酒鍋 (天文臺道) (已結業)

而家打邊爐ge選擇好多，但要有格調得來又有噱頭就特別吸引，呢間喺天文台道嘅酒鍋喺商廈二樓，裝修唔似一間火鍋店，好似酒吧咁，飲下野，傾下計嘅好地方。呢度嘅火鍋選擇好特別，就好似我地點嘅酒火入鍋湯底，即是五行鍋，一鍋有齊五種唔同口味嘅湯底，麻辣、沙爹、蘿白、番茄龍蝦、木瓜湯底。有辣有唔辣，任君選擇沙爹湯底香濃，麻辣湯底亦都夠剌激；蘿白、牛腩份量都多，有得食，而個湯底亦都幾清甜。配料方面點左安格斯牛小排，用一個晾哂形式呈現，夠別致。牛肉食落幾嫩，輕灼幾秒已經食得，好食嘅。另外點左墨汁腸，有食到台式香腸嘅味道同感覺，喺香港來講，相當難得。至於鮮蝦水餃，一份6粒，食得出有鮮蝦肉，爽口新鮮手打芝士蝦丸雖然細細粒，但蝦嘅味道都出，而且仲幾流心，唔係好多芝士，但感覺剛好仲點左即炸紫菜響鈴，呢個係幼卷，唔算粗身，食落未夠鬆化，普普通通啦。最後點左三拼台式麻辣小鍋，一大碗入面有台式豆腐乾，豬紅同埋花膠。麻辣味道唔會好濃，唔誇張，啱啱好，配料索哂味道就咁食都正。豆腐乾最為吸味，鐘意麻辣一定要點