金樂軒雞煲魚鍋

营业中

休息中

今日難得港島一日遊 當然夜晚要食返餐好嘅 今日食咗一間喺港鐵站附近嘅餐廳 貪佢又有得打邊爐又有得食小菜😛 餐廳嘅牆上貼咗好多小菜嘅相 好似款款都好好食咁 但隔離枱嘅雞煲又好似好吸引 所以兩樣都嗌啲😂😂老重慶奇味雞煲 我地嗌咗小辣 幾中意佢嘅辣味 坊間好多都係麻辣 但個人覺得麻嘅感覺唔太舒服 呢個雞煲真係幾唔錯👍🏻 又有豆卜 冬菇等嘅配料 吸埋啲辣汁 好惹味 佢嘅辣又唔係好辣嘅 下次食應該會試中辣😺肉丸雙併 係墨魚丸同魚蛋 嗌咗雞煲當然要嗌其他配料打下邊爐啦 可惜女朋友好想試埋小菜 所以要留下肚 淨係嗌咗呢樣 魚蛋好有驚喜 咬落口仲有少少汁嘅🐟咸肉炒韮菜花 呢碟其實幾好送飯嘅 但因為想試多啲款嘅餸 所以我地冇嗌到 韮菜花幾嫩 好爽脆 咸肉半肥瘦🐷椒鹽鮮魷 層粉唔會太厚 脆卜卜 熱辣辣 啱晒為食既女朋友😂紅油炒手 個辣椒油好好味😻 嚴格嚟講佢都唔算好辣 有啲甜甜地 入面又有小小蒜😚 撈埋雲吞一齊食幾正呢餐好豐富 又食雞煲 又食小菜真係好滿足🤤

去到北角 一定要試下依排幾出名的餐廳，餐廳地方都幾多，而且幾乎都滿座 重見到有唔少旅客 認真要試試佢！好在我地去到都唔洗點樣排隊 -水煮桂花魚-唔係好夠麻 勝在魚份量多 而且魚好新鮮 食得出佢嘅鮮甜味 入面仲配埋薯粉 成個感覺咁豐富.-麻辣雞煲-濃郁麻辣味 雞夠滑 食完雞煲加湯落雞雜 第一次食雞雜 雞雜配埋雞煲湯底汁 又係絕配.-招牌蒜香炸豬手-份量大 好大碟 除左蒜香味外 仲有濃濃的南乳味 豬手多肉林林的 外皮夠脆總括來講都幾好食！

因有訂枱，所以不用等多久有枱了。座位不逼夾，每人都座得舒服，就算我身邊有位大肥仔。衛生方面也不錯，乾乾淨淨。伙記態度一流，耐心介紹招牌菜和各種小菜。一行十人！我們先叫了酸菜龍躉魚窩和老重慶奇味雞煲。龍躉新鮮，雞煲小辣味道冇得輸夠入味。之後再叫鮮味香煎墨魚餅和薑蔥生蠔煲，唔講墨魚餅味道如何，我一個人都可以食半碟，而生蠔直頭要encore。再來蒜蓉粉絲蒸蟶子，CP值超高超新鮮。其他小菜也十分好食，火候十足，尤其是清炒皇帝菜，十分回味。

平時雞煲食得多啦，呢間餐廳雖然有得食雞煲，但都試咗佢嘅另一招牌菜：酸菜桂花魚鍋（1條）（小辣）（$208）。酸菜桂花魚鍋，用酸菜、辣椒、花椒、魚肉製成湯底，一開始上枱嘅時候味道會較清，感覺到係冇落味精，之後不停用電磁爐小火煮，湯底嘅味道開始會出嚟，食到最後湯底會好有鮮味！我哋叫嘅係小辣，食落本人覺得唔算太辣，食得辣嘅朋友可以挑戰更高嘅辣度，而桂花魚肉好滑嫩，整體唔錯！怕食雞煲油膩嘅朋友，可以試試。叫左鮮蝦雲吞韭菜餃雙拼（$68）、唐生菜（$33）作為火鍋配料！另外又叫咗兩個小炒：燒汁彩椒炒白鱔（$188）、尖椒炒黑豚肉（$98）。燒汁彩椒炒白鱔，一上枱已經聞到非常之香，彩椒、洋蔥、蒜頭等香味撲鼻而來，白鱔魚肉滑嫩，而且唔多骨，用燒汁彩椒一齊炒，食落去非常之惹味，鑊氣味濃，非常推薦！尖椒炒黑豚肉，亦都炒到好香，黑豚肉配搭醬汁、尖椒同洋蔥，好香口，係重口味人士之選！

朋友從外國回來只想吃中餐 不吃西餐地道的中菜是她首選 點心 茶餐廳早已經吃過就帶她吃雞煲 我心中的雞煲香而辣 雖然香料多 但不會搶走雞的肉味 而且雞肉一定要嫰滑星期四的7點 已經好多人 而且多是附近的街坊 街坊都吃的餐廳 沒有大量的廣告 應該一定沒去錯了這些雞煲小炒店 就是地道 大家都高談闊論 不會拘緊老重慶辣雞煲雞煲是比較重口味的食物 加入辣椒洋蔥 再爆炒過 但調味料絕不能蓋過雞的味 肉亦要嫩滑而且之後加湯火鍋 味道不應變淡而無味 雞件肉質嫩口 不是大肥雞 那種吃一下一整口都是油肉質分明 爆炒的鑊氣仍存在 香味十足她難得回香港 魚旦頁丸等一定不能錯過這兩款丸類應該是店家手打 外面吃不到味道 魚旦彈牙 把雞味道都吸收了特別是芥末頁丸這很特別 不是一般貨色 肉味濃還加入芥末 不是搶味 反而是很驚喜一加湯很快就能吃火鍋就是太心急想吃 哈哈 拿上來馬上吃 裡面的肉汁爆出來 燙到嘴了 裡面肉汁豐富 而且肉比例十足 真材實料尖椒炒黑豚肉想不到這裡的小炒也不錯 難怪這麽多街坊吃小菜整個不會太油 反而椒炒得爽脆豚肉薄薄一片 不會過老 朋友一直說外國吃不到然後一直吃不停 這一個有鑊氣但不油的小炒爆炒小

友人力薦下，今晚就跟左佢去試北角人氣雞煲我地六點九到，唔使等位老重慶奇味雞煲：雖然嗌左細，但分量一啲都唔少！因為友人唔食得辣，所以嗌左小辣，我平時食開譚仔2小辣就覺得啱啱好，食得好舒服！雞煲陣陣黑椒味，好香！裡面仲有好多料！例如洋蔥、冬菇、豆卜等！豆卜呢個餸堅係正，索哂啲汁燒汁彩椒炒白鱔：呢碟餸超級推薦！連平時唔好鱔既我都食左好多舊！同雞煲一樣有好多配料！有唔同種類嘅菇、黃椒同青椒！全部都好入味，但一啲都唔鹹！100分咸肉炒韮菜花：啲咸肉唔會太鹹，配搭埋韭菜花一齊食，一流炸魚皮：另一特別推介！老闆話係自家製，啲魚皮特別處理過，省乾淨哂，所以特別薄同特別脆！出面好少食到！齋食或者打邊爐都得！用心之作水餃拼雲吞：都係自家製，雲吞大大粒蝦肉拼豬肉，韭菜餃都好高質食完雞煲，就打邊爐碌雲吞、水餃同魚皮竹蔗茅根：甜度適中，清熱解毒七點半左右已經全場爆滿，而且有好多人都係book定枱！有幸食到北角人氣雞煲，心滿意足

今晚約左朋友食飯，我想食雞煲，朋友想食小炒，呢間食店就有齊我倆想食既野，選擇都幾多老重慶奇味雞煲，上菜時好香，放係個爐上面最細火慢慢熱住食，有分大辣，中辣，小辣，BB辣，我地叫左個小辣，雞件又香又滑又嫩，冬菇同豆卜索哂啲汁，好惹味，超正。。唔夠辣可以加辣🌶🌶，雞件食完後加返雞煲個辣湯打邊爐燒汁彩椒炒白鱔，配料豐富有冬菇紅椒青椒洋蔥，白鱔鮮甜肥美，連配料醬汁一齊食惹味十足什菌炒腰花，炒得香嫩爽口，不過火，什菌豬腰比例恰當，都係大大碟鮮墨魚滑，夠新鮮，食得出墨魚既鮮味，彈牙鮮甜竹庶茅根自家製，飲落好清甜，好天然，好解渴食物好味，分量多，老板員工熱情友善，我同朋友坐下傾下食下飲下，不知不覺就坐左兩個鐘

估唔到依個菜館啲嘢食咁出色，我同朋友叫咗好多野食，第一樣重頭戲就係依個老重慶奇味雞煲，$188 價錢還可以，雖然出面任食依個價都食到，但佢啲雞同個汁真係好正好唔同，唔係淨係得個咸字，而個醬汁係好野味，本身老闆娘問我地係唔係食小辣，我同朋友都食得辣，於是試咗中辣，我地一開始食就覺得啱啱好，可以再辣少少添點知後尾啲雞煲耐咗，愈食愈辣哈哈，所以中辣都已經好夠辣😋之後就係燒汁白鱔$188 原來係佢地招牌菜之一，我覺得勁好食，因為無乜骨之餘，燒汁同魚味配合得好恰當，再加啲三色椒一齊炒，好中意食！不過食咗咁多重味既野，我地就叫咗個白飯送。食埋雞煲之後就可以加湯擺啲打邊爐送落去個煲，有菜肉雲吞，鮮魚片，唐生菜。仲有叫咗一碟煎墨魚餅 $128 因爲我地有白鱔、雞煲，緊係要試埋佢個墨魚餅！原來仲有幾塊蝦餅🥰沾啲好似泰式甜醬既sauce，酸酸甜甜咁，幾開胃！食雞煲食到飽食下依個都好。最唔少得就係佢渣竹蔗茅根$33我見餐廳好多人都有叫依個黎飲 老闆娘都話係佢地自己煲 好健康又可以清熱氣

來這好幾次, 每次都會點酸菜桂花魚, 尖椒皮蛋和尖椒炒豬潤, 因其水准穏定. 今夜也一樣.其雞煲這次第一次點. 不過不失, 可有可無. 説回正題, 要有主見才來. 那為什麼呢? 是這樣的. 他們所有服務員都很熱心推介東西, 推介時還會像說秘密一樣細細聲只給你聽, 有點娛樂性. 但推的都像陷阱. 几個月前的第一次就這樣中陷阱點了田雞煲, 田雞瘦到沒朋友, 田雞的量也少得可憐, 三位友人同說不好吃. 又如果你點小份的他們也會慣性說”小份那夠你們吃呢”.... 就像早上看到人家叫聲”早安”, 其實沒什麼意義, 只是慣性. 今次也一樣. 我一開口點酸菜魚小份, 服務員嬸嬸即時來一句”早安”. 我只笑笑口回她”要是點大份那其他想點的都不能點了”, 她才回過神來尷尬笑笑. 我有主見, 我點的好吃, 所以還會再去

四大一小吃了600元，结账才知道米饭一小碗12元，茅根水65一大壶，根本喝不掉最好只点菜不会再去第二次，希望要去的朋友能先看到点评，问好价格再点餐，别像我们傻乎乎地吃了60块钱米饭

今天晚上不想外出進餐，於是透過外賣應用程式訂餐。這家餐廳我一直都想試，今天終於有機會了！椒鹽鮮魷似乎真的不能外賣，外皮基本上已經軟了，鮮魷變得很小老重慶奇味雞煲雞肉尚算嫩滑，可能是因為小辣的關係，感覺有點不入味，不夠過癮泡椒牛肉味道不錯，當中的萵筍尤其出色，可惜只有很少看來這些講求火氣的東西都是不宜外賣。。。下次都是不要那麼懶惰，走多兩步到店內直接品嚐為妙

呢間餐廳其實好多款式嘢食，除咗食雞煲，魚鍋，其實仲有小菜，其實2樣我都好鍾意食，不過早幾日先食完雞煲，今日就試下呢度嘅酸菜魚鍋1. 酸菜桂花魚鍋(細) $188 - 先飲個湯底都幾順喉，味道適中，小辣味道都不錯，魚嘅份量都好多，夠3-4個人食，魚質好嫩滑，鍋入面除咗酸菜同魚外，仲有白蘿蔔，福菜😋😋2. 招牌炸魚皮 $40 - 即叫即炸上檯時真係熱辣辣，就咁食真係超超超脆，同超超超鬆化，粉丁點都唔厚，真係好正好好味，必食食！😋😋😋😋3. 推薦鮮墨魚滑 $58 - 超彈牙同鮮味，果然係鮮墨魚滑，真係招牌嘢，無叫錯！😋😋😋😋4. 特級安格斯肥牛 $98 - 脂肪分佈幾平均，食落好嫩，又鬆化，絕對唔會鞋/韌，又有牛肉味，好味!😋😋😋5. 豬頸肉 $58 - 都幾爽口，只係幼咗d，熟咗難搵番佢嚟食6. 菜肉雲吞 $45 - 自家包的，無味精，有家嘅味道8. 竹蔗茅根() $33 - 自家煲嘅，唔會好甜，打邊爐叫嚟清熱啱晒

最親切的味道，除了母親烹調的家常小菜外，便是街頭巷尾餐館大排檔的「地道小炒」。鑊氣充足的「豉椒雜菌爆炒蟶子」，爽甜的蟶子肉與鮮香的雜菇混在一起，滿滿的豉椒辣香，由爐火將一切昇華融合。「椒鹽魷魚鬚」可稱為港式炸物的「天后」。本來滑不溜手的魷魚鬚，經油炸後變得乖巧。輕鬆地用筷子一夾，沾上滿滿的乾蒜與微酸的醬汁，好吃得停不下來。貴為港式菜館兩大名物之一，「椒鹽金錢鱔」更是炸物中的王者至尊。焦脆的魚肉表面如一，連幼細的魚骨也被炸得一咬即碎。肉質飽滿的鱔魚塊讓人垂涎欲滴，足以刺激無數支啤酒的消費。「紅油雲吞」是上海的菜式，而在香港的菜館裡也是一款深受歡迎的美食。香港人喜歡上海菜與雲南菜的酸與辣，因此許多廚師都會鑽研上海與雲南的菜式，嘗試集百家之大成，融薈貫通。香濃的韮菜豬肉與厚薄相宜的外皮，正好與酸酸辣辣的紅油構成刺激食慾的誘人味道。******************************Thank you for visiting, and I wish you a pleasant day!感謝你的瀏覽，我希望你有愉快的一天！Thanks for your support

面對甘多選擇既菜單都唔知簡咩好，職員會好好甘介紹唔同既菜俾我，最後就簡左幾款佢地既招牌菜，全部都好好味，果然無介紹錯！😋😋自家制竹蔗茅根先先飲杯解下渴先！唔係好甜，好合口味！👍🏻👍🏻酸菜桂花魚煲 $188嘩！食過你就會覺得佢呢個桂花魚煲超值！！首先，佢個煲好大，材料多好豐富！二黎，食物好好味！個魚煲有啲咩呢？包括已經片左肉出黎既桂花魚、酸菜、椰菜花同召菜等。份量好多！上枱前條魚五成熟左右，煲一煲就食得！桂花魚肉好嫩滑，一片片，唔會爛晒。不過記得要飲埋個湯，好清甜，有酸菜味，又有魚既清甜味！👍🏻👍🏻😋😋煎墨魚餅 $128佢呢個墨魚餅既特色係墨魚肉壓平，再煎炸，再切一塊塊。好香口同有墨魚味，墨魚肉彈牙！點埋個辣醬食更正！👏🏻👏🏻☺️☺️蒜香椒鹽豬手 $128中式豬手食得多，但炸過既豬手真係少食。佢炸到個外皮脆脆地，肉裡稔，好香蒜蓉味！好高骨膠原，正！😁😁金銀蛋豆苗 $68之前去酒樓飲食過菜苗，但大多都係好老，好難咬。但呢度既菜苗好嫩，好翠綠，夾埋咸蛋皮蛋食，提升左菜苖既味道！好味！會推薦大家黎食既餐廳！

之前同朋有黎過，覺得唔錯，所以再黎！😁老重慶奇味雞煲 $168雞煲可以選擇辣同唔辣，因為我地唔食得辣，所以食原味😊如果食得辣既叫麻辣應該會更惹味！個雞煲好大煲，有豆卜、冬菇同雞😜雞肉好嫩滑，入晒味，個汁好濃，有獨特既味道，配菜吸晒啲汁同精華，正！！👍🏻👍🏻煎墨魚餅 $128即叫即做，所以熱辣辣！墨魚肉彈牙，好香既墨魚味！😊😊雜菌炒牛頸脊 $108好有鑊氣！好香！牛頸脊好嫩，好稔，好有牛既味道！😊配埋雜菌去炒好夾，好喜歡呢道菜！👍🏻金銀蛋豆苗 $68份量好多！價錢抵食！剩係菜苗既成本都好貴！但呢度只係68！正！面頭係咸蛋同皮蛋，切到一粒粒。底下既菜苗夠嫩，上湯浸住，好夠味！👍🏻👍🏻😍😍竹蔗茅根水自家煲，天然既清甜品，夠晒清熱！👍🏻👍🏻職員會主動介紹菜式，友善！值得一讚！推薦大家黎！☺️🎊