醉胡爐 (已搬遷) 新店位置

補祝父親節 在Openrice 隨意挑選 見人均消費滿二百 就有免費龍蝦鍋 即管試佢一試。麒麟一番榨生啤 不錯。一開始未齊人配啤酒小食1.椒鹽雞脆骨 正；2.椒鹽豆腐 普通。龍蝦即場炒熟，再加入龍蝦湯，湯滾，先飲湯同食龍蝦。堅鮮甜好味。之後加蕃茄湯打邊爐，一樣好味其他火煱料 新鮮，魚生 刺身 正常水準。食物質素不錯，但價錢偏貴，晚餐人均消費 HK$480。

見到有推廣火焰龍蝦海鮮煱既活動，就打黎book枱試下～ 驚喜既係，由訂枱到入黎食飯，全程既接線生同服務員都好有禮貌食材好多元化，除左打邊爐外，刺身、串燒都應有盡有！天氣熱辣辣，我同老公坐低即刻叫左生啤同生蝦刺身先，生蝦肉好厚身，好鮮味👍🏻跟住主菜火焰龍蝦煱黎啦！服務員係你面前用牛油炒香個鍋底先，海鮮香味已經涌曬出黎！根手淋d酒落個煱度再點火，真係見到都口水流～🤤 之後服務員將龍蝦湯煮沸左叫我地飲湯先，超好飲，好濃既蝦味，但又唔係出面好傑果種！其他火鍋料都新鮮既，呢度唔多講啦～ 不過個香桃雪葩好好味，個質感好軟，唔似出面有點雪葩好似食冰甘......呢個係好香桃味，食左甘多野清一清口腔感覺好舒服!贊👍🏻 會再黎！

和朋友慶祝生日，選了火焰龍蝦湯，此湯底有特色及非常好味，在我們面前親自烹煮，龍蝦湯味濃，海鮮新鮮。牛肉油脂豐富，肉丸彈牙，食材選擇多選擇，招呼熱誠，我們過了一個開心的晚上。

地點寧靜，高質素的食物，環境優雅舒適，地方寬闊，有沙發座椅卡位，像西餐廳般的昏暗格局。叫了胡爐四格鍋(芫茜皮蛋，番茄，沙嗲，麻辣)味道不錯，每種湯底都有少量配料，麻辣湯越滾越辣送的火焰龍蝦海鮮火鍋(價值$368)既然是送，都唔期望有龍蝦肉食都有隻鉗同蝦頭既，但這個鍋的龍蝦蕃茄湯我挺喜歡的，火鍋料新鮮但黃金墨魚丸，朋友們都覺得問題不在於墨魚，而係個夾心餡，一咬開好臭，食真啲先知係鹹蛋黃，唔討好其實侍應們服務態度不錯，不過會經常唔記得野😓1.6人枱，分3次叫先攞齊柸2.啤酒嗌3次先記得攞3.湯底refill叫2次4.筷子叫2次5.飲品追咗共2次分別叫左3渣(但竹蔗茅根鍾意就一粒冰都冇，一係啲冰多到佔樽的一半😅😅)希望下次員工們記性會好D因為嗰日客量已經不算多火鍋和環境真的不錯如果服務質素這樣便很可惜

全晚吃了好多東西，我最推介的是原隻波士頓龍蝦煲。龍蝦和大蚌在你面前煮，加入白酒抄香，香氣撲鼻，抄香後加入 足料龍蝦湯。紅色的湯頭，非常濃稠，是那種用足料龍蝦和海鮮煮成的湯，遠遠已經聞到龍蝦的香味，新鮮龍蝦起碼2斤重，蝦蚶淡淡肉，一口蝦蚶一口鮮甜龍蝦湯，喝完一碗立刻想再喝另一碗。再試試大蚌鮮甜肥美，新鮮來貨靚，再喝一口鮮龍蝦湯，口中充滿海鮮的甜味。喝完湯，叫碟和牛，油花平均，一級的牛肉放入鮮龍蝦湯 煮8秒，不多不少，牛肉入口即化，牛油香味配合龍蝦的鮮，一試難忘。還有其他美食令人回味無窮，我會再來。

第一次寫食評！一路都聽好多朋友介紹過，就係次次都無機會去試，琴晚終於可以試一次，火焰龍蝦鍋堅係好食，好濃味！食物方面都好新鮮！老闆見我地一行16人，都好識做，醒咗我地食甜品。最後人頭計都係5舊水。大佬呀，今時今日依個價錢比返依個水準，好有交代啦！最好係食完都唔會有成身打邊爐味，又唔會要勁飲水。好好！有機會一定要再試試！另外，佢嘅牛肉同丸都一定要試下，係好有驚喜。要彈一下，係上菜慢咗一點，可能成晚好爆，我地又坐二樓。建議坐地下果層會好點。

服務好细心！龍蝦火鍋湯底好味道！海鮮新鮮！肥牛又正！自製響鈴好食！《水信玄餅》更是一試難忘！從未見過這麼漂亮，名字味道既特別的甜品！真的要放首詩紀念一下！水晶玲瓏花中透信守君子齊聚頭玄妙胡爐味果腹餅畫充饑確沒有

The service was great👏🏻👏🏻. The staff brought us to cozy sofa seats. Foods were efficiently served with very high quality. I was a bit of surprised when they lit the fire🔥 and stirred the lobsters inside the pot. The waiter also reminded us to take a sip of the broth. It’s heaven!!!! The beef was amazingly tender after cook and the truffle dumplings also tasted wonderful. I am not a durian person, but if you are a fan of it, you may not want to miss their specially made deep-fried durian dessert.

第一次與舊同學到呢間食店，入門囗以為去左酒吧，入到房只見火煱用左銅盤，很有懷舊風味，服務員樣子鬼馬，很有親切感，至於食物至愛生豪夠肥美，牛肉脂肪分佈似幅抽象畫，難得不是主力的甜品更有驚喜，又係藝術家大膽創作，賣相根本估不到係咩，真係試過先知係好野，因為甜度適中，啱男士，但女士還可加甜，非常細心，下次可約另一班飲食達人試試。

這間店舖 裝修得很華麗，有點高級的感覺， 現在他們午餐也有。 這樣就試一試他們的午餐。 記得初初開幕時， 他們的午餐係包埋 出便可以攞的沙律，湯，飲品， 但現在食主餐以外就要加20元。先有 可能係公司政策優惠已過。 今次加廿蚊都冇所謂， 出去攞沙律， 其實選擇不多 ， 有一盤生菜客人攞到底，沒有了 ， 等咗十分鐘先有人出嚟 補充。不過坐低到主餐上枱，等候了30分鐘， 原來問待應是漏咗單，oh, 他們見我們檯面只得沙律，主菜又等了很久，沒有主動行埋嚟問我們， 呢點希望他們多加留意， 大家也知道時間好寶貴。 最後來了午餐， 我同朋友是一齊叫魚的， 蝶魚我都冇心機影， 因為一碟好大舊魚，一碟好細舊魚。 相差非常遠， 魚的味道一般， 食得不太好的一餐

香港人最喜歡就是打邊爐，火鍋店到處都是，但並不是間間也屬有質素的。這次來到尖沙咀的醉胡爐，地點較為隱蔽寧靜，吃的都是較高質，環境亦更加優雅舒適，有別於一般的火鍋店。一進去，見到一盞盞圓形大吊燈，地方寬闊，樓底高，有沙發座椅卡位，有格調，像西餐廳般的暗暗格局，外面完全看不出是間火鍋店。天氣很冷，最期待吃熱熱滾滾的食物，湯底選擇有好幾款，不過最近較乾燥，不如來個滋補養顏的火鍋湯底－鮮椰青雞鍋。服務員先端上一大盤調味醬汁，供食客調配自己喜好的蘸汁，然後不久後服務員就拿了一大鍋雞肉、椰肉及湯汁，開火炒香，慢慢加入醬汁及清酒，燃點火槍熊熊大火立即頓燃，雞肉炒得很香，最後倒入椰水及湯，成了這個湯底。服務員先為我們各人呈上一碗湯，椰肉配上雞湯，味道香濃的椰子的清香，雞肉滲入淡淡的酒香，肉質頗嫩滑，湯頭鮮甜。看完這場表演，待湯全滾後，火鍋開動了。點菜單選擇頗多，除了基本的火鍋配料、肉類及海鮮外，還有熟食冷盤刺身。首先滾熟蔬菜，新鮮菜葉浸在湯裡帶點椰香，不用點醬汁更能吃出鮮味。海鮮點了大隻桶蠔、新鮮薄切魚片，不會很腥，魚肉挺嫩口。魚蓉麵很特別，自己按喜好擠出魚蓉份量，長長的就如麵條般粗粗的，不過比麵條更

平時打邊爐所有人都會諗起去旺角，但今日介紹嘅呢間邊爐係位於尖沙咀。雖然最近少咗時間打下食評，但回想起總有幾間必須要Recap番介紹下。醉胡爐位於尖咀柯士甸路，前排做緊1蚊椰青雞湯，所以就去咗試。個人覺得食物種類都算多，除咗火鍋野之外，仲有刺身同小食選擇，但我嘅建議係都係專攻火鍋。因為專心啲睇，同朋友夾錢食都可能食嘅種類都唔多。所以稍後我會推介幾款我覺得必食嘅食物。首先講下湯底，雖然做推廣1蚊椰青雞湯，但一啲都唔hea，侍應放齊湯料兼準備埋雞煲，即場整湯底好似特別表演咁，唔係得個樣，湯底煮好後真係非常清甜仲有微微saka酒嘅味道，就咁嘅湯底，我同行嘅朋友都盛咗幾碗齋飲湯。整完醬料，野食物陸續登場，有一個鋪內嘅隱藏安排，係必須一讚，我地都不其然地發現食物有依序上菜，由於肉類會大大破壞湯底嘅味道，所以肉類係較後期先到達。就依我所講，所以一開始分別都係：冬瓜片、雙拼餃、雙拼滑、蔬菜拼盤、午餐肉、白鱔片、冰豆腐、芝士腸等等，份量如照片一樣，大家可以自行參考下需要再柯打。湯底其實真係好夾，冬瓜片、冰豆腐等等非常入味，另外又唔會令人覺得好漏，岩岩好。食到咁上下，胡爐牛拼盤同胡爐豚拼盤雙雙到齊，大家同

身為火鍋愛好者既我，得閒就會去試下新既火鍋餐廳，今次就上網搵到呢間醉胡爐，一試佢個特色湯底，未去個時已經諗定咗係要鮮椰青雞鍋。可能因為book咗位既關係，可以有間房仔坐，無其他人望住食係會輕鬆啲。唔講咁多直入主題，一開始會有員工係大家面前快炒個雞鍋底，中途加入酒時係幾精彩，成件事已經令我覺得好香好好食。不得不提，個火鍋勺設計得好好用。個湯底好好飲，清清甜甜有淡淡椰香，碌下嘢食，自自然然又會想飲一啖，冰豆腐索哂啲湯底，變得更加好食。手工餃子同手打丸都整得非常好，手打丸夠彈牙。因為咩肉都想食，所以分別叫咗豚拼盤同牛拼盤，黑毛豬特別香濃，而和牛好出色，入口即溶，所以再追加咗一份和牛，食個夠。總結，打邊爐個湯底真係會令所有食材都加分，下次嚟個時會再試下其他湯底。而且環境都幾舒服，無咩壓迫感，值得再一試。

到柯士甸小路覓食，看到了吃過多次的舊相好作出了一個重要而特別的決定，請看下圖！以往只賣西日Fusion 料理的醉葫蘆，竟然推出火鍋，而且是震撼價HK$1.00 一個火焰龍蝦海鮮鍋，要知道這葫蘆今次賣甚麼，當然要點一份來探過究竟。鍋送上時看到有半隻波士頓龍蝦，還有蕃茄和大蜆，用的是活龍蝦，送到我們面前時蝦肉還在躍動。海鮮先在咱們面前輕煮，放酒後燃點火焰，最後灌入龍蝦湯。這個湯底在食客面前即席制作，用料豐富，還有着廚師勇於創新的心思。在未吃火煱配料前先喝上兩口湯，味道濃郁甘香，跟在西餐廳喝到的味道一致。龍蝦、大蜆等都是有水準的靚貨，吃過這鍋後，如果下回我再到醉葫蘆火鍋，相信這湯底會是不二之選。通常吃火鍋中尾段才會追加響鈴，因為湯在那時候方夠濃郁。這湯底本身已經濃郁夠味，響鈴一到馬上放入浸泡吃之，響鈴造得香酥，體積是吃過中最大的，有如4-5歲小孩前臂的大小。香酥的炸雞軟骨是佐酒佳品，葫蘆畢竟是以西日fusion 為主的餐廳，這小食水準相當的高。其他火鍋配料亦什有水準，鵝肝蝦丸墨丸有着鵝肝流心，蝦及墨魚滑相當新鮮，配合起來甘香彈牙。牛胸油這火鍋佳品並非每家火鍋店有售，爽脆兼且有着豐盛油香。牛肉

天氣開始熱，要捉緊冬天既尾巴，拿拿臨去打多次邊爐！今日來到醉胡爐，表面係打邊爐，但原來都係一間酒吧，難怪可以醉住甘打邊爐。同行友人唔想食辣，所以叫左個椰子雞煲，再叫啲小食。沙爹醬值得一讚，非常香另外我地加錢叫左清酒同象拔蚌刺身清酒- 酒精味唔太濃，味道偏甜，女生都容易入口，不妨一試象拔蚌刺身- 非常新鮮，爽口彈牙，完全無腥味。份量都幾多，加98蚊就有得食甘大份真係幾抵。另外叫左個小食椒鹽海蝦- 黎到已經聞到陣陣香味，成隻炸到非常香口，用黎送清酒真係一流。而且非常入味，可以成隻連殼食，真係一食停唔到口！黎到重頭戲-椰子雞煲估唔到個湯底甘足料，成隻雞上！心諗食完呢煲野都可能飽飽地！估唔到食之前仲有得睇表演！職員將雞放入煲中用牛油炒香，再點火，嘩，著晒火，立即聞到好香既奶油及鮮肉味。打個邊爐者，湯底使唔使甘有誠意呀？脆鯇魚腩- 非常新鮮，爽脆，點滾都唔散，而且大大件，又無骨，最岩我呢啲懶食魚既人黑松露餃- 黑松露味濃，但好易滾散，一家要用個湯喝兜住滾胡爐豚拼盆有4款唔同豚肉部位黑毛豬豚肉- 厚切，好似滾緊肥牛甘，好有肉既鮮味豚肉眼根-粉粉地，成日以為唔熟，但完來口感就係甘豬頸肉-點滾都甘爽脆