酒鍋 (V Point) (已結業)

之前喺尖沙咀食過 覺得好食 同lunch set都抵食見喺附近就黎銅鑼灣哩間試下畫字落單老公畫左安格斯牛餐 魚麵 加多兩個餸 墨魚腸 同鹽酥雞落單既時候 侍應喺老公張紙劃左珍珠奶茶 話無落完單 侍應返黎話無鹽酥雞 我地話改要魚皮全程都係侍應改單之後侍應又返黎 原來老公畫漏左湯底 佢就自己加返沙嗲湯野食黎到 食左一陣都未見後加同應該另上既魚皮就同其中一個人講聲仲差個魚皮嗰個人應該係高級d既 因為唔駛著制服但佢睇都未睇張單 聽到我地差魚皮就一句話:”你地畫到花晒我地唔知你地要唔要ga”態度好差！聽到我就著左 其實唔係我地畫花 係佢d同事話無 佢自己改囉 我唔知張單花成點之後就交低一句:”總之而家係要魚皮啦係咪？”就轉身走左野食其實真心ok, 但某d員工態度真係有待改善尖沙咀舖d員工nice好多 不過飲品就哩間好飲d既

話說太多飲食誌介紹呢度話火鍋午餐超抵食又正，所以專登黎試下，一出電梯鬼影都無隻，心諗12點啫，可能未放lunch。坐位任揀，所以坐左埋窗邊，望住個無敵靚景，心情十分舒暢，仲同自己講話食個幾十蚊晏仔仲有靚景睇，唔錯🤭講返個set lunch 先，有8款咁上下，我就揀左個松露雜菌湯底$68，包3款配菜，要左雞翼，麻辣花膠，同腩肉，再加個主食米米線同一杯黑糖珍珠奶茶，問心$68包咁多野食認真超值。可惜個鍋一上台，見入面好似無乜野咁，只覺有幾個問題條椰菜絲同兩角蕃茄响度浮浮下，我仲以為d餸未黎另外上添，見個侍應轉頭放低碗米線同杯野飲時就順口問句，點知佢話係哂入面，咁。。。。算啦，可能個鍋深湯多蓋住左我睇唔倒啫，根住拿淋撻火食啦喂～湯滾時叉對筷子入鍋時又真係算深喎，但餸就。。。。。，除了之前講既菜絲幾條蕃茄兩角之外就搵到3隻雞翼，兩片肺肉，同兩片花膠。。。。我頂丫，雜菌係無既，只湯有雜菌味，唔緊要仲有米線食，但米線只係一執，連半個公仔麵都無車仔麵都大碗過佢，再講杯珍珠奶茶，珍珠硬又無味都唔緊要，因佢唔台灣鋪所以未必煮得好，但奶茶難飲就非少見，甜味都無，仲怪怪地添，想點呀大佬😓原以為$68好抵食食

近日天氣開始轉涼，尤其夜晚更加凍。所以最好就係食返個暖笠笠嘅打邊爐。不過如果兩個人ge口味相差太遠，打邊爐要夾食乜嘢就比較困難。今日黎試銅鑼灣啲間酒鍋就絕對幫到我解決呢個問題啦。酒鍋位於銅鑼灣Vpoint,交通方便，加上有一大片落地玻璃，將維港夜景收入眼瞼。食物未到，就先大飽眼福。酒火入鍋(⭐⭐⭐⭐⭐)酒鍋餐牌由4頁紙組成，但淨係湯底就已經有成十幾款。經過一輪心大心細後，我地決定揀signature pot -酒火入鍋。上菜後證明我地絕對無揀錯，因為呢個煲絕對好睇又好食。侍應首先會係中間個格木瓜鍋度加入酒精，然後點火。之後又會向鍋中注入熱湯，個鍋會即時散發出陣陣煙幕，真係仙氣十足。睇完呢個小小ge表演，令人急不及待想試一下湯底。木瓜鍋十分清甜，適合口味清淡ge人。番茄龍蝦鍋入面真係有半隻龍蝦，加上番茄味濃郁，煮蔬菜和麵都一流。麻辣鍋本身已經有豆卜，豬皮同黃豆芽呢d吸味野，嗜辣ge我最鐘意就係呢個鍋。清湯蘿蔔牛腩湯底有濃濃ge牛味，蘿蔔煮到入曬味，居然比牛腩更快被食完。沙嗲鍋係唯一一個無其他料係入面ge湯底，但係一上台濃濃ge花生味撲鼻而來，成為我當晚第二鐘意ge湯底。紫貝天葵 檸檬薏米

今次係專登嚟試佢哋新出嘅「仙氣奇緣鍋」，見到真身原來真係好正好夢幻！所以個鍋上枱大家要準備定拍片！因為好快就會見到仙氣瀰漫，畫面非常靚。呢個係5格火鍋，每格都好足料，位於中心嘅係「椰子湯底炸彈」，而包圍嘅四大招牌湯底則包括「四川麻辣」、「荽茜皮蛋」、「冬陰公」、「蕃茄波士頓龍蝦」，全部都係我嘅至愛。不過今次最正都係中間嘅椰子湯底炸彈，廚師將佢造成晶瑩剔透嘅椰子啫喱，湯底煮滾後將原個啫喱掉入去大火煮溶，鮮甜度爆燈！記住飲吓個湯底，呢種鮮甜味包你一試難忘。四大招牌湯底用料都好豐富，又有波士頓龍蝦食，超正啊！我哋兩個人食唔到太多嘢，所以真係要精挑細選㗎，聖誕特備美食，揀咗聖誕老人丸同聖誕花造型餃淥吓，一人食一個聖誕老人，好殘忍呀（其實係可愛嘅墨魚丸，都幾彈牙幾好食）。另外梗係唔少得呢度好出名嘅自家制脆炸三文魚皮，非常鬆脆，啖啖都有好香好濃嘅咸蛋黃。既然其中一格係四川麻辣湯底，必點蜂巢豆腐，勁索味！仲有掛架頂級安格斯牛小排都一如以往非常高質，肉質軟嫩牛味濃郁。而今晚第一次食嘅肥媽墨汁腸、三色鮮制生麵我都好推介！除咗仙氣奇緣鍋，其實仲有呢度嘅胡椒豬肚福袋湯鍋我都好想試，不過原來想食胡椒豬肚要一日

琴晚和朋友去了位於銅鑼灣V-POINT的酒鍋食火鍋。餐廳空間好大，可以方便朋友聚會；更有海景觀賞啊！醬油每位$22。酒火入鍋$328：木瓜鍋總共配合四款獨特湯底：四川麻辣，潮州沙嗲，蕃茄波士頓龍蝦，清湯蘿蔔牛腩；每款也各具特色。中間既木瓜鍋－職員會點起火，再加入湯形成煙霧，打卡一流，而味道有濃郁既酒香味，但味道不會過苦。四川麻辣－起初見到好多辣椒，以為好辣；但辣椒只是微微的。潮州沙嗲－湯底最濃的，沙嗲味很突出更帶咸咸地既味道。蕃茄波士頓龍蝦－波士頓龍蝦半隻，肉質實肉；果然真材實料，蕃茄味同樣不會過酸，反而令人開胃。清湯蘿蔔牛腩－個人最喜愛的，因清中帶牛香味，牛腩更林林的，食落好JUICY～頂級安格斯牛小排(小)$188：份量為小已足夠二人食用，牛小排切得很長身掛在架上。每片的紋理相當幼細，可以牛脂分佈平均；經焯後，牛小排的肉汁滿滿的，牛味香濃，又吾會太薄，必叫之一！二人海鮮拼盤$368：拼盤中共有四款海鮮：蟶子，扇貝，海中蝦，花甲。蟶子口感肉質彈牙，味道鮮味；師傅經已清洗乾淨！扇貝大大粒，即使焯後也不會縮，口感爽口。海中蝦為實肉，味道同樣地鮮甜！花甲沒有沙粒，口感不硬，又吾會過咸啊。三

酒鍋 (銅鑼灣)📍地址：銅鑼灣登龍街18號V Point 27樓一邊吃火鍋🍲一邊看風景🏙👍🏽🦑🦐🦞🦀🥩🥢 今天老闆作客，說是慶祝聖誕🎄，請我們去吃位於鍋鑼灣登龍街18號V POINT 的 27 層「酒鍋」。甫踏入門口，已經看到此店獲奬無數， 有Tripadvisor 的卓越獎，大眾點評👍🏽年度好評商店，那我抱著滿心期待進去。餐廳以充滿活力的現代裝潢，配以街頭藝術感濃厚的主題牆壁及輕鬆弛放的下音樂、營造動力的城市風格📷🍲🥢嘩，一坐下，寬敞開掦的環境配上整個維多行亞港醉人景色影入眼簾💋。 仙氣奇緣（HKD 368): 為左慶祝聖誕🎄及除夕，特別推出五格鍋： 「「荽茜皮蛋」」（配上大量荽茜同皮蛋，荽茜控一定好鐘意）、「蕃茄波士頓龍蝦🍅🦞」（配上半邊龍蝦🦞）、「「冬陰公」」（有大蝦 🦐、青口同埋清甜沙白）、「四川麻辣鍋🌶（配上豬皮、吸精華豆腐卜）及中間的「「椰子清湯」」湯底炸彈則以奪目繽紛的可食用花和水果作點綴，奉客時將加上食用乾冰營造夢幻效果， 令人目不暇給，一個火鍋有齊五種味道，令每人都可以吃到心儀的湯底。頂級安格斯牛小排 （HKD 188）: 🥩 肉質鮮美滑嫰，油花分布平均，入口細緻香甜

今天在銅鑼灣逛街，在搜尋附近的火鍋店看到這一間有很高的評語，所以便試一試餐廳位於時代廣場對面，地點十分好找。想不到這間火鍋店是看着維港的景色！餐廳內裝潢古色古香，空間感很足夠火鍋的醬料十分齊全，而且感覺乾淨揚名四海 - 湯底點了這一個四拼的，十分適合我每樣都想試的人！四個湯底分別是麻辣，豬骨湯，黑松露雜菌湯和酸菜胡椒豬肚湯麻辣湯底中有豆卜和豬皮，吸盡辣味的精華，辣得非常過癮濃湯豬骨湯是我最喜愛的， 十分重料的豬骨，令湯底非常濃郁海鮮拼盤 - 有聖子，帶子，花甲和海蝦。是兩人份量的，海鮮十分新鮮！海蝦上菜是還在動！頂級安格斯牛小排 - 吃火鍋必點的！賣相非常吸睛！牛肉灼幾秒便可，肉質非常軟腍而帶有香濃的牛味！迅速給我們秒殺了黑松露蝦蟹餃 - 原隻蝦肉混入蟹肉，再帶有微微的黑松露味，口感非常豐富即炸響鈴 - 響鈴炸得非常香脆可口，放在湯底數秒便吸盡湯底的味道，非常惹味芝士竹輪卷 - 即是日式魚蛋內釀入流心芝士，芝士是超多的！蔬菜拼盤 - 吃火鍋當然要吃點蔬菜，這個蔬菜拼盤什麼都有。很驚喜是有羽衣甘藍這一種貴價蔬菜！原來羽衣甘藍用來吃火鍋也是十分美味的飲品則點了他們自家製的我洛花茶和檸檬薏米

可以享受午餐之餘，還有靚景睇，呢間真係不錯之選！因為第一次想去食既時候，無預訂沒有位，所以記得訂台呀！一入去，可以坐窗口位置，真好！湯底款式都幾多，可選1個湯底+1個麵底+3個配料+1杯飲料蕃茄洋蔥紅蘿蔔🥕豬展鍋，配午餐肉，芝士竹輪卷，台灣貢丸，米線。湯底夠濃郁，好有蕃茄味，但配料份量較少。台式麻辣臭豆腐鴨血花膠鍋麻辣十足，也有花膠和鴨血在內芝士奶蓋抹茶，厚厚的芝士配上抹茶總括:靚景在旁，坐得舒適，上菜時間快

套餐集齊多款自家美食，獨家招牌造型丸定係特色炸物皆齊，當然仲必有精選肉類同海鮮，而且仲有唔少新奇食法驚喜處處最有新意一定係參照美式海鮮袋玩法，整咗個中式手搖海鮮袋，將海鮮煮熟後再加埋店家自製醬料入袋狂搖，食落同美式海鮮餐廳感覺相似，而且多咗陣湯底香更加惹味，打個邊爐都有得shake超過癮而造型丸同炸物都好過癮，丸就唔洗講，大概每粒都要靠人手搓成動物形狀，心思感十足攞滿分而炸物就有即炸紫菜響鈴同金沙鹹蛋炸魚皮，前者響脆卜卜嘅響鈴入面包住塊同樣香脆嘅紫菜，食落層次感高咗，後者炸魚皮超重鹹蛋香，就算燙一下湯底咁食都唔會走味，超邪惡話說銅鑼灣分店更為於中心大廈高層，好運坐正窗邊位的話仲可以望住個市區景嘆邊爐，真心不得了

今次係超級浮誇既火鍋之夜！最浮誇既係火鍋湯底，雲層由蛋白和食用花組成，白雲下有4個不同的湯底，有辣有唔辣亦都有養生鍋，而中間的是鮑魚雞粥，淨係湯底都已經好豐富🤩睇得又食得！企鵝造型既係墨汁墨魚丸，又幾好食喎，口感幾煙韌！牛肉都好軟軟的！刺身都幾新鮮，唔錯啦！食物整體都不錯，但價錢確實不便宜！如果唔食海鮮預$400-500/人如果食海鮮就要預$700/人up我覺得喜歡相機食先既朋友，一定唔可以錯過！當日坐果個位好熱，越食越熱🙈

因為有一個朋友遲咗少少到所以就坐咗喺度研究個menu一陣，但係個職員已經每10分鐘就找來一次問我地嗌得嘢未，搞到成個感覺好尷尬食材就幾新鮮嘅，推介桂花蚌個職員亦都有送到嘢飲俾我哋飲唯一就係服務上面可以改善嘅明白香港地寸金尺土，但係如果佢係咁追我哋落單嘅原因係之後要交枱，咁我寧願你一早同我講，唔好一味得個追字我又唔知發生咩事我覺得大部份係OpenRice嘅食評，讚得呢間野太好我諗平日有節嘅話我會去嘅，但假日就應該唔會再去啦

好耐冇寫過食評喇，有一段時間懶咗就要有d衝擊先可以的返起個心肝~呢間野本身係我同事想試嘅，咁我睇完食評講到咁勁咪嚟試吓囉~令我咁有衝擊緊係佢會噴煙嘅夢幻花園湯底, 視覺效果一流, 真係夠晒夢幻😂而每格d味都清楚嘅~但我淨係記得黑松露味同東蔭功味,如果無記錯但食物嚟講真係普普通通~完全無特別同驚喜,唔會有樣野特別深刻記得,因為價錢都唔平~碟牛3百几,份量比較少~只係手切牛咋喎，感覺有d唔抵。整體性價比低,自己試過個夢幻花園就算喇。😎

天氣突然轉凍最適合吃火鍋暖暖身體今次來到了這一間之前一直很想試的 — 酒鍋來到時已經坐滿枱 幸好有先預約走火入鍋包含五種不同味道的湯底 好豐富木瓜湯加入大蝦再用火燒好搶眼然後加湯底煮 味道清甜帶酒香清湯牛腩蘿蔔湯滿滿牛腩煮香 湯鍋帶有的蘿蔔煮得夠軟沙嗲湯濃濃沙嗲香 不錯的一款湯底麻辣湯加了豆卜和豬皮 吃下去麻麻的辣辣的 好過癮這款能滿足喜歡吃辣而又有同枱不能吃辣的朋友蕃茄龍蝦湯半隻龍蝦好足料 蕃茄味濃郁頂級安格斯牛小排點了小份 牛小排脂肪紋理漂亮吃下去牛味香濃 配上醬料 不錯不錯海鮮拼盤大蟶子、海蝦、扇貝和兩款蜆類各兩隻各款海鮮都十分新鮮 而且份量十足大大隻 好滿足咪走雞這裡的特色之一 好可愛的雞仔丸子三色鮮製生麵鮮製生麵帶麥香 吃下去又滑又彈牙細滑麵條沾上湯汁 好味道即炸手工紫菜響鈴卷鮮炸酥脆可口 浸一浸湯沾上湯汁配埋紫菜的味道 挺特別紫貝天葵清熱解毒 飲下去酸酸甜甜 健康又好喝檸檬薏米水解油去水腫 清甜之選

今晚老闆請食飯，去咗銅鑼灣V Point 的酒鍋食火鍋。老闆話呢間餐廳有一種湯底叫酒火入鍋，非常特別。讓我們開開眼界！餐廳位於高層，可以望到維港景色，景色優美！座位寬敞舒適。首先上湯底，鍋內分5格，分别是獨特木瓜鍋、蕃茄波士頓龍蝦鍋、清湯蘿蔔牛腩、四川麻辣鍋、潮州沙嗲鍋。上枱後，侍應將酒點火，倒入中間的木瓜鍋，火焰隨即升高，名符其實酒火入鍋，之後加入一粒乾冰，倒入少許水，立即出現煙霧效果，令到木瓜湯有少許酒香味！波士頓龍蝦半隻鮮甜彈牙，蕃茄湯帶甜味。清湯牛腩林滑，蘿蔔夠林又清甜。四川麻辣鍋勁多辣椒香料，又麻又辣好刺激。潮州沙嗲鍋濃郁好惹味。海鮮拼盤：有蟶子、扇貝、海中蝦、花甲，海鮮好新鮮，味道鮮甜彈牙。黑毛豬腩肉玫瑰拼盤：擺設得好美麗，鮮紅色的腩肉像朵盛開的玫瑰花，肉質鮮嫩，肉味香濃。開心小企鵝，又一手功傑作，將墨魚滑做成小企鵝，好有心思，食落口感彈牙。洋蔥豬肉蝦蛋餃：薄薄的蛋皮包住洋蔥豬肉蝦，味道爽口又鮮味。蜂巢豆腐吸收湯汁，可以試足五個湯底濃郁的味道。稻庭烏冬滑溜。即炸手工紫菜嚮鈴卷：除了浸湯，還可以點些酸甜醬即食，口感好鬆脆。蔬菜拼盤：食火鍋都要均衡飲食，食左肉都要食返D蔬菜，新

同朋友慶祝生日，揀左呢間試下。朋友話試下用咸酸菜胡椒豬肚湯打邊爐，雖然覺得有啲怪，不過都試下啦。我地點左份鴨血，鵝腸，花枝片，響鈴，手切牛，牛胸爽，芝士紫菜蝦蟹餃，門鱔丸，墨汁墨魚丸。每份份量唔太多，可以試多幾樣其實幾好。首先個湯底有驚喜，胡椒豬肚味幾出，我同朋友都飲左碗先打邊爐。鴨血質感唔錯，但唔夠入味。鵝腸好多時啲食肆為左避免客人怕肥膩通常都會去哂啲肥膏。但其實鵝腸要連埋啲膏食先夠甘香。呢間就冇去到。花枝片切得夠薄，稍稍焯下就食得。其他食物就冇乜特別，中規中矩。但值得一提係手切牛，質素與價錢不成正比，可以用食牛價錢試多其他幾款食物。