金樂軒雞煲魚鍋

营业中

休息中

來這好幾次, 每次都會點酸菜桂花魚, 尖椒皮蛋和尖椒炒豬潤, 因其水准穏定. 今夜也一樣.其雞煲這次第一次點. 不過不失, 可有可無. 説回正題, 要有主見才來. 那為什麼呢? 是這樣的. 他們所有服務員都很熱心推介東西, 推介時還會像說秘密一樣細細聲只給你聽, 有點娛樂性. 但推的都像陷阱. 几個月前的第一次就這樣中陷阱點了田雞煲, 田雞瘦到沒朋友, 田雞的量也少得可憐, 三位友人同說不好吃. 又如果你點小份的他們也會慣性說”小份那夠你們吃呢”.... 就像早上看到人家叫聲”早安”, 其實沒什麼意義, 只是慣性. 今次也一樣. 我一開口點酸菜魚小份, 服務員嬸嬸即時來一句”早安”. 我只笑笑口回她”要是點大份那其他想點的都不能點了”, 她才回過神來尷尬笑笑. 我有主見, 我點的好吃, 所以還會再去

四大一小吃了600元，结账才知道米饭一小碗12元，茅根水65一大壶，根本喝不掉最好只点菜不会再去第二次，希望要去的朋友能先看到点评，问好价格再点餐，别像我们傻乎乎地吃了60块钱米饭

今天晚上不想外出進餐，於是透過外賣應用程式訂餐。這家餐廳我一直都想試，今天終於有機會了！椒鹽鮮魷似乎真的不能外賣，外皮基本上已經軟了，鮮魷變得很小老重慶奇味雞煲雞肉尚算嫩滑，可能是因為小辣的關係，感覺有點不入味，不夠過癮泡椒牛肉味道不錯，當中的萵筍尤其出色，可惜只有很少看來這些講求火氣的東西都是不宜外賣。。。下次都是不要那麼懶惰，走多兩步到店內直接品嚐為妙

呢間餐廳其實好多款式嘢食，除咗食雞煲，魚鍋，其實仲有小菜，其實2樣我都好鍾意食，不過早幾日先食完雞煲，今日就試下呢度嘅酸菜魚鍋1. 酸菜桂花魚鍋(細) $188 - 先飲個湯底都幾順喉，味道適中，小辣味道都不錯，魚嘅份量都好多，夠3-4個人食，魚質好嫩滑，鍋入面除咗酸菜同魚外，仲有白蘿蔔，福菜😋😋2. 招牌炸魚皮 $40 - 即叫即炸上檯時真係熱辣辣，就咁食真係超超超脆，同超超超鬆化，粉丁點都唔厚，真係好正好好味，必食食！😋😋😋😋3. 推薦鮮墨魚滑 $58 - 超彈牙同鮮味，果然係鮮墨魚滑，真係招牌嘢，無叫錯！😋😋😋😋4. 特級安格斯肥牛 $98 - 脂肪分佈幾平均，食落好嫩，又鬆化，絕對唔會鞋/韌，又有牛肉味，好味!😋😋😋5. 豬頸肉 $58 - 都幾爽口，只係幼咗d，熟咗難搵番佢嚟食6. 菜肉雲吞 $45 - 自家包的，無味精，有家嘅味道8. 竹蔗茅根() $33 - 自家煲嘅，唔會好甜，打邊爐叫嚟清熱啱晒

最親切的味道，除了母親烹調的家常小菜外，便是街頭巷尾餐館大排檔的「地道小炒」。鑊氣充足的「豉椒雜菌爆炒蟶子」，爽甜的蟶子肉與鮮香的雜菇混在一起，滿滿的豉椒辣香，由爐火將一切昇華融合。「椒鹽魷魚鬚」可稱為港式炸物的「天后」。本來滑不溜手的魷魚鬚，經油炸後變得乖巧。輕鬆地用筷子一夾，沾上滿滿的乾蒜與微酸的醬汁，好吃得停不下來。貴為港式菜館兩大名物之一，「椒鹽金錢鱔」更是炸物中的王者至尊。焦脆的魚肉表面如一，連幼細的魚骨也被炸得一咬即碎。肉質飽滿的鱔魚塊讓人垂涎欲滴，足以刺激無數支啤酒的消費。「紅油雲吞」是上海的菜式，而在香港的菜館裡也是一款深受歡迎的美食。香港人喜歡上海菜與雲南菜的酸與辣，因此許多廚師都會鑽研上海與雲南的菜式，嘗試集百家之大成，融薈貫通。香濃的韮菜豬肉與厚薄相宜的外皮，正好與酸酸辣辣的紅油構成刺激食慾的誘人味道。******************************Thank you for visiting, and I wish you a pleasant day!感謝你的瀏覽，我希望你有愉快的一天！Thanks for your support

面對甘多選擇既菜單都唔知簡咩好，職員會好好甘介紹唔同既菜俾我，最後就簡左幾款佢地既招牌菜，全部都好好味，果然無介紹錯！😋😋自家制竹蔗茅根先先飲杯解下渴先！唔係好甜，好合口味！👍🏻👍🏻酸菜桂花魚煲 $188嘩！食過你就會覺得佢呢個桂花魚煲超值！！首先，佢個煲好大，材料多好豐富！二黎，食物好好味！個魚煲有啲咩呢？包括已經片左肉出黎既桂花魚、酸菜、椰菜花同召菜等。份量好多！上枱前條魚五成熟左右，煲一煲就食得！桂花魚肉好嫩滑，一片片，唔會爛晒。不過記得要飲埋個湯，好清甜，有酸菜味，又有魚既清甜味！👍🏻👍🏻😋😋煎墨魚餅 $128佢呢個墨魚餅既特色係墨魚肉壓平，再煎炸，再切一塊塊。好香口同有墨魚味，墨魚肉彈牙！點埋個辣醬食更正！👏🏻👏🏻☺️☺️蒜香椒鹽豬手 $128中式豬手食得多，但炸過既豬手真係少食。佢炸到個外皮脆脆地，肉裡稔，好香蒜蓉味！好高骨膠原，正！😁😁金銀蛋豆苗 $68之前去酒樓飲食過菜苗，但大多都係好老，好難咬。但呢度既菜苗好嫩，好翠綠，夾埋咸蛋皮蛋食，提升左菜苖既味道！好味！會推薦大家黎食既餐廳！

之前同朋有黎過，覺得唔錯，所以再黎！😁老重慶奇味雞煲 $168雞煲可以選擇辣同唔辣，因為我地唔食得辣，所以食原味😊如果食得辣既叫麻辣應該會更惹味！個雞煲好大煲，有豆卜、冬菇同雞😜雞肉好嫩滑，入晒味，個汁好濃，有獨特既味道，配菜吸晒啲汁同精華，正！！👍🏻👍🏻煎墨魚餅 $128即叫即做，所以熱辣辣！墨魚肉彈牙，好香既墨魚味！😊😊雜菌炒牛頸脊 $108好有鑊氣！好香！牛頸脊好嫩，好稔，好有牛既味道！😊配埋雜菌去炒好夾，好喜歡呢道菜！👍🏻金銀蛋豆苗 $68份量好多！價錢抵食！剩係菜苗既成本都好貴！但呢度只係68！正！面頭係咸蛋同皮蛋，切到一粒粒。底下既菜苗夠嫩，上湯浸住，好夠味！👍🏻👍🏻😍😍竹蔗茅根水自家煲，天然既清甜品，夠晒清熱！👍🏻👍🏻職員會主動介紹菜式，友善！值得一讚！推薦大家黎！☺️🎊

昨天同與友人一行4人到北角和富道覓食. 此街其實有很多很多隱世美食小店. 今晚就揀了街尾的金樂軒雞煲, 很幸運不用等位就有一張4人台給我們. 看了餐牌就決定食店內的招待雞煲加打邊爐. 雞煲味道很惹味, 配菜亦很多很豐富, 雖然雞都應該是冷鮮的, 但沒有影響到整個菜色. 如果不是打邊爐的話一定叫碗白飯撈汁.食完雞煲再點火鍋材料, 是次點了肥牛, 羊片, 薯粉, 炸魚皮, 水餃, 菜等等...各樣食材都非常新鮮再配上雞煲底已經是一件完美的事. 再講打邊爐只要材料新鮮就沒有什麼可以挑剔的.但不可不推介的炸魚皮, 是店家自定制的, 非常香脆鬆化,浸一下湯馬上夾起入口即溶. 另一推介當然是竹蔗水, 味道香甜清淡,降火佳品. 至於小店的裝潢亦不需多描述了. 只要是乾淨企理已經是沒有話多說了. 

一行4人到北角和富道的金樂軒晚餐.很幸運剛好有4人台, 可以馬上入座. 裝潢是典型的平民小炒食堂, 實而不華, 當然主打街坊小炒的食堂亦不奢求豪華裝修, 只要乾淨企理已經很合理了.4人先點了一個酸菜桂花魚, 魚肉很鮮味爽口彈牙,奶白的魚湯底配上咸酸菜更是一絕. 老闆娘吩咐先把湯喝下再上火鍋料打邊爐. 飲完湯其實都已經飽了好幾成因為湯除了有魚亦有其他配蔬菜, 蘿蔔等.當然之後還點了好幾樣火鍋材料.有肥牛, 羊, 炸魚皮, 鵝腸, 午餐肉, 雲吞等...........牛肉嫩口肉味重, 羊肉帶D騷味但食羊就是食這個味道吧, 其他的材料都是很新鮮, 最值得一提是炸魚皮是自家炸的,香脆鬆化點一下上湯馬上食, 入口即溶.伙計都好誠懇親切帶點豪邁,反應快一叫即到,一貫小店的特色. 整晚的氣氛都是對的,唯一小小不滿就是後面的大叔大嬸好似包了成間店, 大呼大叫. 當然不是食店的問題.  

係北角開完會都7pm，直接收工~ Partner 介紹過附近小菜館幾次，好味又抵食云云~ 咁岩個老婆返外家，一於同個兄弟食個浪漫嘅晚飯先返去啦~兩個男人無咩Idea, 就見圖點菜 XD 哈哈雞煲 (小辣) 果然係招牌菜，超惹味! 雞件生熟程度岩岩好，又香又滑~特別在有已索晒汁嘅支竹和豆卜~ 男人的浪漫~墨魚餅好彈牙~ 師傅手勢好，將簡單菜式變得出色，煎到外脆內軟~ 令人回味無窮!牛肉炒雜菌，夠穫氣~ 菇菌極香濃，牛肉應該至少係安格斯級! 厚切片，諗得黎，有咬口~ 牛油香味沒法擋!鹹肉炒韭菜花，估唔到又幾夾~ 味道有驚喜~ 樣樣都惹味，滋陰嘅兄弟特登叫楂竹蔗茅根清下熱氣，廢時飲啤酒wor~ 都OK, 幾襯~總括黎講都真係幾抵食，遲下凍D再黎試下打邊爐先。

第一次在openrice寫食評因為從來無遇到過甘差的服務態度，昨天一行4大1小去晚飯，菜品的味道不錯，但是衛生程度成疑，酸菜魚煲有條好長的頭髮，我同樓面貌似是老闆的投訴，我問系咪應該換返，佢竟然話唔知系咪你地頭髮長跌落去之後就走左去，不知所謂，我地又太好人無同佢理論，個魚煲剩底基本無食，埋單我有同個收錢的女人講佢有講唔好意思，但系正常菜品有問題最少會換，唔會甘的服務態度！唔系生意好就可以甘對待客人，唔會推薦，實在太差！！

放工最開心就係約埋一班朋友去飲飲食食，而首選就一定係打邊爐。今晚都唔例外，約左三位朋友去到北角既金樂軒食飯，本人特別鍾意幫襯小店，因為唔會好似大集團咁獨孤一味，而且仲有人情味。Book左檯7點半，本身店鋪都冇咩人，點知過左陣就坐無虛席。雖然我地只係得四個人，但都嗌左兩個煲...冇辦法啦，鬼叫大家都咁大食咩重慶雞煲（小辣）一上檯已經聞到濃濃既辣椒味，除左常見既菇類之外，店家仲特別加左豆卜，讚酸菜龍躉魚鍋（小辣）未開始食我地已經飲左半煲湯，鮮甜可口，而且D魚切到好薄，連唔太好魚既朋友都讚不絕口安格斯牛頸脊肉紋同脂肪比例分明，牛肉味濃郁，齒頰留香羊肉片呢個羊又係不得了，蘇到呢...岩哂愛食羊既人炸魚皮唔係講笑，碟魚皮係我人生食過最好食既，即點即炸，放落辣雞煲索哂D汁，難以形容海中蝦不得不讚店家既貼心程度，所有蝦已去除蝦頭，而且將蝦𠝹開，加快煮蝦既時間，又容易D剥殼，蝦肉爽甜程度又爆燈韮菜餃+鮮蝦雲吞食得出係店家自行包製，皮薄餡靚，又係冇得輸除左以上推介之外都仲叫左午餐肉、鵝腸、鮮墨魚滑同豆苗菜。總結：用心製作，誠意推介

金乐轩常跟先生去吃他家鸡煲，今日想吃蚝仔煎，便加点了一份。结果上来一份，简直是大葱煎，还煎的焦黑。一份大葱混面粉居然卖我98+10%！简直黑心。结账时与老板娘说，老板娘竟答说这是蚝仔煎特色，都是这般放大葱，还说是台湾地道做法。真是谢谢了，台湾夜市谁家蚝仔煎这么做大概都无人光临要关门了。本来很喜欢他家鸡煲，没想老板娘回答竟如此破罐破摔，就黑你咋地。再也不会光顾了。爱吃大葱的朋友可以去体验一下这98一份的大葱煎

聽聞北角有間街坊雞煲同魚鍋，就約3個fds放工去食。7:30pm walk-in去到，見無乜人，都驚中伏，不過8點未夠就full house! 坐低無耐，老闆就問我哋想食雞煲定魚鍋，我哋呢班大食友兩樣都叫！雞煲叫咗小辣，配豆卜、冬菇、洋蔥一齊炒，夠晒惹味又唔會太咸，而且雞嘅份量好多，4個人食極都仲有，唔洗爭！酸菜龍躉魚煲，以酸菜、椰菜同芹菜一齊煮，魚肉食落鮮甜軟滑冇雪藏味，配埋個酸菜湯，酸酸地加埋胡椒嘅小小辣味，喺呢個炎熱嘅夏天，夠晒開胃！好味到我都唔記得自己食咗幾多碗啦！食到差唔多，老闆就提我哋轉火鍋，估唔到火鍋料都非常新鮮足料！睇食評一致好評嘅炸魚皮，大大塊魚皮炸到脆卜卜，浸2秒湯放入口味道啱啱好！憑呢張海蝦相就可以睇到老闆係幾咁細心，連蝦頭都幫你切走，食嗰陣就唔怕比蝦頭拮到啦！安格斯牛頸脊淨係睇個名都知係好嘢啦！雪花紋均勻咁散落牛頸脊，小小肥食落入口即溶，超級美味！仲有厚切午餐肉，手打彈牙鮮墨魚滑，細細塊易熟豬頸肉，新鮮溫室豆苗菜。不得不提餃類，雲吞入面有大大隻蝦，韮菜餃餡多皮薄，原來係老闆娘自己包㗎，唔怪得咁足料厚實啦！羊肉片陣濃濃嘅羊羶味真係回味無窮配埋老闆娘煲嘅竹庶茅根，下

太耐冇成班朋友出黎聚下，有人想食雞煲有人想食火鍋，就不如兩樣加埋啦！朋友推介下揀左呢間係北角既金樂軒環境十分光猛四正首先叫左老重慶奇味雞煲，份量好大呀！4個人好夠食，雞肉剛剛好唔鞋，好惹味，正！酸菜龍躉魚鍋呢個火鍋驚為天人！首先個湯底10分清甜，魚肉嫩滑，配埋大量酸菜，胃口大開，我地連湯都飲埋，必試！食完煲之後就開始打邊爐，叫咗：安格斯牛頸脊呢碟牛頸脊一睇就知10分新鮮，顏色鮮紅，紋理分明，食落口牛味濃郁，正！韭菜餃，鮮蝦雲吞雲吞入邊每粒都有一隻蝦同豬肉，食落爽口彈牙，據老闆娘所講原來每粒都係佢親手包，仲有甘既心機做食物真係好難得羊肉片係另一必點，羊蘇味十分濃厚，食羊最怕食咗啲無味到好似瘦肉甘既，呢度既羊肉一定滿足到愛食羊既人！竹蔗茅根水都係自家製作，唔太甜又解渴！甘有誠意製作食物既小店好罕有，推介必試！