更多
2018-02-23
2430 浏览
呢間劉一手重慶麻辣火鍋之前喺內地食過 一直念念不忘佢嘅味道 原來香港都開咗間就梗係狗衝去食 我地麻辣三姊妹又一齊出動 不過其實我哋都係食少辣哈哈 好彩一早book咗位 九點半都有人等緊位入到去 經理哥哥超好人 係咁介紹食物同埋畀圍裙我哋 座位用咗木嘅枱凳 好似客棧咁 所有食客都好close 但都又有私人空間 設計同大陸嘅有九成相似 佢嘅醬料區係自助式 仲有一罐罐嘅麻油俾你整油碟 夠曬乾淨衛生 首先熟食叫咗鹹蛋魚皮 魚皮好脆但係浸湯0.01秒都諗咗 有啲失色 不過勝在鹹蛋味夠出 啱曬重口味嘅我 紅糖糍粑 呢個將糍粑包左炸漿炸脆咗 上面再加上紅糖 再點上楓糖去食 外脆內軟煙韌有咬口 而且甜度適中 超好味 到咗主菜麻辣火鍋 叫咗半半湯底 一半係椰子雞湯 雞湯飲落冇味精 上面有肥雞嘅黃油 雞味十足 而且同樣有杞子紅棗等藥材 食落超清甜 建議未落火鍋料前先飲一碗 夠曬補身 另一半就梗係麻辣火鍋 我哋只係食到小辣 呢度嘅麻辣火鍋唔係好辣 但係就好麻 勁過癮 經理哥哥十級推薦呢個海鮮拼盤 就叫咗一個嚟食 有四隻超新鮮嘅鮑魚 上枱時候仲識郁 熟咗之後爽口彈牙而且鮮味十足 鯇魚片 一啲泥味都冇 不過
好彩一早book咗位 九點半都有人等緊位入到去 經理哥哥超好人 係咁介紹食物同埋畀圍裙我哋 座位用咗木嘅枱凳 好似客棧咁 所有食客都好close 但都又有私人空間 設計同大陸嘅有九成相似
佢嘅醬料區係自助式 仲有一罐罐嘅麻油俾你整油碟 夠曬乾淨衛生
首先熟食叫咗鹹蛋魚皮 魚皮好脆但係浸湯0.01秒都諗咗 有啲失色 不過勝在鹹蛋味夠出 啱曬重口味嘅我
紅糖糍粑 呢個將糍粑包左炸漿炸脆咗 上面再加上紅糖 再點上楓糖去食 外脆內軟煙韌有咬口 而且甜度適中 超好味
到咗主菜麻辣火鍋 叫咗半半湯底 一半係椰子雞湯 雞湯飲落冇味精 上面有肥雞嘅黃油 雞味十足 而且同樣有杞子紅棗等藥材 食落超清甜 建議未落火鍋料前先飲一碗 夠曬補身
另一半就梗係麻辣火鍋 我哋只係食到小辣 呢度嘅麻辣火鍋唔係好辣 但係就好麻 勁過癮
經理哥哥十級推薦呢個海鮮拼盤 就叫咗一個嚟食 有四隻超新鮮嘅鮑魚 上枱時候仲識郁 熟咗之後爽口彈牙而且鮮味十足 鯇魚片 一啲泥味都冇 不過配麻辣湯就比較好味 鮮蝦同樣地腳仔郁郁 勁新鮮 烚一陣已經上得枱 一啲都唔痴殻 證明係啱啱喺魚缸攞起嘅 原本嘅貴妃蚌賣曬 轉咗超級巨型嘅聖子皇 聖子有成隻筷子咁長 而且好多肉 上枱嘅時候仲郁郁下 海鮮配清湯食夠曬正 完全食到海鮮嘅鮮味
打邊爐點少得牛肉 不過價錢就比較貴 油花分佈平均 加上麻辣汁一流
埋單三個人食咗一千七百幾 其實有啲貴 不過 唔使特登返大陸食 用錢買時間都值得
张贴