酒鍋 (V Point) (已結業)

係Vpoint 食飯除左食之外仲有係食佢個景（但要坐近窗邊先得）第一次幫襯時好 impressive!! 因為晚餐嘅食材同埋環境都好好，而且佢價錢唔係平，一分錢一分貨，我覺得值。但第二次中午嚟，完全係失望，佢係一人一邊爐，但啲料好少，湯底淡，比起出面一人一鍋黎講....如果我係食Lunch 先，我諗我唔會黎幫襯第二次🙃先講晚餐：1: 湯底超級真材實料， 我地叫左個四格火鍋湯底- 抗疫先鋒 - 每一格都唔同，都係養生保健既朋友😊包括： 胡椒豬肚花膠黃金雞鍋、杏汁白肺木瓜雪耳湯、蕃茄洋蔥紅蘿蔔豬展湯、四川麻辣湯！ 一次過食晒四款味道，杏汁既湯底好似去餐館飲既杏汁白肺湯咁，好滋潤。番茄湯充滿蕃茄味。胡椒豬肚湯真係有花膠同埋好香啲圖未。四川麻辣咁佢就唔睇啦。- 黃金炸魚皮：好香鹹蛋味，脆卜卜、熱辣辣！- 即炸手工響鈴卷：同樣熱辣辣脆卜卜正👍🏻- 炸支竹： 唔同既炸物，襯邊邊一流- 鴨血： 正常啦，配麻辣最岩。- 魚皮餃：味道ok 既，起碼唔會入口就爛/散，口感都唔差- 本地手切肥牛- 雪火均勻、有牛味- 韭菜餃- 好香韭菜味 當然打邊爐要配埋嘢飲啦，啤一啤佢或者叫杯飲無酒精飲品打下卡都ok 既

酒鍋可以說是香港近來最火的網紅火鍋了，我對火鍋的要求非常高，如果只是好吃環境不好是過不了我這一關的，這也是我會大力將酒鍋推薦給身邊朋友的原因，窗外可以遠眺無敵海景，各種肉類，海鮮類、菜類更是好吃到沒話說！

秋風送爽，又係 #打邊爐 的好時機啦！今次就走左去 #酒鍋 食咗個強身健體嘅養生湯底。#抗疫先鋒 由四款養生湯底組成的抗疫先鋒真係好啱而家食，所以我都唔執輸一於試返個😋四款湯底包括:▫️「胡椒豬肚花膠黃金雞湯」幫助滋補，養顏👍鮮雞湯味道十分清甜，用料十足，仲可以食到養顏花膠和爽肚。▫️「杏汁白肺木瓜雪耳湯」幫助補氣，補腎👍大愛這款雪耳湯，白肺咬感有彈性，再配以清潤雪耳，正所謂以形補形，對強健肺部好有功效。▫️「蕃茄洋蔥紅蘿蔔豬展湯」含有豐富的維他命，幫助提升抵抗力👍湯底酸酸甜甜，最啱用嚟煮蔬菜冬菇。▫️「四川麻辣湯」幫助益精健脾驅風散寒👍湯底仲有好多大豆芽和雲耳，吸收晒麻辣醬汁，食起嚟更辣得起勁。呢個湯底用嚟煮牛肉一流，將肉嘅鮮味逼晒出嚟😍#即炸手工紫菜響鈴卷 加咗紫菜嘅響鈴原來好好食㗎！即刻炸嘅響鈴就咁食都好香脆，浸落個湯底仲可以吸晒啲湯汁，又有另一番滋味。#黃金炸魚皮 厚厚的一層蛋黃醬，緊緊地零死角地包裹着每一塊魚皮，而且還是新鮮炸起，每一片都脆卜卜，好食到停唔到口囉！！！#頂級安格斯牛小排 打邊爐點可以唔食牛肉？呢度個牛小排出晒名夠嫩滑，輕輕灼10秒便可，咬感軟綿綿像棉花糖，而且擺盤精美

午餐去，個SET好抵！唔係哥哥提點都唔知每個SET仲跟三個餸，驚喜。我兩個人兩個SET所以點左六個餸，其中一個餸係加多＄8，最後試多兩款再加兩個餸。最後埋單有望下張單、怪怪地，但見個價錢合理（＄196）就俾，走人。但一路返工一路諗住嗰個怪怪地，上來睇個餐牌計下，收多左接近廿蚊（我有計加一）。以我天秤座性格都好想講一講件事，希望餐廳睇到呢篇野改進下。我好想再幫襯但我個心有條刺。By the way, 個景一流。裝修都正不過點解張檯可以咁笠?

好一段時間冇同好姊妹聚下, 今晚特意約出黎, 搵左間舒舒服服餐廳打邊爐。同事推介, 銅鑼灣V-Point其中一間火鍋店"酒鍋", 無論食物質素, 環境氣氛都走高檔路線, 近窗邊可以遠望維港。湯底款款有特式, 近期新推出左【抗疫先鋒】HK$288一次過滿足四款湯底, 四款湯底都以養生為主, 補氣、滋潤養顏、驅風散寒, 提升抵抗力, 每款湯底都很足料。杏汁白肺木瓜雪耳湯: 味道清甜, 飲落喉嚨感覺清潤蕃茄洋蔥紅蘿蔔豬展湯: 同樣清甜, 多了一份清新蕃茄香胡椒豬肚花膠黃金雞鍋: 雞件好滑, 豬肚爽彈, 有淡淡胡椒香, 唔食得辣既朋友話有d微辣四川麻辣湯: 辣度濃郁過癮, 就算加湯後, 亦冇掉淡辣度【頂級安格斯牛小排 (小)】HK$188牛小排以垂掛式上檯, 底部有冰粒涼住, 牛小排色澤嫩紅, 牛脂比例較少, 食落唔會滿口油同太漏。【黃金炸魚皮】HK$68即叫即炸, 非常香脆, 啖啖充滿濃郁鹹蛋黃味, 但食到底, 油左少少。【即炸手工紫菜嚮鈴卷】HK$58每件都大大卷, 很有層次, 中心卷住紫菜同樣香脆, 浸湯底一秒食, 表面吸到湯汁味道, 內容還是有層次的香脆, 仲有淡淡豆香。【黑松露蝦蟹餃

秋風起又係烚下烚下的時候，女友提議打邊爐；於是放工約埋一齊去了V-Point 27樓酒鍋。這是一間臺式火煱店，疫情前是很難 book到位的；現在當然冇左這熱鬧的情景啦！服務員禮貌地引領我們入坐，正好面對落地玻璃窗；在此能盡覽維多利亞港。夜景好靚，燈火璀璨；在這環境下享用美食人生樂事。正當我們預備點菜時，單看醬料都有十餘款供客人自行選用；反影餐廳對食物要求絕不馬夫。黃金炸魚皮這個餐前小食認真要比個 like先👍。熱辣辣脆卜卜，外面鋪滿香濃咸蛋黃；食到停唔到口。抗疫先鋒名符其實火煱湯底名稱改得貼地，能照顧不同口味的客人。有滋潤、有殺菌、補脾胃和養生。雪耳木瓜杞子滋潤養顏又明目。四川麻辣當然係照顧一班喜愛辛辣的朋友啦！食物放入囗味蕾又麻又辣感覺刺激。蕃茄湯補脾胃。黃金美人煱由藥材、花膠、雞和豬肚來熬製。花膠分量好多豐富骨膠原。所用的藥材佳以養身為主。頂級安格斯牛小扒(小)一片片舖排在掛架上，下面放上冰粒以保持牛肉新鮮。肉質嫩滑油花均勻分佈，輕輕地淥兩三下入囗卽溶而牛味濃。日本頂級黑毛豬豚腩肉薄切的豚腩肉色澤鮮紅， 肥瘦適中；毫無豬肉的騷味。七星報喜所謂七星其實全是手打自製墨魚丸，混入如粟米、

今晚邊爐控又出動，同好友慶祝生辰！我們選擇去銅鑼灣的酒鍋吃火鍋！先來一個招牌「酒火入鍋」湯底！餐廳職員為我們在湯底加入香醇的玫瑰露，再用火槍點火，一團火便呈現在鍋面上，非常壯觀！另外酒火入鍋共有五個湯底，其中中間的木瓜鍋內木瓜非常鮮甜，大家記得要食！頂級安格斯牛小排肥牛鮮嫩，脂肪比例均勻，打邊爐必吃。日本頂級黑毛豬豚腩肉肥瘦適中，肉質新鮮，咀嚼時有口感！芝士竹輪卷🧀這是肉類以外令我最有驚喜的一款食物！初時以為這只是平平無奇的獅子狗，但咬了一啖之後，內裏的芝士會湧出來的！🤩 咪走雞🐔造型可愛，手打出來的肉丸口感夠Q彈。金沙鹹蛋炸魚皮🥢：魚皮上枱時熱辣辣！鹹蛋味濃，進食時脆卜卜，滋味無窮！即炸手工紫菜響鈴卷🥡：響鈴新鮮自家制，大家要切記不要烚太長時間。檸檬薏米水及竹蔗茅根🍹：兩款的味道都很好，而且不會過甜，是打邊爐的恩物。餐廳無論食物以及職員的服務態度都令人賓至如歸，我相信在不久的將來，我會再來encore的！💯

我地兩個人打邊爐試左一個有齊四個湯底既火鍋**抗疫先鋒包括：胡椒豬肚花膠黃金雞杏汁白肺木瓜雪耳蕃茄洋蔥紅蘿蔔豬展湯四川麻辣湯非常豐富 好處非常多補氣補腎 益精健脾驅風散寒 滋補 養顏 提升抵抗力好足料 花膠厚身又彈牙木瓜雪耳好香甜麻辣湯好夠辛辣又夠麻香火鍋料叫左頂級安格斯牛小排開心小企鵝豆腐紙黑松露蝦蟹餃蔬菜拼盤什菌拼盤手打墨魚丸韓式部隊鍋福袋牛小排非常高質賣相非常靚有個架一片片咁掛係到開心小企鵝好可愛係墨汁墨魚丸好睇又好食黑松露蝦蟹餃黑松露味好濃同蝦肉味好夾又彈牙蔬菜拼盤什菌拼盤都係好新鮮混雜左好多款整體黎講好滿足環境服務好 食物高質值得再黎

天氣涼咗梗係打邊爐啦，今日嚟到銅鑼灣呢間超級靚景嘅餐廳同男朋友黎烚吓烚吓！首先湯底今次要咗個雙拼芫荽皮蛋鍋拼濃湯胡椒豬骨鍋，兩邊都係相對比較清，咁就可以更加食到材料嘅鮮味。而且好想一讚個芫荽皮蛋鍋係超級多皮蛋，啱哂我地！打頭陣有呢個超級浪漫嘅黑毛豬腩肉玫瑰拼盤，除咗靚之外，其實都好足料，用咗好多好多豬肉先至捲到呢舊玫瑰花。除咗賣相之外，味道亦都非常之好，完全唔會有豬嗰陣腥臭味，脂肪比例亦都啱啱好。食完豬梗係要食埋牛，叫咗呢個同樣買上100分嘅掛架頂級安格斯牛小排，睇到雪花嘅部份都可以想像到係幾咁入口即溶！之後就到打邊爐必備嘅丸，呢個七星報喜手打丸拼盤每粒都唔同味，啱晒我哋呢啲樣樣都想食少少嘅人，每一粒都非常之彈牙咖！除咗正常造型嘅丸之外，我哋仲叫咗呢個非常可愛嘅”開心小企鵝”。其實佢係手工墨魚丸嚟，食落墨魚味好香，而且咁可愛小朋友都一定鍾意！我哋全家都好鍾意食餃子，所以今次都要左份有晒我最鍾意嘅元素既黑松露蝦蟹餃，嗰陣黑松露味10分香濃，而且餡料非常豐富有蝦又有蟹，鮮味十足。之後我哋亦都點左台灣空運鴨血，鴨血厚薄適中，夠彈牙，冇奇怪嘅血腥味道，完全係爭住黎食！食咗咁多肉係時候食返啲菜，

呢一年香港發生好多事情，自己都少左出外進食，細想一下，原來上一次去酒鍋食，已經係一年前尖沙咀那一次！今次去銅鑼灣分店，懷念一下。呢度嘅湯底同一般火鍋店嘅湯底不同，很有特色！而且可以一次過品嚐不同口味的湯底！點完菜後，侍應很快就送上醬料盤，醬料選擇多，可以慢慢混合。今次點的菜！酒火入鍋$328今次試左一個未試過既湯底—— 酒火入鍋!一上湯底，聞到好香濃既酒味，原來係有玫瑰露酒既成份，所以好香！酒就有啦，咁火呢？？酒火入鍋！話明酒火入鍋，當然一定會有火同酒！過一陣，侍應就黎點火！！！因為有濃烈的酒，所以一點即刻火雄雄，呢個畫面好靚！一開始已經有視覺同嗅覺的享受，令我更期待之後的味覺衝擊！燒完之後，可以慢慢欣賞這五款湯底口味！中間的是鮮蝦木瓜鍋，入面有濃濃嘅酒味，湯底有酒香！旁邊的是蕃茄波士頓龍蝦鍋、清湯蘿蔔牛腩、四川麻辣鍋和潮州沙嗲鍋！每一個湯底各有特色，每一格都有不同的口味，而且湯底材料豐富， 食極都仲有！叫了一整桌餸菜，五顏六色，多姿多彩！依家望番，覺得我和男朋友真的太瘋狂，但是值得的！黃金炸魚皮$68叫了小食炸魚皮依下肚先，魚皮好脆，連鹹蛋黃一齊炸，味道香濃，對於兩個人來說，份量都幾

突然好想食火鍋，想起朋友先前推介過「酒鍋」!! 今日特意相約朋友去試下。我們訂了六點半，都已見好幾檯客人，幸好仍可安排我們入座窗口位置。坐下後，當然被窗外的美景吸引，其後環看店內裝潢時尚，檯旁放有整桌調味料，讓我們隨意混醬。我們睇過餐牌，食物種類繁多，有選擇困難的我，點選食什麼真艱難。最終還是點了ㄧ個鴛鴦鍋，ㄧ邊是清熱功效的皮蛋芫茜湯，另ㄧ邊是鮮味的豬骨湯。湯底部份沒有添加味精又不會咸，好讓我們食出各食材鮮味。飲品方面，點了雪梨雪耳杞子茶、羅漢果菊花茶，兩款都不會太甜，飲下去清熱滋潤，火鍋後最適合不過。頂級安格斯牛小排(細)ㄧ片片牛小排掛在木架上，底部放有冰粒，幫助保鮮。再睇睇牛肉油花分佈均勻。放入鍋中泡燙兩三下便急不及待放進口中品嚐，肉味濃郁，口感軟滑，再沾上自行調配的醬汁，真係好滋味。黑毛豬豚腩肉玫瑰花平盤師傅將黑毛豬豚腩肉片捲成玫瑰花型態，十分吸晴。豚腩肉不太肥，我還怕泡燙後會很粗糙，誰知沒有這情況出現，還有淡淡的豚肉味，正!!七星報喜 七款不同味道的手打丸，有鮮蝦丸、鮮墨魚丸、芝士墨丸、黑松露丸等……款款爽口彈牙，鮮味可口。黑松露蝦蟹餃餃子皮混入黑松露，令到水餃皮面變成黑色，咬

今日約咗屋企人去銅鑼灣行街，諗起朋友介紹附近有一間打邊爐好正嘅地方，今晚一於同屋企人試吓。「酒鍋」位於銅鑼灣某商業中心高層，我哋一坐低就已經俾佢嘅環境吸引咗。再望出去原來可以睇到好靚嘅景色，令人心曠神怡。睇完餐牌之後我哋叫咗個「黃金美人」嘅湯底，湯底足料，有齊雞件，花膠同埋豬肚。非常適合女士食用。配菜方面我哋今晚揀咗安格斯牛小排、日本黑毛豬豚腩肉、手打蝦丸、墨魚丸、蜂巢豆腐、黑松露蝦蟹餃、鮮菜什菌拼盤同埋一試難忘嘅黃金炸魚皮。首先講安格斯牛小排，肉質鮮甜，油脂分布平均，肉味非常濃郁。跟住試吓黑毛豬豚腩肉，同牛小排一樣，肉味濃郁，最重要係肥瘦分明。至於手打蝦丸和墨魚丸，大大粒，而且爽口彈牙，口感非常好。我覺得佢嘅黑松露蝦蟹餃係必食嘅配菜，黑松露嘅鮮味再加上一粒粒彈牙嘅蝦肉同埋一絲絲嘅蟹肉，非常足料，而且口感十分滿足。佢哋嘅蜂巢豆腐我覺得都好好食，我哋一早將啲豆腐放入湯底裏面，吸晒湯裏面嘅精華，真係超好食。到最後不可不提嘅就係佢哋嘅黃金炸魚皮，咬落非常爽脆，每一塊魚皮都黏有鹹蛋，非常惹味。到最後飲番杯餐廳自製嘅雪梨茶同竹蔗茅根水，真係清熱解渴。最特別嘅係佢哋嘅電燈膽形狀嘅杯，非常特別。

出晒名鍾意打邊爐嘅我哋，都有唔少私心推介，其中位於銅鑼灣登龍街V Point嘅酒鍋，就係我哋其中一個至愛選擇！酒鍋主打精緻高質打邊爐，湯底用料足而且食材新鮮，呢啲當然係基本嘢啦，而最令我哋驚喜就係呢個維港醉人靚景，坐得又舒服，生日慶祝或周年聚會都好適合，原來打邊爐都可以打得好浪漫㗎！黃金炸魚皮依家好多火鍋店都有做黃金炸魚皮，但好多時啲黃金比例都唔太啱，太多嘅鹹蛋黃令未開始打邊爐已經飽咗一半。但酒鍋嘅黃金炸魚皮就好啱我哋嘅口味，炸魚皮表面嘅黃金比例啱啱好，炸到金黃色，口感香脆，熱辣辣，脆卜卜，最重要係食完唔會太膩。抗疫先鋒湯底選擇咗抗疫先鋒，一次過試咗4款湯底：藥膳花膠雞湯、杏汁白肺鍋、四川麻辣鍋同蕃茄湯。藥膳花膠雞湯入面有大量花膠，雞湯濃郁，未打邊爐前記住飲番兩碗；杏汁白肺鍋嘅杏仁味香濃，入面仲有木瓜，好滋潤；蕃茄湯嘅湯底濃郁，好鮮甜；而四川麻辣鍋有大量指天椒同花椒，越食越辣，好刺激呀！頂級安格斯牛小排牛小排用掛架上枱，賣相一流，呢個小份嘅份量都唔少。其實牛小排係牛嘅前胸肋骨，賣點係油脂均勻，肉味濃郁。日本頂級黑毛豬豚腩肉豬豚腩肉嘅豬香味超濃郁，一層肥一層瘦，口感一流。七星報喜呢個手打

入秋就係開始瘋狂打邊爐 fd book ge 未試過都唔知咁正而家限聚令又限時 我地夜左入座 服務員哥哥姐姐都好熱情咁招待我地 好開心嘅一餐飯湯底 $288一班人打邊爐 各有喜好 叫個四格鍋就啱哂 分別有 四川麻辣；蕃茄薯仔豬骨；喇沙海鮮；清湯牛腩 我地叫嘅巨無霸芫荽鍋仲有一大堆芫荽係上面 中意食嘅記住嗌 唔中意食嘅記住唔好嗌😂.食物我地都叫左唔少種類叫做咩都試下，所以pick 左啲個人覺得推薦必試：.🐮 $188(小)  $128打邊爐點可以冇牛呢 牛小排嘅脂肪平均 肉同油比例岩岩好 淥到岩岩好熟就最正 牛柳粒就要放耐少少 肉質唔實同冇根 一啖一粒(牛肉放埋落清湯牛腩果格就最正).刺身] 半條$988 一條$1688一上碟我嘩左一聲 真係好大盤好壯觀 即切仲好新鮮好爽 而且一定冇雪味.🦪 $188隻隻都好大隻好肥 仲要唔縮水 包你滾左都搵得反 食落都好重蠔味同好厚肉.🐧 $88好可愛嘅墨丸 外面係黑墨丸 包住個用白墨丸整嘅肚仔 成個size 等於成兩粒丸咁大 要殘忍啲分開一半同朋友開心share.🍄避風塘靈芝菇(小食) $48冇諗過菇炸左會咁好食 外面脆卜卜 菇仲係軟軟地 口感