重慶劉一手火鍋店 (已結業)

對上一次食麻辣火鍋應該是兩個月之前的事，今日心癢癢想吃點刺激味蕾的食物，於是是跟朋友約定佢吃重慶劉一手！其實已經有兩年多沒有去劉一手對上一次吃留一手是在重慶旅行的時候，想念在重慶的那時。餐廳座位很闊落，裝修比起在重慶時吃火鍋的店更加華麗整潔。火鍋料種類繁多，選擇困難症的我又遇上難題了！我們選擇了限定時令冬瓜盅湯底，麻辣鍋底！在等待火鍋的時候，我們叫了紅糖糍粑！紅糖糍粑外脆內軟，入口軟綿綿不黏牙，沾上紅糖味道更加好吃，吃不停口！其後我再去調味料吧吧我最喜愛的陳醋賣油現世等等的醬料混合埋一起，混醬混醬😝😝😝鴛鴦鍋（左邊是冬瓜盅，右邊是麻辣鍋）店員介紹冬瓜盅喎的湯是可以喝的，內邊有冬瓜冬菇等等的材料，湯水果然清甜解暑！喝了兩大碗😂火鍋料一到馬上把牛肉放在麻辣鍋中！好香香！叫了個牛肉套餐D： 極尚牛肉拼盤盛看牛肉的肉質質素還不錯！當中有霜降牛肉粒六件、澳洲和牛小排六片、美國雪花肥牛四片！吃肉也要吃點菜單點了一個雜菜拼盤，有姑又有菜瓜，而且材料很新鮮！再叫了一個凍豆腐放進麻辣湯底，完全吸滿了麻辣湯的精華，入口慢慢啦的很鮮味！不要看小這個份量！兩個人吃已經吃得飽飽，抱着肚子就10分滿足！可是價錢比

最近開咗好多重慶辣辣火鍋，我都唔執輸試吓先！😎呢一間劉一手重慶火鍋喺銅鑼灣，有兩層，裝修非常有特式，行中國風！💃💃💃先點鴛鴦湯底，一邊小辣一邊椰子雞鍋，打邊爐湯底好緊要！呢個鴛鴦鍋非常足料！讚！😍店員介紹的海鮮拼盤非常抵食而且好新鮮，食得出係有游水貨！$488 應有盡有！特別推介鮑魚同埋貴妃蚌非常鮮甜！美國雪花肥牛$110/5片有點貴... Facebook打咭就免費奉送黑松露丸，都幾好食！芝士豆腐同埋墨魚汁魚餃都幾特別！ 炸魚皮反而幾抵食，大大碟，即炸脆口！又多一個打邊爐的選擇啦！👍🏻👍🏻👍🏻

身為香港嘅潮人 點可以唔去銅鑼灣蒲呢 今日就同朋友去咗銅鑼灣度搵好嘢食 行過見到有一間幾好色古香 又好似好大間嘅餐廳 門口大大隻寫住海鮮祭 我又忽然想食海鮮 就入去食下個海鮮邊爐啦一入到去店員非常之熱情咁樣招呼我哋 而且亦都好耐心咁樣逐樣逐樣食物介紹 餐廳提供幾個餐畀大家選擇 例如牛肉餐 同埋海鮮餐 而我哋就揀咗一個 火鍋海鮮盛好 首先就叫咗一個湯底先 我哋叫咗椰子燉雞鍋底 湯底極之香 椰肉浸喺湯入面加上一整隻雞 擺落去慢慢淆製 得出嚟嘅湯 冇味精 而且椰香味同埋雞尾亦都好突出 之後就到海鮮餐 上菜嘅時候啦 呢個海鮮餐有脆肉鯇魚片 貴妃蚌 海蝦 同生猛嘅活鮑魚 非常之新鮮嘅鮑魚 上都出臺嘅時候亦都係識郁嘅 好生猛 而且相當鮮甜爽口 而脆肉鯇魚片亦都名副其實 非常之爽口彈牙 海蝦亦都好有海鮮蝦味 值得一讚而呢個餐個人覺得最好食嘅就係貴妃蚌 因為大隻之餘亦都好彈牙鮮甜又冇沙 係今晚最大嘅驚喜另外仲叫咗啲牛肉 就係牛柳粒同埋牛肉片 牛肉片嘅脂肪分佈好平均 非常之有口感 牛肉味好鮮嫩可口 而牛柳粒因為比較厚嘅關係 口感好彈牙 同牛肉片唔似總體而言 呢一餐係非常之好嘅一餐

今日食呢間火鍋店 我細細個已經聽過佢個名 是關親戚喺四川人經常提及呢間食店有幾出名重慶劉一手麻辣火鍋 終於喺香港有分店 梗係要帶佢嚟試下有咩分別室內環境嘅枱凳同埋裝飾都同內地好相似 行中國風 值得一提嘅係侍應姐姐好熱情 係咁介紹佢哋點嘅特色食物首先叫咗紅糖糍粑 外型似炸魚手指 入面其實係糯米糕 外面係吉列炸皮 加上黄糖同埋楓糖漿 口感煙韌軟糯 甜得嚟帶點芳香唔食得辣嘅我揀咗椰子雞湯底 全窩有原隻滑雞咁多 雞肉嫩滑有肉味 湯底椰香濃郁之餘 仲有杞子紅棗等藥材 夠曬保身 建議可以先飲湯後打邊爐海鮮拼盤極度推介海鮮有成四款 新鮮海蝦肉質彈牙景鮮味脆肉鯇魚片魚味十足夠新鮮 貴妃蚌勁巨型 冇沙之餘 極度鮮甜有口感 好想encall 鮑魚更加係驚喜之作因為 佢勁生猛 未落鍋之前仲喺度郁郁下想偷走㖭 熟咗一啲都唔煙韌 爽口彈牙美國安格斯牛頸脊 牛味濃郁而且油脂分佈極度平均 可算是入口即溶

今日夜左收工，咁就想去劉一手試下，因為好似成日都好多人食要排隊，今日見咁夜就去食下！我地大概九點半去到，真係唔洗等就入到。原來佢舖頭都好大，有兩層，同裝修都好精緻，好有中國文化特色喎！ 我地坐左係二樓，坐得都幾舒服。我地叫左鴛鴦鍋(小辣正宗重慶麻辣火鍋同埋椰子滑雞鍋), 然後就叫咗啲配料。牛肉梗係唔少得啦，上網見到人哋推介美國肥牛同埋牛頸脊，我哋最後就揀咗牛頸脊。我哋仲叫咗蝦滑，薯粉，魚皮同埋拼盆。我地仲叫左紅糖糍粑，係必食嫁！佢仲有啲香油配麻辣鍋，好似可以保護個胃，真貼心。上左個鴛鴦鍋，個麻辣都幾辣，我地都係叫左小辣，但都幾麻，不過又幾過癮。我覺得個椰子滑雞鍋好正，又養生，同都好足料，雞都有好多舊😍首先上左個甜品紅糖糍粑，熱辣辣食好好味，同我最欣賞佢唔係太甜，煙煙韌韌，好好味，好推介大家食！魚皮都幾好，夠厚夠脆，沾係雞湯索哂啲味。我就唔敢沾辣湯，因為會好辣同油。牛脊骨當然係我地嘅主角！啲牛肉有雪花，肥瘦均勻，食落仲好嫩好有牛味，真係好出色，啲料好靚，所以貴啲都值得！拼盤都好豐富，有牛丸，蟹柳，餃子，沙拉丸同玉子豆腐，我覺得樣樣味道都唔錯，特別係個玉子豆腐，好得意，係金元寶形狀！個滑都

又要去老闆同你一樣都咁鍾意食辣真係好幸福因為每次叫佢請食飯都可以叫佢請食麻辣火鍋今次老細又話要請食飯 咁我就緊係叫佢去出名嘅劉一手麻辣火鍋我哋叫咗一個椰子雞湯同埋麻辣湯麻辣湯就都係咁出色 而且愈食愈辣椰子雞湯都十分清甜 真係都有十分多的雞件係度食麻辣火鍋梗係要食凍豆腐佢索晒啲湯 一咬落去勁入味 啲湯必晒出嚟勁正之後仲有牛肉 都好新鮮而且仲叫咗午餐肉，響鈴，鴨血，雲吞同埋麻辣牛丸不得不提個麻辣牛丸真係勁辣 再加埋麻辣湯底 一咬落去就已經好辣口最後當然叫返個紅糖糍粑 解一解辣真係好滿足

今日encore食劉一手 朋友第一次食表示好開心終於可以食到 我地八點左右去到 等左陣終於有位 有兩層 地方都算大 我地叫左鴛鴦鍋 麻辣(中辣)同椰子雞 啲麻辣好香同都幾辣下 如果吾食得辣 建議叫小辣 椰子雞湯椰子味偏淡 食物價錢吾算貴叫左雪花牛切得較薄身 川辣牛丸同豆腐配麻辣湯一流 雲吞皇裡面蝦大隻又爽口 鴨血偏大份但不夠爽口 黃喉有驚喜好爽口啊 我地都有叫烏冬同蘿粉 好貼心 鍋裡有個格可以放面 幾好同埋佢加湯吾係加清水 吾會令湯底變淡 我地都有叫飲品 有不同的生果冰 芒果忌廉乳酪好出色！

作為火鍋控對火鍋餐廳、食材資料、價錢地區通通都略有所聞。早前在網上見到位於銅鑼灣的過江龍【重慶劉一手麻辣火鍋】推出「五款獨家湯底」，聞說可以先品嚐湯底後，之後可以打邊爐用，這樣子吃的話，所有食材都會滿是火鍋湯底的味道啦。得到這個消息，當然相約飯腳一起去品嚐這個麻辣火鍋啦。相約九時多到店門外等候！【重慶劉一手麻辣火鍋】係於銅鑼灣近燈籠洲街市，樓高足足2層...外面望已經有一種冠冕堂皇既感覺!木柱加上瓦片副有中國古典風味而不俗簡直是古色古香的設計！好型！ 呢間火鍋店的確超級有名氣，香港店就是第988家分店在係重慶市更是三甲之內受歡迎火鍋店，在香港為什麼這火速火紅亦相信是關「蔡瀾」本人都大力推介吧，所以很難令人不期待這頓飯呢。走進餐廳內面前就見到蔡瀾既留字，眼看內裡地方寬廣，木枱間都會有竹屏風做分隔，枱大坐椅闊，坐得舒服而又有私隱，店員說道上層以二至四人卡座為主。服務員安排我們坐定定之後，會輕鬆介紹一下火鍋湯底同重點配料。呢度的麻辣湯底有大、中及小辣選擇，我見到有很多人都用選了九宮格的麻辣湯！但我見到湯底有五款，口味各有不同！所以選了鴛鴦鍋...一次過兩種口味...五款口味有：椰子雞、龍蝦海

內地非常有名的重慶火鍋店劉一手，進駐銅鑼灣，裝潢全是中國木系復古，在香港很吸睛及走比較高级。店分地下及樓上一層，地下主要是大枱，樓上卡位多入，更有一間VIP房，座位寬闊舒適。講明重慶，當然主打麻辣火鍋，麻辣湯底有大，中及小辣選擇，鍋用九宮格的設計， 各人可同時烚不同食物。今次揀了二款湯底。椰子雞湯，味道清甜，材料不少，雞肉嫰滑，椰子香味不算濃。另一款芫茜皮蛋湯，很多芫茜，皮蛋也不少，飲多几碗可下吓火😄。點了兩款牛，牛頸脊和雪花肥牛。牛頸脊， 買上漂亮 ，肉質軟腍😋。雪花肥牛有點咬感。腰花，沒有異味，爽脆😋。貴妃蚌，鮮甜好味👍。炸魚皮，凈吃或放都好吃，炸得脆及不油膩。冰豆腐，吸收了湯的精華好美味。甜品木爪粒粒3.6牛乳奶凍，原隻木瓜做，所以份量很大，建議分享比較好。免得浪費食物。

朋友相約七月生日之星去銅鑼灣一間新開嘅正宗重慶麻辣火鍋店，劉一手聽落個名怪怪，原來大有名堂的，中國有成千幾間分店分佈在國內，四川重慶一路都係麻辣界之首，店內還有蔡欄先生嘅題字！ 銅鑼灣店樓高兩層裝修都落本，外貌超有型格！ 安排坐位後，店員會講解同介紹食物同配料自助的，最可愛係一罐一罐自家牌子，細細嘅芝麻香油，食麻辣必備可減底辣度。過十款調味料，生蒜，熟蒜，蔥粒，芫茜碎，腐乳醬，椒絲，麻醬同花生醬，真係好細心。選擇正宗重慶麻辣火鍋 大辣 辣得好過癮！血紅般的湯底，湯面全部係滿滿辣椒乾，花椒粒同紅油。配料當然要新鮮香脆嘅響鈴爽脆黃喉真係份量多，輕輕落湯灼兩灼就已經熟，食落脆又有嚼頭！本身無乜味配麻辣汁就好出 招牌劉毛肚毛肚顏色非常特別同平常黑毛肚唔同，但灼後就一樣爽脆牛味濃！他們有好多牛同海鮮嘅套餐比客人揀，如果多人就可以食多些唔同食材！牛有唔部位好選，牛味出色，海鮮亦非常新鮮，鮑魚同脆肉鯇，又爽口兼彈性。

之前坐bus去銅鑼灣，都會路經此店當時還未裝修好，見到大大個蔡欄嘅廣告招牌，心裡已經好期待，一來蔡欄推介有保證，二來老公同d朋友都好鐘意麻辣火鍋，今次就訂呢間過江龍主打重慶麻辣火鍋的，而且在內地都好紅架！食後都回味無窮！朋友還做了他們的會員，他們一致暫時覺得香港佢地最正宗啱佢地口味！店內有蔡欄嘅介紹美食！ 好可愛嘅牛造型做Menu選擇鴛鴦窩底椰子雞煲加埋正宗重慶麻辣鍋一次過試晒兩款湯底！佢地湯底好濃又香，辣度起勁麻得過隱~~見到實在太吸引 $488較貴，但一分錢一分貨！ 實物與圖相似度💯 分，新鮮真材實料！ 鮑魚同貴妃蚌還郁的，蝦鮮甜彈牙，脆肉鯇爽脆！炸魚皮可即食口感脆卜卜又可放湯吸收湯底精華！油炸鬼墨魚滑香脆可口之餘還有薄薄墨魚膠有咬口，其實還有很多配料選擇，每樣各有特色都未能盡錄。尤其麻辣必備嘅丸類，餃類，黃喉，毛肚同鵝腸，可惜有些已估清！ 較特別嘅有呢墨魚汁麵，落麻辣佢就變得好麻辣！反而落雞湯無咁夠味！ 飲品種類都好多選擇架！ 啤酒都有promotiom $28 罐買3送1 青檸沙冰熱辣辣麻辣火鍋更係要揀杯用新鮮青檸打嘅沙冰，可口又解辣，so fresh

今日諗住早d同朋友食完飯落酒吧睇波就去所謂既重慶劉一手火鍋打邊爐本身我都甚少要嬲到打食評架啦 不過今次真係忍無可忍！點解我會話係所謂既？我咁大個人真係第一次去一間火鍋店係叫乜無乜叫生菜無生菜叫油墨菜無油墨菜 咁我問佢地有d咩啦 果頭話可以叫波菜娃娃菜 乜乜菜乜乜菜咁 之後落完單等左3個字先同我講無！！真係火都黎埋 之後我都好好聲氣問佢唔該咁仲有d咩野你係有架？咁 佢話得番金菇炸 仲要黑我面果下先好野😡😡你果頭話有d咩 我即刻話咁轉果樣啦咁 佢可以格左3個字先黎同我講話無 咁大間火鍋店得金菇賣 不給番屋企自己食好過啦 起碼要乜有乜都算 ！叫蝦無蝦 乜野火鍋舖來架 咁基本既野都可以無 雖然個湯底係幾好味 不過乜野食都無得比人叫既話唔通真係學電視話齋 黎打邊爐重緊要個爐咩？！ 幾好味幾湯底都無用啦 一叫野食就成肚火😡😡🔥🔥絕對唔會再黎 仲要叫朋友都唔好黎 一個字 超級差！！！👎🏼👎🏼👎🏼👎🏼👎🏼

同男友又encore劉一手，今次揀左小辣食，上次人多膽粗粗揀左中辣，辣到我食唔到所以今次叫小辣 味道真係唔同 食到好香 辣度又岩岩好！另一個一定係豬骨湯將丸類肉類放係辣個邊食好過癮 佢既辣真係好香 以我食到既辣度黎計 中辣對我黎講係盲辣 食唔到其他味 今次辣到岩我 唔單止香 配料食落更有味更添新色湯底真係冇得彈丸類就叫左雲吞皇、龍蝦沙拉、墨汁芝士魚餃，三款都好愛 雲吞入面足料大大隻蝦龍蝦沙拉我必叫既丸，太中意食！至於第一次食既墨汁芝士魚餃有驚喜層皮好濃墨魚味，咬落去一層魚滑包住好濃既芝士汁好好味肉類就叫左豬頸肉 好爽口又重豬味係好好味配辣湯底同豬骨湯底都好正男友中意食烏冬 叫左一份 放係豬骨湯底比較好食 會甜啲而我就中意食薯粉 呢個一定要放辣湯好爽口彈牙 份量仲要好多 食極都食唔完菜就叫左皇帝菜同埋蒿荀 萵荀切條上比片上更好味 放係豬骨湯就更鮮甜 又唔會蓋過萵筍味皇帝菜就辣同唔辣都一樣咁好食埋單都唔平啊 每人300 幾但真係好好好味

同無辣不歡嘅朋友嚟挑戰味蕾, 一打開門, 空氣中充滿陣陣麻辣味, 聞到已經流晒口水。呢度裝修古色古香, 座位好寬敞, 打橫坐都得, 枱與枱之間隔得都幾遠, 私隱度高。打邊爐醬料都好緊要㗎, 呢度就夠晒齊全啦。湯底可以揀不同辣度, 本來想叫中辣, 但又怕太刺激, 店員就建議我哋先叫小辣, 如果唔夠辣可以後加, 真貼心 。湯底落咗大量花椒, 辣椒乾同辣椒油, 所以結果係, 小辣就已經好夠喇。 黃喉係豬嘅大血管, 出面好難買到㗎, 呢度嘅黃喉仲特別大份, 絕對抵食過其他火鍋店！嚟到一定要試下！餐廳仲將黃喉介左花邊, 點埋呢度嘅秘製麻油, 又有另一番風味。軟豆腐 ($33) 味道樸實, 中和刺激感。不過我就覺得冷豆腐會更有質感, 吸湯力更強。手打蝦滑 ($58)、手打墨魚滑 ($58), 墨魚滑比蝦滑結實彈牙, 如果有埋墨魚粒會更有口感。朋友覺得呢個雲吞, 冬菇味太濃, 有陣草腥味, 但我本身鍾意食菇, 又接受到喎, 餡料除咗冬菇、菜、豬肉之外, 仲有竹筍, 風味同廣東地區嘅雲吞好唔同呀。咁正嘅湯底, 落個薯粉, 不得了！薯粉吸收哂麻辣湯底精華, 成為今晚全場之最。實在太鍾意呢湯底啦, 如果可

想食麻辣火鍋唔洗上深圳啦！在內地非常有名的劉一手重慶火鍋店早前正式進駐銅鑼灣，劉一手於全球有過千間分店，主打傳統的重慶麻辣火鍋，麻辣湯底以多種香料及辣椒熬成，麻香十足。不吃辣的朋友也可選擇其他湯底：龍蝦海鮮鍋、椰子雞鍋、番茄鍋等等。火鍋配料選擇過百款，只是牛肉就已經 8 款，日本和牛、美國雪花肥牛、美國西冷肥牛等，好誇張好講究！其他火鍋食材選擇也很豐富，除了龍蝦、鮑魚、蟶子等海鮮，還有愈麻甩愈快樂的各款內臟😈😈在只有8度又下雨的晚上，歎個暖笠笠的麻辣火鍋，太幸福太爽了😌