酒鍋 (V Point) (已結業)

冇錢又要打binno就唯有揀間平既6十幾蚊有得任食就算係咁去到坐底即刻order曬啲野快快食其實都叫夠時間既屙仔煎，鹽酥雞，關東煮屙仔煎上枱已經凍左啲少屙仔鹽酥雞就夠曬香脆好好食關東煮都豐富好食呢啲都係任食質素唔可以要求得太高不過超扺既每樣都食左啲唯一失色既係binno湯底茄湯唔夠茄味同埋如果要食牛肉放題就要食14x既餐價錢就同其他餐廳差唔多叫左最後仲出前一丁叫一丁唔使加錢係開心既下次要試無限食牛果個

第一，小食全部都係凍冰冰都唔知擺咗幾耐第二，係張單寫咗要咩咩咩嘢飲同埋甜品，我哋吹佢飲品點解咁耐都未嚟，佢先同我哋講話要自己出去倒，我心諗咁點解張單係可以✅嘢飲，但係出邊嘅嘢飲只係得唔知擺咗幾耐發晒漲嘅珍珠，同埋另外三款得返10分1都冇嘅台式嘢飲，仲要係已經見到渣咁滯，我哋四個要慳住飲勁誇張，之後問佢有冇水，佢話要收$8一位，我真係未去過一間餐廳飲水都要收錢，仲要係因為你哋唔refill嘢飲所以我哋先至提出，最後甜品都係冇嘅，一如既往我哋唔問係唔會同我哋講😺真係食到火都嚟！雖然呢餐唔係貴，但感覺好似俾人呃咗咁，食客係因為見到你哋嘅餐牌吸引而去，點知去到乜都冇，建議可以執咗佢🙏🏻（第一次寫差評）

見到呢間野係OpenRice 評分高，又剛出放題便去試下，即刻book咗試下，但試完絕冇下次！當日到咗餐廳，得幾檯客，見窗邊仲有位，問可唔可以坐，竟然話清潔咗唔可以🤔咁我哋坐嘅位置有冇清潔？我哋食完你又咪要清潔？！勁奇怪放低咗張點餐紙，冇任何講解，落訂時啲員工都冇禮貌，問野可以完全唔講嘢，叫侍應比多碟牛肉，個侍應點頭，之後唔出聲就走咗，就不了了之，要再搵另一個侍應，但都都係黑口黑面，基本上所有員工面口都係咁，尤其係女侍應，又黑面，十問九唔應，但見對另一枱熟客又笑笑口！如果咁唔想做放題就唔好做，完全係趕客！食物質素....正常，冇驚喜，啲小食係極難食，漏單又常有，成個用餐過程極唔愉快！

偷得浮生半日閒，難得有一日假期，約埋男朋友仔，去銅鑼灣shopping之餘，跟住嘆番個靚火鍋午餐。酒鍋，顧名思義就一個食火鍋嘅好地方，佢交通方便，銅鑼灣地鐵站只需部步行數分鐘便到了，食店在27樓，我們坐在靠窗口的位置，高居臨下，氣派不凡。首先，湯底方面，有十幾種選擇，我們揀了馬來肉骨茶，濃濃嘅湯底，揮發出醉人嘅藥材味，套餐方面，我們揀選了148的任食套餐， 90分鐘內任食，主菜方面包括了日式黑毛豬腩肉、走地雞脾肉、牛肉片和台灣鴨血。除了這些主菜外，其他火鍋配料、台灣地道風味小食、甜品和飲品，都是任食任飲的。一個豐富的任食午餐，加上無敵嘅維港海景，親民嘅價錢，還有什麼苛求呢，chill ！

天寒地凍最想圍爐取暖，最近就發現酒鍋推出開業五周年慶典的限時優惠，每位低至$68起就可任食午市「暢所肉言」台式火鍋，這價位確實超抵食！酒鍋裝修風格散發中式懷舊的東方韻味之餘，卻又可新舊融合，注入摩登時尚氣息，引進午間柔和的陽光，帶來溫暖樸實的氛圍。銅鑼灣分店坐擁維港景致，落地玻璃可以一邊望著無敵大海景，一邊品嘗火鍋美食，迷人景色盡入眼簾。全新推出的「暢所肉言」火鍋體驗包羅逾50款火鍋配料丶台式小食丶飲品丶湯底及甜點，由即日起供應至2月28日。「60分鐘．暢食」套餐每位$68元，而「90分鐘．暢食」套餐則定價為$108元起，由星期一至日每日中午12時至下午6時期間供應，一周無休。這次就自選了90分鐘台灣吃到飽套餐，精選牛肉片、日本黑毛豬腩肉、走地雞脾肉及台灣空運鴨血都是無限續添，每位$148再另收加一服務費。將火鍋配料用High Tea架上枱，就連打邊爐都可優雅起來。任食火鍋有九款湯底可供選擇，每兩位食客可選一款湯底，這次我就自選了「黃金美人—胡椒豬肚花膠黃金鮮雞湯」。湯底真材實料，將養顏聖品集成一鍋，最適合冬令進補。除了湯底之外，其實火鍋的醬料也決定了味覺，醬料區亦可方便人客自行混醬，

首先今日去咗食佢哋嘅$148一位任食火鍋今日1:50去同我哋講無位咁算啦但好得意嘅係打電話去佢話有位........我揀咗泰式冬陰功同埋黑松露什菌鍋但一試根本就係公仔麫入面包味精粉開出嚟超難食環境非常唔衛生醬料同飲品擺喺廁所隔離（唔理解） 牛肉同豬肉你唔會分得清佢係咩肉而且鹽酥雞係冇雞肉連雞皮都冇得啲炸粉 唔理解點解會有咁多好評，根本上就非常難食，真心唔係誇張 而且服務非常差，第一次叫加湯，佢超大聲講「咩事呀」好似我哋影響到佢哋咁。 入邊冇一樣野係任食如果要講佢有好處就係得一個好睇嘅海景。

著名火鍋店 酒鍋🔸五週年啦! 為慶祝這個大日子，酒鍋推出激抵優惠! 期間限定的午市 台灣吃到飽火鍋✨低至$68/位，可以在60分鐘內，仼食火鍋配料、台式小食、甜品和飲味，多達50幾款呀!機會難逢，早幾天中午一時到達，人頭湧湧，幸好有預先訂座呢🥰。由於想吃得舒服一點點，我們升級仼食套餐$148/位，90分鐘內可仼食 日本黑毛豬腩肉、精選牛肉片、走地雞髀 和 鴨血🙊，更加$80升級至4格特色湯底，包括: 台式麻辣、喇沙海鮮、馬來肉骨茶 和 酸菜白肉。當中我最愛 台式麻辣🌶 和 喇沙海鮮🦐，辣度十足的麻辣湯，非常刺激，辣到出汗啦🤣。而喇沙海鮮 濃香美味，深得我和朋友喜愛! 我還有推薦大家試試 流心玉米球、有年糕的包仔豆腐 和 台灣玉米貢丸呀~

因為見到$68 lunch任食promotion，所以book左枱試下。最後揀左$178既餐，有鴨血、牛肩胛同豬肉，其他小食任食。麻辣湯底只係合格水平。牛肩胛係好食既，其他食物係正常水平，鹽酥雞小食係凍左又硬，完全入唔到口，麵食方面薯粉同烏冬係合格，但唔係好好食既質素。最難食既係芋圓🤢🤢🤢🤢🤢只係一粒粉團，完全無蕃薯或者芋頭味，d奶水係花奶開水既感覺，唔甜亦都無味。希望有勇者可以去挑機😂最後想講d待應由帶位到服務都好好，除左有位男待應叫我地自己加湯，係令人有d錯愕（後尾我地拎左湯壺返自己張枱既時候，另一位待應有幫手)

• 午市《吃到飽》火鍋🍲•💵 Price:$148-$238 pp-酒鍋岀左60/90分鐘《吃到飽》火鍋，依家放lunch都可以去打個邊爐🤭本身晚市唔算平既佢，今次岀個午市火鍋價錢都算相宜，如果想食齊豬、雞、牛、鴨血既話，價錢會由$148-$238不等，睇下你想揀咩質素既牛肉而定🐮另外仲可以無限添加精選火鍋配料、台式地道風味小食、甜品同飲品。湯底方面亦都有多達十款比你選擇，比較特別既有喇沙海鮮、黑松露什菌鍋、馬來肉骨茶鍋，而當然都唔少得台式地道既麻辣鍋同酸菜白肉鍋喇🌶銅鑼灣店仲有得望住個維港景色打邊爐，都幾chill幾嘆架😆

自從晚市禁堂食之後，好耐無打過邊爐，今次就去左銅鑼灣既酒鍋試左最新既午市火鍋放題。餐廳坐位排得幾鬆動，坐得幾舒服。今次就揀左 $148 任食90分鐘套餐，豬、牛、雞同鴨血都可以無限添加。剔完揀好配料好快上菜，唔洗等好耐。對住維港打邊爐，呢個view 確實無得頂。出面有醬料可以自己mix。飲品都係自取，仲可以自己任加珍珠，整杯珍珠奶茶。湯底揀左黃金美人鍋，少少胡椒味唔會太辣，質地都幾稠身。high tea 架打邊爐最岩用黎打卡，擺盆都幾靚。牛肉質素未算極高質，但以呢個價錢任食黎講都算ok。因為今次個任食火鍋係台式主題，所以都會有特色小食。等食物碌熟時都可以食住小食先，不過唔係即叫即整，唔係好夠熱。其他配料都好多款揀，貢丸同餃子都唔錯。今餐都好豐富，最後仲點左個芋圓冰。

之前around 9月/10月時仲有得出去食飯時，同朋友去食過酒鍋，幾好吖，靜靜哋邊打邊爐，邊看夜景見到佢出火鍋放題，立刻約埋d火鍋愛好者一齊去試啦~點知。。一行四人，book左1330，早咗到，1320到咗；講明入座開始計；之後我就收到手機短訊話我訂座時間改左做1315真係一頭冒水，你話入座計（我1320到，你當我1320，我可以理解）但將佢改做1315， 呢個係乜嘢玩法？算了，呢少少時間都算了訂位時要求要窗邊位，都有幫我安排叫左90分鐘嘅套餐，由入紙計開始等咗20分鐘，個鍋都未到。。。自己出去攞埋飲品（有4款可以選，個奶茶反而出乎意料地好）同埋醬料，順便影相打卡。。。都未到；同行友人個鍋已經到埋開始打邊爐中。。。仲未到中間有段小插曲：跌左筷子，請工作人員俾過對新嘅我；第一個問題係：你跌左喺邊？。。。（有什麼關係嗎？後來回想。。佢該不會以為我會攞左佢對筷子吧？）我答：地下。。。之後要再問另一位工作人員先俾過對筷子我中間搵左兩位工作人員，一個（眉頭仲皺得緊要過我）話黎緊；無黎啦；問另一位，話我同隔離檯一齊入order紙；同一款湯底，點解人哋個湯底已經黎左20分鐘，我哋仲等緊？答：哦，咁

好耐之前已經去過食酒鍋😬嗰陣覺得價錢小貴😢不過最近知道酒鍋 新推出的「暢所肉言」午市放題火鍋🆕最後去到揀咗 $148 90 分鐘 台灣《吃到飽》😍.任食日本黑毛豬腩肉🐖走地雞脾肉🐓精選牛肉片🐄台灣空運鴨血🦆雞肉同鴨血好嫩滑😋牛肉肉味頗濃，豬腩肉唔會太肥😉.升級雙拼自選湯底🍲揀咗台式麻辣鍋(中辣)、蕃茄洋蔥紅蘿蔔豬展湯🧅🥕麻辣鍋火辣惹味🌶蕃茄湯底好足料🍅.台灣小食🥢包括炸雞皮🐔關東煮🍄台式蚵仔煎、糖醋骨等，相對一般🤔淺嘗便可😝.主食、火鍋配料🍜選擇眾多🤗指介紅薯粉、流心玉米球🌽包心魚丸🐟台灣蜂巢豆腐、麻吉燒等，整體唔錯🤤.自助台式特色飲品🥤有羅漢果菊花茶🌼紫貝天葵、竹庶矛根及黑糖珍珠奶茶🧋清甜解渴☺️.台式特色甜品🍧有台式煉乳芋圓冰同台式蜜瓜冰🍈芋圓煙韌👍🏻但略嫌無乜味🥺蜜瓜非常香甜

近日以 「$68銅鑼灣台式火鍋放題」廣告做招徠，「為慶祝5周年而設的台式火鍋放題，最平$68起任食火鍋配料＋台風小食＋台式甜品＋特飲，夾埋有成50多款，包自選湯底。。。。。。」我就試左 90 分鐘住食，食完感覺真係唔掂，好後悔入座後先話所有小食無哂，甜品又無哂，火鍋料又唔跟單亂咁執D 料俾你。完全不能接受，根本係呃人入座，呢個價錢出面大把選擇，唔會再有下次，真係早執早著啦。講番食物，所謂黃金湯底得個色，實際淡而無味，牛肉每片超過八成係肥肉，食牛𦟌仲好過。小食無哂，甜品無哂，無法評價。總之奉勸大家黎食之前三思，黎呢度係食個景觀多過食物。

路經銅鑼灣見到酒鍋推介台式火鍋放題，加上天寒地凍最好係打邊爐，所以同屋企試吓walk in睇吓有冇位，上到去原來都幾大，都幾full，不過都仲有位，坐低後就覺得有啲唔妥，見到場內非常混亂，職員滿場飛，食客又四圍揾職員落單，聽到有食客話嘢食全部到咗，但湯底未到，又有啲話湯底到咗，但所有嘢食一樣都未到，職員都冇時間理會，望落去似唔多夠人手做嘢，冧哂檔咁，之後有職員過嚟用極高速嘅音律講咗一次，其實我都唔太聽得好清楚，不過當我想問之際職員已經跑走咗，咁就算啦看圖識字就order$148套餐包90分鐘，套餐有牛肉，雞肉同鴨血，菜類，丸類同其他火鍋配料可以剔紙 仔落單，但當要落單時又等唔到忙碌嘅職員，但其實又已經計紧時，所以我就見到場內啲人跑嚟跑去，因為當中有職員同食客互跑，之後我唯有都行出去落單，湯底好快就到，牛肉，雞肉同鴨血就稍為遲少少，另order嘅菜同其他嘅火鍋配料9成冇嚟過，詢問職員情况，職員只係邊行邊回答話收到，轉頭又叫我剔過，但剔過比咗都一樣冇，但直到埋單都未見配料出現，90分鐘內只吃過頭一輪嘅牛肉，雞肉，鴨血同小量唐生菜，小食拼盤又全部都係凍嘅，實際上冇任何水準可言，最後都唔打算追

十萬個唔推薦環境污糟野食污糟職員做到冇表情，完全唔幫手-酒鍋真心伏貼錢買難受-首次幫襯伏已中係門口問$68同$118既分別係邊個女職員串串地咁答60分鐘同90分鐘既分別條女又問我地要咩湯底但又話其實可以坐低先講 （咁你又問？）帶你埋位就話咁而家就開始計我都知限時但連凳都未坐到就咁講都幾趕客囉！帶位個條女又唔講4格鍋要加錢！即刻話唔要，轉另一款條女真係唔係撈架🌚-間野超級勁爆伏張枱好痴立好似長期冇清潔咁D餐具好殘舊生菜好似冇洗咁有泥架嗌refill肉要嗌十萬9千幾次都冇人理要加湯底係職員fill完俾我示意我自己加🙂黑糖珍珠奶茶又係伏羅漢果好少少但D杯好似幾污糟-有個女仔問竹蓆矛根會唔會refill個男職員答佢自助🌚#我都知自助但而家係冇晒問你會唔會refill呢間野除左位處27樓其實根本冇可取之處呢個價食牛涮鍋就算啦🙂-臨走個時問個應該話得事既男職員佢話菜一定洗 （咁點解會有泥又有黑點？）搵職員既話枱有制㩒 （咁帶位條女唔講？）唔止我地一枱另一枱一對情侶都係咁，好無助