醉胡爐 (已搬遷) 新店位置

前幾日一行六人到醉胡爐打邊爐。呢間野既邊爐既湯底吾係大路野，而亦吾係得邊爐可以食，所以好啱我吾想清一色只打邊爐既胃。除左邊爐佢地有刺身同串燒，一品料理個D，都係行高質素既，係打邊爐前我地為左過下口癮，點左幾款不同串燒，全部即叫即燒。雞皮脆口夠熱油膩，牛舌厚切爽口好有水準。叫左鹽燒雞翼同炸芝士釀雞翼，各有各好食，但個人喜歡鹽燒多D因為原汁原味。另外有叫燒白鱔，估吾到一D都吾腥，仲好脆口。另外叫左兩款炸物來打邊爐，吾少得炸魚皮，超薄脆又熱辣辣，浸湯食或就咁食都惹味。而另一款就係叫做老友鬼鬼，係墨魚膠釀油炸鬼，幾特別，口感吾錯。湯底就係好特色既火焰龍蝦海鮮煱，店員先捧來一鍋入面有龍蝦海鮮既鍋，然後加白酒點火炒一炒海鮮，再加入超濃郁既龍蝦湯，個湯滾起後我地邊食海鮮邊飲湯，真係超正，海鮮同龍蝦食得出都吾係雪藏貨，所以個湯甜到不得了。配料吾少得肥牛，我地叫既係安格斯手切肥牛，同西班牙黑毛豬豚肉，聽句個名靚野，黎到既質素都係一致既。其次我地都叫左好多吾同既配料，雖然都大路，但質素吾曳，亦好新鮮，而且我覺得咁樣配龍蝦西湯黎食，又有另一番風味。