酒鍋 (V Point) (已結業)

🐮真正的牛盛宴 牛氣沖天手工火鍋🍲 高級視覺味覺享受👀👅 (Part 1)🎏期間限定8/3-30/4星期五晚黎到銅鑼灣Vpoint 27/F 既 #酒鍋 #打邊爐座擁無適🏙維港景觀 觀景開揚 🎏裝潢非常有特色 座位非常闊落坐得好舒服 不噪炒 適合約埋三五知己聚聚👩‍👩‍👧聽朋友介紹呢到新出左一個牛氣沖天邊爐 所以一早預先📞打電話預訂左呢個SET $488/ppl 👀吸睛的木圓環好吸睛，上台時我地都嘩🤩左一聲，擺得好靚呀！擺盤好似一份藝術品咁 睇得又好食 絕對係打卡既好地方🤵🏻‍♂️經理有心機咁為我地介紹當中既食物🥳湯底：⭐️泰式船麵牛骨湯 以新鮮牛骨及各式香料精心熬煮五小時 並加入新鮮豬血 令湯底倍添濃郁滋味火鍋配料：🥩牛肉類🥇日本飛驒牛🥓(6 片)全晚最令人😍期待既牛肉亦係放在最後品嘗既一款靚牛❤️色澤最粉嫩，雪花紋理好靚，厚度剛好，肉質好軟熟，🥢灼一灼就食得。質素令人驚艷 👏🏼，入口即化，吃得令人🥰心花怒放!! 口感和味道上，也堪稱💯一棒級唷。🥈頂級安格斯牛小排 (4大卷 每卷有6 片)份量非常多，肥油花分怖均衡，牛肉味濃郁，質素相當，入口即沖㨻整個口腔，令人著迷呀其他牛肉既部位有 🫀👅

員工態度真係差到爆。見到openrice好評如潮就想去試下，想開心食餐慶功宴飯，結果大家真係嬲到爆行返出門口。先唔好講員工態度差個樣野，一入到去地下可以有用嘅口罩，張枱痴笠笠。另外飲品方面d冰溶晒變成水都不在話下，杯好污糟，野飲入面可以有蚊滋，個下大家已經心情差到落谷底。到食野方面，基本上所有嘅嘢食都圖文不符，例如：柯仔煎其實係普通煎蛋，酸甜排骨係咕嚕骨。到火鍋湯底，我深信就算你叫咩湯底都差唔多味，因為我地叫左幾種，真係無乜太大分別。鴨血無味，豆腐同龍蝦丸有酸醙味，可能無乜人叫，重有太多其他野，不能盡錄。最後到滿懷期待嘅甜品，佢嘅芋圓冰，蜜瓜冰只係好似煉奶溝水嘅糖水再加冰，而冰更加唔好期待係啲乜嘢棉棉冰，佢只係用普通冰攪爛，因為我地好明顯食到一粒粒冰粒。最後都要講返員工態度問題，唔幫你放野上枱不單止，下下要我地接住佢盆野，重不停迫你放野落個鍋，話因為張枱無位，嚟緊我地重有好多野食，好喇，轉個頭就叫我地寫紙加野食，咁我地就忍唔住問重有咩野食未到喇，佢又話無喇要寫紙喇，前言不對後語，其實食飯係我地個人自由，鐘意放咩就放咩，只係想食得舒舒服服，如果係枱面無位嘅佢應該為我地額外加一個車仔放食物

同老友慶祝生日，佢喜歡有靚海景和食材優質的酒鍋。我們點左酒火入鍋，鍋分有五小格,有鮮蝦木瓜、龍蝦蕃茄、崩砂牛腩蘿蔔、麻辣豆腐卜、沙爹。鮮蝦木瓜加左些酒，燃點後帶出酒香味的蝦,真美味。😋😋龍蝦番茄，半隻波士頓龍蝦有蝦膏，味道鮮甜。崩砂牛腩蘿蔔，牛肉味香配蘿蔔完美組合。頂級安格斯牛小排，油花均勻，肉味香濃又鮮甜，真是頂級牛肉，值得推介。👍👍👍蔬菜拼盤，很新鮮大大盆真抵食。黑毛豬豚腩肉玫瑰花拼盤，賣相靚靚打卡一流，肉質嫩滑，肉味香。7星報喜，手打丸粒粒都爽口彈牙。三色鮮制生麵，有墨汁麵、甘筍麵、菠菜麵，麵質爽滑，色澤天然夠健康。黑松露蝦蟹餃，餃子皮有黑松露香味,脹卜卜包滿蝦仁和蟹肉，真美味。即炸手工紫菜嚮鈴卷和蜂巢豆腐，索左湯汁好好味。竹蔗茅根很清甜，紫貝天葵酸中帶甜，解膩最岩。地址：銅鑼灣登龍街18號V Point 27樓

朋友極力推介呢度，就梗係要黎試下！一坐低，Toby家姐就俾個吸引咗，係都要坐個靚位，識嘆都有遺傳基因😂打邊爐最重要嘅就係鍋底，呢度有款香港原創五格鍋～酒火入鍋～五格獨特鍋木瓜鍋蕃茄波士頓龍蝦鍋清湯牛腩鍋四川麻辣鍋潮州沙嗲鍋一次過滿足晒五個願望，原來中間嗰格木瓜鍋上面嘅係醉蝦，店員一放低就用火槍點著啲蝦，Toby姐姐開心到拍手添😄。五款都非常足料，淨係食個湯底，靚媽我都飽咗一半，好在今次帶埋爸爸嚟，先可以試多啲款✨✨火鍋料我哋叫咗:掛架頂級安格斯牛小排七星報喜三色鮮制生麵～菠菜甘筍墨汁芝士紫菜蝦蟹餃拼黑松露蝦蟹餃款款都勁新鮮。牛肉雪花均勻，咇哂油脂👍手打丸和餃大大粒，又彈牙！最後再叫返個✨蔬菜拼盤🧺、✨雜菌拼盤和✨蜂巢豆腐，吸晒火鍋湯底嘅味，個胃滿載而歸❤️❤️

今日同老婆嚟銅鑼灣拍拖，想搵一間環境優美嘅地方，見到呢間火鍋店都好多人話景色優美，所以都預早訂定枱坐窗口位。剛剛到嘅時候個天色仲未全黑，望住個維港尖沙咀靚景，慢慢見住佢入黑，見到另一個景象，真係賞心悅目。佢哋個裝修業都好有特色，好配合到呢一個維港靚景。叫咗個特色嘅酒火入鍋，係一個5格鍋，有辣有唔辣，我最欣賞蘿蔔清湯牛腩湯底，湯底清甜，牛腩高質，成個湯底都差唔多有十幾嚿牛腩。以番茄波士頓龍蝦鍋內有半隻龍蝦，好鮮好有蝦味，而且愈煮愈甜。頂級安格斯牛小排，肉冰分隔，保持新鮮之餘又唔會令到牛肉變濕，牛小排紋理分明，牛肉味濃。黑毛豬豚腩肉玫瑰花拼盤亦有吸晴，腩肉亦高質素。鹹蛋黃魚皮有驚喜，唔拍得住新加坡鹹蛋黃魚皮的水平，$68的份量差唔多等於新加坡魚皮一包的份量，性價比超高。企鵝仔墨魚丸擺設超級吸晴，質素亦十分高，好彈牙。其餘的材料（蔬菜，姑、響鈴）都唔錯。

估唔到銅鑼灣有間咁高質嘅火鍋😍今年係牛年，梗係要食吓牛嘅嘢食賀下啦💕朋友推介話依間火鍋超級好食，起初都唔信，今日嚟咗之後發現真係有意外嘅驚喜，絕對係超班之作🤩首先一嚟到，店員已經好熱情咁樣招呼，好似貴賓，嘢食味道更加係超級驚喜，除咗擺盤好靚之外，嘢食仲要好高質，勁新鮮😆我同朋友叫咗一個牛氣沖天火鍋🍲湯底係泰式船麵牛骨鍋淨係個湯底已經好高質，唔會係味精湯，味道好先好濃郁，唔使點醬料都好好食！嘢食絕對係超班之作裏面材料好豐富，有牛肉、丸、海鮮，仲有好多精選推介特別推介係依度嘅牛肉😛尤其是係日本飛簷牛同埋頂級安格斯牛小排食落去絕對「嘩」一聲，估唔到香港都可以食到咁高質嘅牛，脂肪同肉質嘅比例啱啱好，食落口入口即溶，而且散發住好濃郁嘅牛味，肉質超級鮮嫩，勁滑勁彈牙💕😍另外推介依度嘅黑松露蟹餃、芝士紫菜蝦蟹餃下料極度豐富，仲有好濃郁嘅黑松露味，超級高質🎉

今日來到銅鑼灣購完物後便和朋友吃個午餐，看到酒鍋有午市任食套餐，很吸引，於是上來一嚐。餐廳環境新淨，而且有落地大玻璃，看到很美的維港海景。台灣吃到飽任食套餐 $238/位湯底 四格特式鍋台式麻辣，潮洲沙嗲，蕃茄洋蔥紅蘿蔔豬展和黃金美人，味道各有特式，可以一次過嚐到。黃金美人用料豐富，有雞肉和花膠等，滋潤美味。極上精選牛肩甲以一個兩層的籠子裝上，賣相精緻。牛肩甲卷成花的形狀，很有心思，肉質嫩滑鮮甜，肥瘦適中，牛肉味濃郁。台灣空運鴨血口感綿密細膩，滑溜而不油膩，入口即溶，味道濃郁，吸收湯底的精華。小食拼盤魯肉，臭豆腐，鹽酥雞和魚蛋等，份量小而多款式，魯肉香濃嫩滑。韭菜豬肉餃和台灣頂級貢丸餸子皮薄餡靚，豬肉鮮甜多汁。貢丸味道香濃，煙韌有口感。台式密瓜冰密瓜鮮甜多汁，爽脆香甜，同雪糕的味道很夾。蔬菜拼盤，新鮮爽脆。多款飲品任飲。

相約了好耐無見既閏密飯聚是次選餐廳既重任就交左比佢😗因為我地平日都超級忙，難得一聚當然要豪豪佢，慰勞吓自己～酒鍋位於美食林立既銅鑼灣登龍街Vpoint當日放工後，急不及待早早去左攞位先平日時間入座率都有八成左右，超多人等左15分鐘後，撞正岩岩有客人離座，仲要係靠窗海景位🥰🥰開心開心📸整張大合照先，Cheers！酒鍋既整體食物質素都好好，等我逐個為大家介紹下😎✌🏻⭐️酒火入鍋 ( $328 )首先講下個鍋底先由於我同老死都心大心細唔知揀咩好，但又咩湯都想試下喎咁就一於嗌個有唔同湯底既鍋啦😋當時見店員推介呢個鍋既時候，發覺個名都幾特別，期待感都幾高而呢個鍋分別有五個唔同既湯底：1️⃣獨特木瓜鍋半個雕好左既木瓜入面放住三隻海蝦🦐原本既湯係清湯黎既而酒火入鍋既「酒火」就係呢個moment出現啦！侍應會將酒於另外既器皿先用火槍點火，再倒入鍋中然後就會出現左係鍋中心有大團既火光燒呀燒呀～侍應仲好貼心咁比我地影完相先至整熄成個湯底都滲透住獨特既酒香就算白灼任何野都好好食！2️⃣蕃茄波士頓龍蝦鍋蕃茄湯底相信係每人打邊爐都必點既最大賣點係，真係有半隻大大隻既🦞龍蝦架！龍蝦肉就算煮左咁耐都好彈牙，讚！3️⃣清湯蘿蔔牛腩

打邊爐大家食得多喇😛但係有冇試過同一時間可以食到四款湯底呢？🥘酒火入鍋 $328湯底有四款 有 番茄龍蝦 麻辣湯沙嗲湯同埋蘿蔔牛腩湯～中間的湯會有人即場燒嘅火焰蝦木瓜湯豆腐紙$48望上去好似餐巾咁差啲拎咗去抹面呀～豆腐紙好薄，浸一秒就已經食得 食落去好有豆腐味道又唔會好飽～安格斯牛小排 $188牛小排顏色鮮紅 脂肪分佈平均 食落口好有口感小企鵝 $88 企鵝賣相可愛， 成為咗全餐飯嘅焦點，佢係墨魚汁嘅墨魚丸做的， 可口彈牙

今晚同朋友食飯，疫情好似有好返咗，咁我哋決定就趁疫情好咗個時候打邊爐，朋友介紹呢一間酒鍋，咁我地咪走去試下囉，其實入面個景好靚，係呢一間餐廳嘅賣點， 咁我哋叫咗以下:酒火入鍋，此鍋包括有蕃茄龍蝦鍋、沙爹鍋、麻辣鍋、蘿蔔牛腩鍋及木瓜鍋， 咁係個木瓜鍋度是應就放咗一啲酒， 令到成個鍋底滲透著酒香， 番茄龍蝦鍋咁真係入面有隻龍蝦喺度，龍蝦都索曬番茄汁啲味，呢個鍋底我都幾欣賞， 蘿蔔牛腩鍋，佢啲牛腩炆得都幾淋，不過個湯底就我覺得唔算太濃味，如果再濃味少少就更加好。即炸手工麻辣響鈴： 呢個響鈴有別於其他響鈴，因為佢入面真係幾麻辣，而且又炸得脆所以就咁食都可以，作為餐前小食我覺得呢個都算唔錯。豆腐紙: 呢個豆腐紙，最好就浸落啲濃湯底度，例如麻辣鍋或者沙嗲鍋，因為佢會吸咗啲味，而且佢豆味亦都有。 食起上嚟有不同味道。頂級安格斯牛小排: 其實打邊爐点少得牛肉，好少食到咁鮮嫩嘅牛肉 ，煮大概7成熟， 肉質鮮甜而且軟熟 、肉質彈牙， 而且每塊牛亦都分佈出有少少油脂，令到口感食落去更佳。 最緊要就係食材新鮮。 大家可以參考我嗰幅圖呀，因為啲牛嘅色澤同埋肉質都幾均勻。黑毛豬豚腩肉玫瑰花拼盤: 呢個黑毛豬豚肉整

酒鍋 - 絕色美景火鍋夜今日嚟到銅鑼灣V Point 一間火鍋專門店，位置於樓層27樓，可以飽覽維多利亞港的夜景，而火鍋店的裝潢非常有特色，有中式的風格也有外國的元素。酒火入鍋非常特別的湯底，總共有五款口味，獨特木瓜鍋、蕃茄鍋、蘿蔔清湯牛腩鍋、四川麻辣鍋、潮州沙嗲鍋，最令人驚喜當然是中間的湯底，店員點了火，名副其實的酒火入鍋。安格斯牛小排雪花紋理大理石一樣，厚度剛好，吃起來時啖啖肉，安格斯牛牛味亦重。洋蔥豬肉蝦蛋餃、開心小企鵝蛋香味十足的蛋餃，又不易穿，內裡包著紮實的豬肉和彈牙蝦粒，令一款是造型別致的墨魚丸，是企鵝形狀。肥媽墨汁腸台灣特色香腸，墨汁味香濃，又夠油香。七星報喜七款不同口味的墨魚丸，當中印象最深刻是黑松露味、菠菜味。蔬菜拼盤多種不同新鮮蔬菜，顏色鮮艷的蔬菜拼盤。豆腐紙、雜菌拼盤薄薄的豆腐紙，輕輕一浸就食得，集多款菇類的雜菌拼盤。紫菜響鈴即叫即炸手工的響鈴，內裏還包着紫菜，味道更加豐富。三色鮮製生麵三款不同的生麵，有紅蘿蔔、菠菜和墨汁選擇。紫貝天葵、竹蔗茅根清爽的紫貝天葵加上清甜的竹蔗茅根。

佢個午餐真係一般雖然價錢係適中但係相比嘅話我寧願去茶餐廳食🥺但係佢個景係一流嘅😬份量較少🤯服務態度唔係太好🤨餐牌上面嘅嘢飲又唔係樣樣都有🥲有少少失望😿

首先早幾日見到呢間野食評咁多好評，再加上好朋友話想試好耐，之前book過幾次都full 哂，又咁難得佢生日比佢book到，我就滿心期待喺呢到同朋友食個生日lunch！ 點知，我一去到，諗住叫接待姐姐幫我拎個蛋糕去雪住先，佢第一句就問：「你地唔係喺呢到食架可？」我打左個突，然後問佢「係咪要收切餅費」，佢話「係呀，$200」。其實切餅費就預左比，但其實佢可以好聲好氣咁提我，但佢啲態度咁差，$10 都唔會想比，何況係$200？好啦，都算喇，我黎食野嘅。我地叫左個麻辣湯底少辣+ 胡椒豬肚雞湯，豬肚無味，雞幾滑但都係無味嘅連我最期待嘅鴨血都係無味，小食炸雞皮硬到阿媽都唔認得，我同朋友即時扔左。啲肉係放到好靚，但唔知咩肉打咩肉，食到成頭黑人問號。然後服務繼續都係咁差，叫待應幫手，佢地只係會望一望你就算數，唔會有任何「係、好呀、等等」嘅回應，唔講仲以為自己同緊聾啞人士溝通呀總括而言，比$200/per head 當食個海景，一定唔會再有下次。完！

朋友帶路借婦女節食酒鍋！望靚景！竹蔗茅根 $28清熱清甜，去辣一流！紫貝天葵 $28酸甜開胃，鐵飲筒有小心思，有果肉！仲以後上錯左添，哈哈！酒火入鍋 $338五格獨特木瓜鍋：蕃茄波士頓龍蝦鍋蕃茄、木耳、半隻大龍蝦，龍蝦有埋蝦子蝦膏！蕃茄同木耳好多，蕃茄好甜香！龍蝦勁大隻！雖然得半隻，但好大舊肉呀！清湯蘿蔔牛腩牛腩非常香同肉質滿滿！又係心思心機鍋底，但湯香濃，食完無口渴感！無味精！四川麻辣鍋好多辣椒、韭菜、香蔥同埋豆芽。仲有豆粕，豬皮、麻辣味十足！潮州沙嗲鍋一濃接一濃！滾豚肉最有味道！黃金炸魚皮 $68無得輸！咸蛋勁多，魚皮份量勁大！新鮮食就得，唔洗特別點湯都一流！如果要點就中間個個木瓜鍋，惹味解咸蛋既肥，哈哈！頂級安格斯牛小排 $188超扺，有台型！冰震牛肉咁，哈哈！肥油花分怖均衡！黑毛豬豚腩肉玫瑰花拼盤 $268哇哇聲！三朵玫瑰慶38婦女節，萬歲！厚度比牛小排多，煮耐d都唔會變質！七星報喜 $88黑松露丸同粟米丸最驚喜！芝土墨魚丸同蝦丸彈呀帶芝香！依個每味一粒，乜都試下！粟米丸同青豆丸有咬感，無違和感！開心小企鵝 $88超級墨魚丸！可愛又飽肚！墨香鮮味之餘，配麻辣鍋用辣再提香！黑松露

喺公司忙足一日 收工嘅時候個人已經攰攰地 最好就係去打邊爐 食啲重口味嘢提吓神-🐟#黃金炸魚皮 $68鹹蛋黃炸魚皮鹹香好食 爆脆又香口-🍲#走火入鍋 $328湯底有四款 有辣有唔辣 有清淡有重口味 中間仲有即場烹調嘅火焰蝦 要俾個👍-🐖#黑毛豬豚腩肉玫瑰花拼盤 $268侍應生極力推介 黑豚腩肉肥瘦相間 肉質軟腍嫩滑 肉味亦鮮甜-🐂#安格斯牛小排 $188牛小排色澤鮮紅 脂肪條紋清晰可見 食入口時充滿濃牛肉汁同埋油脂甘香-🐧#開心小企鵝 $88即係墨魚汁嘅墨魚丸 企鵝賣相超萌 爽滑彈牙 可惜得幾粒 真係要細味品嚐-🥗#蔬菜拼盤 $68🥠#蜂巢豆腐 $38蔬菜擺盤精緻 紅紅綠綠好養眼 蜂巢豆腐粒全數吸收麻燙肉湯 非常有辣勁🌶-🥟#黑松露蝦蟹餃 $60🥟#洋蔥豬肉蝦蛋餃 $48黑松露餃聞落香不過食落味道唔濃烈 反而係蝦肉爽口好食 相比之下 我比較鍾意蛋餃 皮薄餡靚 洋蔥粒增加口感-🍹#紫貝天葵 $28🍹#羅漢果菊花茶 $28自家製人氣飲品 一邊食香辣火鍋 一邊呷冰凍涼茶 降溫又順喉-📍#酒鍋銅鑼灣登龍街18號 VPOINT 27樓