重慶劉一手火鍋店 (已結業)

香港人中意打邊爐，咁我當然都唔例外，特別係麻辣火鍋😍😍今次我就孖埋朋友一齊黎呢到打邊爐！我地兩個都好肚餓，嗌左好多野，有美國西冷肥牛，功夫腰花，醬爆肉丸，芝士魚豆腐，紅薯粉，軟豆腐，唐山菜同埋萵筍。先睇下個湯底，我地嗌左個豬骨湯同麻辣小辣，雖然我地都中意食辣，但都想試下其他，所以就嗌埋豬骨湯。兩個湯底都好香，味道都好濃😍正！！！麻辣辣得過癮，都幾麻xd入面有好多火鍋配料，自助形式都幾方便。唐生菜同豆腐真係好正，因為浸落d辣湯，勁入勁入味！！辣得好爽！萵筍都唔錯，兩個湯都啱，好爽口，好唔錯！我自己配的xd 但好想講，其實個湯本身好夠味，其實唔點呢d都得！大愛薯粉，一定要浸落d辣湯，real正！醬爆肉丸同芝士魚豆腐比，我更喜歡芝士魚豆腐，好好味！肥牛就無咩special功夫腰花都幾爽，不錯！

在店未開始營業、還在裝修期間，我已很留意，因為圍版上有蔡瀾提字。聽聞訂位的watlist很長，但有朋友試過walk-in等位也OK，我便相約收夜的朋友，避開黃金時間，於約9:20來到，等了幾分鐘便有位。我們被安排上一樓坐，從外面看來，真的不發覺這店原來有兩層，主要以木裝修，很有中國色彩。先選湯底，麻辣當然是指定動作，本來想選麻辣的九格全鍋，們又想併不辣的湯底（以作太辣時的後備）。而價錢有全鍋和半鍋之分，就點了滋補豬骨鍋。蔥、蒜蓉、辣椒和莞茜等連豉油放在桌上。最特別之處是這裡自家品牌的麻油。小小的罐裝，很香，很好味，我把麻油加入豉油内，朋友則加在麻辣湯底內。火鍋湯底一大盤！而且提供了一個格位方便我們碌丸類和麵類。因為是推介的食物，我們點了炸重慶酥肉，煎炸食物一定好食！其實我們不知道這是一味小菜還是火鍋食材，但無論淨食、或是放進湯裡增添麻辣味都好食！本身這裡有很多特別種類的内臟部位，例如豬腦、腰花、鴨腸等，本來想試，但同行的友人不吃內臟，一個人又吃不完，唯有點一些大路的火鍋食材。美國雪花肥牛和豬肉片，雖然價錢看來較貴，但真的是一分錢 一分貨，大大片。丸類絕不是行貨，我們點了墨魚丸和醬爆肉丸

劉一手係大陸係好出名，個個都食過，而加開到黎香港終於有得試下。去到係坐滿哂人，出面仲好多人等位，大家記得book定位呀。服務都唔錯，好熱心主動，不過推介菜式時有少許太aggressive,覺得有少少煩。至於最重要係食物質素令人滿意，價錢亦唔算貴。正宗重慶麻辣鍋(半鍋)  84叫左小辣所以唔會太辣，不過夠麻香，味道正宗，食完好暖胃。食到最尾會越來越辣，可以筆起啲辣椒先。龍蝦海鮮鍋(半鍋) 119真係有半隻龍蝦係到，湯底好鮮甜，唔會太咸，亦唔會搶左海鮮同牛肉嘅鮮味。一個好食嘅火鍋，湯底係十分重要，好推介大家試依個組合。火鍋海鮮盛 D  488好抵食呀，有鮑魚、蝦、帶子、脆肉鯇同貴妃蚌，份量夠三、四人食，而且都好新鮮，配龍蝦海鮮湯底好夾。特別係貴妃蚌好大隻，食落鮮甜彈牙。牛頸脊(半份) 198食過牛頸脊就唔會再想食普通肥牛。半份都夠分，而且脂肪分佈平均，牛味香濃，口感軟滑。團圓鴨血 68食麻辣火鍋必食！鴨血調味適中，無腥味，口感軟嫩，就算唔好內臟嘅家人都食左幾件。鮮蝦滑丸(4粒) 58食落有一粒粒蝦肉，都幾彈牙，可惜真係太細粒。萵筍 28好爽脆，同兩款湯底都好夾。紅糖糍粑 58糍粑外脆內軟，

今日同幾個辣朋友去劉一手打邊爐，聽個名就聽左好耐，但一直都無去試，今日終於試到。餐廳是分兩輪的，6:30/8:30，我選擇左6:30, 因為8:30先開始實在太晏。但我地最後打到9點半都無人叫我地走。因為同食得辣既朋友去食飯，所以諗都唔諗就一定系食麻辣火鍋，仲要叫大辣!! 但因為有一個朋友啱啱病好，所以另一邊就叫左椰子雞鍋。唔知系咪又系為左遷就香港人口味，所以就算大辣都唔辣，唉﹗(不過已經好過麻神) 材枓方面，可能系因為重慶麻辣火鍋，所以所以好多內臟選擇，由於我地大部份人都唔食內臟，所以可以叫既野好limit, 佢地有海鮮，但麻辣火鍋打海鮮麻麻，所以我地又無叫，D丸又好似佳記買個D，所以我地淨系叫左九根丸，都還可以，叫左個牛肉併盤，有唔同部位既肥牛片，同牛肉粒，牛肉粒好好味，好林好有牛肉味，墨魚滑釀油炸鬼吸左D麻辣湯都好好味，另外叫左茼荀、雜菜盤、鱔片、響鈴、餃子等，但都系一般。不過，系尼度要鄭重咁同大家講，食完劉一手，你番屋企系除左要由頭到尾沖涼之外，所有跟你入去間餐廰既物品都要清潔或噴除臭劑，因為食完餐飯之後，我地5個番到屋企D 袋套西裝D褸，全部都好大朕麻辣火鍋味，久之不散。

岩岩去完旅行返黎，食西餐食到超悶，實在太耐冇打過邊爐，襯住仲放緊假，呢日約埋兩個frd一齊去食餐好嘅。佢地帶左我去呢間「重慶劉一手火鍋」食火鍋午餐、地點喺銅鑼灣港鐵站附近，超方便！應該好少人lunch打邊爐，仲要係平日，所以餐廳入面唔係好多人，但都聞到好香嘅麻辣味，見到隔離枱嘅人食得津津有味，攪到我都好期待！平時食開台式麻辣鍋比較多，呢間火鍋店主打重慶麻辣鍋，比較少見！點菜由朋友拍版，我就舒舒服服地坐得等食吧！原來呢度平日嘅下晝係有lunch set架，有2-3人餐、3-4人餐同埋4-5人餐選擇，個frd話個set好抵食，所以二話不說就點左個2-3人set!等食期間再望下周圍，舖頭唔細，連埋地庫有兩層，裝修同環境都唔錯，最重要係乾淨同冷氣夠凍！出面有好多款醬料任攞，仲有一罐罐嘅秘製麻油比你攞，我個人覺得芝麻醬同紅油腐乳都好正！散叫左杯巨峰提子沙冰，清清地唔會太甜！因為用雙層冰杯嘅關係，杯沙冰到最後都未溶哂而且keep到冰凍，唔錯呀！Lunch set鍋底係指定嘅，一邊係重慶麻辣鍋，我地叫左小辣，一路食落去我覺得呢個麻辣鍋唔係最麻，亦唔係最辣，但就係我食過最香嘅一間！好正！經理話如果叫中

內地麻辣火鍋紛紛登陸香港，呢間早已聽聞，今日同家人來食，好在有訂位，可以坐樓上都幾舒適叫咗個豬骨湯底拼麻辣火鍋，豬腳湯底都幾足料，有2隻大大舊已醃鹹過嘅大豬骨，湯底濃而清晰，而麻辣火鍋層次豐富，都好香中帶麻本地手切牛肉牛味適中，屬有咬口型，爸爸好鍾意呢種口感黃喉本身無咩味，但一落麻辣湯底到吸哂味辣辣地又夠爽脆毛肚焯一陣就食得，好爽口有嚼勁，仲好新鮮腰花清洗好乾淨，食落爽口帶脆，本身獨特豬腰味道我好喜歡菜選了茼蒿，菜好新鮮嫩綠，落去豬腳湯到超好味

三父女撐枱腳 梗係要食好野。一年四季都適合既 非火鍋莫屬。哈哈 我和家姐至愛。今日在銅鑼灣收工 一於去朋友之前適既重慶火鍋。環境幾舒適 裝潢好有中國風 闊落坐得舒服。湯底全部都好有特色 食重慶火鍋 麻辣梗係要試～ 湯底來自重慶總店 再加花椒、辣椒、骨湯去熬製 麻香辣都有齊。好正～再點了山珍雜菌湯底～ 勝在足料夠清甜 湯料都俾我食曬 用來淥蔬果類一流！美國雪花肥牛～ 色澤一睇都知靚。肉質好嫩滑 雪花分佈平均 唔會太肥 口感一流。豚肉片～ 厚薄適中 雖然係豬肉 淥得內都完全唔鞋口 幾好咬口 肉味又夠濃。海鮮 必點～ 超級新鮮。龍躉 厚切 $98 六片。好抵 因為鮮甜爽口。鮑魚好大隻 上枱既時候仲郁郁下 堅。新鮮！咁新鮮 唔洗講都知肉質爽脆得來 又鮮甜。貴妃蚌又係半隻手板咁大 彈牙又好味。重慶小麵&薯粉必試！薯粉配麻辣湯底 呢個組合 perfect! 薯粉幼身 QQ 認真正。但重慶小麵我都好推介 淥1.5分鐘 麵粉有咬口又煙韌 好香 一樣yummy店員推介紅糖糍粑必食～ 即叫即炸 糍粑好軟熟 重點是紅糖 好香濃但唔會太甜 每一口都沾一點紅糖 真是食唔停。花樣冰粉～ 岩曬打完邊爐食。一條條好像

It was a newly opened restaurant with staff providing excellent service. The hotpot I chose with my friends were the chilli one an the coconut chicken one. The chilli hot pot tastes very hot and is suitable for people who can eat chilli. The recommended food are the pork and the fried pork. The price is relative expensive but the food were great. Definitely go again!

劉一手麻辣火鍋在內地非常有名，難得在香港有分店，當然要試一試。木系裝潢充滿古色古香的感覺，樓底很高共有兩層，有點氣派。餐廳還預備了圍裙給客人，以免弄髒衣服，很是細心。醬料有很多選擇，最特別是有老干媽辣醬、紅油腐乳和一大排礶裝麻油，最重要是醬料不另外收費。正宗重慶麻辣鍋和龍蝦海鮮鍋(各半鍋) 我們一行三人點了鴛鴦鍋，選了$84的小辣麻辣鍋底和$119的龍蝦海鮮鍋底，麻辣湯底有大量紅辣椒乾和花椒，散發着麻辣香味。龍蝦海鮮鍋底有半隻龍蝦，龍蝦肉也爽口鮮甜，煮過的洋蔥也很好味，湯也很鮮甜。最喜歡他們用的是嵌入式火鍋爐具，使食客感覺很安全。火鍋海鮮盛 海鮮盛有活鮑魚和貴妃蚌各4隻、海蝦8隻和脆肉鯇8片，全部都很新鮮，鮑魚上枱還不停動，非常新鮮，口感彈牙爽口。貴妃蚌非常大隻又鮮甜爽口，海蝦用竹韱串起，方便火鍋，肉質彈牙鮮味，厚切的脆肉鯇很新鮮爽脆，放在龍蝦湯內灼，令魚味再提升一點。牛頸脊(半份) 部分牛頸脊雪花不算很多，但吃時腍滑又有牛味，下次可能會要一份才夠吃。團圓鴨血和鮮蝦滑丸(4粒)麻辣火鍋怎可以缺少鴨血($68)，厚身大件的鴨血完全沒有腥味，滑嫩又彈牙。蝦丸($58)很鮮味，彈牙又爽口。脆

我終於可以試一試這間過江龍了! 麻辣同火鍋都是我最愛我訂了18:30 ,6位,用餐時間是2小時我準時到達，預備用餐有多款醬料！麻油係一罐罐,俾2-3 人使用我叫了一半麻辣(小辣），一半椰子雞! 椰子雞湯好味，重雞湯味，而且雞件幾多可惜麻辣鍋只有辣味麻味不足有進步空間魚標同麻辣真係幾match!!叫咗啲丸和餃,都幾好味!!值得一食豬肉片,都不錯!可以一叫!叫咗啲炸物包括重慶酥肉(左上)、魚滑油炸鬼(右上)、響鈴(左下)、魚皮(右下)炸物脆我哋叫咗兩款甜品，分別是燉雪梨和涼粉皮! 我覺得這兩款甜品都沒有太大特別，不值得一試。而且我覺得兩小時的用餐時間不足夠吃甜品。除了上述討論的食物之外，我們還叫了蔬菜和兩瓶飲品同啤酒🍻！總括而言，麻辣火鍋不夠麻辣，但是價錢上值得一吃。反而他的椰子雞湯比較驚喜。

又係嚐辣buddies出動既時候喇！又一出色既麻辣火鍋！一去到見到門面已經覺得好有feel! 仲要有兩層 我地坐二樓 超岩傾計 夠私密🤣講食物前要讚一讚員工服務態度好好 會默默留意我地有咩需要再默默幫我地！好 入正題講食物！我地都嗌左幾多野食 有紅糖糍粑 招牌毛肚 雪花牛 凍豆腐 黃喉 響鈴 牛餐肉 枝竹 土豆片 芝士角 薯粉 墨汁麵 重慶小麵 etc 值得讚同推介既係毛肚 黃喉 牛餐肉 凍豆腐同重慶小麵！ 毛肚非常爽口 my fav type! 每次食麻辣火鍋必食黃喉同牛餐肉 呢兩寶始終無令我失望 值得一提呢到既黃喉份量好多 食極都好似仲有咁 好抵食！今次火鍋發現左原來凍豆腐索晒啲麻辣湯再食真係好正（重口味的我🤣）有機會問鼎我的最愛做第三寶！到到麻辣火鍋重頭戲—薯粉🍜我個人麻麻呢款震震薯粉 我鍾意直扁身個種 所以較推介重慶小麵 好襯麻辣湯底 口感又正！最後食到好滿足咁離開🤰🏻🤤好正 坐係到傾計又舒服 食物質素服務又ok 都幾岩人少少既gathering！整體好滿意！happy

圖為劉一手冒菜 麻辣湯 優點是內容還算比較豐富 胡蘿蔔 漁腐 午餐肉 毛肚 黃喉等差不多七八樣食材缺點！！！1 請問誰會在火鍋裡涮胡蘿蔔吃？2黃喉根本咬不動 我感覺到自己的咀嚼肌已經很發達了 在這個黃喉面前我輸了 建議要麼不吃 要麼生吞 千萬別咀嚼3 午餐肉鹹到爆4 毛肚像塑膠完全不入味5 娃娃菜大概只有三片？？6 份量很小 價格很貴 這個質量撐不起這個價格 98hkd 還要加一 107.8就給我吃這個！！7 我浪費了寶貴的午餐時間吃到這種東西 覺得很生氣！

自從離開北京生活之後，好耐無食到令我地懷念北京麻辣火鍋嘅感覺啦⋯⋯ 尋晚難得凍凍地，相約幾個好友一齊試新嘢。大概8點鐘到門口已經排滿人，好彩好友一早已訂位。店內裝修有d中國風，地面舖唔算好大，一入門口已經俾陣陣麻辣香味吸引住。坐低之後經理熱情招待，先送上熱茶，再細心介紹特色嘢食。餐牌上有超多款牛肉可以揀，仲有以前北京食開嘅特色嘢食 - 毛肚同凍豆腐。正！！作為芫茜控嘅我，特別欣賞佢地嘅調料corner，事關佢地嘅芫茜好新鮮，同埋佢地d麻醬雖然厚身，但係食落都好滑。麻辣火鍋當然湯底最緊要，我地點左一邊麻辣（中辣），一邊椰子🐔湯，兩邊都好滿意。麻辣除左辣得夠香之外，仲超級麻，花椒味夠濃。🥥🐔湯夠清甜，d🐔片仲好滑，值得推介。總括黎講，非常滿意嘅一餐，下次一定越多d朋友再食過。😋

早排同L小姐去試咗呢間重慶火鍋，真係好難忘😳😳😳⠀⠀⠀⠀⠀⠀⠀⠀⠀⠀⠀⠀⠀⠀⠀食材新唔新鮮唔重要，雖然好新鮮😝湯料足唔足都唔重要，雖然都好足😝⠀⠀⠀⠀⠀⠀⠀⠀⠀⠀⠀⠀⠀⠀⠀最重要既喺，佢地宜家做緊啤酒節除了指定啤酒會有優惠外，我地到訪當日適逢喺啤酒節開幕😍所以重會有兩位啤酒女專員奉上啤酒😳⠀⠀⠀⠀⠀⠀⠀⠀⠀⠀⠀⠀⠀⠀⠀唔知道之後大家重有無機會遇到佢地，我只知道出咗呢篇食評之後😭😭肯定會比L小姐扭耳仔！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣劉一手主打正宗重慶麻辣火鍋，口味絲毫沒有遷就港人，目前全球已經有過千間分店，遠至杜拜亦有分店，而香港是第988間。店內共兩層，採用復古客棧的裝潢，地下主要是大枱，較為開揚，如果要求多點私人空間，可以上樓😎⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣鴛鴦鍋💲168💭正宗重慶麻辣鍋叫咗小辣😳💭不過依然好麻好辣，但好過癮😂💭湯底好香牛油，用黎涮牛肉一流💭滋補牛骨鍋好足了，牛骨4-5件💭而且有滿滿既紅蘿蔔作陪襯🤤💭湯底好甜，淥蔬菜一流！⠀⠀⠀⠀⠀⠀⠀⠀⠀⠀⠀⠀⠀⠀⠀2⃣牛肉

食物價錢一級，質素是可以的，不過數量少重要連茶水都無要叫蒸餾水訂左7點去到要等都吾緊要 不過同你講因為6點比左張枱人 未食完 火鍋一定係可以一個鐘交枱 幾好食都吾會再去