影片
更多
2020-06-07
3295 浏览
可能因為高雄討論太過熱烈，呢兩日網上個個都講關於台式美食。酒鍋有先見之明，喺呢個消息未正式公布之前，老早已經推出了一系列嘅台式超值套餐。前星期和朋友恩師勁哥食過午飯，係佢主場銅鑼灣，我提議食呢間，整番個台灣風味。酒鍋食晚餐就食過兩次，但反而午餐真係未試過。銅鑼灣嘅午市原來人不多，而可能正因為呢個原因午餐就出奇地平。平時你食普通嗰啲茶餐廳可能都要五六十，呢度全部用料上乘又有鍋物又有黑松露油鴨又有什麼酸菜魚，都只係最貴$70有找。講真呢個價錢淨係食環境都一流。如果我喺銅鑼灣返工，我諗我日日都可以嚟食飯。勁哥選的胡椒豬肚花膠黃金鮮雞湯，宣傳單張寫抗疫首選，的確，感覺又健康又滋潤補身。我想講呢碗野真係非常驚喜，碗野大到差唔多有成隻雞咁多，而且胡椒豬肚好入味，好煙韌，加上大大件花膠，仲有鮮甜雞湯。勁哥不嬲好有要求，都大贊呢碗野好好食。你可以配飯、米線和紅薯粉，選了薯粉只因最吸味，又彈牙。點解我會睇中呢間餐廳，全因朋友E先生post了呢個鴨脾太陽蛋配黑松露蛋炒飯，淨係睇樣已經吸引到冇輪。即叫即整過鴨髀炸到好香，鴨皮好脆，令我想起今朝寫來自高雄嘅鴨肉珍，唔知點解鴨肉嗰種甘甜好特別。煎好超靚嘅太陽蛋加
酒鍋有先見之明，喺呢個消息未正式公布之前，老早已經推出了一系列嘅台式超值套餐。
前星期和朋友恩師勁哥食過午飯，係佢主場銅鑼灣，我提議食呢間，整番個台灣風味。
酒鍋食晚餐就食過兩次，但反而午餐真係未試過。
銅鑼灣嘅午市原來人不多，而可能正因為呢個原因午餐就出奇地平。
平時你食普通嗰啲茶餐廳可能都要五六十，呢度全部用料上乘又有鍋物又有黑松露油鴨又有什麼酸菜魚，都只係最貴$70有找。
講真呢個價錢淨係食環境都一流。
如果我喺銅鑼灣返工，我諗我日日都可以嚟食飯。
勁哥選的胡椒豬肚花膠黃金鮮雞湯，宣傳單張寫抗疫首選，的確，感覺又健康又滋潤補身。
我想講呢碗野真係非常驚喜，碗野大到差唔多有成隻雞咁多，而且胡椒豬肚好入味，好煙韌，加上大大件花膠，仲有鮮甜雞湯。
勁哥不嬲好有要求，都大贊呢碗野好好食。
你可以配飯、米線和紅薯粉，選了薯粉只因最吸味，又彈牙。
點解我會睇中呢間餐廳，全因朋友E先生post了呢個鴨脾太陽蛋配黑松露蛋炒飯，淨係睇樣已經吸引到冇輪。
即叫即整過鴨髀炸到好香，鴨皮好脆，令我想起今朝寫來自高雄嘅鴨肉珍，唔知點解鴨肉嗰種甘甜好特別。
煎好超靚嘅太陽蛋加上黑松露，點上蛋白，係最好的配搭，我在想如果有支香檳送就會好正。
個炒飯亦都炒得唔錯，每粒都有好多餸，一口飯包含鴨肉加上炒飯絕對是非常滿足。
飲品嘅選擇相反就冇咁多，選擇嘅芝士奶蓋靜岡綠茶，不錯。
勁哥嘅珍珠奶茶，亦都係水準之上，不過之後先至發現原來唔飲飲品，仲可以有滋補燉湯選擇。
蠢咗，眼大睇過龍，下次要睇清楚先好揀。
高雄人，你選好了下個對象？
銅鑼灣登龍街18號V Point 27樓
港鐵銅鑼灣站 B 出口, 步行約4分鐘
张贴
