影片
更多
2018-10-18
146 浏览
朋友生意節節上升，所以想請我哋食好啲同埋豪啲，咁啱有兩個朋友都係素食者，於是就揀咗呢間酒煱，有打邊爐嘅素食餐單，可以慢慢吹水。我哋就叫咗素食火鍋四人餐，呢個餐單包左15樣餸，超級豐富，用料新鮮，完全唔會有雪藏的味道，坐佢隔離好似置身於大自然咁。飲品方面我哋叫咗檸檬薏米水，味道都係偏甜，唔會太酸，底下仲會有好多薏米食下。食物方面就逐樣講下啦～青瓜手卷：外面舖滿紫菜，入面有一條條嘅青瓜絲，好似日本啲手卷咁，味道ok。滷水臭豆腐：聞落去真係有一陣臭味，好似坑渠水咁，但係食落滷水面係會蓋過嗰陣臭味，而且豆腐索晒啲汁，咬落去勁juicy。避風塘靈芝菇：避風塘嗰陣香辣味佢完全演繹左出嚟，雖然係素食，但佢炸到啲靈芝菇好甘香，脆卜卜，好食！各種素餃：所有餃子嘅內涵都係不同嘅素食材料，好特別，例如有好健康嘅秋葵，甚至狂野小小嘅麻婆豆腐都有，皮薄餡靚，而且味道非常之夾，超級值得一試！野生竹笙、蜂巢豆腐：兩款都有異曲同工之妙，用料都非常新鮮，浸落去湯底就索曬世啲汁，吸收左啲精華，超級正！紫菜響鈴：呢度響鈴應該係自家製出品，比平時係街市買到嗰啲大件，應該有大1.5倍，紫菜嘅脆卜卜同響鈴非常夾，口感好好。最後我
我哋就叫咗素食火鍋四人餐，呢個餐單包左15樣餸，超級豐富，用料新鮮，完全唔會有雪藏的味道，坐佢隔離好似置身於大自然咁。
飲品方面我哋叫咗檸檬薏米水，味道都係偏甜，唔會太酸，底下仲會有好多薏米食下。
食物方面就逐樣講下啦～
青瓜手卷：外面舖滿紫菜，入面有一條條嘅青瓜絲，好似日本啲手卷咁，味道ok。
滷水臭豆腐：聞落去真係有一陣臭味，好似坑渠水咁，但係食落滷水面係會蓋過嗰陣臭味，而且豆腐索晒啲汁，咬落去勁juicy。
避風塘靈芝菇：避風塘嗰陣香辣味佢完全演繹左出嚟，雖然係素食，但佢炸到啲靈芝菇好甘香，脆卜卜，好食！
各種素餃：所有餃子嘅內涵都係不同嘅素食材料，好特別，例如有好健康嘅秋葵，甚至狂野小小嘅麻婆豆腐都有，皮薄餡靚，而且味道非常之夾，超級值得一試！
野生竹笙、蜂巢豆腐：兩款都有異曲同工之妙，用料都非常新鮮，浸落去湯底就索曬世啲汁，吸收左啲精華，超級正！
紫菜響鈴：呢度響鈴應該係自家製出品，比平時係街市買到嗰啲大件，應該有大1.5倍，紫菜嘅脆卜卜同響鈴非常夾，口感好好。
最後我地仲叫咗牛肉，啲牛肉係掛係條柱度上，望落特別高級，打卡一流，結果食落都特別高級，有入口即溶嘅感覺，仲有好重牛味。
张贴
