金樂軒雞煲魚鍋

营业中

休息中

我同朋友都好鍾意打邊爐，雖然天氣咁熱，但只要餐廳冷氣充足，就無阻雅興。朋友帶咗我嚟北角嘅「金樂軒雞煲魚鍋」，佢話之前幫襯過覺得幾好，而家喺網上訂枱可享85折優惠啊🌟。小店門面並唔起眼，喺舖外係睇唔到入面嘅環境。呢度格局比較隨性，有卡位亦有圓枱，最矚目嘅係佢橙紅色嘅櫈，哈哈。整體環境都OK，最緊要係夠冷氣👍。餐廳主打火鍋🍲，但亦有賣特式小菜。火鍋湯底以雞煲魚鍋為主，價錢唔平，但我可以講係真材實料。至於一般火鍋配料方面，選擇都多，定價亦都合理。酸菜龍躉魚鍋($288/小)，呢個酸菜魚用料上乘，因為係採用龍躉🐟，而唔係龍脷魚柳。龍躉鮮味十足，魚肉嫩滑，連埋魚皮食好有彈性。雖然有骨，但並唔係細骨，所以都唔會食得唔方便。小鍋應該係二人份，不過其實都好足料，齋食魚鍋都飽咗三分一。酸菜湯底呈淺黃色，有得揀辣度，我哋要咗小辣🌶，配合埋酸菜食，辣得嚟幾醒神，又無川辣嗰種咁刺激。再者，佢亦好難得無某啲米線舖嘅酸菜臭味。鍋底裡頭有唔少椰菜花🥦，炆到淋哂，索味一流。特級安格斯肥牛($198)，裝住肥牛片個碟雖然唔大，但其實佢疊埋疊埋有好多片，接近卅塊。🥩牛肉大小厚薄適中，油脂紋理幾靚，食落亦好重牛味，高質！唯

最近因為疫情關係，都無機會上深圳食我最愛既酸菜魚，聽同事介紹北角有間地道餐廳啲酸菜魚好掂，同朋友夾左時間就黎試一試佢。坐低先黎一鍋酸菜龍躉魚鍋二人份量，雖然二個人食，但其實份量都好足，魚肉好滑溜，完完無腥味，食得出條魚新鮮製作，魚塊大件，酸菜都大量供應，連湯底都比我地飲埋配料方面，店家推介自家製雲吞同餃子比我地，皮夠晒薄，餡料亦都新鮮，好快就比我地KO。另外仲叫左手切牛肉同豬腰，一樣好新鮮，牛味重。豬腰夠晒爽口，無腥味。今次同事介紹無令我地失望，會再黎幫襯！

今晚二人行喺附近揾野食，經過北角和富道，見到有間餐廳食雞煲，於是就入去試一試。 入到餐廳後，店員就問我地想食雞煲定魚煲， 食魚我就麻麻地既， 不過店員話叫碟試下啦， 真係好味架。 咁店員咁落力推薦，就要一碟啦。 今日叫左: 老重慶奇味雞煲牛柏葉蟹柳鮮魷魚鮮桂花魚片肉丸相拼唐生菜安格斯牛頸脊奇味雞煲真係好好味，d雞肉入哂味，雞件大隻多肉有肉汁，隻汁料真係好奇味，好難形容，總之就好好好食啦。雞煲辣度適中，呢個雞煲暫時係我食過的頭一二位之選。 因為得2個人食，食唔到太多， 人多叫個大煲就正啦。 大家記得呢個奇味雞煲。蟹柳有蟹味， 唔係成口粉既蟹柳，好食。肉丸雙拼有牛丸，貢丸，墨魚丸。 三隻丸最得係牛丸，有好香濃牛味，彈牙， 爽。鮮桂花魚片，呢個真係不得了。 一定要叫，真係無介紹錯。 魚片大大片，晶瑩剔透，唔使滾太耐，剛剛好就又滑又爽， 又有好香好甜的魚味，真新鮮。無得輸安格斯牛頸脊，啖啖牛肉香味， 有咬口， 唔係入口即溶果隻，但都係非常好味。食完今晚呢餐，真係值得返轉頭。

今日同朋友去左北角食火鍋🍲！老闆真係好好人，服務好周到，好細心為我地講解有咩主打菜式。好啦，事不宜遲，睇睇餐單先！嘩，好多野食選擇，除左火鍋，仲有好多鑊氣小菜！咁我地就食雞煲啦當然！我地食麻辣雞煲！雞煲一送到過嚟，就香噴噴！材料好豐富！全部都係我地鐘意食既！豆卜索晒湯醬，好正！仲有東菇炆到好入味！到主角雞肉！非常嫩滑，多汁厚肉！正！之後叫左碟炒蟶子，睇到啲肉肥厚多汁，炒到入味，鮮甜多汁，咬落去爆晒汁！真係強烈撞薦比大家！我地叫左其他火鍋配料！呢碟牛肉無得頂，油脂同肉55比例，滾兩滾，牛肉鮮香不得止，仲入口即溶！魚片同樣好食到不得了，非常之新鮮，肉質仲好鮮嫩，啲到一梳梳！推薦大家！肉丸係老闆自家製手打，真係無得輸，肉質新鮮唔洗講，仲好爽口彈牙！好食到耳仔👂🏼郁！豬頸肉，蟹柳，翠肉瓜都好好食！豬肉肥厚均勻，幾彈牙，蟹柳唔會散修修，翠肉都好爽脆。食完火鍋之後再飲翻杯老闆自家製既竹謝矛根，成個人清涼晒。強烈推薦大家去食！

早幾日約舊同學食飯，佢係無辣不歡人士，所以就去咗食雞煲。一入到去金樂軒，老細同姐姐已經殷勤招呼，好詳細介紹招牌菜色，咁我地就嗌咗一個水煮牛頸脊，一個乾鍋椰菜花，一個細size嘅老重慶奇味雞煲同幾個雞煲配菜。雞煲份量好大！我地嗌嘅係細雞煲，但眼見啲雞塊鋪滿晒成個煲咁多，超抵食。雞肉嫩滑到可以輕易甩骨，入面啲豆卜都好正，索晒汁，宜家諗起都流口水。舊同學好食得辣，而我就鍾意食辣但食唔到太辣，所以我地係order咗小辣嘅。本身有啲擔心舊同學會唔會覺得小辣唔夠喉，不過佢話因為個奇味雞煲除咗辣，亦都好重黑椒味，味覺層次豐富，所以佢都覺得大滿足。雞煲嘅配菜都好食。姐姐介紹個魚皮係佢哋自家炸嘅，浸落雞煲湯汁度兩三秒之後立即食，真係人間美味。鮮魚片冇骨，雙拼餃雲吞都唔係雪藏貨，抵讚！老闆介紹水煮牛頸脊係牛全身做最多運動嘅部位之一，所以食落牛味重，又零舍有咬口，我舊同學讚不絕口。而我就最鍾意入邊嘅豬紅，嫩滑又唔易夾碎，仲有濃郁蒜蓉香，正呀！乾鍋椰菜花都唔馬虎，唔係果啲炒咗之後先擺入個乾鍋度嘅做法，而係食到真係有乾鍋煮法嘅香氣，如果啲椰菜花可以再淋身啲就perfect晒。竹蔗茅根水清甜，可以一解雞煲嘅辣味同

最近同同事傾開好耐冇食過酸菜魚對上一次食已經係兩三年前返大陸食於是就約去同事屋企附近嘅一間家庭小店回味一下！感覺上餐廳係家庭小店經營，老闆老闆娘都非常熱情❤️ 餐廳裝修雖然比較舊，但係食物質素同服務都有驚喜！餐廳除咗酸菜魚之外亦都有得食雞煲羊肉煲豬骨煲等等， 仲有其他小炒小菜等大排檔菜式，見其他客點嘅小菜賣相都非常吸引，相信好快回再嚟試吓～至於我哋就一如當初嘅選擇，揀咗酸菜桂花魚鍋！佢有分大中細鍋，由於我哋想之後打埋邊爐食下其他野，所以我哋就揀咗細鍋啦！當佢一上鍋嘅時候我哋嚇到目定口呆，仲問吓老闆娘有冇落錯單！嗰個細鍋都竟然係咁大鍋，分量十足絕無稀客😱😱 我哋兩個人淨係食晒啲魚都已經有八成飽！首先講吓個桂花魚，真係真係真係好滑！而且魚肉係好厚切， 一梳梳咁好滿足！不得不提佢哋嘅酸菜湯底，老闆娘話係自己新鮮煲嘅魚湯，又好貼心問我哋食唔食得辣，我哋唔算食得辣所以要求要小辣；至於酸菜魚要食得過癮就一定要湯底夠酸，呢個湯底嘅酸係用左酸菜同埋檸檬，令到成個魚鍋有一份清香！呢個酸菜魚喎真係好抵食，咁大煲都係$238，仲要係咁高質， 好過返大陸食！當個酸菜魚鍋食得7788嘅時候，老闆娘主動過嚟幫我哋加

第一次見到食評唔錯就買外賣返屋企試，但係呢.....我覺得一般般，因為雞太熟， 冇咗口感，另外都叫咗個酸菜魚桂花魚煲，味道太淡唔知會唔會係湯太多。第二次就book咗位堂食， 母親節當日都滿曬仲有人喺門外等位， 照叫咗兩個雞煲，一辣一唔辣， 有少少辣味係好食好多， 隻雞堂食同外賣都冇得比，雞味濃好多，又滑口 加埋火鍋配料就perfect， 叫咗牛頸脊、 牛丸貢丸、 雲吞菜類、 白鱔........ 推介白鱔， 例牌份量不少，而且又彈牙又新鮮 雲吞就一般，雪藏嘅關係，上檯一粒粒雪到硬掘掘。

酸菜桂花魚湯好好味，桂花魚份量多，超值，小菜好夠火喉，煎墨魚餅好好味，蒜香椒鹽豬手，椒鹽鮮魷好香脆，但坐得舒服，地方乾淨，服務超好，好細心體貼，出菜速度快，態度好好

本地牛肉嚡，無味，竹蕉水好淡，如同水加少少甜味. 其他食物都一般無特別，環境好嘈. 鷄煲同其他舖頭的 差不多，如果把價格加入考慮之中，就物非所值. 總括來說，只是非常普通，沒辦法令我再回頭幫襯多一次，更不會推薦給任何人.

終於到長假期啦！想食好西放鬆下，但又貪心揀唔到食咩好，所以特登揀咗間可以一次過食晒雞煲+酸菜魚+火鍋 🐔 🐟 🍲 一次過可以滿足三個願望嘅餐廳估唔到竟然樣樣都幾好食，好suprise!雞煲好入味又有鑊氣！酸菜魚湯底好好味！酸味十足！魚肉鮮甜味美

朋友推薦，特登嚟試。結果，不負所望，真係好高水準，仲意想不到甘高添首先叫左個酸菜魚桂花煲。個湯係由鮮魚煲制而成，好鮮甜，好有魚味。見到甘高質，再叫左個重慶怪味雞煲。雞煲就試得多，但從來未試過，雞肉仲係嫩滑，今次就食到了。老闆娘服務好好，好nice，一直係身邊服侍我哋🤣姐姐都好nice每繼續食同推薦比朋友。第一次清曬兩個煲。估唔到香港都有甘高水準既餐廳，係疫情以來最開心既事之一。估唔到有意外收穫。衛生環境都好好，廁所好乾淨，有熱水洗杯碗碟筷子

雖然最近天氣開始變得愈來愈熱，但係呢種程度既熱係阻止唔到我一顆熱愛雞煲既心既！所以我專登上網搵左搵，最後揀咗呢一間唔算好遠，而且望落去幾有小廚feel的接地氣雞煲餐館。首先梗係叫咗個雞煲啦，因為我同家人都唔算話好食得辣，所以淨係叫咗小辣。呢度既雞都幾惹味，調料調得幾好，食落去都幾香，食完晒啲雞之後就可以加湯變成打邊爐啦！邊爐嘅配料要大讚既係個墨魚滑，真係非常新鮮彈牙，煮完之後都勁有口感，彈下彈下。佢啲雲吞都非常唔錯，係用新鮮嘅豬肉同埋非常彈牙嘅蝦用人工手包嘅，所以食落去非常新鮮，口感都非常好，非常有住家菜嘅味道。然後再要讚嘅係佢個竹蔗茅跟水，都係非常新鮮自家製嘅，而且唔會話太甜，佢嘅甜係粟米嗰隻清甜，因為佢用咗粟米嚟煲，睇得出完全係真材實料佢都有好多其他小菜，今次我哋淨係試咗個炒蟶子，如果大家係外賣自取嘅話會有八折呀！P.S. 呢度嘅服務真係好好，店員同埋店長都俾人一種好溫馨嘅感覺，係一個好接地氣嘅餐館啊同埋都幾乾淨

當進一步解封後🤓，朋友急不及待約大家聚餐🍚，朋友更提議到佢樓下附近間食店👈，對我嚟講就冇乜所謂😎，反正在港島區返工🌈，放工搭車過去幾個站就到❤️。食店佈置簡約😉，傳統得嚟冇乜大賣時髦外觀裝潢✨，名副其實係一間大眾化食店🎉。咁樣反而令我冇咁拘謹，食嘢更加不用顧及禮儀可以豪邁得多💕。椒鹽金磚豆腐：酥脆內嫩，送酒一流🍶。酸菜鯇魚煲🐟🥗：🌟鯇魚脆腍極致，魚肉吸收了鹹菜的酸甜味道層次口感更加豐富🕺，雖然我哋叫嘅size係細煲😋，但已足夠六個人食嘅份量，我更加呷了幾啖酸菜湯底，呢種獨特嘅酸菜湯味道令我愛不釋手🤜🤛，再加上微辣程度絕對想一食再食👅。泡椒雞腳🐔：另一個菜前小食，又係啱送酒來吃的。燒汁羊排🐐：好少見到燒汁去煮羊扒，你帶酸酸甜甜☘️，羊排畀酸甜汁掩蓋了所以唔騷，如果唔係特別講，我還以為是豬，這種食法確係衝擊我嘅一貫印象🤪。大熱天時整揸竹蔗茅根，清熱補肺消暑。小菜有鑊氣又夠味道，整體感覺絕不欺場。

(食店門面）(店內環境)食店老闆話頭醒尾，見到我哋入嚟即刻熱情招呼，仲介紹幾個招牌美食畀我哋，佢嘅熱情同出面條街嘅清靜成好大對比，條街本身係住宅區附近一到入夜較少人，尤其係星期一至四的閒日。【尖椒皮蛋】我至愛小食，啱啱食到最辣的尖椒果然夠霸氣，細心望望尖椒並非生奄而成，反而是經過無炸處理，唔怪得口感是特別香，雖是小食，但零舍不同。【老重慶奇味雞煲】餐廳出名嘅雞煲同酸菜魚，單憑聽個名已經流曬口水，雞煲端來的時候已聞到陣陣香味，放上熱爐上再煲一下將雞肉迫返啲油出嚟，加上蔥蒜洋蔥啲配料想唔好食都好難啦。雞肉確係嫩滑入味，小辣程度啱啱好，一定要送碗白飯就夠Good。食過雞煲後就放湯進行火鍋，火鍋料陸續送嚟，【安格斯肥牛】片片新鮮絕不欺客，雪花紋確係吸引，靚牛唔駛灼太耐，放湯看住牛肉變色後再灼幾下就攞嚟品嚐，口感堅「爽嫩」，基本唔駛再點豉油已夠味，掂！其他火鍋料亦不錯，一間食店品質好確實令人回味，宜家堂食仲有八五折，加上老闆熱情又客氣，難怪也有不少捧場客。

最近天氣好熱。。係一個冷氣地方食雞煲真係好正，特別之處係可以滿足哂兩種口味，食雞又得，叫小菜食又得，兩種食法一齊叫又得😂尼間雞煲店，我由柴灣幫襯到北角。記得以前住港島區成日去幫襯，到佢搬左去北角，老食客街當然一定要去為小店打打氣！老重慶奇味雞煲（小份）朋友唔食得太辣，所以揀左小辣。上枱後雞煲很足料，個醬汁好濃又惹味，充滿住花椒辣椒同麻香味，又唔會太咸，岩岩好，D雞整得好嫩滑，雞無雪味，煲入面仲有冬菇、豆卜配料！食完雞加入濃湯再打邊爐是非常啦！我地叫左薯粉，枝竹，土豆片，脆鯇片，芝士腸，蟹捧加左湯都唔會變淡既雞煲先係王道！火鍋料索晒湯汁，不得了！除左雞煲之外，口痕仲叫左豉椒炒蟶子，熱辣辣上枱，有鑊氣之餘份量仲好多，蟶子啖啖肉同新鮮送酒一流！可惜，我地唔飲酒，所以叫左竹蓆茅根，係老闆娘每日自己煲嫁！唔甜仲非常下火，好味之餘仲有幾份人情味！