既朋友介紹咗呢間雞煲俾我，今次終於同到朋友一齊去試喇。呢間舖頭係城市花園再前小小既一條食街度，平日八點半左右入到去，都算幾多人係入面食嘢，相信都好深得街坊歡心。見到餐廳係主力做雞煲魚鍋，而同時又有好多小菜食，好多都好吸引，我地幾個就決定全部都叫小小嚟試下。點完餸，飲品好快就上咗，我地叫咗個大渣既竹蔗茅根($65)，因為落嘢飲既時候伙記都有推薦，而且係自家製，飲落去好鮮甜。之後其他嘢食都慢慢上，佢呢度主力雞煲同魚鍋，我地就決定兩個都叫個細份既試下。老重慶奇味雞煲($168)，我地叫咗小辣，好彩都真係唔算太辣，大家都食到，啲雞肉好入雞煲味，而且都啖啖肉。最鍾意呢煲-酸菜桂花魚鍋(小) ($188)，啲魚肉好大一塊，入面份量都好多，剩飲湯都ok，小小酸辣味，又有啲似胡椒味。火鍋料既話就叫咗唔係太多，因為都想食多啲熟食。特級安格斯肥牛($188)，啲牛肉好新鮮，一啲都唔「鞋」，一食就知係靚嘢炸魚皮($40)，脆卜卜，又好大份，浸落去真係三秒就啱啱好。到小菜，因為我係薯仔fans，所以點都想試下個辣炒土豆絲($65)，不過嚟到就發現太辣唔太食到哈哈，不過我地有一份鍾食辣既朋友就食晒成碟

與舊同事飯聚，相約在舊公司附近的餐廳。一行四人在滂沱大雨中找到了這間雞煲店。甫坐下馬上點了竹蔗茅根，實在太口渴了。老闆娘很有心，她說竹蔗茅根是自家製的，很健康，不會很甜。果然是家的味道，特別適合不嗜甜的我。食品種類繁多，老闆娘提議我們點一個小雞煲和魚煲，都是這裏的招牌菜。另外點了安格斯肥牛和炸魚皮作火鍋配料。熟食方面，就點了煎墨魚餅、椒鹽豬手、炒土豆絲和炒豬潤。最先登場的是椒鹽豬手。炸蒜灑在香脆的豬手上，咬下去發出「索索」聲，特別有咬勁。豬手皮一向都是女士的補品，女同事們吃得津津有味，把滿滿的骨膠原吃進去。主角上場，酸菜桂花魚鍋。沒想到魚肉可以這樣嫩滑，每一塊魚肉都是完整結實的，不會因為一直在煮而散開。重點是一點骨都沒有，實在太適合我這種不懂吃魚的人類。而酸茶熬製而成的湯底亦十分惹味，少許的酸味，零舍開胃，可以邊吃魚邊喝湯。辣炒土豆絲，男友人特別嗜辣，所以這道菜是為他而點的。我們點的是小辣，土豆絲非常爽脆，很清新，好吃。另一主角重慶雞煲上場。雞肉很滑身，不會很乾，而且調味剛好，不會過咸。安格斯肥牛是雞煲的好友。牛味非常重，第一口已經驚豔全桌人，紋路分明，肉質上盛，煮久了也不會老，仍然入

北角真係有好多好嘢食，我自己好鍾意去啲細細間，家庭式經營嘅小店，貪佢哋夠心思，價錢通常都唔會好貴，食物質素又會好好，今日約咗阿豬媽去傾心事，阿豬媽最鍾意食雞煲，我自己就係邊爐精，所以就上網搵左呢間餐廳試一試。雞煲我唔敢食咁啦，呢個雞煲就啱晒我胃口，佢嘅辣味比較容易入口，算係比較溫和嗰一種，最鍾意佢除咗有一般雞煲有嘅洋蔥，青椒之外，仲好有心思咁加左豆腐卜同埋冬菇！豆腐卜同冬菇索晒啲汁，真係天下一絕！墨魚餅，必食推介！炸到金黃色嘅墨魚餅，淡淡都係入口彈牙嘅墨魚肉，送啤酒一流，仲有薦底嘅蝦片！淨係為咗佢哋食呢個都值得！炸響鈴，呢個都炸得好好，冇油益味！白鱔片，新鮮爽口！午餐肉，賣得唔貴有好多片！玻璃生菜，姨姨特別吩咐我哋錄10秒就好食，咁先至會保持佢爽脆嘅口感！抵食！好味！有人情味！叔叔同姨姨都勁好人，見周圍都係住喺附近嘅街坊一家大細落嚟食飯，好鍾意佢哋！我決定下次大圍生日飯就要喺呢度食！

柴灣 一個對我尼講喺個有啲陌生嘅地方去過嘅次數屈指可數 但食過呢間店之後我相信我會成日去 呢間絕對值得翻食啊約左個中同聚舊 我就唔知有咩好地方又好食 又可以舒舒服服坐喺度吹下水 友人知我鍾意食辣 就介紹左呢間比我我就當做試下新嘢 點知一試就出事啦徹徹底底地迷上左呢間嘢小弟就坐地鐵去嘅 雖然隔左幾條街但行過去 十分鐘以內就到門面好光猛 離遠就見到間鋪果日我地就八點大概搭八去到嘅去到果陣人坐唔夠一半 完全唔洗擔心冇位我地兩個人 被安排左坐張四人枱唔洗驚冇位擺嘢食之餘座位寬落 坐落非常舒服 吹水一流小弟喺初體驗 所以落單嘅重任就交比友人啦首先上嘅喺竹蔗茅根 雞煲咁上火叫樽竹蔗茅根下下火 平衝返先竹蔗茅根飲落有小小甜 非常順口可以想像到配埋雞煲無得頂等左冇幾耐 雞煲就上左友人同我都唔算好食得辣所以叫左中辣 過下口癮面頭見到滿滿嘅香菜 唔食嘅人要留意等緊雞煲滾嗰陣 滿滿香料嘅味撲鼻而尼仔細一睇雞煲裏面仲有豆卜同香菇呢兩樣都喺吸汁一流嘅食物可以想像到等陣食嗰陣 滿滿嘅麻辣汁喺口入面爆發嘅情況等緊雞煲滾嗰陣 小菜同火鍋配料都一一上齊講返個雞煲先 喺啲嘢差唔多上齊嗰陣雞煲就滾啦 終於可以開餐啦豆卜同菇

今日同媽媽撐檯腳，所以係北角搵左呢間食雞煲、魚煲既小店。因為我地去得早，六點就到，所以仲未有其他客人。店面不太大，但係乾淨企理。而且店員好熱情，會問我地食唔食得辣，再推介菜式比我地。因為媽媽唔太食得辣，所以我地叫左個細既酸菜龍躉魚煲$268湯底奶白色，好吸引，老闆話係佢哋係用龍躉頭腩，又叫我地可以試下個湯，酸酸辣辣，幾開胃。魚煲入面有大白菜，白蘿蔔，龍躉，花椰菜，鹹酸菜......龍躉肉份量都幾多下，有成三四碗，而且龍躉皮厚，膠原蛋白max!個魚煲食完之後可以打邊爐，所以我地加左個雲吞雙拼$58，有鮮蝦同菜肉。鮮蝦雲吞有原隻蝦仁係裡面，雖然細細隻，但係加埋木耳絲，好爽口彈牙，而且無鹼水味。菜肉雲吞清爽。打邊爐點可以唔叫牛肉，我地加左滑牛肉 $50食落真係好嫩，而且肉味十足有筋既牛肉更正，但唔會韌。鮮味香煎墨魚餅 $128呢個真係讚，墨魚餅本身好彈牙，煎完之後又香又彈牙福建炸醋肉 $88佢個樣同上海既甜酸排骨好似，肉質好嫩滑，菠蘿酸酸甜甜，好味。整體黎講味道唔錯，小店料好足，要支持啊！

金樂軒環境四正，坐位有點冰室的感覺。除了雞煲和魚鍋之外，還有炒小菜, 很多菜色選擇。酸菜桂花魚鍋 $188好大鍋，成條桂花魚在奶白色的魚湯湯底! 一團又一團的魚肉，加上大量酸菜和芹菜，鮮甜程度可想而知, 食到津津有味。酸菜味唔係好濃，無搶到桂花魚嘅鮮味。桂花魚肉鮮甜幼滑。客人還可配搭火鍋配料，做成魚湯湯底火鍋, 魚鍋仲有椰菜花、白蘿蔔、椰菜等。魚鍋份量很多，吃完魚肉都已半飽。炸魚皮$40是自家製，上菜時還是熱的， 咬下去非常脆，味道香卻不油膩。鮮蝦雲呑，鮮蝦餡料足, 墨魚滑很彈牙，而且份量很多。至愛嘅午餐肉都係$40, 鵝腸$48.冰凍竹蔗茅根水$33， 自家煲而且又足料，有竹蔗茅根紅蘿蔔, 味道清甜潤喉 ，清熱下火之選

今晚放工好想食雞煲捉左同事同我去北角食金樂軒一坐底發現餐牌好多吸引美食叫左一樽竹蔗茅根水飲住慢慢揀我地叫左個老重慶奇趣雞煲小辣雞肉入口肉質超嫰滑小辣味道適中冬菇同豆卜作配料超入味超好食另外我們再點了鮮墨魚滑、午餐肉同水餃雲吞雙拼。手打鮮墨魚滑必食，超好食超彈牙，放入雞煲湯打邊爐超好味除左雞煲外我地仲點了水煮牛頸脊及蒜香椒鹽豬手。呢兩道菜我覺得係必食推介水煮牛頸脊很特別水煮味夠香濃配上牛頸脊超好食牛頸脊比牛肉更爽口，牛肉味亦很濃下層仲有薯粉水煮薯粉超入味吾算太辣好好食另外呢道菜我簡直覺得係來金樂軒一定要叫蒜香椒鹽豬手起初都驚好油好漏點知，一來到已聞到好香既蒜香椒鹽味一試豬手上面的蒜香好香口再食個豬手超好食意想不到咁好食豬手肉質超嫩吾油咬落皮脆肉淋超好食食吾停好快就已經清左呢碟豬手真心推介👍🏻👍🏻我們一行二人每人食左三百幾好滿足可以食到雞煲之餘又食到令人一再回味既豬手同牛頸脊超正！

朋友好鍾意食雞煲，佢今日帶左我去北角金樂軒，佢話呢間唔錯，所以帶我嚟試下去到我地坐卡位，位置非常闊落舒服老重慶奇味雞煲我地2個人叫左個小嘅，少辣，嚟到見份量好足，啲雞唔會話太肥，唔會話有層肥膏喺層皮度，食落啲肉都好嫩滑，唔會嚡口，果然係新鮮雞特級安格斯肥牛，鮮魚片食完個雞，我地加左個特級安格斯肥牛同鮮魚片打邊爐，肥牛牛味十足，唔會話只有雪藏味，至於個鮮魚片，原來係桂花魚片，啖啖肉，無骨，好鮮味，一啲都唔會腥尖椒皮蛋酸薑皮蛋就食得多，尖椒皮蛋係第一次食，嚟到仲驚啲尖椒會辣，點知一啲都唔辣，呢個配搭原來好夾，另有一番滋味香辣海中蝦呢個我地都係揀小辣，呢個餸真係值得一讚，辣味剛剛好，唔會蓋過左啲蝦味，非常新鮮好食，另一樣值得一讚嘅係，厨師剪晒啲蝦腳之餘，仲喺蝦嘅肚位剪開左，食起上嚟，完全唔駛用手剝蝦殻，好易食，咁細心，真係要俾個👍🏻佢