野郎 Stone x 鰻工房 (已結業)

行過銅鑼灣女人街，渣甸街見到有一新店，原來係野郎Stone crossover 鰻工房，兩款我都鐘意，入去滿足曬兩個願望先。入到餐廳，見到有一部自助售賣機及環境佈置，果然有日本風格，店員問想用八達通付款可用售賣機，如比現金，可先坐低再由店員落單。店員服務很週到，很有禮貌招待，點完餐可到醬料區，我取了紫菜絲，芝麻加燒汁，仲有生蒜蓉，還有七味粉及柚子醋，很多醬料。石燒叫了牛板腱200g,單點$108，加$30加配沙律吧套餐，即任叫白飯、薯蓉或意粉，還有汽水和沙律 。都好抵，原塊石鐵板燒，可用熱力再自己燒至心儀的熟度。牆上有教如何食牛，可參考食用方法，牛肉肉質好淋，肉味夠香，再叫了塊芝士和牛漢堡扒，見$38以為係小食，冇諗過會用埋石燒上，一大塊香濃芝士，配和牛味，好食，而且冇咩筋，好彈牙。另一主角叫了蒲燒鰻魚丼，鰻魚厚切，蒲燒醬汁甜甜的，唔會太腥，而且冇骨，處理得好好，加上蛋絲加枝豆的醬油飯，食到停唔到口。大滿足。

疫情蔓延至世界各地，想去旅行可能等到下年，今天實在忍不住吃個日本菜，舒緩一下我對日本的思念。看到這間主打鰻魚，裝修別緻的餐廳，實在忍不住住向店員高舉兩隻手指，兩位thanks鰻魚飯有多款選擇，想品嚐多款烹調方法可以試一試三重鰻魚，另外也有芝士焗鰻魚飯。今次我先嚐嚐這個原條蒲燒鰻魚丼，品嚐出原汁原味原隻蒲燒的鰻魚。只需加三十元就可升級至套餐，有湯，配菜，温泉蛋及玄米茶。先嚐一嚐這個非常特別的鰻魚肝白目湯，魚味非常香濃，配上白貝鮮甜，十分開胃。温泉蛋熟度剛好，日本蛋體積特別大，蛋味份外香濃，配飯一流。主角原條鰻魚，有整整三大條，每條體積驚人，不禁擔心餐廳會虧本，因為這樣子才$98，到處也找不到。每條都新鮮經開蒲燒，醬汁甜美入味，厚度也十分驚人，完全滿足。一碗飯對我實在不足，店舖還免費添加白飯，友人整整吃了三碗白飯，配送三大條鰻魚。餐桌還配有紫菜白芝麻，加添在白飯上瞬間生色不少。

鰻工房之前係舊舖已經好想試吓今日咁岩黎到渣甸坊搵食又真係好鬼掛住日本嘅美食所以今日午餐就黎到呢間專食鰻魚嘅地方慰藉一吓🔅三重鰻魚丼 $198鰻·穴子·活鰻三重丼由三種不同類型嘅鰻魚集成卷起嘅穴子鰻魚非常柔軟鰻魚肉厚幼滑食落唔會有骨同渣配以特製汁料非常惹味活鰻魚用炭燒處理令到外層超脆超香口鰻魚肉比穴子更厚身但肉質就結實非常彈牙有咬口切件四四方方一啖一件正最後唔少得係經典蒲燒鰻魚即點即燒配以鰻魚甜甜醬汁真係好好味另外套餐有鰻魚肝白貝湯溫泉蛋超滑充滿蛋香玄米茶滿滿嘅日本味道呀

朋友話未食過石燒，所以我就帶路去覓食搬左新鋪，環境大啲，更闊落舒服今次目的係為左石燒而來的，當然要食石燒啦！用石燒上既好處可以保持熱度之外，仲可以鎖住肉汁更勝於用鐵板上黎到既時候，見到用左廚房紙鋪係塊肉上面，開頭都充滿問號，不過好快就發現這是正確的如果唔係就好容易彈到啲油&肉汁係件衫度翼板即係牛肩頸既部位，肉質好軟腍，好有彈性唔會鞋到柴皮仲好重牛味添因為頸位置既原因，所以唔會有肥膏，一啲都唔肥膩配左白飯🍚，上面仲有飯素添西班牙黑豚充滿住油脂香令肉質更soft更滑但又唔會好油膩喎適當既油脂，令肉質更好味有個調味位置，選擇好多有岩鹽、芥末、柚子醋、七味粉、山椒粉、白松露蒜蓉、自家製辣麵豉......燒鰻魚串即叫即燒，肉質好滑，唔會有幼骨，好欣賞的不過略嫌鰻魚汁重味左，有少許咸！

銅鑼灣食肆多，沿街都見，搵食容易搵，想入邊間就邊間，真係一的唔難，簡單望到有得食石板餐 ，值得一試，日本料理有牛肉石選，都可以想像自己去咗日本食牛肉扒，諗起都覺得好愉快嘅心情。這幾款套餐，幾有新意，跟住入去坐低， 兩個人一人叫一個套餐。 快靚正唔使自己揀 ，一個牛板腱套餐，好得意就係200個gram加白飯 有可樂有湯有沙律， 朋友叫咗個小牛排套餐 ，都係要200個gram嘅 ，佢就要薯蓉可樂沙律同湯，套餐有咁多嘢奉上，一個定食都唔錯呀。配菜飲品就啊唔使多講，凈係介紹二款主食。牛板腱食品用燒熱石板到枱面，都要略等一兩分鐘至食得，淨係等嘅過程多一個非常好享受 ，件牛腱熱到吱吱聲，呢個牛腱連埋有啲牛筋牛腩，一加埋啲汁，見到都覺得非常好味，一路食 清甜可口的汁撈埋，重慢慢一路切一舊 ，食一嚿，依然聽到咋咋聲石板，食到尾都依然係咁可口。牛小排小牛排一樣係石板上，但係就一嚿厚厚嘅牛扒，非常有睇頭，雖然話200個gram，好似好少，但係都幾乎食唔食曬，都係要個朋友食番兩嚿先至ko佢，所以呢個套餐值得一試 ，色香味俱全。

聽說野郎Stone特色燒的牛味十足，喜愛食牛的我已口水流了，牛任何一個部分我都喜愛食，其實牛是很有智慧也不會鑽牛角尖，哈哈！門口都好新式有八達通可方便趕時間的人選購 食物落單或外賣👍環境佈置簡單有啲似日本味道，地方不算大，侍應生有禮貌招呼，感謝他的套餐介紹，好好味。👍👍😍牛板腱套餐~$138配白飯可樂沙律 原個石鐵板燒上，有一張牛油紙格住還聽到熱辣辣渣渣聲，已聞到香味撲鼻了，還感受到牛的血液循環緊，有張貼提示每切一小舊牛，點一啲特色醬料，口感味道有不同的，好good呀！ 而且牛肉橫切直切也不覺得韌，入口好juicy啊！配白飯一小口食感覺也不錯呢！上級牛小排套餐~$188配薯蓉可樂沙律長長一條小牛排，看似薄薄，其實都好襟食， 入口有點甘香，食落juicy 好嫩滑👍 沒有根也不韌， 食完也沒有黐住牙的感覺。總結:特色的石板燒，食到尾都熱辣辣好滋味 ，果然牛得有道理。👍👍