金樂軒雞煲魚鍋

营业中

休息中

終於到長假期啦！想食好西放鬆下，但又貪心揀唔到食咩好，所以特登揀咗間可以一次過食晒雞煲+酸菜魚+火鍋 🐔 🐟 🍲 一次過可以滿足三個願望嘅餐廳估唔到竟然樣樣都幾好食，好suprise!雞煲好入味又有鑊氣！酸菜魚湯底好好味！酸味十足！魚肉鮮甜味美

朋友推薦，特登嚟試。結果，不負所望，真係好高水準，仲意想不到甘高添首先叫左個酸菜魚桂花煲。個湯係由鮮魚煲制而成，好鮮甜，好有魚味。見到甘高質，再叫左個重慶怪味雞煲。雞煲就試得多，但從來未試過，雞肉仲係嫩滑，今次就食到了。老闆娘服務好好，好nice，一直係身邊服侍我哋🤣姐姐都好nice每繼續食同推薦比朋友。第一次清曬兩個煲。估唔到香港都有甘高水準既餐廳，係疫情以來最開心既事之一。估唔到有意外收穫。衛生環境都好好，廁所好乾淨，有熱水洗杯碗碟筷子

雖然最近天氣開始變得愈來愈熱，但係呢種程度既熱係阻止唔到我一顆熱愛雞煲既心既！所以我專登上網搵左搵，最後揀咗呢一間唔算好遠，而且望落去幾有小廚feel的接地氣雞煲餐館。首先梗係叫咗個雞煲啦，因為我同家人都唔算話好食得辣，所以淨係叫咗小辣。呢度既雞都幾惹味，調料調得幾好，食落去都幾香，食完晒啲雞之後就可以加湯變成打邊爐啦！邊爐嘅配料要大讚既係個墨魚滑，真係非常新鮮彈牙，煮完之後都勁有口感，彈下彈下。佢啲雲吞都非常唔錯，係用新鮮嘅豬肉同埋非常彈牙嘅蝦用人工手包嘅，所以食落去非常新鮮，口感都非常好，非常有住家菜嘅味道。然後再要讚嘅係佢個竹蔗茅跟水，都係非常新鮮自家製嘅，而且唔會話太甜，佢嘅甜係粟米嗰隻清甜，因為佢用咗粟米嚟煲，睇得出完全係真材實料佢都有好多其他小菜，今次我哋淨係試咗個炒蟶子，如果大家係外賣自取嘅話會有八折呀！P.S. 呢度嘅服務真係好好，店員同埋店長都俾人一種好溫馨嘅感覺，係一個好接地氣嘅餐館啊同埋都幾乾淨

當進一步解封後🤓，朋友急不及待約大家聚餐🍚，朋友更提議到佢樓下附近間食店👈，對我嚟講就冇乜所謂😎，反正在港島區返工🌈，放工搭車過去幾個站就到❤️。食店佈置簡約😉，傳統得嚟冇乜大賣時髦外觀裝潢✨，名副其實係一間大眾化食店🎉。咁樣反而令我冇咁拘謹，食嘢更加不用顧及禮儀可以豪邁得多💕。椒鹽金磚豆腐：酥脆內嫩，送酒一流🍶。酸菜鯇魚煲🐟🥗：🌟鯇魚脆腍極致，魚肉吸收了鹹菜的酸甜味道層次口感更加豐富🕺，雖然我哋叫嘅size係細煲😋，但已足夠六個人食嘅份量，我更加呷了幾啖酸菜湯底，呢種獨特嘅酸菜湯味道令我愛不釋手🤜🤛，再加上微辣程度絕對想一食再食👅。泡椒雞腳🐔：另一個菜前小食，又係啱送酒來吃的。燒汁羊排🐐：好少見到燒汁去煮羊扒，你帶酸酸甜甜☘️，羊排畀酸甜汁掩蓋了所以唔騷，如果唔係特別講，我還以為是豬，這種食法確係衝擊我嘅一貫印象🤪。大熱天時整揸竹蔗茅根，清熱補肺消暑。小菜有鑊氣又夠味道，整體感覺絕不欺場。

(食店門面）(店內環境)食店老闆話頭醒尾，見到我哋入嚟即刻熱情招呼，仲介紹幾個招牌美食畀我哋，佢嘅熱情同出面條街嘅清靜成好大對比，條街本身係住宅區附近一到入夜較少人，尤其係星期一至四的閒日。【尖椒皮蛋】我至愛小食，啱啱食到最辣的尖椒果然夠霸氣，細心望望尖椒並非生奄而成，反而是經過無炸處理，唔怪得口感是特別香，雖是小食，但零舍不同。【老重慶奇味雞煲】餐廳出名嘅雞煲同酸菜魚，單憑聽個名已經流曬口水，雞煲端來的時候已聞到陣陣香味，放上熱爐上再煲一下將雞肉迫返啲油出嚟，加上蔥蒜洋蔥啲配料想唔好食都好難啦。雞肉確係嫩滑入味，小辣程度啱啱好，一定要送碗白飯就夠Good。食過雞煲後就放湯進行火鍋，火鍋料陸續送嚟，【安格斯肥牛】片片新鮮絕不欺客，雪花紋確係吸引，靚牛唔駛灼太耐，放湯看住牛肉變色後再灼幾下就攞嚟品嚐，口感堅「爽嫩」，基本唔駛再點豉油已夠味，掂！其他火鍋料亦不錯，一間食店品質好確實令人回味，宜家堂食仲有八五折，加上老闆熱情又客氣，難怪也有不少捧場客。

最近天氣好熱。。係一個冷氣地方食雞煲真係好正，特別之處係可以滿足哂兩種口味，食雞又得，叫小菜食又得，兩種食法一齊叫又得😂尼間雞煲店，我由柴灣幫襯到北角。記得以前住港島區成日去幫襯，到佢搬左去北角，老食客街當然一定要去為小店打打氣！老重慶奇味雞煲（小份）朋友唔食得太辣，所以揀左小辣。上枱後雞煲很足料，個醬汁好濃又惹味，充滿住花椒辣椒同麻香味，又唔會太咸，岩岩好，D雞整得好嫩滑，雞無雪味，煲入面仲有冬菇、豆卜配料！食完雞加入濃湯再打邊爐是非常啦！我地叫左薯粉，枝竹，土豆片，脆鯇片，芝士腸，蟹捧加左湯都唔會變淡既雞煲先係王道！火鍋料索晒湯汁，不得了！除左雞煲之外，口痕仲叫左豉椒炒蟶子，熱辣辣上枱，有鑊氣之餘份量仲好多，蟶子啖啖肉同新鮮送酒一流！可惜，我地唔飲酒，所以叫左竹蓆茅根，係老闆娘每日自己煲嫁！唔甜仲非常下火，好味之餘仲有幾份人情味！

之前聽同事講話北角有間雞煲都唔錯，於是今晚放工二話不說就同朋友走去試吓，估唔到又真係幾有驚喜，平靚正！好抵食，飽到上心口👍🏻👍🏻👍🏻今晚都幾多住附近嘅街坊嚟幫襯，因為依家做緊85 折，都幾抵食！老重慶奇妙雞煲（小辣）$168，雞煲入面已有豆卜，冬菇等配料，大大件雞件，送來嗰陣已經聞到好香，食落好惹味！豉椒炒蟶子$98，呢碟真係好有驚喜！呢個價錢真係好抵食，勁多隻蟶子，每隻都肥嘟嘟，鮮味十足，聽老闆講呢期係蟶子當造！脆鯇魚片，新鮮肉質爽脆👍🏻👍🏻豬腸，洗得好乾淨，加落雞煲一齊食，吸晒啲汁好入味啊！豬皮，爽脆好味😋😋😋總結：呢間雞煲真係令人驚喜萬分！兩個人食咗咁多嘢$600都唔使！真係一定要推薦朋友嚟食👏🏻👏🏻👏🏻

📍North Point📍 金樂軒雞煲魚鍋...一向都知港島東有好多傳統小店同埋地道美食，但因為地點實在太遠啦，所以真係好少過去果邊😂😂😂 今日難得約左個超級超級耐無見既frd，佢就帶左我去北角一間好出名食雞煲同魚鍋既舖頭。間舖雖然唔係係正大街，不過佢勁近北角地鐵站，A1出口行5分鐘左右就到。...📍竹蔗茅根（小）💰HKD 33.00 果日既天氣實在太熱啦🔥🔥我地一坐低就叫左壺竹蔗茅根黎解解渴。佢飲落去味道唔會太甜，但係有陣淡淡既蘿蔔同竹蔗既清香，飲完成個人都透心涼，舒服晒！..📍酸菜鯇魚魚鍋（小）💰HKD 208.00 因為我朋友唔係好食得辣野，所以我地嗌左BB辣，廢事佢食到變孖潤腸😂😂😂 個魚煲一上枱已經勁吸睛👀 👀佢個湯底係奶白色，上面放左幾塊檸檬同埋紅綠色既辣椒。重點係入面有勁多魚肉同埋酸菜，超級足料😧😧😧個魚湯底實在太吸引啦，忍唔住飲左一碗仔，味道酸酸甜甜唔會太辣但好有魚既鮮味！最好味就係個鯇魚，食落去肉質好嫩滑，而且吸晒個湯底既味道，重點係佢完全無魚骨！大大啖咁食都唔怕會啃到🥳🥳🥳..打邊爐緊係要叫啲配菜一齊食先開心架啦🤩🤩🤩所以我食最後叫左豬頸肉、蟹柳、鮮魷魚、知竹、薯仔

地點便利，北角地鐵站徒步就到，舖位唔算大，有點簡陋，小店果然有驚喜呢。這裹有大檯，我們二人坐卡位都闊落，老闆很親切，會教我們怎樣吃雞煲，這裡有很多小菜吃，最後我們點了奇味雞煲，點了小辣，就算唔食辣的都會食得到，附上的豆卜吸了雞煲的汁，極之惹味；之後再叫了碟滑牛，抵食，而且很淋，食得過；還有驚喜的炒包心菜，包心菜用辣椒和花椒炒，這種配搭竟然十分好味，配上一支青島啤酒，二人吃份量剛好，加上經open rice 訂有八五折，這餐好滿意。

胡椒豬肚雞煲 - $188我哋叫咗半隻雞，啲雞嘅份量都幾多， 有好多雞都好多肉，胡椒湯底胡椒味濃郁， 啲雞點少少辣椒豉油來食，仲正呀鮮墨魚滑 - $68墨魚滑應該係手打， 爽口彈牙，大家真係要來試下豬皮 - $38啲豬皮吸收咗胡椒湯底，別有一番風味油麥菜 - $33估唔到油麥菜，配胡椒湯底，又幾夾㗎喎椒鹽魷魚鬚 - $98小炒王 - $98 小揸竹蔗茅根 - $33呢間餐廳啲雞煲都幾受歡迎，見到隔離枱5個人，叫咗兩個雞煲，一個係奇味雞煲，另外係豬骨湯雞煲。

北角尼條街都幾多野食呀，行到尼一間見到雞煲，好耐好耐無食喇，今晚決定同男朋友食下😜好熱啊今日- 所以第一樣叫左竹蔗茅根！！！好好飲呀救命，唔會好甜，係蘿蔔煲出尼嘅甜味，好正！雞煲嘅份量都唔少，同埋佢好嘅位係可以要唔辣，小小辣，同埋麻辣，好好，岩哂我尼啲都唔食到🌶🌶嘅人呀啲豆卜同冬菇煲到好入味，雞都係又唔會煲過龍，仍然好滑跟住當然係轉做火鍋喇，佢湯底唔會好咸好油，食到你成口油或者要瘋狂飲水嘅狀態呀，非常難得！（就算我返到屋企都無想要係咁飲水解渴咁，同平時係街打完邊爐嘅情況好唔同呀、正呀！！豚肉都好靚，好新鮮，唔會岩岩攞出尼解凍個種架d脆魚腩😍😍正呀！好爽無平時河鮮嘅鯹味啲牛肉都係好新鮮同埋完全無冰鮮味

平時講開雞煲，大家多數都係諗起一品呀重慶呀個d大型連鎖店，但好似好少聽到有人提北角都有雞煲食。今次經朋友介紹，去到呢間金樂軒，有意想不到嘅驚喜。一點完菜，雞褒好快就黎到，老闆仲問我哋食唔食得辣，幾細心，我哋叫咗小辣，都幾夠味。有別於出邊嘅雞煲，呢度嘅麻辣味都冇特別重，更加食到嘅係雞嘅鹹香，而且入邊會有冬菇同豆卜，豆卜炆到入晒味，係我食過咁多間雞煲最好食嘅一間！更重要嘅係我打呢篇食評已經係第二日，起身都唔會話有口乾口渴嘅感覺，都證明咗呢度嘅雞煲係真材實料冇落味精。十分抵讚！食完雞煲就開始打邊爐，最令我驚喜嘅係炸芋頭，芋頭煮完之後吸晒湯汁嘅精華，口感軟綿細滑。炸魚皮十分脆，唔會放到淋曬。不過都有啲蝦碌位，我將啲菜煮耐左，縮到好細，影響左口感，係一個小小嘅遺憾。整體來講，用餐體驗非常唔錯，老闆好親切，店內充滿着人情味。唯一美中不足嘅係，個爐啲制比較難禁，食得慢嘅朋友仔，記得唔好開咁大火。

呢日約左朋友係北角搵餐廳食個晚飯聚舊，我朋友口痕想食啲酸辣野，原本諗住食米線之類嘅野，點知行行下就聞到浸酸辣香味，於是我地就被個香味吸引，入去呢間餐廳食。原來呢個香味係由酸菜鯇魚煲度發出來，咁我地當然叫返一煲黎過下口癮啦。好得意有幾塊檸檬擺左係上面，增加個酸味都唔錯，咁樣反而個味自然啲，同清新啲。鯇魚肉食落都脆身夠嫩，問過店員得知原來啲魚係食左半年綠豆先令到肉質有呢種效果。而湯我都飲左幾碗，因為個酸辣度岩岩好。竹蔗茅根水係自制嘅，飲落都係足料先咁出味，都幾好飲。呢個更加不在話下，用左新鮮牛肉炒，而且肉嘅份量都好多。干鍋椰菜花都係唔錯嘅選擇，豬肉同椰菜花都整得好香口。臨尾仲整多份烏冬放入個魚煲度煮，湯連烏冬咁樣食真係可以劃上完美嘅句號。

北角究竟有咩食 完全唔知 十年都唔黎一次北角食飯 因為一路唔知北角原來有好野食出左地鐵站行5分鍾就到和富道 和富道就有間金樂軒打開餐牌見到一堆煲 叫得金樂軒雞煲魚鍋 就緊係多雞煲 但係雞煲平時食得多 今次想試試依間既羊腩煲嗌左個藥膳黑草羊腩煲 等緊既同時非常口喝 聽聞依間有支自家製竹蔗茅根水 於是就叫左支解解渴依支自家製竹蔗茅根水真不愧為自家製 睇下個樽入面D湯渣幾咁足料 飲落亦勁鮮甜等左5分鍾 藥膳黑草羊腩煲終於到 再放上電磁爐等多5分鍾就食得老老實實 羊腩煲黎講 依個一定係NO.1 平時食羊腩煲多數都係得雜料多過羊腩 但係依個堅係羊腩煲 食極都食唔曬保守估計應該有20幾舊羊腩 岩曬鍾意食羊既朋友而且羊腩用料極高質 肥瘦適中 好重羊味 10/10叫得藥膳黑草羊腩煲 緊係要試試佢有幾藥膳 飲兩淡湯 正到爆 藥味唔會太重 但係FEEL到真係真材實料 堅正食到一半唔夠喉 橫掂有個煲 緊係順勢打埋個邊爐 決定叫多幾碟野鮮魚片食落實左太滑 忍唔住問下老闆點解會咁滑 原來鮮魚片用緊既係桂花魚片哇 唔怪得滑啦大佬滑牛點少少老闆親自調製既鼓油 簡直係畫龍點精 將滑牛既鮮味帶曬出黎豬頸肉咬落十分有彈性

好耐無食過火鍋嘞，疫情稍為放緩，一於試吓呢間火鍋店啦！呢間餐廳睇落好平凡，但食落就真係刮目相看嘞！絕對係值得一食㗎！餐廳嘅格局有少少似普通茶餐廳，不過食物質素就差好遠啦！主要都係食小菜嘅，而且每款都好有特色嘅心機菜。點了一份老重慶奇味雞煲，雞煲味道非常惹味，唔會好咸，但每件雞都有醬汁味。翻熱後就見到醬汁、豆卜、洋蔥同埋好多好多嘅雞。而且味道真心正👍🏼炸響鈴係火鍋必備嘅菜式，而呢間餐廳嘅炸響鈴係自己炮製嘅，絕對一流！傳說中炸響鈴只需三秒，就可以既有味又脆口。新鮮嘅響鈴先可以做到呢種效果！餐廳親手包嘅蝦餃真心係皮薄餡足！大大隻鮮蝦、豬肉同木耳係入面，真心香口最後點了一份辣炒土豆絲，真心好好食，好夠鑊氣，炒得剛剛好，又夠入味！最後當然唔少得一杯清涼嘅竹蓆茅根啦！叫款係餐廳自己煲嘅，絕對無糖健康，又解熱解辣，又冰涼，嘆呀！