重慶劉一手火鍋店 (已結業)

今天又食麻辣火鍋 哈哈哈 第一次嚟呢間劉一手麻辣火鍋度食 朋友十級推介 睇下去到底有咩驚喜先 聽講好full booking 我哋九點去到都仲有人排隊 好在book咗位 入到去真係好有中國嘅感覺 用咗好多木去做枱枱櫈櫈 雖然坐得唔係太舒服 但係好有特色 湯底叫咗 小辣嘅麻辣火鍋湯底同埋藥膳椰子雞湯 椰子雞湯真係勁有椰子味 同埋好清 飲落無味精 麻辣就麻畀辣重 過癮 普通配料叫咗午餐肉 響鈴同埋手打蝦滑 蝦滑夠曬彈牙 而且好重鮮蝦味 美國肥牛價錢都幾貴 分量唔大 但係油花好多 牛肉味重 豚肉 夠曬薄切 而且肥肉唔太多 放落麻辣湯一齊煮 超好食 王喉係麻辣火鍋特色嘅配料 放落湯底十秒就食得 勁脆口 不過味道較淡 當然就梗係要落啲索味嘅嘢 索曬啲辣味啦 蜂巢豆腐同紅薯粉就係好選擇啦 紅薯粉索曬啲麻辣湯 真係好有重慶嘅味道 仲encall咗一次添 重頭戲係呢度嘅海鮮拼盤 有超巨型聖子 活躍鮑魚 鮮蝦同埋鯇魚片 真係超新鮮 勁鮮味 最後三個人埋單食咗千七蚊 其實香港嚟講算貴 但係材料高質 湯底正宗 會再嚟食

天氣開始暖番，但都無阻我想去打邊爐既心😆只要有冷氣既地方，365日都打得啦。哩間銅鑼灣打邊爐打工四川過江龍旗號，店內既裝修用上磚瓦同中國色彩既佈置，好有feel呢！黎到店員安排我地上樓上，原來有二層，好大間喎！上到黎友人即刻叫我幫佢影張相打卡先😂 真係瘋狂😂叫左個鴛鴦鍋，要蕃茄同麻辣，辣度有選，揀左小辣，半鍋各$84。一上枱已經聞到一陣辣椒同各種香料既香氣，心諗正呀。本地手切牛肉 $138牛肉既顏色睇得出係好新鮮呀，片片都切得厚度一致，好刀功！放落熱鍋大約10零秒就食得，放落麻辣果邊超正，完全唔洗點醬油，牛肉好林。試埋蕃茄果邊都好好味，蕃茄配牛肉係好美味。水餃皇 $58粒粒都好大，睇落足料，一食肉汁流出，調味岩岩好，非常鮮味，水餃係我最中意既火鍋料之一。鮮蝦滑丸 $58手打蝦滑好爽口彈牙，都好大粒，非常足料！哩間既麻辣湯底個麻度後勁好強呀，小辣對我黎講已經好夠😂 但果種麻永遠係令人上癮嫁！

逛完銅鑼灣，朋友帶我去食新開的人氣正宗重慶麻辣火鍋﹣﹣「劉一手」火鍋。看OPENRICE才知道「劉一手」火鍋是重慶火鍋十大品牌之一。香港銅鑼灣店是第1068分店。火鍋店超大間！聽說面積約6000尺， 裝潢別緻、主要以木製的裝修，充滿古色古香的重慶老街味道，令人輕鬆怡然。當晚，店子外人山人海，但為了享受正宗的重慶火鍋的味道，等一下也在所不惜。對我來說，是完美的豬骨湯底。4至5塊很大條的豬筒骨還是有骨髓那種！我們拿著小匙去「啜啜」豬筒骨裡的精華骨髓。由於不太餓，飲湯底都半飽了！身為「丸怪」的2個小女生點了不少丸類和蔬菜。點了以下：芝士腸、餃子、脆炸魚皮、墨魚丸、魚蛋、龍蝦丸、娃娃菜。餃子幾Impressive。餡料爽彈！大粒又好食。脆炸魚皮：穌脆可口。墨魚丸、魚蛋、龍蝦丸：不是普通超市貨色，粒粒都好好味！

懶洋洋的下午， 和家人做完按摩後，經過銅鑼灣劉一手重慶火鍋， 被店裡飄出來的火鍋味吸引左其實香港真的很少火鍋店是地鋪， 這店裝修很不錯，古色古香的！ 餐廳內的座位間隔算遠， 環境很舒服！ 下午3 點吃火鍋， 大把位 不用等 我們叫了鴛鴦鍋底， 麻辣和椰子雞。 火鍋食材有， 生蠔， 響鈴， 肥牛， 鴨血， 菜， 金菇， 重慶面。 這裡的調味料是自助形式， 牆壁上一罐罐的是重慶麻油， 非常香， 可以一試！ 食材還算新鮮。 鴨血可以再濃味點， 建議煮耐D吸多點味再吃，味道會更加好。 重慶面不錯，很好吃！ Overall , 我覺得驚喜不算大， 食材新鮮，價格中上 。 麻辣合格， 香味不夠。 椰子雞湯底有椰子味，但偏鹹。 值得一讚的是， 服務態度很好很貼心！

My family and I went to a Chinese restaurant called "Chongqing Liuyishou hotpot" (劉一手重慶火鍋) located in G/F & 1/F, Aura on Pennington, 66 Jardline's Bazaar, Causeway Bay銅鑼灣渣甸街66號Aura on Pennington地下及1樓.It specializes in serving authentic Chongqing hotpot.It is very well known hotpot restaurant which has almost 1000 branches globally.The ground floor adapts traditional Chinese style with wooden beams and lanterns.The second floor is decorated traditional grey brick walls, red brick walls.There are

裝修唔錯，各服務員亦客氣殷勤有禮，其中不停做市場推廣既員工亦好落力。第一次黎，食第一輪，630PM~830PM，有少少趕，但出面排哂長龍都明白員工難處。食物水準唔錯，調味料自配幾好。價錢亦係market price.

今次我地一行4人去食既劉一手火鍋好彩算早去, 我地走個陣已經排左好多人睇黎劉一手個名真係唔弱!! 我地叫左個雙拼火鍋正宗重慶麻辣鍋同豬骨火鍋 先講個豬骨火鍋真係唔講得笑入面真係有一隻勁大既豬骨係入面而且D湯係清到可以直接飲!! 重慶麻辣鍋就隔住個MON都聞到好香既辣油味店員仲提我地可以出去拎麻油作為醬汁係佢地自家既品牌倒出黎又香又重麻油味 豚肉片10片豬肉最緊要係煮熟D, 我地落左等佢完全變做深啡色都要1分鐘左右夾起上黎完全冇UN既口感!! 反而吸收哂湯既味道!! 正 醬爆肉丸係入面有餡料既肉丸, 兩種肉既口味撈埋一齊, 口感非常掂!! 蝦滑口感真係同個名一樣, 好滑口!! 而且冇海鮮既腥味煮完後個口感係好爽口的, 點一點麻油吃真係一流 黃喉重慶火鍋點少得特色食品黃喉黃喉最忌就係煮太耐會UN到香口膠咁所以只需要心裡面數20秒就可以夾起 好脆!! 真係好脆口, 加上佢吸收左重慶既辣味真係好獨特既香味!! 價錢唔算貴, 性價比高

豬骨+麻辣火鍋 美國西冷肥牛10片呢度既肉有好多種, 有平有貴我就揀左中價位既西冷肥牛估唔到質素都係高質既只需要放入湯底煮20秒就已經食得將肉點入去呢個麻油入面D麻味出哂黎, 加埋麻辣鍋既味道真係辣得過癮最鐘意係佢麻辣既麻做得好出色成個口KEEP住個隻味 鵝腸呢度既鵝腸算係正常價錢因為佢既份量係非常之大而且一落, 20秒, 佢開始卷就已經可以食得食落入好爽口, 佢卷起既時候會卷埋D辣籽放埋入口真係一陣陣既麻味!! 好正 響鈴每次打邊爐都必叫既響鈴, 呢個就真係唔敢放入去麻辣鍋入面因為驚會太辣!! 落左入豬骨鍋入面, 沾一沾就已經食得半脆半淋既口感唔錯

預早一星期訂位 所以當天來到就不用等位~當晚叫了鴛鴦鍋 分別是麻辣及椰子雞🤤 麻辣湯底的辣度分 大 中 小🌶 第一次來 直接選了中辣🙈 麻得過癮!!!不過 椰子雞反而有點失色 雖然雞湯濃郁 但椰子味不太突出 可以再濃一些~ 這兩款湯底的湯料都很足 值得稱讚👍🏻-團圓鴨血-油炸鬼墨魚滑為防食客把油炸鬼浸泡大久 墨魚滑已預先煮熟~ 我們只需放在鍋裏煮1-2分鐘就可以撈上來吃☺️油炸鬼吸盡麻辣湯的精華🤤讚!!-美國西冷肥牛極力不推薦大家吃 肉質不鮮不嫩 價錢又貴 還是喜歡吃切條牛肉 特別是牛頸脊 比較有口感~-新鮮白膳片-沙鯭魚超推‼️豪邁的把整條魚放進湯裡煮 煮了一會兒 魚肉仍很嫩滑 沒有散出來 味道亦很特別 師傅應該提早把魚加了點鹽調味 以致每一口魚肉我都能嚐到那份鹹鮮味☺️必食之選‼️❤️-紅薯粉劉一手所用的紅薯粉與一般在外面吃的不同 偏幼且呈螺旋形 雖然吃起來會比較易咀嚼 但就是覺得少了點口感🤤-功夫腰花這裡有不同部分的內臓以供選擇🙈 豬腰是媽媽最愛😂口感爽爽的 個人不太喜歡~哈哈~-皇帝菜

我們被編坐在門口，但是當天很凍只有10度左右。大門口是沒有們門的，就好似我們是坐在街邊打邊爐一樣。叫職員幫我地調位，明明有位，但係佢哋都唔幫我地調。成程真係食得好唔舒服湯底不夠味，好淡，連豬骨湯底都好似無味咁樣，而且咁嘅價錢食材都唔係好新鮮好好味，不是中價知高價的食材，而且亦都好細份油炸鬼好梅，響鈴係街市嗰啲響鈴不是即炸的牛肉超薄切到好似紙咁薄尤其是嗰個黃喉（牛喉嚨）祿都咬唔開超硬仲要百幾蚊一碟蔡瀾推介的影真失望

同男朋友同埋佢班朋友,都係愛辣一族,當然要黎試試麻辣火鍋啦!我地叫左中辣,佢個湯底真係好正.夠香,夠麻,夠辣.而且食完唔會有肚痛既感覺.因為好多麻辣火鍋食完舍肚都會唔舒服,真係令人一試難忘

世界各地美食雲集，如果能夠食到正宗當然開心，既可省下旅遊的成本及時間，亦可廣濶眼界。 剛開不久的過江龍重慶劉一手，打正旗號，正宗重慶麻辣火鍋，據說味道、材料及店內之一木一磚皆來自重慶，客人可以全情感受。 甫進店內，風格果然別樹一格，小處見心思。 一方面主打牛之內臓、反其道而行地下攔變上菜，另一方面建議活海鮮配麻辣鍋，認為溫和香辣更可帶出游水海鮮的鮮味。 火鍋湯頭有辣有唔辣，見大部份客人都點鴛鴦鍋，我們亦跟風。 正宗重慶麻辣鍋（小辣） 因為正宗，辣椒及油份皆豐厚，湯頭頗香不過辣，但見到面頭的一層厚油真是有些不慣，既來之，入鄉隨俗，灼肉吃又真香滑！ 龍蝦海鮮鍋  意想不到，龍蝦湯鍋非常鮮甜，並非只用頭殻熬湯，有整只可吃的龍蝦在湯內，怪不得力推海鮮，此湯頭會很夾。 椰子滑雞鍋  以椰肉同熬，椰香味出，可吃雞件不算多，皮包骨的湯料為主，不及龍蝦鍋精彩。 團圓鴨血  麻辣鍋不可缺我最愛的鴨血，一客六件，切成磚塊般厚身大件，黏爽入味過得去。 招牌劉毛肚  心想招牌必要試，毛肚果然是靚貨，清潔上乘，口感非常爽，本身並沒有味，沾了辣湯吃效果不錯！ 老重慶鮮鵝腸  另一款郤

今日姐夫突然唔得閑，我又可以陪家姐去食好嘢，佢哋話好難訂位，定咗就唔想改，今晚我哋去重慶劉一手火鍋店食正宗麻辣火鍋。我未去過重慶，但聽過好多次嗰度啲麻辣火鍋先至最香辣，呢度裝修風格都好唔同，喺度食好有風味。未食火鍋先飲杯冰沙，我叫左菠蘿雪山冰沙，真係好甜好香好好味，跟飲品專門店嘅水準一樣。 叫咗炸重慶酥肉作小食，熱辣辣好酥脆。 全部食晒啦唔得掂，我地點了個鴛鴦鍋，正宗重慶麻辣鍋（小辣）配椰子滑雞鍋，食熱氣野之前先潤下，椰子湯好清甜，先飲兩碗，食啲雞，然後入正題。美國雪花牛肉，牛肉麻辣係絕配，吸收了江油的牛肉拯之滑，本身脂肪都豐富，入口即化，正。跟着試油炸鬼墨魚滑，本身已經熟，出三秒食得，油炸鬼吸汁，麻辣香充滿墨魚滑，很香口。 除了牛肉，我們亦點了豚肉，切得好薄，容易煮熟，同麻辣鍋都好夾。 跟住四款配料一齊上，團圓鴨血、炸響鈴、燕餃、芝士蟹柳丸，各有千秋。 食個再同兩個麵，重慶小麵及出前一丁，大家飽晒！

見到好多朋友都食劉一手po d相見到d餸好吸引，所以黎之前已經睇定menu一坐低即刻畫紙落單!我地簡左鴛鴦湯底因為我唔食得太辣，叫左一邊麻辣小辣，一邊豬骨湯。個辣湯底淨係聞已經覺得好勁，淨係望已經覺得好熱，唔知食埋係咩感覺呢? 我地點左招牌重慶鵝腸、美國雪花肥牛、美國西冷肥牛、鬼馬油炸鬼、響玲、龍躉、墨魚滑、唐生菜、重慶小面同埋讚岐烏冬。招牌重慶鵝腸份量勁多!洗得好乾淨又有冰震住，未見都知正啦!MENU有教煮15秒就食得架喇，好爽口呀食到停唔到口!美國雪花肥牛VS美國西冷肥牛，西冷比較有牛味，但兩者都好食，估唔到連牛都係冰震上!鬼馬油炸鬼店員上菜個時同我地講可以就咁食，我地好肚餓就試左，入面係釀左墨魚架，真鬼馬。龍躉都係冰震上，望到都覺得新鮮，厚薄岩岩好，唔洗煮太耐，魚肉好結實魚皮好有咬口，堅正，$98有6片都算OK!重慶小面成日聽但第一次食，估唔到原來係咁既質地，幾似上海面既幼細版同軟身小小，吸左D湯好好食呀，烏冬都唔錯但想encore小面多D!埋單要$600一個人到，呢到個環境舒適，食材新鮮賣相好，湯底有水準，耐唔耐黎食餐好既獎勵下自己啦!

今晚約左同老公去渣甸街食宵夜火鍋。食9:30！門面裝修都好有特式。Wow, 香港係第988家重慶劉一手火鍋分店， 邁向第1000間呢。呢度既皇牌當然係麻辣火鍋啦。但我地怕辣我地揀左龍蝦同椰子雞湯底， 龍蝦湯底好鮮甜呀！龍蝦當然都好新鮮啦！都有半隻嫁！我地食完肉放返個款落去繼續煲湯！野飲都好多選擇， 我地揀左酸梅湯，酸甜度剛好呀！ 舔料擺放得整整齊齊。我地點左炸魚皮啦，脆肉鯇啦，墨魚油炸鬼同埋雲吞炸魚皮夠薄又脆， 脆肉鯇呢都好厚切，好新鮮！主打就是這個美國雪花肥牛D碟都好有特式。