酒鍋 (V Point) (已結業)

與友人飯聚, 大家既在乎食物質素同時亦在乎意境服務。東想西想預約了Vpoint的火鍋店。論排場和舒適度, 還有食材的款式.這裏一定冇得輸。首先是非一般湯底款式, 鮮奶蟹窩,菠蘿醋創意十足。店員還推介了芫荽窩,上桌時驚喜萬分。只需一些乾冰便成功製造特別效果, 煙霧徐徐飄揚,如履仙境,極富娛樂性和特色,創意滿分。我們一面欣賞這美妙的奇境,一面品嚐鮮甜的刺身。最吸引的當然是那板海膽, 配附上的紫菜吃十分香口鮮甜。其餘幾款刺身都很新鮮, 帶子尤其肥美。我們把其中一塊三文魚放在海鮮窩那格略灼了一下, 保留了鮮味和口感, 又不怕會有寄生蟲了。說回這個特式金窩,把芫荽放進湯後,便能看到4式湯底,包括喇沙海鮮,蕃茄豬骨,四川麻辣和蘿蔔牛腩;而且窩身比平常的大,每格放入足夠4人份量的食物也沒問題。雪花肥牛的份量剛好夠2至3人享用, 我們當然試遍四款不同口味。牛肉的厚薄度和油脂分佈均十分適中, 放進湯底煮熟後完全不用再沾醬汁了。另一推介食品是黑松露蝦餃。黑松露的香味入口和撲鼻而來,令人難以忘懷。趣緻的墨汁墨魚丸外形滑稽,味道較普通。飲品同樣貫徹創意美感的路線, 有燈泡杯庶汁和洛神花茶。相信如加入更多創意口

跟朋友到銅鑼灣覓食，一諗就梗係到黎登龍街搵食啦，今晚太肚餓，一於打邊爐醫肚，要搵間睇得下既餐廳，裝潢設計又靚，乾淨又好食既火鍋，就揀左酒窩喇！齋睇個靚靚景色就已經夠晒開胃！首先，點了一個上刺身盛盒，$388，有一板海膽做主打，配以紫菜，超級新鮮，濃濃既海膽沾滿整個口腔，非常滿足，見到流晒口水。另外刺身有帶子、三文魚、牡丹蝦，賣相吸引，味道鮮甜肥美，新鮮，值得推介。火鍋配備多款配料及醬油供選擇，花多眼亂，唯有樣樣都落d先。打邊爐最想試下d特別既湯底，一般火鍋湯底離不開清湯、麻辣火鍋底，酒窩既湯底卻有很多創新選擇，今次就揀左黑松露雜菌鍋，非常期待！火鍋搬上電磁爐的時候，遠遠聞到濃濃的香氣，黑松露與雜菌配搭非常配合，湯底非常濃厚，味道難以想像的豐富，混合著很多類別的菌類，非常驚喜！其實湯底味道夠晒香濃，頭先加的醬油配料其實都唔需要加太多，已非常味美。點了頂級安格斯牛頸脊、醜小鴨、洋蔥豬肉蝦蛋餃、蔬菜拼盤及即炸手工紫菜響鈴卷......安格斯牛頸脊賣相吸引，雪花紋均勻分布，不會太肥，肉質新鮮，厚薄適中，只要放入湯底錄一陣就食得，香菇味同松露味包圍著新鮮牛肉，很有口感，油脂味香，又彈牙，值得推介

不打算介紹各食材有什麼特色，因除左個多款湯底同一鍋外，沒有特色可言。可能有客人覺得加乾冰落湯鍋然後出見煙霧迷漫係好wow, 但我絕對覺得是敗筆！用普通gas stove火力又不夠，又玩乾冰令湯變凍，頭一小時整煲湯都沒真正沸騰過，只是等等等！無引極了！因食肆要求8:30pm交枱，但這樣狀態下等多過食，我們终於引受不了要向經理投訴，經理遲遲不來，其他服務生問什麼都話不知，這是什麼一回事？服務一點都不專業！最终經理换了一個較强力的gas stove，唉，算，食完就走，一行5人都話不會再來。

三號風球的晚上，沒有打消我們吃火鍋的心情，到了 V Point 的酒鍋，品嚐朋友極力推介的酒鍋三十道豐味，歡樂時光套餐。先吃小食拼盤，有豬頸肉、紫蘇葉蝦餅、雞翼及油炸鬼釀蝦膠，最愛油炸鬼釀蝦膠，配搭新鮮，外層香脆，內裡口感彈牙，非常美味。湯底，四國豐味，椰子雞、青咖喱、肉骨茶及四川麻辣。椰子雞十分清甜，以青咖喱為火鍋湯底還是第一次吃，味道清新，肉骨茶感覺略為淡口，不夠火候，四川麻辣，濃厚麻辣香，十分惹味。四款湯底各具特式，可以一次品嚐多款口味，感覺不錯。海鮮有海蝦及蕃薯蜆，海蝦肉質爽彈，蕃薯蜆，大而肥美，非常鮮甜。安格斯牛頸脊，輕輕一炙，已可進食，油脂均勻，牛香撲鼻。黑毛豬腩肉，肉味香濃，口感鮮嫩美味。火鍋丸類，種類豐富，有芝士手打蝦丸、手打墨魚丸、酒鍋啤酒熊、黑椒牛筋丸、台灣香菇丸及脆皮芝士腸。最特別的是酒鍋啤酒熊，烏卒卒的賣相，非常可愛，咬入口非常爽彈，滲出濃厚的墨魚汁香，而且啤酒熊身形魁梧，讓你過足口癮。火鍋餃類，三款組合，鮮蝦水餃、菠菜皮韮菜餃及洋蔥豬肉蛋餃，款款皮薄餡足，尤其洋蔥豬肉蛋餃，透薄外皮，蛋香十足，裹著的洋蔥豬肉，十分香口。蒜蓉炸魚皮及手工嚮鈴，魚皮鮮香，非常酥脆，

早前朋友去過登龍街V Point間高級火鍋店酒鍋食完之後，極力推介我地去。我同老婆趁星期四晚放早可以享用到酒鍋的歡樂時光套餐，決定訂枱睇下個海景火鍋係咪真係咁正。😙我地訂左6點半鍾，原以為平日仲要咁早應該冇乜客人，估唔到同我預計的相反，我地入座時已經坐左好多枱客，大約7點左右已經全場爆滿，可能好多人都同我地一樣趕來食歡樂時光套餐。😆酒鍋係V Point 27樓，對正維多利亞港，我都係第一次望住咁靚嘅海景打邊爐。我地入座時最近窗邊的枱仍未入座，不過已經被預訂，下次黎食要再早D訂枱先得。餐廳裝修新潮但又加入左好多復古元素，同火鍋呢個主題好夾，座位寬闊，坐得好舒服。火鍋醬料選擇非常多。我地揀左每位$328的酒鍋三十道豐味歡樂時光套餐，希望每款份量唔好太多啦，如果唔係，咁多款火鍋配料兩個人點食得哂。🙈餐牌上仲有好多其他火鍋配料選擇，當中有好多都好吸引，不過見個二人餐已經好多野食，我地都唔敢再加。湯底選擇都非常多，我地揀果款二人餐都已經包含4款口味湯底。二人餐每位另加$40就可以任飲紅白酒、啤酒同汽水，不過老婆酒同汽水都唔飲，所以我地冇加錢任飲，佢點左一杯竹蔗茅根。杯竹蔗茅根的電燈泡造型好有趣，

朋友介紹去咗銅鑼灣的酒鍋搵食，一入到去餐廳的格調好特別好吸引人。有一樣野好特別，就係呢度有好多遊客，講緊係不同國籍的遊客，幾難得。我哋有訂位但都要等左一陣，因為實在太受歡迎。但好好彩地我哋被安排在房間的角落，可以睇到落住雨的街景。係我哋猶豫緊食乜嘢之際，店員介紹咗一個新推出的套餐俾我哋，叫做三十道豐味。呢個套餐有齊各種不同的食物，最適合兩個人淺嘗。套餐加＄40仲有飲品任飲，都幾化算。淨係配料都有12款。前菜一碟有四款，但唔太吸引。鍋底一上我哋即刻心心眼，佢叫四國豐味因為有齊四種國家不同的元素。四款湯底分別係肉骨茶、椰子雞、青咖喱同麻辣鍋。一次過可以品嚐晒四個國家的滋味，不得不佩服設計者的心思同創意。每一款都好足料，唔係用湯包。四川麻辣同青咖喱湯底都幾辣，好彩我哋兩個都好食得辣，係愛辣之人，呢幾款湯底絕對係我哋杯茶。海鮮有兩款，鮮蝦同番薯蜆。鮮蝦大隻厚肉又彈牙。肉類分別係安格斯牛肉同黑豚肉，賣相十分吸引人。牛肉最啱配四川麻辣湯，而黑豚肉我哋鍾意用肉骨茶湯底襯托出豬肉味。手打肉丸有兩款，墨魚丸同蝦丸都算單啊。呢隻黑啤熊本熊絕對係呢間店的招牌菜，我想黎食之前都係俾佢吸引架！但今日熊本熊好似有

同朋友系銅鑼灣行完街,友人想打邊爐,但又唔想去酒樓打,想去d環境好d ge,食得舒服d咁話~最後即刻系朋友推薦下去咗燈籠街ge"酒窩"!!上到去,已經比距個環境震撼到,好小火鍋店裝修得咁有特色,店鋪入面墻上ge畫幾有feel,最特別系系27樓上俯瞰成個維港ge景色!!成個view系正!坐低之後我地就選擇咗距個{酒窩三十道豐味 歡樂時光套餐}($328/person)呢個set餐由頭盤小盤,去到打邊爐ge各種配料,菜籃都有,而飲品就要另外加錢啦~首先距個湯底已經系好吸引!!4款味道ge湯底,分別系 黑松露雜菌/濃湯豬骨/四川麻辣/酸菜胡椒豬肚湯呢4款,每款都各有特色!我自己就最中意黑松露雜菌,因為真係好足料!濃濃ge菌味,落距個美國安格斯牛頸脊落去食就真係無得頂!仲有距個四川麻辣湯底都唔錯,一樣足料,夠曬麻!夠曬辣,落距d丸類入去,距個set有例如黑椒牛筋丸,香菇貢丸,手打蝦丸,手打墨魚丸等,距個手打墨丸就正啦,墨魚味夠,又彈牙.最特別距個酒窩黑啤熊,系以熊本熊個樣黎整出黎,非常得意有趣~仲有個海鮮盤,入面有海蝦,貝殼類等,都幾新鮮.仲有稻庭烏冬同埋炸魚皮，仲有響鈴。

見到個海鮮盤俾佢吸引左，少少貴但係海鮮都好鮮甜！丸類方面外貌吸引，但食落並無喜出望外嘅感覺。當晚所有cocktail同mocktail都無，有d失望，叫左紫貝天葵，好似加左soda係裡面，又幾好飲喎！

香港地少人多，不單居成問題，上班一族要來一頓安樂午飯，又談何容易，迫趕急速卻成為了家常便飯！ 跟老媽去辦証前來個快閃午餐，偶然給我找到了位於銅鑼灣的「酒鍋」。 「酒鍋」是火鍋的專門店，火鍋一般需要慢歎，原來中午設有省時的火鍋套餐，為打工仔們帶來一大喜訊！ 除了時間可配合打工仔，這裡的環境寬敞舒適，開揚的海景絕對能放鬆心情和舒緩壓力，中午不用排隊、不用左擠右迫，這裡是深深呼吸的午膳的好地方！ 紫貝天葵，竹庶茅根 火鍋套餐包含是日沙律、是日精選靚湯 ＋招牌小籠包、自選主菜、甜品和消暑清熱夏季特飲，收費以所選主菜而定！ 老媽和我分別點了紫貝天葵和竹庶茅根，還有汽水的選擇！ 老火湯、沙律 侍應先送來迷你版的豬肉老火湯和日式沙律！ 沙爹小籠包 再來每人一隻的小籠包，橙與白相拼的皮層很是搶眼，而餡料是特別的沙爹豬肉，沙爹味不會過濃，可嚐到豬肉香和肉的層次感！ 馬來西亞三文魚喇沙海鮮鍋 HK$138 主菜備有五款選擇：招牌沙嗲牛肉鍋 （HK$128)、秘製四川麻辣鍋 （HK$108)、黑豚春卷酸辣鍋 （HK$98)、韓式芝士部隊鍋 （HK$128) 和馬來西亞三文魚籽喇沙海鮮鍋 （HK$138)，

上次跟朋友們慶生，一大班人去酒鍋食確是回味無窮。好想再去但又得2個人，就正好遇上酒鍋推出的「三十道豐味」Happy Hour 套餐，在指定日子及時間，每位$328 就有特選湯底及配料，相當吸引~~而飲品（紅白酒、汽水）就加$40任飲。平日6時多的時間到了銅鑼灣的酒鍋，有機會一望迷人日景。點餐後就好快擺到成檯4格湯底為 椰子雞湯、麻辣、喇沙、肉骨茶 椰子雞湯夠清甜，放海鮮、餃類最適合麻辣同喇沙是不同類型的辣肉骨茶好濃味湯底未滾起前，先食下香脆炸魚皮、小食併盤先即點即炸，夠熱夠脆，正。配料有2隻海蝦、新鮮蕃薯蜆黑毛豬腩肉，望上去色澤不錯芝士手打蝦丸、墨魚丸、熊本熊（黑啤熊）波菜皮韮菜餃、鮮蝦水餃、洋蔥豬肉蛋餃美國安格斯牛頸脊，不過脂肪佔一半以上，太肥還有蔬菜雜菌併盤香菇貢丸、芝士腸、黑椒牛丸真係超級豐富，而且大部分都新鮮黑毛豬腩肉肉質鬆化，配4款湯底都好夾。彈牙的鮮海蝦，我就放在清甜的椰子雞湯，保留鮮甜味。另外波菜皮韮菜餃、鮮蝦水餃、香菇貢丸也是我心水推介之一。份量真係幾多，我們未能全部放進肚中，但整體夠經濟抵食，好適合2人光顧。

銅鑼灣登龍街V Point，一座全新的銀座式飲食商廈，那裡有一間頗特別的新派火鍋店，之前曾試過午市在此飲茶，感覺出品質素不俗，今倘朋友聚餐，遂推薦這店趁機試一下新派邊爐。位處27樓居高臨下，飽覽維港都市夜景，餐廳裝潢帶著新舊交融的味道，傳統的木器枱櫈陳設，配上現代特色的人像抽象畫作，典雅中帶點摩登感覺，很是有趣。入座後第一時間望望餐牌，想不到這裡提供很多食物種類的選擇，而且名字組合新奇特別，例如四國豐味、酒火入鍋、七星報喜和心肝寶貝等，不看旁邊的英文解釋敘述，可能會估不到是什麼類的食物，很有心思，有別於一般的火鍋餐廳。經店員介紹，原來此店最新推出了一個三十道豐味歡樂時光套餐，每位$328（2位起），有齊四格火鍋、小食頭盤 、安格斯牛肉、黑毛豬、特色丸類餃子和其他食材，望落都很豐富吸引，最重要是另加$40還可以任飲紅白酒及啤酒，我們兩位好酒之徒當然豎起手指公俾Like啦！店員率先送來十二款調味醬料，選擇頗齊全，任君選擇。小食頭盤其實是幾款炸物，有雞翼、炸釀油條和豬頸肉，其中一款是類似紫蘇葉天婦羅，挺特別的，不會太油，脆香惹味。接著是四國豐味鍋底登場，平時一般的鍋底最多只得兩格，而這鍋足有

天氣熱，好耐都冇同女朋友打邊爐。為左止口痕，於是就黎左<<酒鍋>>歎下。 呢度環境都唔錯，坐得舒服之餘，最重要係坐近窗口有無敵大風景。 坐低後，職員會遞上醬料，比我地DIY勻醬。 今次揀既湯底係<<夏日菠蘿瘦身鍋>>，材料以蘿蘿，蝦，蜆，菇及青口為主。 侍應好快表演帽子戲法，即時煙霧濔漫，好壯觀。 先來<<上刺身盛合>>來熱身，三文魚、吞拿魚，帶子，牧丹蝦等，十分鮮甜。 爐滾，配料都剛剛好到了。 先來的是<<鴨血>>，熟左之後，口感有D似豬紅，不過比夠硬身，冇咁易碎。 打邊爐邊可以冇牛肉? 今次就點了<<掛架頂級安格斯牛頸脊>>，牛肉夠薄，而且肥瘦均勻，絕對係我飛佛。 <<洋蔥豬肉蝦蛋餃>>，一份六隻，皮薄，所以滾得耐易穿。不過就好足料，唔錯。 <<紫菜響玲>>內面包住紫菜，令到味道更加豐富。 <<咪酒雞>>，

打邊爐理論上一定穩陣，嚟到間新舖頭，試一試佢個套餐，歡樂時光套餐。 真係唔慌唔歡樂。 過夜景真係冇得輸。小食頭盤，炸班蘭葉蝦膠，豬頸肉，炸雞翼， 蝦膠釀油炸鬼。 味道安全， 熱氣嘢嚟講都算唔錯。四國豐收，其實就係佢個湯底，四種唔同嘅湯底，各有特色，你話佢叫四國豐收咩，我話佢叫異國風情，肉骨茶汁湯底，冬陰功湯， 清雞湯，麻辣湯。 夠曬東南亞特色。新鮮海蝦配蕃薯蜆，味道鮮甜。掛架頂級美國安格斯牛頸脊配日本黑毛豬腩肉，出色，用料頂級，新鮮好味。再黎鮮蝦水餃，菠菜皮韭菜餃，洋蔥豬肉蛋餃，芝士手打蝦丸，手打墨魚丸，酒鍋黑啤熊。 墨魚丸夠爽口，最估唔到係個黑啤熊，其實就係墨汁丸，平時出面比較少食到。三種合物肉，黑椒牛筋丸，台灣香菇貢丸，脆皮芝士腸， 充滿佳寶嘅味道。洞庭烏冬，蔬菜拼盤，雜菇拼盤， 菜同菇都好穩陣，烏冬都算唔錯，下次有機會，希望啲菜每樣有兩舊。最後蒜蓉炸鮮魚皮同即炸手工響鈴卷， 都夠曬脆口，食飽最緊要就係搵嘢飲。

打邊爐俾我既感覺通常都好麻甩，沒有什麼浪漫可言。估唔到honey今次揀既宜家餐廳打邊爐都可以咁浪漫。高居臨下，對住迷人既維多利亞美景打邊爐，正呀！！！抵食又唔洗煩，點選套戲就岩喇！先嚟既係小食頭盤，有油炸鬼釀蝦滑、炭燒豬頸肉、紫蘇蝦餅。最愛油鬼釀蝦滑，油炸鬼香脆，蝦滑爽彈，口感非常豐富！名為四國豐味—既湯底係由麻辣、青咖哩、椰子雞、肉骨茶組成，一次過品嚐四款不同既湯底口味，好抵食！ 海鮮拼盤有大蝦和大蜆，蝦肉結實爽口，大蜆鮮甜又冇沙！唔單只好食呀！影相呃like都一流！美國安格斯牛頸脊&日本黑毛豬質素好高！牛頸脊骨口感好爽，牛味好濃！黑毛豬比一般既豬肉肉味更濃，肉質更滑嫩！除左高質既牛肉豬肉，丸類都唔輸蝕！黑色既熊本熊丸係由加了墨魚汁既墨魚丸，可愛之餘，口感又夠爽彈！最後梗係要將到稻庭烏冬放入湯底，烏冬索哂各食材既精華，味道一流呀！紫貝天葵用燈泡瓶裝著，清甜健康，很有特色。