酒鍋 (天文臺道) (已結業)

酒鍋呢個大名就聽過好耐喇！朋友升職咁高興，豪氣地請我地去打邊爐🍲但有位朋友係素食人士，所以我地就嗌左個素食套餐！真係估佢唔到素食餐都有咁多菜色！醬料都好足，有啲一般見唔到既配料，例如花生粒等等呢個五合一湯底就勁喇！重口味既冬陰公、素酸辣湯有，新穎既黑松露雜菌湯有，傳統既蕃茄薯仔湯有，連養顏既雪梨雪燕杞子清湯都有！其實種種都好味，但我個人就緊係最中意養顏湯底啦！即炸手工響鈴：即炸脆卜卜，入面仲有紫菜😎竹笙、筍、菇類拼盤：菇有幾多款之前都係未食過既套餐配有四款素餃，分別係茄子造型秋葵素餃、雲耳素餃、素麻婆豆腐餃、白菜造型素餃，其中素麻婆豆腐餃就最特別，細細粒餃都可以完全體現麻婆豆腐既味👍滷水臭豆腐：套餐除左邊爐配料仲有啲小食，微辣幾好食蔬菜拼盤：睇相都覺得夠晒fresh!我地另外食肉既人實在太想試呢個咁出名既牛肉，忍唔住散嗌左哈哈～ 果然係入口即溶好正呀！最後就有呢個青瓜手捲！ 造型夠晒有喜感，味道微酸，清新解濟入面有絲絲青瓜絲增加口感套餐既野食多到成枱都係，完全唔驚唔夠飽

秋意開始漸濃，吃點熱食是最好不過的事情。今次去到尖沙咀的天文台道同良朋火鍋，十分滿足。酒鍋走的路線是較高級，而且食物上有要求之人。醬料大量選擇 ($22/位)即炸手工紫菜響鈴 $58即炸的好處是入口十分脆，而且紫菜味襯托湯底下不錯。打邊爐最重要是什麼？ 當然湯底佔了重要的位置。今次見有南瓜鍋 (嘩鬼南瓜鍋 $288) 當然要試 (感覺上健康點)南瓜會不斷向下沉，溶化，而上面的麵條會吸收南瓜精華，十分香甜，不錯。三拼台式麻辣小鍋 $138 辣得非常過癮，麻辣味極香，怕辣人士可以點點湯底解辣，感覺不錯。沙薑雞餃 $88本身擔心有中伏情況出現，但是卻又相反。因為沙薑味很突出，但又十分match, 喜歡試新野既朋友可以一試。竹蔗茅根 $26都很足料，但份量如果大一點會更好

最近天氣開始凍, 證明打邊爐既日子又到喇! 上星期剛好係慶祝朋友生日既聚會, 大家正討論食咩, 我就提議這.  其實早在上年已經有同男朋友黎呢度食過, 覺得質素幾好, 就黎呢度了! 酒鍋有套餐亦都有單點, 大家討論後覺得食餐感覺上抵食&豐富D2Pair人黎食火鍋, 叫既自自然都與眾不同!  今日食既火鍋有別於一般食既食材, 我地點既係酒鍋頂級佛跳牆$438/套餐價(每位)真材實料既湯底真係冇花冇假, 佛跳牆既湯底有素翅, 鮑魚金華火腿, 花菇, 江瑤柱海參等等, 最重要既主角一定係呢隻超大大花膠!!!! 用花膠做湯底今次真係第一次, 真係有d奢侈~~~~湯品就好似燉左好幾個鐘既燉湯咁, 因為有用金華火腿喂過, 湯品帶有淡淡咸香始終係打邊爐既湯, 入口雖然未至於有漿口感覺, 但鮮甜味極至! 的確唔錯一開始先食左少少試下先, 其實花膠已經好正! 十分有厚度既花膠頗有口感, 食完個咀仲不其然咁痴埋左, 骨膠原既始對於我十分中意保養皮膚既人呢個湯底真係岩晒冬菇係大大粒既花菇, 如果中意帶d口感既建議一開始冇耐就先食用, 因為再煲多一段時間花菇除左吸收左湯之外口感都會變林不得不提既除左花膠之外一

朋友生意節節上升，所以想請我哋食好啲同埋豪啲，咁啱有兩個朋友都係素食者，於是就揀咗呢間酒煱，有打邊爐嘅素食餐單，可以慢慢吹水。我哋就叫咗素食火鍋四人餐，呢個餐單包左15樣餸，超級豐富，用料新鮮，完全唔會有雪藏的味道，坐佢隔離好似置身於大自然咁。飲品方面我哋叫咗檸檬薏米水，味道都係偏甜，唔會太酸，底下仲會有好多薏米食下。食物方面就逐樣講下啦～青瓜手卷：外面舖滿紫菜，入面有一條條嘅青瓜絲，好似日本啲手卷咁，味道ok。滷水臭豆腐：聞落去真係有一陣臭味，好似坑渠水咁，但係食落滷水面係會蓋過嗰陣臭味，而且豆腐索晒啲汁，咬落去勁juicy。避風塘靈芝菇：避風塘嗰陣香辣味佢完全演繹左出嚟，雖然係素食，但佢炸到啲靈芝菇好甘香，脆卜卜，好食！各種素餃：所有餃子嘅內涵都係不同嘅素食材料，好特別，例如有好健康嘅秋葵，甚至狂野小小嘅麻婆豆腐都有，皮薄餡靚，而且味道非常之夾，超級值得一試！野生竹笙、蜂巢豆腐：兩款都有異曲同工之妙，用料都非常新鮮，浸落去湯底就索曬世啲汁，吸收左啲精華，超級正！紫菜響鈴：呢度響鈴應該係自家製出品，比平時係街市買到嗰啲大件，應該有大1.5倍，紫菜嘅脆卜卜同響鈴非常夾，口感好好。最後我

比起任食邊爐，其實我鍾意食自己食咩就剔咩，起碼唔會係咁叫，到最後食唔晒。一去到揀左湯底之後就會上醬料比你自己溝，裝豉油果個好得意等左陣終於上個鍋，因為大家都好餓，淨係影左幾張就算，掛住食🙈😂😂 麻辣湯底雖然淨係叫左少辣，但食到最後愈黎愈辣，辣得黎又好正，會想keep住食。 另一個就叫左美人鍋，呢個鍋會配一份雞，其實都幾多，個湯都幾足料，我記得有花膠係入面！！！ 我地仲叫左手打蝦丸同埋蛋餃。蝦丸好足料，同埋都幾彈牙；蛋餃呢就幾特別， 唔係度度都有，失落都唔錯。之後仲叫左蔬菜盤，黑毛豬同肥牛。本來唔打算叫肥牛，但叫到個造型夠晒呃like，朋友即刻叫左，因為我唔食肥牛，所以就比較唔到好唔好食，但朋友就話好好食。 其實整體都算唔錯，係價錢偏貴左少少。

實不相瞞，對上一星期先食完銅鑼灣分店，友人就約我再訪，由於今日大家都放假，唔想特地過海，就揀左比較方便嘅尖沙咀店。入座時剛好六點鐘，全店客人未算好多，七點後嘅客人，建議訂位，尤其是人多嘅話，因為餐廳都幾full。餐廳裝潢古色古香，年多前曾經到訪，一部份卡位，亦有房間，未有問及低消，坐得舒適。燈光方面稍暗，播放比較輕快嘅英文歌，環境俾高分醬油餐牌方面選擇多，仲有兩款套餐，定價人頭$488/$598，包湯底、海鮮、肉類、餃、丸之類等火鍋配料、麵食，唔算性價比高，不過多個選擇。我地今次係散點，人均約四百蚊，都差唔多，可以彈性喺自由選擇。酒火入鍋 $328依然係點呢款湯底，一鍋五味，包括中間嘅鮮蝦木瓜鍋、蕃茄半隻龍蝦鍋、清湯蘿蔔牛腩鍋、四川麻辣鍋、沙嗲鍋。上枱後店員會點火，配合鍋底，令火焰熊熊，加湯後就會形成仙氣效果，今次冇喺銅鑼灣店時咁澎湃，反而我覺得更加好第一湯底唔會因為有太多乾冰而滾唔起，第二枱面亦唔會因為「迷霧」而濕轆轆。木瓜鍋中有半件木瓜、清湯加鮮蝦三隻，蝦肉爽口，夠新鮮蕃茄湯中有半隻波士頓龍蝦，龍蝦肉比較少而口感削，唔係太新鮮。至於麻辣鍋底，始終跟川式麻辣有距離，少麻少辣，入口溫和

而家打邊爐ge選擇好多，但要有格調得來又有噱頭就特別吸引，呢間喺天文台道嘅酒鍋喺商廈二樓，裝修唔似一間火鍋店，好似酒吧咁，飲下野，傾下計嘅好地方。呢度嘅火鍋選擇好特別，就好似我地點嘅酒火入鍋湯底，即是五行鍋，一鍋有齊五種唔同口味嘅湯底，麻辣、沙爹、蘿白、番茄龍蝦、木瓜湯底。有辣有唔辣，任君選擇沙爹湯底香濃，麻辣湯底亦都夠剌激；蘿白、牛腩份量都多，有得食，而個湯底亦都幾清甜。配料方面點左安格斯牛小排，用一個晾哂形式呈現，夠別致。牛肉食落幾嫩，輕灼幾秒已經食得，好食嘅。另外點左墨汁腸，有食到台式香腸嘅味道同感覺，喺香港來講，相當難得。至於鮮蝦水餃，一份6粒，食得出有鮮蝦肉，爽口新鮮手打芝士蝦丸雖然細細粒，但蝦嘅味道都出，而且仲幾流心，唔係好多芝士，但感覺剛好仲點左即炸紫菜響鈴，呢個係幼卷，唔算粗身，食落未夠鬆化，普普通通啦。最後點左三拼台式麻辣小鍋，一大碗入面有台式豆腐乾，豬紅同埋花膠。麻辣味道唔會好濃，唔誇張，啱啱好，配料索哂味道就咁食都正。豆腐乾最為吸味，鐘意麻辣一定要點

繼去年到過銅鑼灣酒鍋後對這裡的食物裝潢感覺不錯、今次早早訂枱再來一次。餐廳裝潢中西合壁、有中國風的橫樑、亦播放著西方的流行搖滾。酒鍋出名多不同湯底、滋補、清潤、麻辣什麼都有、這陣子竟推出了萬聖節系列的南瓜湯鍋！哇、真的好有萬聖節氣氛🎃🎃🎃 原隻南瓜盛著各種蔬菜、浮載於湯中、感覺帶點詭異又有趣。為切合主題、他們都推出了嘩鬼糯米餃、好靚似甜品、南瓜仔糯米餃煙煙韌韌。掛架頂級安格斯牛頸脊是這裡的招牌必點。一片片油脂均勻的安格斯牛頸脊掛在木架上、下要鋪著冰以保牛肉新鮮狀態。涮幾秒就吃得、肉質軟嫩。黑松露蝦蟹餃 皮薄、裡面蝦肉蟹肉好彈牙新鮮。七星報喜 - 七款不同的丸、賣相好靚。初嘗這個水蓮、捲得像個橡筋圈、吃下去又幾爽口、不錯哦。另外點了個紫貝天癸茶、以燈泡製成的容器幾別緻、紫貝天癸茶清甜解膩。

呢日打算同屋企一齊去打邊爐，但係諗到有小朋友，一來怕佢哋走嚟走去會危險，二來一打打幾粒鐘，都怕佢哋唔會坐得定。今次好豪咁試一次邊爐外賣直送，Order咗酒窩的四人餐再加多個海鮮盤。上網訂好方便，仲可以額外按金租埋個爐同個煲，因為佢係4款混合湯底，所以一於租埋佢個4格煲唔駛煩。速遞好準時就送到嚟，個外賣盒大到連個人都可以塞入去。一層一層打開由雪花和牛開始，每樣嘢一見到都非常震撼！因為個場面真係幾誇。海鮮拼盤睇落OK，食落仲OK，超新鮮！湯底全部密封包住，要剪開倒出嚟，有豬骨、沙嗲、麻辣同埋黑松露四款湯底。仲有幾款特色丸，好正係呢個企鵝造型(雖然有少少唔似，睇咗好耐先認得出)另外一樣最吸引係個調味料真係好似去咗酒家咁，有好多樣可以落，就連豉油麻醬都包埋，真係完全咩都唔駛買就可以打得。不過就有D貴，始終有品質保證，大時大節先試下都無妨啦！

天氣轉涼，又是吃火鍋的季節。適逢十月萬聖節，餐廳推出了嘩鬼南瓜鍋。鍋中放有原個南瓜，並細緻地在眼睛和嘴部分貼上紫菜。中心部分挖空後放入了山葵、鮮冬菇、生菜等，湯底還有大量粟米、紅夢蔔、本菇，看起來健康又清甜。待湯底煮沸時，先吃一下金沙鹹蛋炸魚皮，脆口而不油膩。水蓮極像綁頭髮的橡筋圈，食落有點像粗版的韮菜花，比較爽口。黑松露蝦蟹餃餃皮略嫌厚身，幸而饀料算新鮮。掛架安格斯牛頸脊夠吸睛，輕輕在鍋中燙幾下便可，肉質嫩滑。嘩鬼糯米餃造型可愛，旁邊的小燈泡還會一直變色，小朋友最愛。七星報喜 - 食了其中兩款，蝦丸和墨魚丸也彈牙竹蔗茅根甜甜地，清熱佳品

又是每月一餐的時候，友人提議去酒鍋，蠻出名的火鍋店，以新派中日海鮮火鍋見稱，有興趣好耐，而加可試下，位於天文台道8號，十分方便之地。 裝潢是中式設計，紅黑色主調，牆上和風壁畫，設有酒吧，感覺型格時尚。 我們5人，座的是卡位，位子寬敞，枱隔離有個木架，放置了餐牌及碗碟。 濕紙巾都好型。 咁多配料，簡直係混醬。 福字盆好精美。 錦盒內藏紙巾。 餐牌，用古代木雕門窗作封面，好有心思呀。 美人鍋-藥膳花膠雞，$198，見到個名，忍唔住叫了，有花膠感覺名貴。 花膠及雞，材料十足。 藥膳湯底，藥材味濃郁，花膠大口感腍滑帶爽，雞肉吸收了濃湯，食落有藥材味，難得口感仲係軟滑，好滋補呀。 頂級手切肥牛，$368，色澤好似幾新鮮，牛味濃，口感軟腍，味道不俗。 日本黑毛豬肉，$188，難得口感軟嫩，味道不俗。 七星報喜，$88，彩色的墨丸，好靚，有原味、菠菜、紅菜頭、甘荀、墨汁及南瓜等，試了墨汁，口感彈牙，味道不太突出，普通水準。 鴨血，$68，口感軟。 鮮准山，$38，夠爽口。 芝士紫菜蝦餃，$58，芝士味不算太濃，蝦爽口，都不俗呀。 即炸手工紫菜嚮

天地堂難得有閒情逸致去食涮涮鍋~ 平日lunch一個鍋最平$68加一 自選三款配料加一杯台式特飲重量芝士黑松露雜菌鍋 $68+9頭啖湯已經幾香菇味好驚喜😍 再撈埋一齊充滿松露芝士香好正 越煮越濃郁 直頭變左忌廉蘑菇湯既感覺😈 個鍋滿成咁 除左因為好多菇之外 粉絲更加多到食到5大碗😳 吸收曬d湯汁好惹味! 感覺都唔算太膩 但最後都要投降 好飽🙈揀左三款都係聲稱自家製既配料 麻辣花膠冇諗到係分開上枱 三大片幾吸引! 夠淋少膠都算入味😋 炸魚皮香脆唔會過硬 鮮蝦雲吞就得兩粒仔普普通通 其他配料唔算吸引冇揀到跟餐既芝士奶蓋靜岡抹茶就比較淡味 至於友人既"足料"蕃茄湯感覺冇咩特別 泡飯就純粹得好細兜白飯btw抵食過佢既午市涮涮鍋都有唔少 好耐冇食101既午市涮涮鍋 抵食過呢個好多!

一直對這裡的五格火鍋深感興趣，選了窩心套餐的"醉生夢鍋"（酒燒龍蝦黑松露芝士、四川麻辣、沙嗲、花膠黃油雞、肉骨茶），每位$598，兩位起。當天沒有book位，兩人18：30左右walk in，不用等就進去了。坐的是隔間，裡面總共三張桌子。環境偏昏暗，裝潢有特色，以古色古香為主，連茶具餐具也是用古代器具，十分有趣。除了本地人，也有不少外國遊客到場，到處都是國語或英語。五格火鍋實在足料，還有一盤濃濃的芝士汁，包含龍蝦可以加進去中間的鍋格，芝士不算太膩，龍蝦7分。沙嗲調味給個7分，喜歡的。除了這兩個湯底和麻辣，另外兩種肉類湯底不試。三種試下來，我特別喜歡四川麻辣鍋，這個實在合我口味，給個8分，雖然不算麻，但吃起來喉嚨會覺得灼熱，我太喜歡辣了。這裡的麻辣足夠辣！刺身拼盤有三文魚、帆立貝、海膽，都很新鮮。火鍋配料有扇貝和聖子皇，各大大兩隻，吃起來也是非常鮮甜。煮的時間短，不會過老，也是吃海鮮重點。黑松露蝦蟹餃有肉沒有吃。三拼福袋挑了鵪鶉蛋福袋來吃，這樣吃鵪鶉蛋還是第一次，搭起來非常特別。即炸手工紫菜嚮鈴卷，我都吃了！平常就喜歡吃嚮鈴，這個加入紫菜捲在裡面，吃起來多了一層口感。烽巢豆腐就比較失威，

今日同四個朋友去試呢間位於天文台道的火鍋餐廳一入到去，就覺得間餐廳裝潢設計好特別，好似四川火鍋的格局。職員安排左我地坐卡位，非常舒適，坐下來後見到餐牌設計都好特別，一坐下見到有很多調味料選擇，我地叫左個四格湯底，有麻辣、豬肚、野菌、豬骨，然後叫左海鮮拼盤、安格斯牛肉盤，沙爹小龍包，麻辣餃等等⋯上菜速度非常快，而且食材擺設非常精美。開動了！海蝦非常新鮮，聖子扇貝非常甜美⋯原來小籠湯包不是火鍋用，而是直接食用，所以要襯熱食，味道也很好👍麻辣餃味道不太辣，飲品是燈泡型的，啤酒也不錯，其他食物都不過不失。中途發生了小意外，但職員都非常友善地幫我們解決了，真的非常感謝她的幫忙。

係尖沙咀行街，行到lunch時間，👪三口子走去試酒鍋推出嘅精選午市套餐！一人一個迷你火鍋！午餐打邊邊都真係第一次！店內環境設計有格調，地方闊落，坐得舒服。午市套餐$68起，共有12款迷你火鍋湯底揀，自選3款配料 + 1款粉麵 + 1杯飲品。如3款配料唔夠嘅，加$8/份。(特別配料需加錢)加重芝士蓋嘅「黑松露雜菌湯底」湯底幾濃郁，再加重芝士，好正！至於老公就點左「台式足料老火養生燉雞湯底」，雖然燉雞鍋內雞件唔多，但個湯好清甜！另外，見到有兩個幾特別嘅湯底，「台式麻辣臭豆腐鴨血花膠鍋」好適合喜歡吃辣嘅朋友;「杏仁奶木瓜雜菌燉雞鍋」 睇個名就知好滋潤，下次要試下！配料方面，打邊爐唔少得係牛，我哋加錢點左「 安格斯肥牛」及「酒鍋秘製炆牛筋腩」。牛筋腩好腍！沾少少 #秘製XO醬，正！粉麵呢，就試左個「馬來西亞魚麵🍜」，個魚麵出奇地彈牙！「芝士奶蓋靜崗抹茶」奶蓋唔厚，但勝在茶底唔錯！齋打邊爐唔夠，仲點左特色前菜「紅油抄手」及「麻辣豬耳」。午市套餐的確幾抵食！三口子食到捧住肚走！