野郎 Stone x 鰻工房 (已結業)

野郎  Stone 的石板燒肉是我至愛, 而妹妹比較愛吃 鰻魚.  今晚齊齊去了銅鑼灣 野郎 Stone x 鰻工房, 剛開的新店, 發覺可以兩全其美, 餐廳內, 裝修很清晰, 右邊介紹鰻工房.可以看清楚鰻魚食法.左邊介紹石板燒肉,   有齊牛魔王必食重點.   我點了 牛板腱,  300g,  $158- ,  叫套餐 +$30- 附有沙律, 味噌湯, 薯蓉/米飯/意粉,  經濟抵食.點餐後,  約 15分鐘,  食物盤送到.   店員提醒小心石板熱,  牛板腱, 有白紙蓋住,  店員話免油吱弄污我的靚衫, 真細心,  先飲啖汽水, 再打開味噌湯,  美味又好飲.   看看石板上, 那件 牛板腱,  300g,  大大件, 份量足.  有蒜香片伴着, 好香啊.另 椰菜沙律, 薯蓉, 都好省鏡.燒牛扒由自己控制熟度, 燒到合自己要求,  燒肉的香氣不停地散發出來, 令人胃口大增.   牛板腱肉質柔軟, 牛味濃, 肉質素高, 入口即溶,  吃得開心, 值得回味.薯蓉, 入口好滑,  食完可 再添加.椰菜沙律,  新鮮, 好爽脆 ,  健康又醒胃.  我食了兩碗.岩盐, 黑胡椒, 蒜蓉,

早排睇綜藝節目叢林的法則，見到炳萬釣到D鰻魚囉去燒好鬼吸晴，心思思又好想食燒鰻魚，心動不如行動，過兩日走去對面海去鰻工房食鰻魚.上網睇睇，鰻工房原來已經搬咗去新鋪！好彩上網睇睇先，無白走一轉.點咗客活燒鰻魚丼同浦燒鰻.穴子二重丼.活燒鰻魚，浦燒鰻同穴子係三款完全唔同口感嘅鰻魚.穴子係最細條嘅鰻魚，肉質最幼滑，所以入口即溶感覺最強.加咗浦燒汁嘅鰻魚相信大家都食過，而哩款亦都係我最愛，因為有味道帶甜嘅浦燒汁.活燒鰻魚最厚肉，所以口感最豐富，因為用嘅醬汁唔係太多，所以鰻魚嘅鮮味最強烈。如果將活燒鰻魚加上浦燒汁就更理想.

這次我們在銅鑼灣找到這間「 野郎stone 鰻工房」我們去到的時間，店內已經有很多食客，店內環境寬大，亦有電腦平板去購買，方便又先進。我們坐了店邊位置，可以一邊望聽音樂，一邊吃東西，感覺非常寫意。「生燒鰻魚丼」每次我都會點的這個鰻魚井，我想這是最受歡迎的，因為味道真的很多，鰻魚升級已經細心切成好幾塊，併起來就是一大條，看上去是很吸引。鰻魚本身燒得乾身但富鰻魚香，外面香脆，食落卜卜聲響，內裏是嫩滑的，不乾不濕剛剛好。食下去果然不錯，鰻魚本身是帶點泥腥味道，但是店主燒得很好香，外脆香內嫩，富豐腴，火侯控制得剛好。「美國精選肉眼」我最欣賞就是燒肉眼扒，肉質是非常鮮嫩，充滿了肉汁，眼前是比手掌更大，十分誇張，肉眼也非常厚身，肥肉部份可以煎出油香，令肉眼燒得更合火候，肉質仍保持鬆軟，正！

我哋兩個牛魔怪又出動去食牛啦，今日搵咗呢間野郞stone，除咗可以食牛，仲有鰻魚飯食。好，坐低睇吓有咩好食先。呢度可以自助買飛，或者直接同店員落單。牛板腱，雖然係有牛筋嘅位置，但係切落都好柔軟，夠牛味，轉套餐加$30仲可以任添湯，沙律。西冷，切開粉紅色嘅嫩肉，可以知道自己喜歡嘅生熟度，仲可以點三款醬汁，尤其是個蒜蓉好香，食完口臭都想食。如果唔夠飽可以叫店員再添沙律同湯。飲品叫咗忌廉、可樂，食到熱辣辣飲啖汽水，正！

心血來潮想吃鰻魚飯，於是在銅鑼灣吃鰻魚飯。餐廳小小的，燈光暗黃，有數張台，木製傢俱，甚有日本風情。自己倒水和畫單，沒有加一服務費。這裏除了吃鰻魚，還可以吃鐵板牛肉，我甫坐下便聞到一陣陣牛排香味，十分吸引。⭐️二重鰻魚丼$148有兩種鰻魚，一種是鰻魚，一種是穴子。鰻魚肉身中等，表面刷了閃閃的醬油，灑上密密麻麻的芝麻，表面還有些許焦香，入口啖啖香氣逼人的鰻魚香氣，醬油味道濃厚，吃起來很香，配上蛋絲和紫菜絲飯，中和了醬油的濃重。穴子味道稍微淡一點，入口魚肉幼滑，味道香淡。⭐️蒲燒鰻丼$98蒲燒鰻丼和二重鰻魚丼一樣，只是少了穴子。所以性價比比二重鰻魚丼更高。三片鰻魚配上一小盒蛋絲飯，份量適合女生。▫️$100飯可以吃到一碗美味鰻魚飯，價錢合宜。

我好喜歡食魚，基本上只要魚骨不多的魚，我一定會食。 幾個月前曾到過位於銅鑼灣駱克道 ， 其水準不錯， 值得一試。 得知該店與出名食扒的 攜手開店， 客人可在自助點餐機上點餐，亦可以坐定定等店員幫助點餐。 兩者也會由店員送餐，只要等食。 店內環境就無乜特別可以描述， 個人應該頗簡陋。                    既然是CROSS OVER，當然兩樣也點齊。  原條蒲燒鰻魚丼 $98  + 溫泉蛋$12原條鰻魚一開三， 放得靚靚在盒子內， 以沙律菜拌之， 看上去無咁單調， 另一盒是珍珠飯，飯面上加上紫菜、 自家質蛋絲、 芝麻等。 話明係鰻魚丼，當然要將兩者合而為一， 先夾一口鰻魚再夾一口飯， 放入口， 美味度就放大數倍。 蒲燒鰻魚焦香，但無炭燒香、微脆、魚肉不夠結實，鰻魚汁濃厚，和鰻魚融為一體。 但整體感覺還是去正店會較佳。  有三個重量， 我們選了最便宜的150g $98   轉餐加 $30 就有齊沙律、飯、麵豉湯和飲品。 將西冷放在以熱石上， 為避免油脂四溢， 以廚房紙巾蓋著牛扒，細心位。熱石存熱度足，但並無因為繼續燒而令肉質變得太熟， 吃到最尾那件肉，口感還很好。 西冷

之前各大報章雜誌都有介紹過銅鑼灣的「鰻工房」，主打鰻魚料理。近來餐廳搬到渣甸坊裡面，店鋪座位比以前多，裝修設計依舊以日式風格作主調。特別的是新店竟然與另一人氣日式牛扒餐廳「野郎 Stone」crossover，成為鰻魚+牛扒的專門店。餐牌大致上跟兩間餐廳相同，但一次過就可以品嚐到兩間餐廳的食物，那又何樂而不為呢～【翼板】野郎Stone以熱石牛扒出名，可以選擇不同食材和份量，價錢大眾化。牛扒上枱時上面鋪上一片廚紙，可以避免油份彈向四周，相當貼心。餐廳建議大約20－30秒後就可以將廚紙移開，將肉逐口切開，在反覆將石板上煎至喜好的生熟度。牛扒本來沒有太多調味，客人可以到自助區挑選喜歡的特製醬汁，加添風味。翼板牛扒肉質以牛肩部分來說比較柔軟而味道較淡，油脂也相對低。【白燒生鰻魚丼】鰻魚料理即叫即製，所以大約需要15－20分鐘。一份有大約半條鰻魚的份量，價錢合理，另外可加$30轉套餐，有溫泉蛋、鹹菜、鰻魚肝白貝湯和玄米茶。白燒鰻魚外皮香脆，魚肉厚實，肉質比穴子更爽口。白燒鰻魚簡單加入鹽粒燒成，可以充份品嚐到新鮮鰻魚的原汁原味。

Crossover石燒牛和鰻魚定食的一間食店7點到，都已有不少人！再多半個鐘都爆滿了，認真犀利，睇來應該口碑不錯(當然又是避免別人上鏡關係，趁食完清枱才影)看看其他食客大部分都是吃石燒為多，更發覺不少人都吃漢堡扒的套餐，確實漢堡扒又真的很抵食套餐只需$68就已經吃到！但個人對牛比較有興趣，點了美國上級牛小排$158吧枱邊有調味料可自行選擇，岩鹽/山椒粉/七味粉/白松露蒜蓉/紫菜絲都有，另一邊有水和吃鰻魚飯的昆布高湯石燒牛另加$30就可以享有飯素飯/意粉/野菜沙律/麵豉湯放題～全都是無限添加，仲有汽水一罐溫馨提示一定要留意石燒牛到來時只需等20-30秒，再打開蓋住食物的紙，切一口燒一口來吃因為我沒留意有這食法，結果我食物到來時還等了5分鐘才打開，還要每邊繼續燒，結果只嘗到第一二口是肉質軟軟的，後來的因燒得耐而有點靱但都可接受的。肉質其實是不錯的，下次一定要再試過吃了一客薯蓉一個飯素飯，仲添了2次野菜沙律，大滿足Crossover當然要試埋鰻魚定食啦揀了三重鰻魚飯$198有三款不同的鰻魚，分別有鰻魚、穴子和生鰻魚，雖不算便宜，到來什麼都試下吧有另一種食法就可變成茶漬飯～記得要試試

最近看了電影深夜食堂2，看到食堂的燒物，讓我立刻想吃些日式燒汁，燒物和燒鰻魚。之前去過一次鰻工房，原來現在搬了去渣甸坊，還和牛肉店crossover🤔在openrice找到了新地址便去回味下。我當然選蒲燒鰻魚丼。它的外觀非常吸引，便當分了上下兩層，好像日本的便當般，非常精緻，鰻魚燒得恰到好處，有一股微微燒焦的香味，配上特製的鰻魚汁，份量也很足夠，炒蛋絲加上紫菜和枝豆，層次感很豐富。店員還會教你保留三份一的鰻魚丼，在自助吧加一些昆布高湯，還有芝麻紫菜，在你面前就是鰻魚茶漬飯。一個丼，兩種食法。

放工肚餓了本來打算在附近魚蛋粉店食飯，見到有新鋪走近睇睇，是供應牛扒及鰻魚的專門店，牛扒分三種份量揀由150克至300克，可以加$30轉套餐，無限量追加沙律、飯或意粉或薯蓉、湯及汽水，正好合胃口。食店同時設置自助機，相信繁忙時間合用。時間尚早人不多，我用點心紙點菜，理論上有七八款牛肉揀，有些今日冇貨例如和牛，亦有豬羊。我揀了200克的西冷，價錢適中 $138，我認為一般人$200夠食，很高興見到原來是鐵板上牛扒，可以保持溫度、可以自己控制生熟度，別令我回想豉油西餐的日子。西冷肉嫩，夠味無需加鹽，夠熱辣，美中不足是會有油彈出，弄至枱面都四處有，終於明白點解用張油紙蓋著上菜。概念唔錯，以後食晏多個選擇。

在銅鑼灣午餐，本來想吃鰻魚飯，上網搜查了才發現店舖搬了，還新增了一直想試的石燒牛肉，很開心可以一次滿足兩個願望。美國上級牛小排200g牛肉上枱時石板熱力十足，吱吱的油聲響十分吸引。牆壁上有説明吃法，我跟着指示切一小塊再用石板熱力燒成7成熟，配上炸蒜吃，牛味香濃有肉汁。另外，餐廳還有自助醬汁吧，有岩鹽、黑松露蒜蓉和柚子醋醬油，我每款都試了，各有特色，其中柚子醬油可以中和肥膩感，吃一大塊牛肉亦不膩。二重鰻魚丼賣相非常吸引，很日本風，鰻魚份量足，有三大塊蒲燒鰻魚和花花造型的一團穴子。蒲燒鰻魚肉厚，沒有骨，燒得剛剛好，鰻魚汁甜甜的，食起來非常肥美。另外穴子是完全不同的口感，小鰻魚的香味和吃法跟蒲燒完全不同，很有魚甘香。另外我們還跟指示留起了三份一的飯，加入昆布湯、芝麻、紫菜和Wasabi做了茶漬飯，真正的一班兩吃，很滋味。唯一美中不足的是跟餐的鰻魚乾白貝湯較為遜色，原本以為真的有顆粒可以嚐到，但原來只是湯的味道有少許魚味，如果加入一些湯料會比較好。

知道鰻工房搬咗舖，走過嚟試吓先。新舖比舊舖大啲，坐得更加鬆動鰻魚飯堡 ($78)上次嚟都係食鰻魚飯，今次又唔係好肚餓，不如試個飯堡？飯煎得外脆內軟又煙韌，而且唔係白飯，係充滿鰻魚汁嘅飯！下面係充滿厚度嘅鰻魚，生菜及芝士，仲有一大塊爽脆嘅紫菜。將紫菜緊緊地包住鰻魚飯堡，夠晒有份量，不過咬開有啲難度，除非個口好大啦，哈哈！但係要讚嘅係塊紫菜真係好脆，但係都要食得快，否則淋咗個口感就會爭好遠喇一路食一路聞到旁邊嘅牛扒，真係愈聞愈肚餓！

呢日同男朋友出咗去銅鑼灣行街同男朋友試咗呢間新開嘅鐵板餐加鰻魚飯專門店入面嘅裝修都好日式，感覺幾舒服男朋友叫咗個一夜干雞扒定食，而我就叫咗個三重鰻魚丼上枱就聽到吱吱聲，好似好正咁而且店家用貼心咁用廚房紙冚住個鐵板，避免啲油彈曬上嚟塊雞扒勁大塊又厚身雞皮脆卜卜，入面仲好多汁嫩滑，正！調味方面用簡單嘅鹽同蒜片，已經好香口惹味，另外跟餐個薯蓉都幾好食三重鰻魚丼一個丼入面有齊穴子，生燒鰻魚同蒲燒鰻魚真係超級豐富呀！穴子嘅口感比較薄同淋身，相對地鰻魚嘅口感就比較Q彈同厚肉生燒鰻魚主要都係用鹽作調味，可以更加明顯食到鰻魚本身嘅鮮味而且店舖用嘅鰻魚都好新鮮肥美，d油香好豐富，味道甘香蒲燒鰻魚用蒲燒醬汁燒過，味道就更加香濃三種都有唔同特色，不過我自己就最鍾意蒲燒鰻魚！好好味d飯係珍珠米，煮得啱啱好，好食！下次去食會試吓佢哋嘅鐵板牛

朋友突然想吃鰻魚，剛巧經過此店，於是點了兩款，一款是二重鰻魚飯，是有三塊鰻魚和一條穴子，厚肉鬆軟，燒的火喉剛剛好，嫩滑帶點焦香 ，飯不是一般的白飯，有蛋絲，紫菜絲，枝豆，口感豐富，另外加了30元，有溫泉蛋，鹹菜，鰻魚肝白貝湯和玄米茶，令整個套餐完整了，牆上有牌子 寫上剩餘的三份一鰻魚飯可以再加配料（芝麻，紫菜，昆布高湯）變成茶漬飯，二食方法吃得更全面更滿足，另一款是二重鰻魚蕎麥麵，有穴子和兩 串鰻魚，這個鰻魚串燒的時間更加長，所以出來的效果更焦香更惹味，煙韌彈牙的蕎麥麵伴著配有鵪鶉蛋黃，蔥花，芥末的冷面汁一起吃，實在又滑 又清新的感覺，Good

同朋友慶祝生日，黎到銅鑼灣搵食，附近有幾間都已經食勻晒，見成日經過呢間門外都有好多人排隊，所以決定過嚟幫襯下。未入店內，先在外面的機器點餐，這是我第一次嘗試這樣點餐的，我便選擇了種類，然後選擇重量，在選擇究竟是否要跟餐，飲品等等之類，然後用信用卡付款，拿着單據，再給店員，那店員便會為你安排位置入座。食物來到了，便按照貼出來的指示去選擇究竟要等多久，這是按照你想要的肉的熟度而決定。整體來說肉汁保留，食物質素高，但位置就只有吧枱。