金樂軒雞煲魚鍋

营业中

休息中

唔知幾時開始，一大班人食飯一定係約雞煲。以前對北角嘅印象就好似有個劇院就無啦，今日就嚟到呢區覓食。聽朋友介紹話呢間餐廳好多嘢食，主打係雞煲。所以我地都點咗雞煲，天時凍食啲辣嘢幾暖身。老重慶麻辣雞煲，我地叫咗小辣，麻辣嘅味道好足！好香！分量都好多，之後我地叫咗白飯配嚟食，淨係食雞煲都好夠飽。不過我地都叫咗幾碟配菜，安格斯牛肉，金針菇，同餃子。味道都新鮮。我地食7點，個場都好爆，我見都好多街坊幫襯。質素都真係唔錯。

北角依間「金樂軒雞煲魚鍋」，一向都為人熟悉，酸菜桂花魚鍋，落左大量酸菜，而且又有加檸檬、花椒落去滾，所以湯底味道微辣帶酸，喺依個秋高氣爽嘅天氣飲依個湯，好暖胃、舒服。桂花魚魚片好鮮甜肉嫰又無骨，唔需要擔心會啃到魚骨。安格斯牛頸脊，肉質滑，油花十足，牛味濃。另外都嗌左墨魚丸、牛丸，依兩款丸類都好爽口、彈牙。蟶子好肥美、鮮甜，魷魚好厚實、新鮮。紅薯粉連湯底味道，食落似食緊微辣版嘅酸辣粉。另外菇菌拼盤同蟹柳都同酸菜湯底好夾，推薦大家都要order埋。餐廳自家製嘅竹蓆茅根，用料好足，唔會太甜，解渴降火。

有朋友新居入夥，成班朋友就去咗附近搵間餐廳食入伙飯，餐廳喺後街，都方便泊車朋友嚟過呢度食過幾次都OK我哋就叫咗個桂花魚鍋，桂花魚份量超級多，每片肉都十分嫩滑，而且湯底酸酸辣辣咁好開胃，中間夾雜左酸菜，為味蕾帶來衝擊另外我哋仲帶咗個水煮牛頸脊，分量依然係超多，牛肉好嫰滑，下面薦底嘅仲有木薯粉芽菜紹菜等等，呢啲材料超吸味道，永遠都有種令你食完想再食嘅感覺另外，不得不提佢哋嘅蒜香椒鹽豬手，炸之前已經醃到入晒味，外脆內軟，最緊要食完唔覺得油膩

今日去左北角區做義工，活動完左之後就同班義工一齊去食晚飯，就揀左去金樂軒食啦除左日常小炒之外，佢地仲有羊腩煲、酸菜魚、雞煲同魚鍋食不過因為當中有部份人唔食辣唔食羊又唔鐘意食魚，所以都係叫返小炒食當晚叫左好幾款小菜，例如小炒皇、炒牛肉、椰菜花煲、炸蠔同蟹煲等等小菜都幾夠鑊氣，仲好惹味，份量都唔細，大家都食得幾滿意特別係個蟹煲，隻肉蟹大大隻，蟹鉗勁厚肉! 因為大家都好懶處理蟹鉗個硬殼，所以兩隻大蟹鉗都歸我所有~哈哈蟹肉一梳梳咁，好鮮甜，應該唔係雪藏蟹大家傾到興起都叫左幾枝啤酒飲下，暫且放下大家既政見、立場、壓力，暢快談談昨天明日，開心就係咁簡單

今晚嚟到北角，除咗諗起東寶之外實在好少嚟食飯。行過見到有一間地道小店，天氣又咁凍，聞到震震雞煲未味，真係忍唔住入去食雞煲打個邊爐！暖笠笠😁我哋嗌左一隻奇味雞煲！中辣，十分之入味，而且雞唔會好老，非常之嫩滑而且啲配菜都非常之好食，加咗豬皮蘿蔔，牛柏葉，牛肚放埋落個雞煲度一齊食，吸晒啲汁，真係非常之滿足！打得邊爐，當然要食牛肉啦！我哋帶咗安格斯肥牛，一嚟到就知道系好嘢，脂肪同肉嘅比例十分之完美，大約煮五至10秒就啱啱好啦，非常之有牛肉嘅香味，用料新鮮一啲都唔馬虎！老闆娘親切有善，會主動黎提我地要早落d配料十分細心！抵讚！

今日與老公二人到金樂軒晚飯兩個人就只挑選了小菜，怕吃不下。揀了「水煮安格斯牛肉」「金銀蛋皇帝菜」和「一碗白飯」兩碟都好大碟，所以好夠食。這店其實較多人食雞煲，魚煲，不過我就比較喜歡水煮，今次試的安格斯牛肉好有牛味，不過始終不能浸太耐，所以不太入味，下次還是挑選牛肉好了。老公比較喜歡金銀蛋皇帝菜，覺得味道很好，連湯也想飲哈哈。整體食飯環境尚可，清潔也可以。三五成群來吃就可以多挑幾個餸菜分享，有大排檔的感覺。如果想要靜靜地傾計就難講，視乎當日吃飯的客人了（剛好我吃飯時有大聲阿叔講左好耐電話）晚飯結賬$21x，份量也ok，所以日後有機會也會再去的：）

聽我朋友講不過呢區有一間食雞煲呢係好出名嘅， 跟住個地圖行都唔係好困難， 喺地鐵站a出口出過兩個街就到啦。今次嚟到老闆就介紹 佢哋招牌嘅雞煲， 就係奇味雞煲， 當中嘅秘製醬汁配料 同喺第二度食嘅真係好唔同。 呢一個我係極力推介嘅！辣度方面算係適中， 建議唔食得辣嘅朋友 要叫bb辣。 記得記得， 要嗌返一揸竹蔗茅根， 因為雞煲真係好熱氣㗎， 飲返一啖即刻清熱氣。配料方面 我哋嗌咗雞子，白菜， 特級安格斯肥牛， 同埋自家製雲吞餃。 我哋三個人食真係食到飽住個肚走。 建議大家食完個雞煲先至諗嗌咩配料啦。 特別想同大家分享一下等級安格斯肥牛， 雪花紋理分明， 放落個鍋度唔好煮太耐， 咁樣個口咁先至係最正， 唔係嘅話你就嘥咗㗎喇。最後埋單八百幾蚊 都算ok， 呢個價位非常合理， 員工服務態度 良好 積極， 老闆娘 好熱情咁招呼客人。 上菜亦都非常迅速 環境整潔， 地板冇油淋淋嘅情況。

朋友在北角上班，佢話和富道114號康華大廈地下C3號舖 金樂軒雞煲魚鍋，真材實料，用料新鮮。我們點左老重慶奇味雞煲，雞肉很嫩滑入味、醬汁很惹味，辣度啱啱好，雞煲有豆卜、冬菇、洋蔥，極好吃😋。吃完雞件加麻辣上湯成火鍋，特級安格斯肥牛，厚切牛肉味香濃，超正，鮮墨魚滑，超爽口彈牙，大大碟真抵食。炸魚皮是熱騰騰地送上，非常香脆可口，真是好食到停不到口。唐生菜🥬也很新鮮爽脆。竹蔗茅根水很清甜又健康，餐廳很多食材都是自家製，是老闆很用心製作，老闆娘親切有禮，我們很滿意這餐，下次會再來試下其他菜色。

秋風起、最啱食D暖胃暖身嘅嘢食！火鍋係一個唔錯嘅選擇！但普通打邊爐成日食、唔食D特別嘅嘢點得啊！？所以就去左北角嘅【金樂軒雞煲魚鍋 】、顧名思義就係雞煲同魚鍋出名啦。我地就叫左酸菜桂花魚鍋啦。有別於一般火鍋、酸菜魚鍋可以當一個單獨餸，之後另外再配上D打邊爐食材、變成火鍋、一鍋兩食！酸菜桂花魚鍋魚嘅份量都好多、魚肉嫩滑、無咩骨，又唔腥；酸菜湯底鮮甜唔會太酸而搶走魚肉嘅鮮味！本身搭配嘅蔬菜吸收曬湯嘅精華、好好食！搭配一D本身味道無禁濃火鍋食材、可以完全體現到湯嘅鮮甜！我本身唔係好鍾意酸菜魚嘅人都食上癮啊！

天氣轉涼喇，就梗係同朋友一齊圍爐取暖啦，打返邊路食個雞煲啦。呢間係我屋企樓下我經常都去幫襯㗎，出阿強話想食雞煲咁我就帶佢嚟呢間金樂軒。我同大家講你食完呢個雞煲，返唔到轉頭。我哋攞起個餐牌嘅時候，店員呢好主動行埋你介紹一下唔同嘅雞煲，我哋最後揀咗呢間鋪頭嘅招牌，「老重慶奇味雞煲」。然後我哋就叫咗魚蛋，牛丸，自家製嘅餃子，雞子，鱔，同埋我哋嘅至愛安格斯肥牛啊！！！唔知大家有冇試過打邊爐一野車一碟肥牛落去？🤣🤣🤣但我同大家講，食呢個安格斯肥牛，千祈唔好一野車晒落去，記住係要一片一片咁食，熟嘅程度要啱啱好，牛味重，脂肪同肉嘅比例Perfect，痴線，根本返唔到轉頭！好好食。所有配料都好新鮮，上菜嘅速度都好快。不過今次同大家主力講一講個雞煲。我哋叫咗個小辣雞煲。阿強唔食得辣嘅，所以佢都唔係好頂得住。我建議唔食得辣嘅朋友呢，就叫唔辣。咁當然食得雞煲嘅，就梗係要食辣㗎啦。啲雞肉索晒雞煲汁，肉質一啲都唔鞋。好食到停唔到🥰🥰🥰😋😋😋大家睇返啲相就知有幾正。雖然好重口味，返到屋企成頭都係雞煲味，但係真係會念念不忘，耿耿於懷，好想搵日約埋牙強再去食。🤣🤣🤣

約了很久沒見的朋友於北角吃晚飯，巧遇到熱情招待的老闆老闆娘，於是就決定進店試試，吃個火鍋。店內有多種煲底款式，除了港人至愛的雞煲外，更有羊腩煲，同桂花或酸菜魚煲。我們二人則選了雞煲（細），煲內醬極濃郁，帶小許麻辣，而雞件更有預先醃製及走油，再回煲炆製後，不但滑更為入味。另外老闆更熱情推介我們要嚐一嚐安格斯牛肩脊、桂花魚片及豬腸。安格斯牛肩脊厚薄適中，油脂中夠，入口除了醬汁味道外，更有濃郁牛味。桂花魚片泡湯後仍保持滑嫩，又不會有魚腥味。豬腸更是新嘗試，以往很少這樣吃，發現這樣吃挺爽口入味。另一重點推介就是竹蔗茅根水，配上現在的天氣和火鍋實在是最適合之選。最後老闆娘更跟我們說，店舖除了火鍋外，更有小菜可點，但當時太飽，都未有嚐到，不過她歡迎我們外賣或之後有聚會都來試一試他們的到會菜式

***最近天氣開始涼了，又是時候吃雞煲、吃火鍋的時候了。這天到訪北角這間雞煲魚鍋店，一進去己經在掙扎到底要魚鍋還是雞煲呢，因為感覺都好好吃。最後還是選了雞煲，雞煲可選大辣、中辣、小辣、不辣，我們最後選了小辣，性價比很高呀，一個雞煲才賣$168. 不錯的，雞煲汁和雞都很好吃，辣度恰到好處。特別推介他們的白鱔片，很新鮮很肥。肥牛也是要特別推介，肥而不膩，特別好吃。最後點評一下它們的現炸魚皮，很脈很好吃。店裡除了火鍋，其實有做小菜，可惜這次己經點了雞煲了，下次會試試小菜，整體服務也很好，店員很親切，老闆還跟我介紹了它們有做外賣的服務，送家裡、送酒吧、或是派對的都可以，聖誕節辦派對的確能考慮一下。

天氣開始轉涼，又係時候打個靚邊爐。 今次去北角搵食 - 金樂軒雞煲魚鍋。酸菜桂花魚鍋🍲極鮮！！！少少酸味，帶出200%既魚鮮滋味！ 魚肉爽滑，辣味係後勁先出，係喉嚨涼涼地感覺。留意到鍋底仲落左檸檬🍋闢腥。椰菜花🥦就吸收比較多酸辣味，西芹神奇地超夾味！好爽！ 有d似初期腌菜感覺～竹蔗茅根🥕🌽🥤，清清地好舒服，店員介紹話係自家制無落糖水，健康養生。特級安格斯肥牛，爽口結質，油脂比例豐富。蟶子十分新鮮！肥美🤤🤤🤤 熟左都無縮水🤤🥰😋什菌拼盤🍄勁鮮甜，薯粉滑脫脫，煙韌彈牙，好有𡁻口。鮮魷魚🦑 口感爽彈厚實，一咬就斷，啖啖滿足感😋😋😋😋 湯底🥣完全夠味，連醬都唔需要。四個人食到飽一飽都只係一千埋單，計落每人200幾🙀🙀

天氣開始轉涼了，又是圍爐好時候，今晚想到北角新商場逛一逛，因此在附近打滾一下睇下有冇打邊爐好地方，行經和富道，那裏原來有好多餐廳食肆林立，因為想打邊爐，因此集中搵下呢類食店。行下行下搵到呢間叫金樂軒雞煲魚鍋店，門外貼上各式各類雞煲及魚煲，一入店內，老闆已經熱情招待問你幾多位，介紹左想食辣既可以揀水煮或者麻辣，今晚我地就叫左微辣既酸菜桂花魚鍋。店內裝修簡單，街坊式食店 魚鍋價錢原來比雞煲貴少少 睇下佢地個menu原來除左主打雞煲魚鍋外，佢地仲有小菜晚飯可以叫架, 大部分小菜都屬於北方小菜酸菜桂花魚鍋先上, 好多材料係個鍋內，桂花魚肉好滑好入味，鍋內仲配有椰菜，白蘿蔔，因為整個鍋及湯底已經好夠味，所以食時已經無需要再沾上豉油等醬料 額外order配料

 北角搵食編金樂軒雞煲專門店有魚鍋有雞鍋選擇！用料都幾靚，平日晚上都好多人來吃!老闆好友善,會問清楚你食辣度仲會有建議小菜或菜式比你小店FEEL人情人味除左火鍋,仲有小炒小菜！ 老重慶奇味雞煲$188有黑椒,辣椒,香菜,洋蔥,豆腐卜爆香左再加入雞肉炒上菜時已經聞得濃濃香味我地選了小辣,食入口辣味不重最好夾走小辣椒,因為會越煮越辣 雞肉非常入味,啖啖肉,雞肉好嫩估計選用既食材都係幾好 肉多骨少,非常抵食！ 食完雞肉就加濃湯打邊爐！雞煲湯食完都唔會口乾！唔會要狂飲水! 手工韭菜餃！由店家自製餡料包成新鮮韭菜好清香，滿滿既韭菜餡!呢款必點！ 新鮮海中蝦肉質細緻彈牙，十分有鮮味!一份有6隻 新鮮魚片,份量比得足有接近20片好鮮味,已起骨,啖啖肉,只需灼煮十數秒就食得食其鮮味與嫩滑感  加點一份特級蟹柳 有十幾條煮個3分鐘左右就會吸盡湯汁食起來無雪味之餘仲幾好食 特級黑豚肉 $128 沒有任何激素,無腥味,脂肪少,肉味濃郁肉質鬆軟相當唔錯 海蝦灼3分鐘就食得,鮮味而彈牙！招牌竹蔗茅根水清甜解膩而且不會太甜