重慶劉一手火鍋店 (已結業)

Went there for hotpot during lunch. We expected high on their soup base. So we ordered two soups, Chongqing style spicy soup and the coconut chicken soup. We were disappointed.The spicy soup was spicy enough (we ordered little spicy) but not aromatic. For the coconut chicken soup, we couldn’t taste the coconut at all. We found some coconut meats in there but they were not young coconuts.We wanted a simple lunch so we ordered only five food items, which tasted normal. But for a Chongqi style hotp

本身約咗朋友Y食飯， 諗住佢去完美國鹽湖城，食咁多鹽份高既食物，實好掛住香港既嘢食啦， 點知佢咁冇人生規劃，放咗我哋飛機。好彩有另一個朋友A出嚟，加埋ot完過嚟嘅朋友K， 等齊人都差唔多成九點半，喺咁夜嘅時間，去啲開到好夜既火鍋店，會比較方便，起碼唔洗食得太趕。經過朗豪坊附近，見到呢邊有間新開嘅重慶劉一手，其實之前喺大陸食飯都聽過呢個名，不過估唔到佢而家喺香港都開咗。新開嘅關係，門口有好多花牌，不過見到呢一個蟹仔氣球花牌，都幾得意。有唔少嘅牛肉拼盤套餐推介，不過價錢都有番咁上下。除咗套餐，亦都可以散嗌唔同嘅牛嘅部位。 肉類同埋配料都有幾多款式， 有唔少款都幾特別， 尤其係啲嗌嘅黃喉、 麻辣牛肉等等。食嘢之前，店員好貼心咁送上圍裙。當然唔少得要試下麻辣火鍋湯底，另一邊就選擇咗椰子雞湯。麻辣嗰邊花椒味好香， 而且入口都幾辣， 已經叫左小辣，不過辣度依然好高，好彩嘅係佢之後加湯係會加水，咁就唔會越煮越辣。而椰子雞嗰邊都唔錯，幾欣賞佢加咗好多嘅椰子肉同埋杞子感覺清潤而且雞肉好滑，份量都唔少。高度推薦呢一個麻辣牛肉，落咗湯度之後中，牛肉都依然好有牛香，呢個麻辣牛肉唔好睇佢表面上有咁多辣椒粉，但其

對麻辣火鍋有情意結的我知道咗佢終於嚟香港，真係好期待去試！今晚就去咗朝聖一下。可惜，基本上如果要食國內品牌，真係返返國內食會開心D！叫咗豬骨，同小辣，不過小辣都已經好辣！三百幾蚊8片牛！你搭一程高鐡返大陸食仲化算！牛毛肚，冇咩特別，只係切得大件菜盤，可以話D菜真係好新鮮，一份錢一份貨！讚特別一提 “牛利so”蝦滑，真係一盤盤，唔好因為其他地方未必有而叫！我會prefer 食返潮州魚蛋就算! 另外，喉丁都新鮮可以try try!響呤唔似自家制，除非你係好like 响呤，如果唔係就食返鮮腐竹好D！冇影相的凍豆腐反而精彩，值得食！總結：性價比唔高環境：靚Service: 一般，會keep住提你用歺時間食品：一般價錢：少貴食過就算，買張高鐵學肥媽玩盡大灣區好D！

見到好多朋友介紹呢一間新的重慶麻辣火鍋店，連重慶朋友都話佢正宗，所以今日就約埋一班去試。一入門口已經聞到好香的辣味，我唸唔鐘意食辣的人一開門就一定嚇走左。一坐低見到餐牌，我哋叫咗個小辣同番茄湯底，略嫌太辣，可能我哋唔太食得辣。番茄湯底就幾出色，有好香好濃的番茄味，建議用來煮菜同牛，因為辣湯底會蓋過佢d靚牛的味道。我哋叫咗好多牛肉，仲有好多有特色嘅丸，仲叫咗毛肚，每一樣都好出色，最好食既係蝦丸，真材實料！下次我會試吓個龍蝦湯底

全國有上千間分店的人氣重慶火鍋，價格屬貴價，是次晚餐人均約500。我們點選了鴛鴦鍋， 有中辣的重慶麻辣鍋， 而不辣的有雜菌鍋。打邊爐前可以先試試湯底， 濃郁的菇菌香氣四溢， 還有我最愛的蟲草花；麻辣鍋中辣對我已是挑戰，入口先是辣味，接著舌尖感受到麻，相當過癮。醬料區竟然有十六款選擇，比較特別的有老干媽，還有自家的麻油，隨意自由混醬。肉品不俗我的推介：1. 黃喉： 極爽脆，新鮮2. 鴨血：比較高質的鴨血，麻辣火鍋最佳拍檔3. 重慶小麵：無論清湯還是辣湯同樣美味 ，質感介乎拉麵與即食麵4. 牛脷酥蝦滑： 少見的配搭，咸咸甜甜的注意🙋用餐限兩小時

有次行過呢間火鍋店，以9格火鍋黎做賣點，已經心思思好想去試下，今次仲唔輪到我。因為同行既友人食唔到辣，最後點左鴛鴦鍋，一邊係菇菌湯底，一邊係麻辣湯底。店員極力推薦海鮮套餐，咁我地就點左個海鮮套戲，另外再散點左d。一開始，店員叫我地自行去調味吧調醬油，咁我見佢放左好多一罐罐麻油係度，詢問之下，先知個湯底好辣，點一點麻油，可以中和返個辣味，仲會帶出陣陣既麻油香。佢一罐可以2-3人分，自己倒哂一個就太多。食物方面：鴨血：超級新鮮，超好食，係在香港食過既最好食山一間，必叫！ 十級推薦。手打丸：蝦丸：咬落見到有蝦肉大大粒，而且唔係一咬就係粉，唔錯。海鮮：鮑魚上到桌仲識郁、全部好生猛，個頭夠大，咁既價錢都算合適，本地牛：湯底太濃，食落分唔出有咩分別，不過唔un。響玲：夠大條，好脆，浸落湯底10秒岩岩好，又軟又有小小脆總括黎講：咁既價錢，佢服務又好，店員又多，野食新鮮，環境又好，下次會再黎一定。

劉一手算係係香港食到較好味既麻辣湯底，唔會正係得個辣字。食材黎講都算係新鮮，牛肉都幾有牛味。除左普通平時常嗌既響鈴，牛丸，牛帕葉，今次仲叫左個鴨血，初嘗鴨血，覺得口感同豬紅差唔多🤔，但鴨血會比較彈牙d。另外，仲嗌左個重慶特色小食紅糖糍粑，不過味道就麻麻地，口感太淋，無咩紅糖味，暫時係香港都無食到一個好好食既紅糖糍粑。餐廳環境尚算舒服，不過每日都keep住有booking，人流非常多，想食就要早d book啦🙊。

老友今個月生日，又係時候請佢食生日飯，我知道佢想食火鍋，之前網上見過一間响內地好出名嘅＂劉一手重慶火鍋，個名好搞笑同好易記，所以好記得，再睇睇佢地D資訊，感覺OK，又唔失禮，咁就book呢間試試啦！門面相當吸引，不論內外都散發著古式古香嘅味道，店舖仲分地下同一樓兩層添！好大啊！店員好有禮貎地帶左我地上一樓卡位坐(地下多數係大枱)，我地仲係窗口位添，另外窗邊有個藍比我地放手袋雜物，照顧周到坐底慢慢睇睇menu先，湯底有六款選擇！另外仲有時令系列！環境衛生一流，地方寬趟！當然我地一定要試試佢嘅正宗重慶麻辣鍋，再加個椰子雞鍋啦！賣相已經好吸引👍🏻麻辣湯底味濃，入口先麻後辣，花椒味香，麻味十足！椰子雞鍋，濃濃嘅椰子味，雞滑鮮嫩首先嚟個美國雪花肥牛，脂肪分佈均勻！脆肉鯇爽口，好新鮮！豚肉片一樣係肥瘦均勻！口感同之前食果D嘅好唔同！鮮蝦肉丸+鮮墨魚滑丸蝦味鮮甜，墨魚有墨魚味炸響玲+炸魚皮味香脆，份量啱啱好！好飽喔..好滿足，店員仲介紹一款甜品＂紅糖糍粑，不過我地太飽！老友讚不絕口，下次要再試試其他食物！

重慶火鍋在香港越開越多， 而在中國內地非常有名嘅「重慶劉一手重慶火鍋」（下稱「劉一手」）也打進了香港市場～ 以後想食🌶麻辣火鍋唔洗返大陸啦！🙊😂 「劉一手」樓高兩層， 不論內外都散發着古色古香嘅味道～ 裝潢設計仿重慶老房子嘅格局， 懷舊復古味濃。 食「劉一手」梗係要試佢嘅麻辣火鍋湯底啦！😏 不過唔食得辣嘅朋友， 都有5款湯底可選擇：龍蝦海鮮鍋、椰子滑雞鍋、番茄美顏鍋、滋補大骨鍋、山珍雜菌鍋， 可以同麻辣湯底配成鴛鴦鍋， 咁就可以配合晒食辣同唔食辣嘅朋友啦！✋🏾 麻辣湯底有大、中、小辣， 由於知道會越食越辣嘅關係， 我地揀左小辣就夠啦！🙊😂 麻辣湯底味濃，入口先麻後辣， 花椒味香，麻勁十足！🌶 食川式麻辣火鍋， 一定要試下油碟醬料！ 店內有個自助醬料區，共16款， 更有少見嘅老干媽辣醬、紅油腐乳等。😳 先注入自家品牌嘅油碟（即麻油）， 再混入葱、炸蒜粒、辣椒、豉油等醬料， 重口味得黎又夠晒惹味！ 醬料區有幾款配搭推介，可以試下呀！😏 火鍋海鮮盛D（$488）超抵食， 海鮮料靚，性價比高！☺️ 有活鮑魚和貴妃蚌各4隻、海蝦8隻和脆肉鯇8片， 全部都非常新鮮！ 鮑魚上枱時

最近麻辣火鍋開到成行城市，我哋成班同事收到呢股熱潮影響，又話放工之後一齊去打邊爐，我哋就近近地揀咗公司樓下嗰間劉一手食麻辣火鍋一入到餐廳就被嗰種麻麻辣辣嘅氣味所吸引着，不斷向你嘅味蕾發出信號，好好彩我哋等左一陣間就有位我哋叫咗個鴛鴦湯底，左手邊嘅係麻辣湯底， 淨係睇火鍋嘅配料就知道絕不簡單，嗰種嘅麻辣香味麻而不辣，正！我覺得係到必食嘅就係呢件，爽脆黃喉，一放入去個火鍋度煮一陣間就要力氣，食落口時，好脆身，好爽口，霸王辣牛肉牛肉比層層嘅辣粉包住，再放入去麻辣湯底，雙重辣度，好過引炸重慶酥肉食重慶野又點少得呢味菜式，將豬肉揸到非常鬆脆要黎佐口一流！

一向都好中意食辣野，特別係麻辣火鍋。上openrice睇下有邊間好味既麻辣火鍋。見到呢間重慶劉一手都幾多好評，就決定去試下。舖頭裝修好靚，入到去覺得幾有特色，仲要一入去就聞到好香既麻辣味。餐廳服務好好，職員會逐樣介紹招牌菜，又會幫我地調正宗既醬料。醬料記得要加佢地既腐乳同麻油。湯底揀咗麻辣(小辣)同椰子雞，特別推介椰子雞湯，湯好好飲同埋雞好嫩。我地三個人點左一個和牛特選拼盤，丸拼盤，毛肚，鵝腸，鴨血，薯粉。牛質素都唔錯，但放落辣湯會蓋過左牛味。毛肚、鵝腸、鴨血非常好味，食麻辣湯一定要叫。

重慶劉一手火鍋店 @ 銅鑼灣九格全鍋麻辣鍋(7/10)($168)美國雪花肥牛(6/10)($228)呢間重慶劉一手係中國🇨🇳🇨🇳有多分店，香港呢間係第1068間分店。麻辣鍋🌶🥘味道真係同係中國食好接近，夠香夠辣🌶，浸唔同食物既味道都唔會太搶，食到食材本身既味道！係唔錯既！呢個鍋價錢都算合理。但美國雪花肥牛🐂，價錢真係唔多合理，$228得十片，好薄🤦🏻‍♂️🤦🏻‍♂️。但肉質的確有肉味，油脂分佈非常平均。自家麻油好香好好食

又係我呢個嗜辣者出動既日子！食呢間中國超紅既重慶火鍋，係中國已經有好多間分店，而香港就係佢地既第1068分店，有兩層高，設計都好古色古香雖然黎左劉一手，但望望佢個餐牌之後，我就叫餸叫得好留手，事關實在太貴啦，所以都唔係食左好多野佢都有特價SET既，不過我就冇嗌到調味專區佢個香麻油係每罐獨立包裝咁拎，幾得意，放心，呢個唔洗加錢正宗重慶麻辣鍋 $84(半鍋) 、 椰子滑雞鍋 $114(半鍋)要左鴛鴦鍋，重慶麻辣鍋揀左中辣，正宗既一定會帶股牛羶味，當然呢到都唔例外，中辣對我而言岩岩好，入口先係麻香，繼而辣味擴散係口中，不過偏油左少少；而椰子滑雞鍋係香港先有既鍋底，估唔到咁足料，都有半隻雞咁制，湯底好香，有一層雞油係面，先帶椰子微微既奶香，然後就係雞湯既味，雞味濃郁，好有住家FEEL 既湯底，但掛唔上食物，食物放落呢邊碌完都索唔到佢股味招牌劉毛肚  $148招牌點可以唔試下，餐紙有教碌佢約10秒就得，毛肚厚身少少，中意放佢係麻辣鍋，索哂啲汁，口感十分爽脆，真係必點美國肉眼牛肉  $128(約5片)其實有啲貴，得5片，而且好薄切，不過牛肉紋路幾令，同樣都係中意放佢係麻辣鍋，好奇怪地椰子滑雞鍋就咁

無辣不歡，又最中意打邊爐，立即去食下重慶劉一手火鍋！辣一辣先！由於大小姐不吃辣所以必點鴛鴦湯底，小辣加椰子雞鍋，先麻後辣的湯底好得！越食越辣！正正正！海鮮拼盤非常抵食$488 好新鮮游水貨，鮑魚、貴妃蚌、蝦都又大隻又非常鮮甜！美國雪花肥牛 脂肪分佈均混！有和牛feel! Facebook打咭免費送黑松露丸，彈牙味濃！墨魚汁餃子第一次食，幾有趣又飽肚！炸魚皮係特別推介，大大片，又脆又有魚味！👍🏻👍🏻👍🏻 價格合理，幾好！

又到朋友生日, 大家都鍾意食麻辣火鍋, 友人未試過劉一手所以我就推介佢地黎食~好鍾意呢道裝修一打開門, 成間鋪已經充滿陣陣麻辣味, 聞到已經流晒口水好開心~今次我地叫左個鴛鴦鍋, 豬骨鍋同正宗重慶麻辣火鍋食物方面就: 墨汁芝士魚鮫, 午餐肉, 豬紅, 丸, 牛, 豬肉, 炸魚皮, 響玲, 鵝腸, 油炸鬼墨魚等等..劉一手真的值得讚是抽風系統, 全部設有無煙系統抽風, 咁樣大家唔會有一身麻辣火鍋味同員工服務態度很好~