醉胡爐 (已搬遷) 新店位置

新年前都是特別忙聚舊，打邊爐是新首選。這個鋪位前的四代都來過，多數是韓國菜，而現在是打邊爐。吃後覺得由其是1蚊的湯底很吸引抵吃。裝修很有格調，感覺乾淨舒服。最喜歡是那些燈，像煙花盛放。龍蝦鍋，$1是的！是特價！咁大個海鮮龍蝦鍋都只是一蚊雞。先上了一個大大的鍋，裡面沒有湯底，但有己斬件的大龍蝦、蜆、海鮮等等。開了火不一會，店員就為鍋注入酒炒香，一陣陣的酒香味令人流口水，突然，侍應一點火，整個鍋子都有藍紅色的火在燒，很漂亮很暖和！之後倒入法式龍蝦湯，蝦殻和蕃茄味道濃郁，飲了差不多一半湯底，店員再refill 先開始打邊爐。牛胸爽，$128先來是我喜歡的牛胸爽。這兒切得較薄身，所以不用淥很久。牛的油脂在咀嚼間一直拼發出來，而吃落去還是有爽口的。椒鹽雞脆骨，$58雞軟骨是小吃，炸後脆口有一直咬的𡁻頭，又炸的夠酥脆，送啤酒一流！ 脆鯇魚腩，$88太久沒有吃真正的脆鯇腩了，很多時寫的是脆鯇，來的是普通魚片或鯇魚件。鯇腩只有6條，但條條都夠粗身。咬下去是彈牙又有魚脂香的。紅薯粉，$28本以為是粗身的，來了才記得紅薯粉都有幼身的。這隻不太好，一下落去就不見了，而食落口會溶掉，像吃啫喱。下次來我還是會點

好耐之前嚟過呢度食，當時食過壽司串燒等等，都覺得幾好食，原來前排餐廳仲推出埋打邊爐，我對餐廳嘅質素都幾有信心，所以都決定再一試！除咗多咗打邊爐之外，餐牌仲保留左原有嘅刺身。三文魚刺身十分厚切，新鮮！生蠔大隻過我掌心，都幾鮮甜。食完刺身生蠔，就準備打邊爐喇！爐未到，先自選醬料，選擇都算齊全。主角到喇！係龍蝦湯底呀！爐入面有一大隻龍蝦，侍應過嚟炒兩炒，勁香！咁仲未夠，之後仲點埋火添！最後再倒入龍蝦湯底就食得喇！珊瑚蚌十分爽口。蟶子好大隻，新鮮。因為今晚唔想食牛，所以淨係點左一碟豚肉。估唔到豚肉都好有肉味，仲有油香，有驚喜！芝士墨魚丸同芋絲，墨魚丸略嫌芝士份量夠多。自家製炸魚皮，一望就知唔係現成貨。大塊脆口，而且仲調左味，無論就咁食定係淥一淥食，都好好味。鬼馬油炸鬼，我知道唔少打邊爐餐廳都有得食，但其實我係第一次食架咋！食落好脆口，我覺得好似炸魚皮咁，淥一淥食好食啲。

身邊有幾位朋友係火鍋怪，次次問食咩都話打邊爐，唯一就係怕打完邊爐成陣味唧。今日約左兩個火鍋怪朋友喺尖沙咀食飯。接近七點鐘，都坐左七成人，幾受歡迎。我地被安排坐梳化位，幾舒適，而且有塊屏風隔住，唔洗同隔離枱你眼望我眼，又播住d輕音樂，有別於一般火鍋店。呢度做緊個1蚊龍蝦鍋底，見人喺fb介紹過，咁唔洗諗啦，一定係點呢個。呢間火鍋店環境、服務同最重要嘅食物都很有水準，有d驚喜龍蝦湯底：有半隻龍蝦、唔少花甲，店員即時會喺面前點火炒一炒，幾有視覺效果。龍蝦湯非常濃郁，比起去西餐廳仲要加錢升級果隻龍蝦湯過之而無不及，我地先飲湯。然後店員再加番d番茄湯，雖然無龍蝦湯咁正，但我都一樣飲左幾碗，淨係飲湯都飲飽火鍋配料我地點左頂級肥牛，份量夠哂大份，砌到好靚，淥一淥就已經食得，好靚。話係安格斯牛，食到好lum身，超正另外我地必定會點蝦滑、丸類，仲揀左個帶子水餃。蝦滑份量唔多，但彈牙感強烈；墨魚滑細粒又爽口。水餃就冇乜特別。仲有點左d菜、鮮淮山、芋頭呢d基本火鍋配料。鮮茄湯底配烏冬走唔甩，仲keep住有龍蝦香氣，好正飲品方面有菊花蜜呀、竹蔗水果d，都幾多選擇。臨走見隔離枱點左個響鈴，睇落好正咁，聽番佢地口吻

北風呼呼的日子， 有什麼正得過坐在爐邊烚下烚下？ 將那熱呼呼的肉， 溫暖著那虛空的胃，真是人生一大快事~ 今日就來到醉葫蘆來個飲飽食醉好了！ 先來的湯底我們選擇了椰子雞煲！ 這裏的椰子雞煲做法非常特別， 先用清酒炒香雞件， 然後再淋上大㕑秘製以椰漿做的湯底， 另外還會將一個新鮮椰青水倒進同煮。 在煲蓋打開那一刻， 香味就好似原子彈般噴發出來， 而且雞肉食起嚟特別嫩滑， 果然冇介紹錯和坊間一般椰子雞煲係好唔同喎！ 愛吃牛肉的我和老公仔， 喜愛的程度以達至牛魔王級， 打邊爐當然要食啦！ 這裏選擇頗多一時花多眼亂， 就決定揀葫蘆牛拼盤啦！拼盤有齊5款牛，一口氣試勻，包括牛舌心，金錢展，極上手切肥牛，日本和牛，牛柳粒！ 不過造價368元的拼盤， 分量好像有點偏小， 而且不得不清讚一下師傅刀工一流， 竟然可以將牛肉切到咁薄！其實食落係好食嘅， 牛柳粒爽口彈牙一啲都唔會韌， 和牛入口即溶， 牛舌心亦都非常爽口。 可惜份量不足以令我有更深的體會。 另外還點了墨汁墨魚丸， 這款墨魚丸和平時食到有少少唔同， 感覺有點像手打墨魚起膠再製成， 張手工新鮮製作， 所以食起來特別鮮甜！ 另外

早上星期，見到有朋友喺呢間餐廳打卡，大讚此火鍋店正正子，又話椰子雞煲一流，睇完之後都好有興趣，細問之下，知道係呢間醉胡爐出品，諗番轉頭，我都曾經同朋友去過品牌旗下嘅胡爐，亦覺得相當出色，頓時信心大增相約兩位朋友見面，講起上來，我地四個對上一次都係食火鍋，哈哈，火鍋果然係一年四季都啱食，由於係週日，加上餐廳最近做湯底優惠，我地先行預約，更穩陣。黎到嘅時候六點鐘，剛開門不久，唔講唔知係火鍋店，感覺好似日本料理同西餐廳嘅混合，格調高級，環境相當舒適。座位以上座為主，每枱以屏風相隔，較為私隱。除左火鍋，其實佢地仲有供應串燒、刺身，所以都有吧枱位置，我地坐嘅四人枱剛巧可以見到師傅燒烤，很吸引。餐牌選擇多樣，湯底有超過十多款，比較常見嘅沙嗲、豬肺、四片川麻辣等都有，定價$88-148，但香港人對於火鍋湯底嘅要求愈黎愈高，呢度都有供應用上貴價食材嘅湯底，例如蟹鍋、花膠雞鍋、龍蝦鍋等，定價$268-368。另有原條魚刺身、肉類、丸餃滑類、小食、海鮮、蔬菜、麵食等多款火鍋配料，原本以為消費頗高，可能因為湯底太優惠，不料都係食左人頭二百五蚊左右，抵食啊仲有唔少點餐優惠，好似$98嘅象拔蚌刺身我地都未試。醬

醉胡爐係尖沙咀金巴利道街尾，三角公廁前少少。生意都幾好，可能呢排天氣凍，八點零鐘果時full house，黎食book左位先好啲。記得以前系食fusion西餐/ 意大利茶/ 日本菜，而家就索性做火鍋，價錢合理，選擇都okay多。刺身拼盤 (二人份): 刺身整體黎講都幾新鮮，連魚都幾有鮮味，唔會淡而無味，蝦肉幾爽口同鮮甜。雖然幾好食，但始終都系要擺鋪冰先keep到冰凍而爽滑既質感。卜卜蜆鮮蟹鍋 ($298): 呢個鍋用左好多蜆，最少有成五十隻以上，食極都有，基本上最後都食唔曬。蜆肉鮮甜，無沙。而隻蟹有肉之餘，仲有少量膏，都唔錯。店員會即時系顧客面前用酒爆香，先加上魚湯煮湯底。奶白色既魚湯用梳羅魚煮成，識食既人都知用呢款魚煲出黎既魚湯系非常非常鮮甜，加埋大量蜆同埋原隻蟹，成個湯底系超級鮮。所以系食之前，真系要喝返幾碗湯先。手切頂級肥牛 ($188/小): 話明肥牛，脂肪比例都唔少，但系同時油感好重，油香突出，但牛味都香濃，呢款都算抵食。想特別既，佢仲有啲牛拼盤，但要人多少少先適合。牛骨牛汁丸 ($44/半份): 呢款丸真系世界級，爽彈果啲唔再講。特別既系成粒丸落左勁多牛骨牛汁，一路食一路滲

呢排冷鋒襲港，每日都係得幾度，真係冷得我騰騰震呀~天寒地凍點算好？唔通要學古人鑽木取火取暖咩XD Come on 大家身為現代人，就緊係打邊爐啦！！我同男朋友不約而同地講明今日晚餐一定要去打邊邊，所以就黎左醉胡爐~~我地首先叫左三文魚刺身（$48），雖然凍冰冰，但我地好肚餓，刺身快上枱可以頂住肚先XD雖然平平地$48，但都有六片，而且仲要好新鮮肥美~~打邊爐方面，由於我對海鮮敏感，於是湯底我地揀左鮮椰青雞鍋（$268），職員先用加少少酒用火燒下d雞，之後再倒一整個椰青水落鍋做湯底。雞肉夠鮮嫩，湯底好清甜，一流！安格斯手切肥牛-大（$298），打邊爐點可以冇肥牛呢？d牛肉脂肪分布均勻，烚耐左都係好滑溜，而且份量都好大份！秘製蝴蝶腩（$108），呢個係我男朋友食，佢話夠鬆軟醃得好入味。頂級香菇貢丸-半份（$44）菇味十足，啱曬我呢個食菇獸XD麻辣牛肉餃-半份（$44）麻辣味夠強，好惹味！手拍黃瓜（$48）個汁層次豐富，令平平無奇嘅黃瓜變得特別好食！蔬菜拼盤-小（$48）同金菇菜（$48），我打邊爐一定要菜，呢到嘅菜都夠新鮮！飲品叫左酸梅金桔蜜1L（$78），打邊爐咁熱氣，飲完又解渴又下火！

香港愈來愈多高級火鍋店，醉胡爐係其中一間，餐廳應該開左吾耐，呢度既環境好高貴、燈飾昏暗，好似食緊西餐咁。有超多款湯底選擇！我地揀左龍蝦鍋 $1！！好抵囉！真係難以置信😳 店員上鍋時，加上白酒，即刻產生烈火，好搶眼呀！而隻龍蝦仲要吾細隻架，都有好多肉食，店員叫我地先品嚐龍蝦湯，味道好濃郁呢！之後加湯會係蕃茄湯，都好好味❤️芝心墨魚丸 $988粒好滴色，墨魚丸好彈牙！！自家製韮菜餃 $88 堅係皮薄餡靚！好香韭菜味呀！好好味🤤🤤自家製炸魚皮 $58 比起平時食既大塊呀，非常鹹香，好正！聖子 $96 好大隻，好鮮甜呢🤤油麥菜 $48 最中意打邊爐食既菜💕豬潤 $68 好嫩滑wo, 高質呀，又健康，冇揀錯呀。野生竹笙 $88 好爽好好食，吸晒湯底，咬落去會爆汁😁稻庭烏冬 $28 完結之前必食的，仲要係稻庭烏

It’s so cold these day therefore the hotpot restaurants are all very packed. Tonight I went to this restaurant which originally served Japanese food but now they served hotpot as well as the weather is cold. Coconut chicken hotpot:The staff recommended us to try out their new coconut chicken hotpot as they used special ingredients for it. Firstly, they fried the chicken with the coconut in the pot then added a whole fresh coconut juice into it. After that, they added the special milky soup whic

凍到儍，天文台話今日有七度，但唔知點解我覺得冇。約左friend 食飯，响街口等左幾分鐘已經變成冰雕。然後除左打邊爐，我諗唔到其他野食。 我哋沿着條食街打算一路行一路搵，冇幾耐就見到一間好似唔錯嘅火鍋店，即入了，再留喺條街度會凍死。呢間餐廳可以食火鍋、刺身同串燒，名叫醉胡爐，會否用酒底打邊爐？睇下張火鍋單先！湯㡳都好多選擇又特別，火熖龍蝦海鮮鍋好似幾吸引，四格鍋又好得意，卜卜蜆鍋以前响其他店食過都正喎，不如再 encore ? 响大家仲十五十六之際，聞到好香的椰奶味，即刻 feel 到好肚餓，香味原來係隔幾張枱後面轉來的。再望下菜單應該是鮮椰青雞鍋，一於試佢啦！過左冇耐，師傅仔就端上一個銅鍋，打開一睇原來裡面有半隻鮮雞，仲有D椰子肉。師傅加左牛油，炒起上嚟好香。差唔多到熟咗一半嘅時候，師傅加入少少酒，然後點火燒紅佢，未食都覺得好有氣氛。然後加入一個鮮椰青水，煮煮佢之後，再加入自家特製嘅調味椰奶。一路煲一路聞到好香椰奶味，唔怪得我哋頭先隔住幾張枱都聞到佢嘅香味。師傅仲話啲湯好得，提議我哋點都要飲番幾啖試吓。試咗味道好清甜，有中式老火湯嘅濃郁，又有西湯嘅香味，椰青雞飲落又有少少泰菜feel

前幾日一行六人到醉胡爐打邊爐。呢間野既邊爐既湯底吾係大路野，而亦吾係得邊爐可以食，所以好啱我吾想清一色只打邊爐既胃。除左邊爐佢地有刺身同串燒，一品料理個D，都係行高質素既，係打邊爐前我地為左過下口癮，點左幾款不同串燒，全部即叫即燒。雞皮脆口夠熱油膩，牛舌厚切爽口好有水準。叫左鹽燒雞翼同炸芝士釀雞翼，各有各好食，但個人喜歡鹽燒多D因為原汁原味。另外有叫燒白鱔，估吾到一D都吾腥，仲好脆口。另外叫左兩款炸物來打邊爐，吾少得炸魚皮，超薄脆又熱辣辣，浸湯食或就咁食都惹味。而另一款就係叫做老友鬼鬼，係墨魚膠釀油炸鬼，幾特別，口感吾錯。湯底就係好特色既火焰龍蝦海鮮煱，店員先捧來一鍋入面有龍蝦海鮮既鍋，然後加白酒點火炒一炒海鮮，再加入超濃郁既龍蝦湯，個湯滾起後我地邊食海鮮邊飲湯，真係超正，海鮮同龍蝦食得出都吾係雪藏貨，所以個湯甜到不得了。配料吾少得肥牛，我地叫既係安格斯手切肥牛，同西班牙黑毛豬豚肉，聽句個名靚野，黎到既質素都係一致既。其次我地都叫左好多吾同既配料，雖然都大路，但質素吾曳，亦好新鮮，而且我覺得咁樣配龍蝦西湯黎食，又有另一番風味。

男朋友想食火鍋？女朋友想食日本野？點解唔可以兩樣都食呢？今次去的呢間餐位於尖沙咀，如果係紅磡理工大學行10分鐘到就到架啦。今次除左叫左個龍蝦湯底去打邊爐外，更叫左少量日式料理。當中就會以做緊特價的法國時令生蠔作呢餐飯開始，生蠔鮮甜又厚肉，size仲要唔細tim！ 心底裏好想叫半打(笑)，不過都係留肚食火鍋為上策。另外，我們都叫了一些串燒，當中包括和牛舌心、黑豚肋肉及鹿兒島黑豚腩肉。三串串燒都燒得好香，當中我最推介的是黑豚肋肉。豚肉燒得非常香口，但入面唔會乾。到了火焰龍蝦海鮮湯出場了！職員先炒香龍蝦及蕃茄洋蔥等配料，然後加入少量的酒，令到配料直接用火炒熟。之後職員就加入超級超級超級濃郁的龍蝦湯，等個湯滾了後，大家就可以先飲碗湯，感受龍蝦的精華。特別一提，當火鍋湯底煲到就來無水時，職員係會再添龍蝦湯，讓龍蝦的精華不會流失。火鍋配料方面，我們叫了一份炸魚皮。魚皮炸得又鬆又脆，佢表面仲加了少許調味，令魚皮單食一樣掂。另外見到我OpenRice的師兄師姐推介芝心手打丸，所以我都叫咗一份芝心墨魚丸試下。果然墨魚滑夠彈牙，芝士又拉到絲，整體來講都唔錯。唯一要挑剔的係，粒丸再大粒d就好了。手工雲呑及水