金樂軒雞煲魚鍋

营业中

休息中

北角呢個地方平時真係無咩點去,今日去附近揾朋友順便食飯,住北角既佢就帶左我去呢開位於街市後面既一間雞煲店.餐廳係以簡單既裝修風格有街坊feel,店員感覺都好親切推介餐廳既招牌菜,主打當然係雞煲但唔好以為淨係得雞煲,餐廳同時亦都有水煮同川菜系列同其他小炒.胡椒豬肚雞煲用電磁爐滾住,雖然$188已經係最少份量但內裏雞件同豬肚件十分足料,湯滾起後已經聞到淡淡香濃既胡椒味.湯底飲落帶淡淡香胡椒味又唔會過份濃令到一入口好辣,飲完絕對無口渴,飲完一碗湯會見到有好多胡椒殼係底.豬肚內外膜處理得好好洗得好乾淨潔白而且完全無豬既內藏腥臭,咬落仲好爽彈.鮮墨魚滑真材實料$68大大舊又夠實,店員推介每日新鮮製造人手打.入口好爽又彈牙,咬落內裏墨魚味香又鮮,每一啖墨魚滑內都食到一粒粒墨魚肉好有咬口.鮮桂魚片魚肉薄得黎食落又嫩滑,滾一滾好快熟.鮮魷魚新鮮而且彈牙就算滾耐左仍然都爽彈.什菌炒牛頸脊呢份小菜係老闆推薦,見佢咁好客就點左黎試試,一食真係幾正.牛頸脊食落爽又夠淋配上什菌洋蔥同芹菜蒜味道夠濃得黎又幾香甜.👍🏻👍🏻

朋友帶我地去食好野 去左北角一間偏遠地方其實估唔到咁好食 餐廳似乎主打雞煲 但有朋友話雞煲熱氣 大家叫小菜食叫左四碟茶 尖椒炒豚肉最出色 一上菜即卡比大家掃曬 十分惹味農家小炒肉 辣度我覺得岩岩好 係份量太少 唔太抵叫椒鹽桶壕其實味道唔差 但係質素有D參差 麵粉太多不過整體都可以 胡椒炒蝦 味道都可以都係唯一問題 覺得份量太少好快大家都清曬 好彩岩岩飽 重點係 幾鍾意佢地D調味 下次會再去試佢地D雞煲我估會食出新鮮感

今日一大棚人去咗朋友介紹嘅金樂軒，朋友話佢食過好多次，覺得舖頭嘅人好好招呼、好親切!另外,食物都真材實料, 大部分都係依靠唔同嘅配料去調味,唔會刻意落味精,總之就食完都唔會頸渴!我哋食咗好多嘢，我最鍾意係蔥爆牛頸脊。我好鍾意食蔥，碟肉有勁多蔥! 跟住牛肉又好好味，食得出佢唔係普通嗰啲平價牛肉， 唔係拿到林嘅牛肉個蠔餅好多料好好食，鍾意食韭菜呀蔥呀嗰啲嘅朋友就一定要試下啦。聽老闆講呢個係廈門嘅特色。我地 亦都叫咗 椒鹽魷魚，佢個皮唔會好厚粉，而家食得出佢唔係太油，值得一試!我地見人多就叫左酸菜龍躉煲， 勁多龍躉，鍾意食魚嘅我勁開心， 煲入面啲酸菜呀配菜都好好食!我哋仲叫咗蟹柳豬皮魚蛋貢丸做配料放落個煲度。豬皮最出色， 佢完全冇腥味，好彈口，唔會好似有時車仔麵嗰啲豬皮咁有腥味。佢自家製嘅手打魚蛋亦都十分之彈牙!打邊爐就多數都會叫啲飲品㗎啦，我哋叫咗竹蔗茅根。佢嘅竹蔗茅根好足料，你飲得出佢唔係落咗好多糖，飲品嘅味道完全係嚟自唔同材料，例如竹蔗、蘿蔔等等 ，好解渴，好好飲!

媽媽成日都話好想食酸菜魚煲，今日帶咗佢去北角呢間金樂軒試下佢嘅酸菜龍躉魚鍋。鋪頭好整潔，全部座位都四四方方同大張，叫多 多食物都擺得曬。講番個酸菜魚煲先， 佢啲煲有分大中細煲嘅，我哋叫咗細煲嘅龍躉魚煲，價值288蚊，但係佢已有大約十片嘅龍躉魚片，塊塊都好大片同厚身! 湯好足料有好多酸菜、蔬菜，所有嘢夾埋一齊一啲都唔咸。食完亦都唔會口渴, 佢應該係真材實料冇靠味精 另外我哋仲叫咗貢丸同埋豬皮用黎去打邊爐 。貢丸比我想像中出色!佢嘅肉質好彈牙同埋丸入面既冬菇碎好香，兩樣野好夾!除咗打邊爐 我哋仲叫咗老闆推介嘅煎蠔餅同埋 同埋蔥爆牛頸脊佢話佢嘅煎蠔餅同出面嘅整法有啲唔同，佢嘅整法係廈門整法。 冇用大量嘅油去炸，而係用少量嘅又去煎，所以成個蠔餅冇咁油膩!另外, 佢加咗好多韭菜同好多細細粒嘅蠔喺入面。 呢個整法幾特別，出面好少見，大家可以試下!老闆亦都話蔥爆牛頸脊嘅肉味係成隻牛最香濃嘅部位。 我亦都認同嘅。我覺得呢碟餸好香口好好送飯。除咗肉味香濃之外，肉質亦都好嫩滑!推介!😋😋😋😋

難得今日唔洗ot, 同個同事出去食個飯relax下。北角出名多野食，所以同事提議去北角搵食。由和富道街頭行到街尾，見到林林總總既餐廳，我地一時間都唔知揀咩食好！兩個人又唔想淨係各自叫個飯食就算！經過金樂軒見到餐牌主打雞煲，即刻吸引住我地既目光，就依間啦！好彩早左入黎，好快成間餐廳都坐滿客。事不宜遲，即刻叫個雞煲食下先！老闆好細心，先問我地食唔食得辣，我地揀左唔辣既。打開煲蓋，濃香既雞煲味已令我地流晒口水，入面好足料，舊舊雞都係肉，而且好入味，真係要比個讚，好食到停唔到口！炸魚皮係餐廳即叫即炸，上台時熱辣辣，而且爽脆可口，雖然有啲熱氣，不過唔理得咁多，食左先講！黎到依度點可以唔試下椒鹽鮮魷， 入口非常香脆，加上餐廳獨有既醬汁酸酸辣辣咁，令到食既人好開胃，真係大人細路都岩食！食左咁多熱氣野，緊係要叫個竹蔗茅根消消火，清下熱氣，依度既竹蔗茅根係餐廳自己煲既，用料十足，而且唔會太甜，加上夠凍，飲落真係透心涼！鮮墨魚滑係依間餐廳既主打，員工服務好細心，走過黎教我地點樣食，可以炸啦，可以煎啦，但我地怕太熱氣，所以都係揀左就咁淥熟佢食。舀既時候已經感覺到同街市買既好唔同，好有黏性同結實，淥熟後爽口彈

放工咁啱路經北角到呢間食雞煲嘅鋪頭裝修就係普通茶餐廳格局覺得將啲餸嘅圖片擺上牆度幾好我覺得擺咗上個牆度都應該係好賣果幾款原來除咗佢有雞煲買之外亦都有魚煲賣好少係香港食魚煲因爲質素整得好差食過大陸嘅魚煲都會有比較但由於lunch食左雞，老闆又大推所以就試左個酸菜桂花魚煲另外再叫左水煮牛頸脊，椒鹽鮮魷同埋蒜茸炒通菜水煮牛頸脊水煮牛頸脊水煮牛頸脊落完單就上左個竹蔗茅根飲得出冇乜點落糖好清甜雖然係叫左細煲酸菜桂花魚煲但估唔到份量咁多，但可以煲住佢保溫仲要有勁多酸菜同白蘿白味道少辣但麻魚肉冇過，幾有魚嘅鮮味肉質都幾結實唔會好似大陸果啲咁滑咁假而呢個椒鹽鮮魷炸得好好粉漿一啲都唔厚，非常香脆可口魷魚口感亦都好爽水煮牛頸脊入面除左牛之外入面仲有好多薯粉，豬紅同埋豆芽牛頸脊煮得岩岩好，好嫩口由於叫左小辣，所以個味唔會太過濃烈岩岩好蒜茸炒通菜嘅通菜好鮮嫩同炒得好有鍋氣調味岩岩好

今晚心血來潮，好想食雞煲，朋友介紹北角金樂軒既雞煲同小菜都好好食，便來試下。一進飯店，詁吾到連平日晚上都有不少街坊熟客來幫襯，餐廳差吾多坐滿人。餐牌上面除左有招牌菜老重慶奇味雞煲，仲有好多打邊爐配料用來同雞煲一齊食。如果吾食雞煲，仲有黑草羊肉煲，籮蔔豬骨煲，醉雞鍋，龍躉魚/桂花魚/東星斑魚鍋都有，還有多種川菜，港式小菜等選擇，真係總有一樣啱你心水!!~老重慶奇味雞煲 ($188)可以自選走辣，小辣，中辣或大辣，我地就簡左走辣。雞肉肉質非常鮮嫩，雞肉切得又厚又大件，用料亦好足，有洋蔥，冬菇，豆腐卜，芫茜，蒜頭等，香料味調得非常惹味，而且亦好濃郁，一上枱已經熱辣辣，香噴噴。雖然我地order既係細煲，但份量一d都吾細，絕對又好食又抵食!!~什菌炒黑豚豬肉 ($98)份量好多好大碟，嫩滑黑豚肉一d都吾鞋口，配上惹味什菌，同埋濃濃秘製醬汁，以小菜來講，配白飯一流!!~黃金中蝦 ($188)蝦身非常大隻，蝦肉肉質爽口彈牙，配上炒到起沙既咸蛋黃醬，味道炒得非常之好，咸度適中，真係食到停吾到口。咸肉炒蒜心 ($88)蒜心十分新鮮，條條青綠分明，即叫即炒，入口爽脆好食，咸肉炒得好有獲氣，配上濃濃蝦醬味

北角地道風味🤤兩個人叫咗小煮桂花魚鍋，有成1條咁多，好夠食，可以唔洗叫咁多其他餸我地叫咗小辣，會愈滾愈辣，所以都係小辣和穩陣🤫每件魚塊手工都好好，冇骨係上面，淡淡肉🤤好滑好嫩好新鮮👍🏼最底放咗薯粉，可以爽曬湯底嘅精華☺️好正水煮湯底望落好辣但其實岩岩好😌帶少少麻辣味芝麻香，挺惹味，每個魚塊都入曬味💕打邊爐清熱解暑首選: 竹庶茅根水🤤清甜夠fresh蟹柳鮮墨魚滑🦑十分彈牙有好感豬大腸，洗得幾乾淨店內唔只有得食雞煲打邊爐、食水煮魚、仲有唔少日常小炒類，選擇十分廣泛，總有一款岩你😋小炒類: 椒鹽鮮魷魚🦑，炸得金黃色，十分香脆可口尖椒炒黑豚肉，有西芹香菇等配料，炒得十分夠鑊氣😋肉質夠冧8月生日🎂仲有靚紅/白酒送🤫🤫真係岩曬朋友gathering 慶祝，真係抵番曬😍

<北角呢間雞煲好正！>🐤呢間喺北角既金樂軒 雞煲烤魚小炒都有 主要以川菜為主 從食客同 staff講野就知佢做街坊生意 全部好 nice而且食物質素高值得黎食👍🏻😀 🍴小老重慶奇味雞煲 188 蚊 中辣🐤🌶奇味雞煲就算細 size其實都好多雞肉 有葱花洋葱辣椒調味 奇味雞既醬汁偏濃 辣咸甜 味道複雜 雞肉切得大細適中 夠哂嫩滑 而且十分入味👍🏻 食到甘上下再加湯打邊爐 正呀！😍 🍴鮮魚片88 蚊🐟魚肉切成長薄身 放一陣就熟 魚肉魚皮位都好夠嫩滑 十分新鮮 👍🏻 有少少骨 大家食小心 d 🍴鮮魷魚 58 蚊🦑好足料既魷魚 好新鮮 新算放落去煲耐左 都冇縮到 而且口感好彈牙 正👍🏻🍴鮮蝦雲吞。菜肉雲吞 68蚊🐷🌿每樣五粒 抵食 菜肉雲吞細粒 菜新鮮 豬肉 juicy 👍🏻 鮮蝦雲吞比較大粒🦐蝦肉彈牙 餃皮爽滑😍🍴細渣竹庶茅根 33 蚊粟米蘿蔔🥕🌽竹庶落足料 好清甜 最啱打邊爐飲 🍴水煮牛頸脊 118 蚊🌶🐂生蒜加上乾辣椒調味 一上枱好香 牛頸脊好多 切得偏薄 口感肥瘦適中 肉質幾滑 牛肉味偏濃 底層有爽口豬紅 芽菜🌿仲有幼身吸汁薯粉 薯粉盡吸辣汁 好味🌶🍴蒜香椒鹽豬手 1

雞煲食得多，見到呢到有魚鍋，仲可以揀龍躉，鐘意食魚既一定要黎試下啦平日夜晚6點幾黎到未洗等位，食完8點零走果時就差唔多坐滿唒火鍋唔岩既話可以揀小菜，都幾吸引，下次會試下小菜６款魚鍋可以揀，女朋友唔食得辣，揀左最少辣既酸菜龍躉魚鍋唔食魚既話，仲有豬牛羊雞煲揀我地４個人食，所以揀多左個雞煲試下食完個魚鍋同雞煲，唔夠飽可以加湯再嗌ｄ料打邊爐酸菜龍躉魚鍋（＄２８８）細湯酸味適中，唔太辣，湯好好味龍躉好滑，龍躉魚皮幾厚下，好滑好彈牙老重慶奇味雞煲（＄１８８）細味道不錯，雞滑，比魚鍋辣小小安格斯牛頸脊（＄２３８）好濃牛味餃雲吞雙拼（＄６８）家鄉蠔仔煎（＄９８）好多蠔仔煎墨魚餅（＄１２８）好夠味，幾彈牙竹蔗茅根（＄３３）夠凍，甜甜地，打邊爐飲岩唒

今日去左北角上堂 可以去附近覓食行到北角匯附近見到有間店鋪主打雞煲魚煲睇下餐牌 價錢都合理 同埋發現到有特別食物我講緊既就係佢既魚鍋啦！市面上既酸菜魚一般都好少用龍躉估唔到呢間小店咁足料用靚魚去做酸菜魚辣度揀左bb辣 試左啖湯 微辣帶麻而且湯底唔油 咸、酸、鮮味都好融合 唔錯魚用龍躉 厚肉而且口感爽口 而且連埋魚皮 膠原十足人多既我地仲試埋款雞煲由於唔太食得辣 都係叫左bb辣 但都一樣好味食到麻味都幾濃 愈食愈麻雞件雞味濃郁，脂肪唔多所以唔會太漏除左主角 仲有豆卜、冬菇等等既配料索哂啲辣汁 超惹味食完雞煲梗係打湯打邊爐啦火鍋料必定要叫既係牛頸脊簡單灼一灼已食等 肉質好滑 油花十足另外仲推仲水餃同雲吞水餃係韮菜豬肉餡 我最鐘意老闆娘仲話係人手自己包架 大家不妨試試同場加映小菜兩款呢款蠔餅超特別 初頭見佢黑蚊蚊仲以為伏點知係幾好味 撈埋大量蔥再煎 味道好夾仲有煎墨魚餅 好彈牙 仲食到粒粒墨魚肉最後當然唔少得熱氣野既良伴 竹蔗茅根呢到既係自家製架！足料！

難得一家齊人，可以聚埋一齊食晚飯，平時各有各忙，要約一齊食飯，也要約好幾次，才能成事。正值炎夏，咩嘢胃口都沒有，做一家之煮，更是難上難，都唔知煮什麼餸菜。真是不想入廚房煮飯，個仔提議話不如出去食，要食小菜、雞煲魚鍋，盡量滿足他們的要求，我也可以輕鬆一晚。走進北角的食街，這條街，確是好多不同種類的食肆，中西美食，隨意選擇！我是喜歡食辣的，真是有點無辣不歡的，見到有雞鍋、魚鍋、四川的菜館，毫無疑問，就鎖定了目標地方了。小菜、雞煲、四川菜式，都好吸引，平時少食到的菜式，這裡都能食到，一嚐味道。主食是酸菜桂花魚鍋，除左雞煲外，這魚鍋也是好出名的，魚鍋的魚，不是用上普通的魚，而是選用龍躉、桂花魚，用料上乘。我們選了用桂花魚，是淡水魚中的龍躉魚，也是用上一條大桂花，才能起出大大件的魚肉，魚肉肉質夠嫩滑，入口鮮甜，啖啖肉、配上酸菜，提升了魚、湯的鮮味，湯底鮮甜香濃，酸菜爽口，不太鹹及酸，味道剛好。手打魚蛋、牛丸，都是不可缺少的鍋配料，丸類爽口彈牙，有咬口。水煮牛頸脊，多是用牛肉煮的，現用牛頸脊，一樣是好味道，夠鮮味、除了肉質嫩滑外，多了一分爽口，鹹菜的酸鹹適合，鍋裹有木薯粉，彈彈的，有口感，牙菜、紹

鍾意食雞煲既你，一定要試下呢間雞煲！雞煲個醬汁不但惹味，辣度更拿捏得啱啱好，連我身邊唔係好食得辣的朋友都接受到佢小辣嘅程度。力。我地點左個重慶奇味雖然叫咗個細分嘅，但係都估唔到有咁多舊雞係入邊！而且每舊雞都煮得好入味。雞煲有豆卜，冬菇，洋蔥做配角，配角比較容易索味不再話下，最重要連主角-雞件，都非常入味。無論主角定配角都會有一種令人食完一件再食多件嘅魔力。干燒蝦球，酸酸甜甜超級無敵可愛，而且蝦球爽脆真係食完一碟仲想再食。

可以在這裡食到川菜的家常小菜，另外亦有香港人最喜歡的雞煲、酸菜魚、水煮魚等。來這裡吃的很多都是住左附近的街坊，所以菜式賣相會較踏實，但勝在價錢相宜及味道夠道地正宗。水煮魚的魚可選桂花或沙巴龍躉，我們就選了沙巴龍躉，會較厚肉，魚起肉後，先經過爆炒，再放入水煮鍋內，鍋內有豬紅、薯粉、芽菜等配料。魚肉嫩滑無骨。亦由於是正宗川菜關係，點了小辣都頗辣，味道越滾越刺激，幸好有竹蔗茅根降降火，原來這裡的竹蔗茅根是小店自己親自煲的，可見到瓶內的用料是真材實料，不太甜，$33/瓶，必點。食過水煮魚後，可加配火鍋配料，店員推介了鮮墨魚滑，亦是店內自己打制的，可吃到粒粒的墨魚肉。尖椒炒黑豚肉，尖椒切片後加上黑豚肉來炒，帶有尖椒獨有的味道，小辣至中辣程度，店員表示這是店內受歡迎的菜式之一，亦可另選尖椒炒豬頸肉/ 豬潤

成日都覺得北角呢度好似食嚟食去都冇乜嘢食咁，今次行行下見到有間食雞煲既餐廳，見咁耐冇食就食下啦！我地點左個重慶奇味雞煲雖然叫咗個細分嘅，但係都估唔到有咁多舊雞係入邊！而且每舊雞都煮得好入味，仲有豆卜吸收晒所有精華除咗雞煲之外，我哋仲叫咗幾個小菜試吓干燒蝦球酸酸甜甜超級無敵可愛，而且蝦球爽脆真係食完一碟仲想再食金銀蛋時蔬估唔到啲菜咁新鮮，我最鍾意就係食金銀蛋時蔬椒鹽鮮魷老闆娘話呢度最好買嘅小菜就係佢，魷魚炸得外脆內軟，真係好正！新鮮竹蔗茅根！食完咁熱氣嘅嘢飲返啲清熱嘅涼茶，真係冇得頂