酒鍋 (V Point) (已結業)

酒鍋火鍋店近年非常流行，因為他們的湯底比較特別，而且裝修時尚，所以今天特登來試一試！! 我們點了湯底「揚名四海」，價錢＄248 ,最特別的是黑松露雜菌鍋，黑松露味道很重！其餘三款包括豬骨，四川麻辣，和酸菜胡椒豬肚湯！先來一個小吃- 椒鹽鮮魷魚！非常好味，很脆而且唔會太咸，還比出邊的酒樓煮得更加好味！手拍青瓜雲耳- 酸酸鹹鹹，非常開胃！頂級安格斯牛頸脊$238 - 一眼看以為份量很少，但原來份量也偏多！最後我們兩個人都差點吃不完！ 牛肉很有「趙口」, 幾好味！七星報喜-最有驚喜的是粉紅色!! 是棉花糖！ 有少少甜！我自己還是喜歡食鹹味的丸多一點! 除了棉花糖，其他六款都是鹹的！打邊爐當然唔少得海膽刺身，這個＄200都唔使，非常抵食！鮮甜新鮮，店員一點也沒有介紹錯！手工紫菜響鈴- 這個非常好味，皆因紫菜配入響鈴入邊，有一番特別味道！花雕雞件- 超級好味！而且價錢便宜！雞件有濃郁的酒味！打邊爐一流！店員服務都不錯，環境幾靚，下次一定會再嚟！

通常美麗的景觀會用來配搭西餐，但原來看著美景吃火鍋也是一件賞心樂事 ~點了一個杏汁白肺湯，這個湯底味道很濃郁，與菇菌類很搭，那些放進去煮的，基本上已完全吸收了湯的味道，根本不用再加任何醬汁都已經很好吃。喜歡這裡的自家制手工響鈴，很脆， 沒有油益味。北海道鮮帶子片夠鮮夠厚， 不會一滾即散。這頂級安格斯牛頸脊脂肪與肉分佈均勻，沒有牛騷味， 滋味~鮮虾雲吞夠大粒， 但相對豬肉比例太多， 虾的份量太少。總括來說， 湯底夠味， 材料足，夠新鮮已經達到我對火鍋的要求， 只是醬料費要$22 加 $8茶錢一位， 兩個人就要付最少$60 + 10%， 似乎又好像有點兒貴。

一直也想去酒鍋食嘢, 早前便相約友人去了位於銅鑼灣的分店食飯. 這裡有不少湯底選擇, 最後選了藥膳花膠雞鍋. 店員先奉上湯底和一份花膠和雞. 當湯滾起了, 花膠和雞便可以放入鍋中. 火鍋當然不少得混醬, 這裡有十二款醬料, 選擇幾多. 當鍋底再次滾起, 煮多一陣, 便可以先食雞. 雞肉尚算嫩滑, 想濃味一點可以點醬. 飲品點了清熱氣的竹蔗茅根. 器皿是燈泡形狀, 幾特別. 火鍋配料點了頂級安格斯牛頸脊, 黑松露蝦蟹餃, 響鈴和蔬菜拼盤. 頂級安格斯牛頸脊. 牛頸脊肉夠薄身, 色澤帶鮮紅, 脂肪分怖平均. 我係要食全熟, 但完全唔覺得乾和硬, 牛肉味道幾濃郁. 黑松露蝦蟹餃. 我見這個幾特別, 便點來試下. 外皮是黑色, 入口有淡淡的黑松露香味, 饀是蝦混合蟹肉, 幾彈牙, 也夠鮮味. 響鈴. 每次火鍋也會點, 響鈴吸收晒湯的精華, 特別好味, 豆味也不錯. 蔬菜拼盤. 一口氣食了多款肉類, 也點了蔬菜中和一下. 這個可以一次過試多款蔬菜, 夠新鮮, 啱晒貪心的我地.

今日又同朋友泥到酒鍋打邊爐啦！因為上次感覺超正，所以朋友見到我d相都忍唔住叫我再同佢去。 調味架好吸引，醬料有十二款之多，有生蒜、蔥、辣椒、沙嗲醬、麻醬、莞茜、炸蒜、花生、X O醬有大大隻蝦米等等，調出來的醬油非常惹味呢！ 🐟上刺身盛盒（$388） 刺身有海膽、三文魚、帶子、甜蝦，新鮮大隻，份量又多，打邊爐前吃一流！ 湯底方面，今次同樣揀左四種鍋湯底 仲有勁多芫茜超愛😍芫茜蓋過整個鍋，超正😍 🌿巨無霸芫茜鍋🍲（$288） 👉🏻麻辣湯底🌶 👉🏻椰子雞湯底🐥 👉🏻肉骨茶湯底🐷 👉🏻青咖哩湯底🍛 🐄頂級安格斯牛頸脊（小）（$188） 美國安格斯牛頸脊用上掛架擺放，非常吸睛。牛頸脊色澤紅潤、線條清晰可見，一看便知是上乘食材。 🍳洋蔥豬肉蝦蛋餃（$58） 蛋餃入面包住洋蔥、豬肉和蝦，一口一隻，味道很特別的呢！ 🐧 開心小企鵝😋（$88） 開心小企鵝造型超迫真，原來是墨魚汁丸，爽口彈牙，好吃！ 🐽鴨血 鴨血入口滑溜溜，唔錯唔錯！ 🥖即炸手工嚮鈴卷（$58） 即叫即炸嚮鈴卷浸在鍋煮兩三秒最好味，吸收麻辣味道，正！

聽朋友介紹黎呢間有靚海景既餐廳，食既唔係西餐，而係打邊爐一出lift已經見到唔少生猛海鮮，睇黎食物質素應該唔錯掛侍應好快擺低醬料俾我地，未見過有成12款醬料咁多呢到最出名係火鍋湯底，夠gimmick，可以一次試哂4-5種湯底，我地叫左巨無霸芫荽湯，夠霸氣，芫荽疊得好高除左勁量芫荽外，底下亦有4湯底，包括清湯牛腩: 好足料，有白蘿蔔，大大件牛腩喇沙海鮮: 濃郁椰香味，仲有青口，蜆四川麻辣: 超麻超辣，已經索哂味既豆卜，更為刺激蕃茄豬骨薯仔: 鮮甜，薯仔仲淋哂，可以先飲兩啖湯另外叫左刺身拼盤，因為有人想食，包括三文魚，帆立貝，甜蝦，海膽刺身幾新鮮無雪味，三文魚幾肥美，海膽更是入口即溶，無苦澀味至於打邊爐配料，我地跟住人地推介黎叫，洋蔥豬肉蝦蛋餃，無唔易散開，淥熟後，蛋皮未至於過老，餡料係爽口既洋蔥加豬肉，睇落平平無奇，估唔到又幾好食手工響鈴卷，係打邊爐必叫，雖然無叫到紫菜響鈴，但無紫菜都一樣咁香脆鴨血，成盒上，同麻辣湯底簡直係絕配，鴨血又幾彈牙打邊爐點可以無肥牛，叫左份細既掛架頂級安格斯牛頸脊，脂肪比例均勻，入口牛味濃另外侍應推介開心小企鵝，賣相其實麻麻，但算有心既創作，淥熟後，咀同腳都甩

最近有朋友嚟咗香港，問我邊度有靚景嘅打邊爐餐館。其實老實講我都唔係太清楚，個之前聽人講酒窩其實唔錯已環境亦都係好靚景觀都唔錯。所以同朋友訂咗枱係嗰度品嚐下，一入到去環境都好闊落侍應服務都好好，果然真係好靚景可以望到維港嘅景色。依度個火鍋好特色，我哋揀咗招牌湯底，五格煱，有辣有唔辣，有香濃嘅清湯腩，麻辣鍋，沙嗲喎同埋蕃茄龍蝦喎，啱晒我哋唔同人嘅風格。新鮮嘅刺身係打邊爐係唔少得嘅，😍😍牛方面我哋揀咗隻脊肩牛，咬落有彈牙唔覺，唔會係一般嘅肥牛一樣，俾啲肥肉黐住啲牙。響鈴，蛋餃，呢兩個係好值得推介，非常脆口嘅響鈴，爽口嘅蛋餃五花茶，淨係個杯都夠晒特色，打邊爐梗係要用來下火啦。調味料，包羅萬有任君選擇😍😍

今日去完中環飲嘢、有啲肚餓去咗食消夜、朋友話去打邊爐、就一起去了好齊全嘅醬料我最鍾意混醬！正個湯底OK牛不錯其他食物都算新鮮、就係唔鍾意佢個抽風系統！係唔係好抽到嘅、可能冷氣口向住我、啲煙一直吹向我面、如果可以改善呢一點就更加好了！

之前響尖沙咀試過呢一間打邊爐，感覺不錯，知道銅鑼灣都開咗，聽聞仲有靚景睇，梗係約埋朋友黎試吓啦！餐廳可以見到維港景色！內裏嘅海鮮都好新鮮，好多選擇！我嚟到嘅時候只係六點三，不太多人， 但到七點後已經全場爆滿！醬料配菜選擇十分多！叫咗個巨無霸芫荽鍋，估唔到有咁大量嘅芫荽響上面！真係好霸氣！四款湯底包括喇沙海鮮，清湯牛腩，四川麻辣，蕃茄薯仔。啱晒心多多嘅我！一次過可以滿足四個願望！有辣有唔辣！呢度最出名嘅牛肩脊，脂肪分布均勻，色澤鮮明紅潤，牛肉味濃郁！淥耐左都一d唔會韌！開心小企鵝造型十分可愛趣緻！原來佢就係墨魚汁丸，入口亦都好彈牙！紫菜響鈴自家製，十分之鬆脆！後面嘅鬼馬油炸鬼都不錯，可以當小食食，又可以淥一淥先食！洋蔥豬肉蛋餃都好特別，用蛋皮包住豬肉餡。蔬菜籃都好新鮮。呢間火鍋整體感覺不錯，有好多平時火鍋冇嘅嘢食選擇。下次再嚟試其他嘢！

同女友人行完成個銅鑼灣之後都餓了⋯⋯經過登龍街搵野食，就嚟行到街尾都冇心水，然後！見到呢個酒窩advert，女友人話之前聽過人講話好食，所以二話不說上咗去上到27樓一出𨋢就見到好多海鮮見到魚缸內外都十分乾淨的，證明衛生唔錯我地被編排坐呢個位置有靚景面海夠開揚入夜之後景色必定更壯觀＄288 巨無霸芫荽鍋有四款湯底呀包括四川麻辣、沙嗲、蕃茄、牛腩。有啲湯底都特別有料，例如四川麻辣有勁多辣椒、芽菜、豆腐卜、豬油；牛腩湯底有起碼十大粒牛腩，不得不讚的就是好軟好林！我同女友人起勢咁食仲有消暑效果嘅冬瓜＄26(杯) 竹蔗茅根＆紫貝天葵見到四川麻辣湯底已經受驚，需要叫野飲造型很可愛，係燈膽呀＄58 即炸手工紫菜嚮鈴卷香脆可口，果然係有紫菜的版本好食點＄32 豬紅新鮮，不過不失＄58 洋蔥豬肉蝦蛋餃呢個餃係外面較少見的，淥熟咗唔同咗樣，差啲認唔到開動！＄388 上刺身盛合有齊哂女友人的最愛 我食三文魚同帶子，其他歸佢＄68 蔬菜拼盤應該改名為彩虹拼盤，因為實在太靚，好色彩繽紛呀 紫色的為椰菜花還有南瓜、粟米、紅橙色車厘茄、及不同類型的菜～＄188 頂級安格斯牛頸脊(小)我期待已久的安格斯啊！ 從來沒有

首先係環境，我地一行六人坐卡位，上面個冷氣不停滴水，滴足一晚，已投訴多次，但完全冇諗過處理，滴到我朋友右邊膊頭濕曬。跟住係啲服務，不停漏單，一jar竹庶水都等一個鐘，我地六個人serve一杯水！？啲食物就真係好一般！海鮮都唔新鮮的，魚係腥既。非常失望，以後唔去

出發旅行前一晚，一家人去銅鑼灣打了個靚景邊爐。一整排極廣角的落地玻璃，飽覽維港美景，其實香港真係好靚~到步時客人好多，窗口位都full了，我地被安排坐卡位，都算望到個景。不過卡位比較闊落，坐得好舒服，點了好多食物枱面都夠位放，完全沒焗速感~店員先呈上十一種調味料，盛載既器皿好特別，充滿懷舊感~我地點左客刺身，作為前菜~帶子大粒肉厚，味道鮮甜~海膽新鮮，入口即溶~三文魚同甜蝦同好肥美~鍋底我地揀左個巨無霸莞茜鍋，一上枱真係嚇親，我對莞茜這東西完全沒好感，但家人喜歡，而鍋底又分為四格，莞茜可以只放進其中一格，所以...還好吧...四格湯底為蕃茄湯，牛腩蘿蔔湯，麻辣湯，喇沙湯，喇沙湯比較特別，用作打邊爐好少見，好值得一試~店員突然加左d乾冰落鍋裡，做成煙霧迷漫既特別效果，呢餐立馬變成好仙既邊爐盛宴~有啅頭~撥開海量莞茜，下面隱藏著兩大片冬瓜，放埋落湯度滾，了下了下發現，完來四格裡面都非常多料，感覺不用點太多其他食物都能撐飽肚皮~喇沙湯裡面有豆卜，蝦，青口蕃茄湯裡有蕃茄，薯仔牛腩蘿蔔湯最多料，牛腩食極都有麻辣湯就多辣椒同香料手切牛肉，雪花不算靚，但牛味濃，入口軟嫩~響鈴，每個都加入一片紫菜製作

餐廳要留得食家的歡心，除了保持一貫的食物質素和服務外，與時並進也是必須的。就像近期興起芫荽大熱，連平日不好芫荽的人都忍不住試試各種芫荽味的零食、飲品。湊巧得知有間打邊爐餐廳---酒鍋，也順應潮流，將湯底或配料加入以芫荽及菠蘿的夏日限定菜式，為炎炎夏日一起消消暑。餐廳的室內環境十分闊落，一出電梯，映入眼簾的是像迷你街市賣魚店後面放有一整排養魚設施，或是擺放一系列新鮮的海鮮，如蟶子、海蝦、扇貝等，證明餐廳用料來貨生猛新鮮。而牆身運用紅磚、黑、白色組合，突顯出火紅色具中國風格的元素，再襯上一些當代塗鴉壁畫和落地大玻璃，坐在這裏，可以一邊打邊爐、一邊看著黃昏日落或是晚上熣燦的維港夜景，更顯出藝術個性，整體感覺給人一種革新現代新派的中國氣候。餐牌同樣運用很有中國風的木雕板作封面，食物款式非常多元化，單是湯底已經一共有18款可自由配搭，另外還分有牛肉類、羊肉類、雞肉類、豬肉類、豆腐製品類、火鍋海鮮拼盤、活海鮮刺身、湯鍋小籠包、自家製餃類、精選配料、火鍋丸類、粉麵類、手打丸類、福袋、蔬菜類、菇菌類、自家製油炸、小炒、小食類、魚類、蝦蟹類、貝殻類等超過百款食物供應，總有一款岩你口味。應因夏日季節，餐廳

今個夏天雖然熱辣辣，但是吃火煱的心仍然是有加没減，可以說在冷氣中豪嘆火煱，可以說人生的一大享受呀，而且今晚秘書安娜和我見客後，她說帶我去一問高級的火煱店名叫酒煱!我們七時入去己很多人，幸好安娜訂了格，環境裝修也特別漂亮，尤其是窗口的無敵景，己值回票價!我們首先叫了一個四国豐味，湯底用一個四格大鍋出來，有四大口味，安娜是四川人，當然特別享受四川的麻辣，另外肉骨茶很補，喇沙湯底一点也不欺場有齊大蝦，蜆，青口真的夠香而椰子雞我就夠偏愛，因為相比下夠清甜呀!安娜說今晚要食豪些，於是我們叫了掛架頂級美國安格斯牛頸脊, 又叫了一個可愛的醜小鴨，及即炸手工響鈴卷，牛頸脊很特別用一個架放上，肉味很濃，而且很有味道! 醜小鴨是用上南瓜做的，鴨子也很可愛，真的捨不得吃掉，炸響鈴卷又香又脆放在四川湯底中滚兩滾就可放入口了!另外我們忍不到手，再叫了一個刺身拼盤，有一客海膽，三文魚，牡丹蝦及帶子，不得不說真的很漂亮，而且很誘惑，而且包着紫菜吃海膽是很開心的一回事，尤其是海膽在口中溶化那一刻，今晚我們兩個大隻妹笑着話開心背後又要減肥了!

至前睇到朋友在facebook放閃喺銅鑼灣空中餐廳享受美境同火鍋，不禁留意了打卡位置就在v point 嘅27樓酒鍋，現場環境最吸睛嘅地方就係全餐廳嘅落地玻璃飽覽住維港美色。加上餐廳另一邊就係個大形酒吧，配上多口味選擇湯底嘅火鍋，酒鍋呢個名果然簡單易明。入口設置海鮮檔座底後侍應就會問想要乜嘢湯底，我們就揀咗最近推介嘅芫茜巨無霸，底下分別為麻辣，叻沙，蕃茄薯仔同蘿蔔牛腩四種湯底而上層就係用幾片冬瓜盛住滿滿嘅芫茜山。再一特別就係當湯底差不多滾起時，侍應竟然將乾冰加入湯底，令其散出煙霧(無知的我當時仲唸乾冰會唔會唔食得)呢度除左美酒，另外打邊爐不可缺少就係竹蔗矛根七星報喜就係七種口味嘅手打丸什菜籃什菜籃肥牛賣相可愛嘅鴨仔丸可惜滾完後就好可憐咁頭身分開了總括食境真係無得撣，服務都好好，湯底個人最愛叻沙，但手打丸就有進步空間

今日工作會議在銅鑼灣，開完會原來已經晚上八點，於是大家一齊食飯，在登龍街尾唔知道幾時起了一間新商廈叫 Vpoint，就在廿七樓的酒鍋食新派火鍋。個人來說我比較喜歡傳統鴛鴦鍋，沙爹肥牛才是男人的浪漫，隨大隊試新派當作見識，四格火鍋就是酒鍋最大的賣點，其次是可愛造型的餃子。四款湯底分別有蘿蔔牛腩、番茄豬骨，喇沙海鮮及麻辣，因為麻辣放在我面前，貪方便我主要食呢款，配鴨血妙絕，麻香火辣有水準，用來灼安格斯牛極夾，我仲好欣賞可愛的咪走雞，以南瓜多餚，甜甜的滋味。蔬菜方面原來西蘭花亦有紫色的，蔬菜盆非常新鮮，最後灼用來吸汁一流。仲有海景，環境有些仿古。