酒鍋 (V Point) (已結業)

二百幾蚊任食仲有海景睇，原來都唔難有，去銅鑼灣買野順便上黎lunch極方便。叫左$248一位嘅任食套餐，有日本黑毛豬腩肉，走地雞脾肉，美國極上牛肩胛，台灣空運鴨血，加左$80要4格特色鍋（台灣麻辣、潮州沙嗲、蕃茄洋蔥紅蘿蔔豬展、胡椒豬肚花膠鮮雞湯），四格嘅味道各有各香濃好味，而且湯料十足，值回票價！半自助形式自取嘅只有醬料同飲品，其他都係落單形式。飲品有幾款，我覺得我呢個羅漢果菊花都唔錯，中和麻辣又清熱氣。套餐內同order紙嘅食物係任叫，包括丸類、菜類、粉麵類、小食類、仲有甜品好似各式芋圓咁，挑戰大胃王！最鍾意食萵荀同刀削麵，一個爽要個滑滑彈牙，好味！呢度嘅view以價黎講超讚，放假黎食個lunch確係爽哂！

未入去坐之前個待應已經串串貢。之後成程食飯好似受佢氣咁，佢放低啲野食一句野都無講過，除左入來串我地果下之外真係一句野都無講過。有個鐘比人禁叫待應來，但禁完都無人來，有咩事真係要睇準時機大叫叫人來。成個地方比我既印象係好油好污糟，個電磁爐上仲可以見到上一手食過咩，張點餐紙貼到張台都「炸炸」聲，feel到好油。啲餐具同大部分野都係木造，但啲木睇落去好污糟，用起上來好似仲有半濕咁，如果用木造既野餐具我expect完全乾曬先比下一台用。仲有台上面既紙巾座，都用到差唔多爛曬，但左貼右貼啲膠紙😅都唔知啲紙巾乾唔乾淨...個廁所都唔特別乾淨。仲有好多地方出現好神奇既布遮住啲唔知咩野。最尾我見到個待應清潔張台時搵張紙巾抹兩抹就算，然後拎走個湯匙，但掛湯匙果個位抹都無抹過就掛左一隻（應該是）新既湯匙上去？！🤮食物既水平對唔住個價錢，牛無牛味，羊無羊味，唯一算係有味既係啲麵...得啲麵粉味。湯底算多料，但真係可以無咩味...通常啲湯係越煮越入味，但個湯可以到最後都無味😅叫左杯竹蔗茅根，雖然無叫話要凍/熱既，但都唔expect係常溫。賣單每人444，真係唔好意頭，呢個價錢唔算太貴，但呢度既服務（受氣）、食物

以前同過朋友食酒鍋，仲記得人均快$500，都幾貴！以家見有午市，就揀左呢間有維港景嘅試下。午市有幾個餐揀，當日揀左個貴少少嘅$238，最平好似$68咋。揀完湯底就出左去自助吧拎野飲同醬料。雖然紙仔有得揀野飲，但應該係自取，我地落單都無送上黎。當日有竹蔗茅根、菊花羅漢果茶、紫貝天葵，仲有啲珍珠。偷聽到店員話$108以上既餐仲包啤酒任飲除咗火鍋料，仲可以叫台式小食，我地叫左臭豆腐、鹽酥雞、蚵仔煎。可惜唔夠熱，每樣都微溫，最好食係臭豆腐，索左麻辣湯；蚵仔煎即係蠔餅，都OK，但凍左。湯底黎啦，揀左酸菜白肉湯同沙嗲。暫時未係香港食過好好食嘅酸菜白肉，呢到嘅酸菜我嫌太溫和，唔夠酸；沙嗲都唔算好濃，但都有d花生香。餐廳會自動上曬套餐嘅肉，岩食再encore。鳥籠上陣，影相都幾靚。surprise有鴨血，可惜我地無揀麻辣湯。幾款中最鐘意雞肉，雞肉嫩滑。叫左好多款配料，最好食係台灣腸同魚皮，有款黃金魚丸好啱咸蛋黃fans。雖然呢間未必係最抵，但睇返平日單點個價，就會覺得cp值相對高。加上餐廳位置唔錯，當日個景都好靚！行過可一次。

2大1小食左$1200， 完全食垃圾既感覺3百幾蚊既湯底同水一樣， 個名懶係勁， 得個名， 冇味既野食更加唔駛講， 物非所值， 完全係幾十蚊任食質素， 收我甘既價錢比啲甘既野食我， 永冇下次

新年過後，好友約食飯，剛諗起同事話前幾日食過間好正的火鍋店，咁就約去試吓！店鋪位於尖沙咀天文台道，店內裝修設計得很寬敞，坐位舒適；餐廳係台式火鍋店，標榜90分鐘食到飽……收費分別為$108、$118、$148、$178 及 $238五種。湯底有十款選擇，我哋先揀咗黃金美人鍋湯底（即胡椒豬肚花膠黃金雞湯）個湯底已經好好食！大大舊花膠，口感剛好的豬肚，嫩滑的雞肉真係唔錯！由於過新年時逗咗唔少利是，我哋決定食好D！揀咗最貴的$238套餐，餐廳先來四個小食，有雞皮炸得好香脆，關東煮好入味，柯仔煎很鮮，最好味係糖醋骨，酸甜味適中又有口感。主菜用一個雀籠型裝住上；有黑毛豬……肉質juicy又嫩滑，牛肩甲就無得輸，油脂分佈清晰，入口即溶，牛味濃郁；鴨血有口感，雞腿肉好嫩滑。仲有好多火鍋料任食，我哋叫咗牛根丸、炸魚皮、菜及黃金魚丸；魚丸裡有咸蛋黃好特色及好味。最後唔少得女仕至愛的甜品，台式芋㘣煉奶冰及蜜瓜奶冰，真係好好味呀！整體覺得餐廳用料尚盛，食到飽飽又好超值！真的是有平、靚、正的感覺，勝過好多火鍋店，可以再約朋友來食！

今日去了銅鑼灣，同朋友食火鍋放題！今日去左V Point 27 樓"酒鍋"我們選了$238食到飽日本黑毛豬腩肉走地雞脾肉usa 極上精選牛牛肩甲肉台灣空運鴨血好多不同的火鍋料有餃子，魚皮餃，各種不同的丸，菜......丸的種類特別多，有不同的包心...金沙...栗米......我們選了喇沙海鮮湯底，海鮮湯底內面有兩隻蝦。湯底小小辣，好開胃！飲品可以出自助吧，自己拿，有四個不同口味。甜品有蜜瓜冰和練奶芋圓冰

嘩！前兩日去咗銅鑼灣呢間酒鍋，雖然係任食火鍋，但未食過質數咁差，幾十蚊XX嘅套餐火鍋仲好過佢多多聲，湯㡳超咸，肉就懶過花形，成件冰曬，不能一片片灼嘅😨😨😨服務又差，叫伙記，佢好兇咁答：做咩？梗係叫你做野啦，唔通叫你食野咩😡😡😡一定唔會再去😡😡😡

上次同朋友響天文台道同朋友食過一間台式火鍋店令人回味，所以約左朋友去銅鑼灣食佢間分店！同尖沙咀分店一樣，依度lunch都有邊爐放題！套餐由$68到$238不等，剛剛出左bonus想食好啲，所以選左$238吃到飽套餐，包括任食日本黑毛豬肉，走地雞髀肉，美國直送精選牛肩胛肉,台灣空運鴨血等等！ 美國直送牛肩胛肉唔肥，肉質結實但都鮮嫩。而且店鋪將以上嘅肉類放入靚靚鳥籠內，十分吸晴！湯底有九款之多，有幾款我都想試，例如喇沙海鮮,泰式冬陰功，自殺辣台式麻辣鍋，胡椒豬肚花膠黃金鮮雞湯等等， 但最後揀咗呢排好鍾意食嘅酸菜～酸菜白肉湯，湯底味濃，但唔會因為多酸菜而過咸，但都令每件食物從鍋中夾起都有咸香嘅酸菜味！店員提我哋可以點酒鍋秘製台灣小食，我地選左鹵肉，鹽酥雞，蚵仔煎，糖醋骨。鹵肉肥瘦分明，勁入味，蚵仔煎嘅蛋煎得剛剛好熟，唔會好“傑”身，始終香港人未必接受有啲似鼻涕嘅傳統蚵仔煎呢~飲品方面有4款,係自助形式任斟,有羅漢果菊花蜜，紫貝天葵 ，竹蔗茅根 同綠茶珍珠奶茶，試完之後，我最鍾意飲紫貝天葵，酸酸甜甜十分醒胃，再加返啲珍珠，煙煙韌韌，加添過癮度！甜品都幾正， 有2款 ，係煉乳芋圓冰同蜜瓜冰，蜜瓜

今日黎到銅鑼灣搵食，鐘意打邊爐既我就揀左酒鍋食台式火鍋任食，餐廳環境都幾舒服企理，侍應們都有禮貌，防疫措施都有做好。今日我就揀左吃到飽$148既Level同埋個4格鍋(湯底：台式麻辣 / 潮州沙嗲 / 蕃茄洋蔥紅蘿蔔豬展 / 黃金美人)。各個湯底都各有特色，味道呢就等我簡單分享下啦。1.台式麻辣：真心正，辣得過隱，食唔到辣既你就認真要考慮下啦，不過同行唔太食得辣既朋友都忍唔住口，辣都要照食，最多拎多幾杯野飲啦。2.潮州沙嗲：老實講因為麻辣鍋太吸引，相比之下沙嗲鍋就遜色咗啲，沙嗲味道唔太突出。3.蕃茄洋蔥紅蘿蔔豬展：普通左啲，正常既蕃茄湯咁啦。4.黃金美人：其實即係胡椒豬肚花膠黃金鮮雞湯，真係有花膠架，湯底清清地，但清得黎有少少辣辣地，味道都唔錯架，而且唔太食到辣但又想有啲感覺既你可以考慮下。好黎到講食物既時間啦，野食一擺上枱，就忍唔住會手機食先，因啲肉既擺盤好有心思，一個個玫瑰花咁，仲放埋係鳥籠式既high tea托盤到，岩晒女士們打卡影相，未食就先開心一輪啦!不過肉質就唔係好特別，都係一般肥牛同豬腩片，一開始仲因為佢擺得靚靚既花而混亂左牛同豬添，同埋因為一個個花捲住，都幾難分返開一塊

最近疫情有好轉的跡象火鍋迷的我要嘆番個非一般的火鍋下午茶🫖今日趁着風和日麗嘅天氣就去到180度海景的 @酒鍋 食一個台灣「 #吃到飽」火鍋套餐🍲仲設有60分鐘同90分鐘任食套餐選擇好適合返工一族同埋休閒人士慢慢嘆仲可以無限添加！ #牛魔王🐮 的我今次就揀咗 $238 的套餐當中包括有精選火鍋配料、台式風味地道小食、甜品及飲品仲有我最鍾意食嘅USA極上精選牛肩胛食而且任食又任飲食完捧住個肚出門口⊰⊹════════════════⊹⊱✎ 食後感 ：✨鍋底有成十款口味選擇每一樣湯底都想試所以我就揀咗「 #四格特色鍋 」😋👍🏻當中包括❤️台式麻辣、🧡喇沙海鮮🤎馬來肉骨茶及 💚 #酸菜白肉一次可以滿足晒四種湯底味道⬇️賣相非常精美 玫瑰花🌹的🔴 #USA極上精選牛肩胛牛肉肥瘦分明平均灼一灼就食得牛味又十足感覺口福滿瀉☺🤗🟠 #日本黑毛豬腩肉驟眼睇已經見到豬肉條紋好分明食落去肉質鮮嫩唔需要點任何醬汁已經滿口是新鮮黑毛豬味道必食之選⬇火鍋配料方面簡直多不勝數🟢#韭菜豬肉餃🥟每一隻餃都好大隻內餡非常足料 皮薄餡靚豬肉韭菜味道新鮮美味🔵還有火鍋配料少有的 #台灣香腸👍🏻😋食落去外皮好爽脆整體口感好有咬口還

真係好耐好耐冇打邊鍋! 今日同朋友一齊出左黎銅鑼灣酒鍋打邊爐，佢最近推出左午市90分鐘任食餐廳裝修非常有格調，最靚係佢既海景! 一邊食一邊睇下景，個人特別輕鬆飲品係自家制，比較健康，我比較鍾意紫貝天葵，微甜清熱生啤應該加錢都有飲任，我無飲都無留意太多無限醬料湯底揀左四格火鍋，一次過試四款口味!其中沙嗲味最出色! USA極上精選牛肩胛，油脂分佈好均勻，入口軟嫩日本黑毛豬腩肉都唔差，豬肉味非常濃雞肉都好嫩，唔會好老同有雪味；鴨血超好食! 放落湯底好入味整體食最多都係佢既牛肩胛同鴨血，另外牛肚都係唔錯既選擇!

近排天氣雖然暖返唔少，但亦無損我倆打邊爐嘅興致。最近瀏覽網頁得知新派火鍋店「酒鍋」，為慶祝開業 5 周年，推出期間限定午市火鍋放題，最平 $68 就有交易，非常化算， 所以趁今日假期，專登嚟銅鑼灣分店食個新春火鍋。餐廳的布置別樹一格，不但環境優雅、景色宜人，而且更坐擁無敵維港大海景，令人心曠神怡。今次的「吃到飽」套餐設有 2 個時限，分別為 60 分鐘及 90 分鐘，兩者均包括 9 款火鍋湯底，無限添加精選火鍋配料、台式風味地道小食、甜品及飲品。我哋揀左個每位 $178 套餐，90 分鐘可以任食 4 款主菜，湯底點左「黃金美人」，即胡椒豬肚花膠黃金鮮雞湯。湯頭味道非常鮮甜，帶淡淡胡椒香。雞件分量十足，新鮮嫩滑；花膠大大塊，既爽彈又吸滿湯汁，食落很滋味。豬肚入口又滑又腍，證明火候足。4 款主菜包括有日本黑毛豬腩肉、走地雞髀肉、USA 特上精選牛肩胛及台灣空運鴨血。豬腩肉口感唔錯，爽脆有彈性；牛肩胛油分十足，灼燙後充滿脂香，但入口卻完全不膩。鴨血質地滑溜，吸汁又惹味。秘製小食有炸雞皮、鹵肉、台式臭豆腐、鹽酥雞、關東煮、糖醋骨、台式蚵仔煎。臭豆腐麻香十足，味道相當濃郁，正宗台灣風味。蚵仔煎外

第一次來1.5小時lunch, 好在無選最貴的$238, 選了$178原來靚牛只比一次, 第2轉比的是全白色肥牛 食完回家再看看menu, 發現為何我地無order甜品及燉湯? 再看返我地的order紙 (好在有拍照), 原來根本無提供甜品及燉湯於是打電話去問 (仲以為lunch無)職員竟然說, 須要客人自己講, 才會幫客人下單另外, 第2轉的牛好有問題, 職員說, 是同級牛肉, 只是師傅cut 了不同部位what? 全白色的肥膏, 我估好多牛肉檔都掉左去啦, 你地仲比客人食?因趕住食 (1.5小時真的好趕), 當時我地無同他們理論bad list, 不會再來唯一可取是個靚景豬肉比牛肉好食

酒鍋90分鐘火鍋任食四格火鍋鍋湯底：1.胡椒豬肚花膠黃金雞湯2.杏汁白肺木瓜雪耳湯3.蕃茄洋蔥紅蘿蔔豬展湯4.四川麻辣湯四川麻辣湯辣得好過癮，配料多且好惹味 「日本黑毛豬腩肉、手切肥牛、走地雞髀肉」擺在金色鳥籠內，擺得好靚呀🥰超級欣賞佢既賣相 ，肉脂肪分佈比例平均，牛特別香，食落口感正👍🏻仲可以無限♾追加👍🏻另有任食配料例如：台灣香菇貢丸、脆皮芝士腸、豬皮、日本黑毛豬腩肉、手切肥牛、走地雞髀肉、安格斯牛柳粒、台灣空運鴨血、關東煮🍢、糖醋骨等等....鴨血吸左湯底汁😋超級惹味

今日係年三十，下午去咗銅鑼灣登龍街「酒鍋」食Lunch，我哋揀咗：1️⃣ $178《吃到飽》90分鐘放題 x 2- 日本黑毛豬腩肉- 走地雞髀肉- USA特上精選牛肩甲- 台灣空運鴨血2️⃣ +$50 升級雙拼自選湯底- 台式麻辣鍋 拼 黃金美人(胡椒豬肚花膠黃金鮮雞湯)《吃到飽》可免費無限添加3️⃣ 火鍋配料- 牛展、午餐肉、台灣照燒爆漿貢丸、自家制即炸魚皮...等4️⃣ 台灣小食- 糖醋骨、鹽酥雞、台式臭豆腐...等價格💰：$446 ($178 + $178 + $50 + 加一服務費$40.6)味道😋：OK