影片
更多
2018-02-14
227 浏览
最近香港開左好多由四川成都來既麻辣火鍋店，今次同幾個朋友去食重慶劉一手，聽講國內好多分店，終於都來香港開返間，好鬼鍾意食麻辣火鍋既朋友就約左我地一齊去食。咁呢2 日天氣都涼涼地，最岩食辣野！ 火鍋店分2層，我地一上去就見到一大幅牆寫住火鍋既歷史，文言文，言簡意長，好雅緻。 我地點左鴛鴦湯底，有辣有唔辣唔辣既本身想揀龍蝦海鮮鍋，掂知已經賣哂，咁唯有揀豬骨湯鍋。 不過都無令人失望，因為嘆啖湯真係好甜，睇得出落左好多料，栗米真係好好好甜。 配料叫左好幾樣，我最鍾意係： 炸魚皮 : 其實我都好少食炸魚皮，成日覺得佢好乾同好咸，痴住好多粉，但劉一手既炸魚皮比較幼身，非常脆。因為都幾大碟，我地食左好耐，隔左一個小時食都仲係好脆口，唔油膩，一點都不會太咸！ 連我本身唔鍾意食都覺得正。 油炸鬼墨魚滑 : 好多地方都有呢個菜式，唔同既係，佢既油炸鬼墨魚滑上台個彈已經係熟的，可以就咁食，唔洗再淥！ 油炸鬼本身已炸得香口，無油益味，中間墨魚滑又軟又鮮，口感外脆內軟，又係好好食。 如果來淥一淥，就唔好超過5秒，咁樣可以保持油炸鬼既脆口感覺，中間索左湯汁又可以食到豬骨湯底既鮮味。鵝腸: 比想像中大碟，而且好乾淨
最近香港開左好多由四川成都來既麻辣火鍋店，今次同幾個朋友去食重慶劉一手，聽講國內好多分店，終於都來香港開返間，好鬼鍾意食麻辣火鍋既朋友就約左我地一齊去食。
咁呢2 日天氣都涼涼地，最岩食辣野！
火鍋店分2層，我地一上去就見到一大幅牆寫住火鍋既歷史，文言文，言簡意長，好雅緻。
我地點左鴛鴦湯底，有辣有唔辣
唔辣既本身想揀龍蝦海鮮鍋，掂知已經賣哂，咁唯有揀豬骨湯鍋。 不過都無令人失望，因為嘆啖湯真係好甜，睇得出落左好多料，栗米真係好好好甜。
配料叫左好幾樣，我最鍾意係：
炸魚皮 : 其實我都好少食炸魚皮，成日覺得佢好乾同好咸，痴住好多粉，但劉一手既炸魚皮比較幼身，非常脆。
因為都幾大碟，我地食左好耐，隔左一個小時食都仲係好脆口，唔油膩，一點都不會太咸！ 連我本身唔鍾意食都覺得正。
油炸鬼墨魚滑 : 好多地方都有呢個菜式，唔同既係，佢既油炸鬼墨魚滑上台個彈已經係熟的，可以就咁食，唔洗再淥！
油炸鬼本身已炸得香口，無油益味，中間墨魚滑又軟又鮮，口感外脆內軟，又係好好食。
如果來淥一淥，就唔好超過5秒，咁樣可以保持油炸鬼既脆口感覺，中間索左湯汁又可以食到豬骨湯底既鮮味。
鵝腸: 比想像中大碟，而且好乾淨。 淥一淥就可以撈起，好爽口！
龍蝦沙拉: 我放係辣湯底淥，撈起好似粒辣魚旦。食個時要好小心，好燙咀！咬開入面係流心，有沙律同wasabi味道，好正~
食完例牌全身都係麻辣味！ 劉一手既麻辣湯鍋我地點左小辣，香味惹人，小辣來講對我剛好，麻既感覺比較重，食物新鮮、乾淨、精緻，都唔錯！ 希望下次可以食到龍蝦海鮮鍋。
张贴
