酒鍋 (天文臺道) (已結業)

周圍食野系列又黎喇疫情下少左人打邊爐，我同家人唔怕喇環境不錯，幾有格調，坐得幾舒服仲有室外地方可與朋友中途抽煙傾下計雖然價錢略貴，但個湯底反而抵得黎又有驚喜其中有些食物都幾特色而不錯。《黃金美人》$268認真超級足料，超多花膠、雞件和豬肚雞件肉質都好滑～名乎其實真材實料黃金美人由胡椒豬肚➕花膠黃金鮮雞湯而成非常濃郁，大大鍋食左咁耐都只是加一次湯煲左咁耐花膠都未食完花膠煲耐點口感較好～食完膠原仲有痴痴咀既感覺，不得了！味道：⭐️⭐️⭐️⭐️⭐️ 5粒滿還有多款湯底款式，佛跳牆鍋、韓式雞煲、中意芫茜既巨無霸芫茜鍋、獨特木瓜鍋其中的龍蝦鍋🦞都幾新潮特色，下次都可以試下昆士蘭和牛丸 $98/6粒又是值得一讚彈牙爽口，牛味重，口感明顯不同於平時食的。味道與口感：⭐️⭐️⭐️⭐️⭐️肥媽墨汁腸 $58/8片味道：⭐️⭐️⭐️⭐️唔會太咸，一般平時的會又油膩又咸！放心食～秘製脆炸鮮魚皮 $68和即炸手工紫菜響鈴卷$58/5個～都幾特別，魚皮厚身又有炸蒜蓉碎～口感鬆脆！雖說有骨但唔會刺到的，浸一浸湯更好味！初頭唔知～以為一般魚皮都好快有，原來即炸而成，真係需要d時間，剛到仲熱辣辣味道：⭐️⭐️⭐️⭐️本地手切肥牛 $328有少許根～肥肉

有一次傾完保險見到 酒鍋，一直都好想試吓，趁着出糧日食餐好啲，天氣又開始凍，兩個人撐枱腳打邊爐最啱啦！鍾意天文臺道 酒鍋私隱度高，裝修有格調，光線夠浪漫，衛生環境好，防疫措施足夠，食得安心最緊要。巨無霸芫荽鍋 $288The Drunken Pot 湯底好有特色，啱晒我芫荽朋友的口味，果然係招牌湯底推介。今次冇食到香港原創五格鍋，人少少食過四格先啦！配清湯牛腩、喇沙海鮮、四川麻辣、蕃茄薯仔豬骨；不同的湯底配搭不同火鍋配料、肉類、蔬菜、海鮮等各有各特色。真係好特別我第一次食火鍋有咁多芫荽落肚，有益健康之餘， 全株芫荽包含根莖葉都可食，配搭麻辣湯底更能提升芫荽獨特的氣味，唔怪之得有人話一食愛上。養生必選！二人海鮮拼盤 $368新鮮生猛的海鮮就是大不同，稱得上是超凡鮮味；蟶子、扇貝、海中蝦、花甲。 好像手掌般大隻的蟶子、鮮甜彈牙；扇貝肥大肉厚；海中蝦爽滑清甜；花甲鮮味冇沙。配搭喇沙海鮮湯底簡直相得益彰。日本頂級黑毛豬豚腩肉 $188黑毛豬豚腩肉肥瘦均勻，頂級脂肪雪花，入口柔潤有光澤，濃郁的肉味， 配搭蕃茄薯仔豬骨湯底把豚肉的美味推上更高一級的層次。手打蝦丸、手打墨魚丸 $48/4粒手打丸類新

天氣凍凍地最好就係打邊爐🍲。 呢一間裝修好靚， 古色古香。 揀咗呢一個巨無霸芫荽鍋。 上桌嘅時候真係超級誇張。 一鍋四湯底 ～ 清湯牛腩 四川麻辣 喇沙海鮮 蕃茄薯仔豬骨每一款湯底都非常足料，一次過四款口味，啱晒花多眼亂唔識揀嘅我。本地手切肥牛， 牛味重，略嫌不是入口即溶。秘製脆炸金沙鹹蛋鮮魚皮， 熱辣辣，強勁蛋黃味正。 即炸手工紫菜響鈴卷， 一定要即刻食。 蜂巢豆腐， 呢個豆腐好快就吸晒啲湯，超級好味。😋 手打芝士墨魚丸手打蝦丸彈牙，非常可口。 黑松露蝦餃

一入秋就要打邊爐，趁仲有得出去打，就揀間高級d嘅環境幾舒服，早入座少d人，靜d醬料拎埋你位自己調制多蒜多西！打邊爐傳統要飲d清熱嘅野竹庶茅根同洛神花茶湯底 抗疫先鋒搞笑，有4款預先熬好嘅，好足料連材料上枱，分別係胡椒豬肚花膠雞，杏汁白肺木瓜雪耳，蕃茄豬𦟌同麻辣貪得意嘅麻辣，淨係拎咗d料出黎食咋~湯底本身勁多料，上枱嘅時候水滾係咁食湯料d湯本身好好飲但打打下邊爐無乜水，加嘅全部都係同一款雞湯，無晒本來嘅味d牛肉擺到好靚，掛起咗咁樣頂級安格斯牛小排 細。疊住都好多塊肉前面係蔬菜拼盤，扮健康裝修都幾新舊交融，fusion中國風枱好大，坐得好舒服，叫到成枱野都好闊落有即炸響鈐，勁正，2秒即食墨魚腸皮，好墨魚，但咬落唔會好油平時台灣個d好肥牛肉好較嘅肉質，肉香好突出，無咩肥肉，入口軟嫩黑松露蝦餃咩事無黑松露味，但好大隻蝦喺入面，塊皮黑色手打墨丸，彈牙，真係唔同平時買黎自煮個d，佢唔會有粉，係墨魚打到膠嘅彈牙黎手工三色麵有d似生麵，麵質食落幾舒服，唔會有簡水感覺明明唔係好多野但食得好慢食咗好耐好舒服，慢慢坐，仲有露台d人行出去食煙

邊爐之友話呢間火鍋店好想去，都有一段時間冇同你發掘新食肆，就不妨一試尖沙咀天文台道，喺尖東過了天橋，再行多幾步就到。 餐廳走型格路線，燈光昏黃，空間感非常充足雖然叫做酒鍋，但係呢度有成二十款火鍋湯底，要唔要以酒入鍋，真係任君選擇，而心多嘅我哋，就揀咗抗逆先鋒，因為有四格唔同嘅口味，據講可以補氣，補腎，益精，健脾，驅風散寒，滋補，養顏，提升抵抗力四格湯底分別係: 胡椒豬肚花膠黃金雞湯，杏汁白肺木瓜雪耳湯， 蕃茄洋蔥紅蘿蔔豬展湯和四川麻辣湯。先試下湯底，每款真材實料，唔會話淨係得湯水，有好多食材喺裡面，啖啖清甜，當然麻辣湯充滿 麻辣香味。難得共聚，叫咗好多嘢食，頂級安格斯牛小排(小) 呢個部分非常矜貴，肉質柔軟，鮮美，油脂分佈均勻，不愧稱為頂級。賣相也一絕，把一塊塊牛小排掛架，而下面放住冰塊，keep住低温。肥媽墨汁腸唔好畀佢嘅賣相嚇親，呢個腸用墨汁同豬肉製成，帶有濃烈嘅墨汁鮮味，好juicy。七星報，七種唔同顏色嘅手打丸，好新鮮彈牙三色鮮制生麵，鮮制零舍唔同，可以保持食物水準鴨血，呢個配麻辣湯底一絕黑松露蝦蟹餃，韭菜餃，最鍾意食自家製膠，餃子脹卜卜，新鮮之餘又足料，好吃到不停口蔬菜拼盤，

入秋啦！當然最適合吃火鍋的時節，'酒窩'一向是在火鍋界的出名店之一。今晚朋友正正選這間吃火鍋 ,我終於可以一嘗了揀湯底往往是最煩惱的一刻，所以當見到這個五味'走火入鍋'湯底，二話不說一定是你。木瓜，龍蝦，蘿蔔牛腩，四川麻辣， 沙嗲鍋湯底。 中間的木瓜湯底最出眾 ,吃前先品嚐一口， 清清甜甜， 到最後 木瓜越煲越淋， 湯也愈來愈濃。簡直係由頭飲到尾 .喜愛辣的，麻辣湯底最勁抽， 但我淺嚐了一口便放棄了，對我來說也太辣了吧 ! 龍蝦底非常慷慨，用上了原隻龍蝦，配蕃茄湯底也非常之適合頂級安格斯牛小排 與別不同的瀑布式擺上代替了 一貫的碟上，令牛件看起來更生動， 牛肉肥瘦均勻 ,色澤亮麗蝦丸和墨魚丸非常結實又爽口，蝦丸吃下有淡淡蝦肉。竹輪卷，手打蝦丸，手打墨魚丸驚喜的竹輪卷，大家食時要小心呀！內有美味芝士溶。三面蜂巢豆腐細細件的 蜂巢豆腐，軟得像海棉，口感特別，吸盡了湯底精華後，一咬落去後有多種層次感。鴨血難得有台灣名物鴨血選擇，鴨血細嫩爽，非常入味鮮蝦水餃黑松露蝦蟹餃黑松露香濃味由外到内，同蝦丸好夾。滿滿的蝦肉差點迫爆餃子雜菜拼盤 很喜歡這個包羅萬有的蔬菜拼盤，除一般火鍋蔬菜外，還有數件南瓜

酒鍋位於尖東港鐵站附近, 做完野就去食好野,  今晚早左到, 5點幾黎到還未開燈, 謝謝店員讓我入座等人開餐。酒鍋以古色古香的裝潢為主, 很像我N年前係北京四合阮食仿膳既氣派……食仿即係模仿以前皇帝食物及食野既裝潢, 淨係呢啲富中國特色嘅擺設; 豉油壺、 紙巾盒、 木餐牌等等, 己目不暇給。食店夠大, 檯與檯之間有足1米以上的距離, 皮椅子座位坐得舒舒服服, 座位亦很有彈性, 加多1-2個人只需將隔張檯跟我地依張併合便可。每檯有獨立調味料比你自已混多款不同鍋底供選擇, 取名都幾攪笑, 酒火入鍋或抗疫先鋒.秘製脆炸金沙鹹蛋無骨魚皮 ($68)好耐冇食過金莎炸魚皮了, 一於打邊邊前先嚟一個過吓口癮。睇得見的金光閃閃金沙,  呢個無骨版炸魚皮, 入口鬆化, 每片魚皮都塗上一層厚厚的甘香鹹蛋黃蓉, 炸得金香鬆脆, 好邪惡呀, 黃金系列的食物, 真係會上癮的黃金美人 ($268)畀佢簡介吸引左 : 骨膠原bb係飲返嚟嘅, 兼有補氣、補腎、益精、健脾及驅寒等功效, 唔叫佢唔得啦, 骨膠原bb喎!美人湯鍋湯頭呈金黃色, 用大量鮮雞、花膠及豬肚配少量黑胡椒淆製。 按我個人習慣, 撇走面層啲油, 先享受

今天和朋友聚一聚，當然要來火鍋店，這間火鍋店裝潢富有空間感，十分舒適抗疫先锋 - 四款湯底有麻辣,蕃茄, 胡椒花膠雞湯同杏汁白肺雪耳湯，有滋潤又有四川麻辣，滿足晒甘多個願望湯底是非常足料！我最愛是杏汁白肺雪耳湯，杏汁味香濃！安格斯小牛排 - 絕對是打卡之選！肉質鮮嫩，牛味香濃台灣香菇貢丸 - 這個非常有驚喜！肉汁豐富，非常有咬口！手打墨魚丸和蝦丸 - 火鍋必點的手打丸，手打丸非彈牙即炸手工響鈴 - 響鈴炸得熱烘烘的，放在麻辣湯底吸盡精華，辣得非常過癮豆腐紙 - 這個第一次吃到，口感是比腐竹更香滑黑松露蝦蟹餃 - 黑松露味非常突出，他亦也非常鮮甜蔬菜拼盤 - 有南瓜，菜心，油麥菜，娃娃菜和椰菜花，什麼都有非常健康這間火鍋店的湯底非常出色，再配上新鮮好味的食材，絕對值得再來

今日放工去尖沙咀剪頭髮，剪完就同女朋友去食好西，同事推薦左間高質打邊爐，係尖沙咀天文臺道，話食物環境都唔錯，咁當然要試下。我地冇卜就上左去，但好彩唔洗等位，入面裝修佈置真係幾靚，睇得出好有心機。我地叫左個揚名四海鍋，係四格火鍋，有黑胡椒豬肚湯，黑松露雜菌湯，豬骨湯，四川麻辣湯，啱晒鐘意食唔同口味嘅人；跟住食物叫左頂級安格斯牛小排、昆士蘭和牛丸、蜂巢豆腐、豆腐紙、黑松露蝦蟹餃、蔬菜拼盤、開心小企鵝、咪走雞、油麥菜、牛脷。食物好快就到，上枱用既擺碟都好靚，安格斯牛小排、小企鵝同咪走雞都係冰鎮上，企鵝同隻雞既造型幾得意，打卡一流。首先等個湯滾左之後，就試試個湯底，四個鍋都各有特色，每個湯都好入味，仲好多料，特別係豬骨湯底，成隻豬骨係格鍋到，當中自己最鐘意既係胡椒豬肚湯，同埋黑松露雜菌湯，唯一美中不足係有啲咸。飲完湯之後當然要擺蔬菜落個湯到，然後就到壓軸既牛小排，放入去煮三秒就食得，入口果然冇平時肥牛嗰種肥膩感，更多既係濃郁既牛味，好食😋開心小企鵝同埋咪走雞，賣相不得了，打卡一流，望落真係唔知係咩，食落就分別似墨魚肉同蝦滑，但可能擺入個煲煮太耐，到食嗰時就偏硬。除左牛小排，最令人驚艷既就係昆士

酒鍋新推出✨靈魂料理✨午市套餐午市套餐有手工台式涮涮鍋或麵飯，最近涼涼地，打邊爐岩哂，由於係一人一鍋，同埋午餐既關係，餐廳出餐都好快，就算得一個鐘食晏都絕對趕得切😚唔想同人迫既話，午市套餐都有得外賣🥡今次同朋友食涮涮鍋，一共有10款湯底，$58起包埋麵底、3款配料、飲品，勁抵食❗️我地揀左黃金美人鍋($78)同黑松露雜菌湯鍋($58)前者雞湯味極香濃🤤湯底仲有3大塊花膠，係女士們滋補美顏之選💓後者濃郁足料，食極都仲有菇，配蕃茄、粟米、椰菜等等，適合素食者🌱配料既選擇都非常多！當中必食有安格斯肥牛、麻辣鴨血、黑松露蝦蟹餃等等，主食類都有8款！揀左最中意既紅薯粉😚晶瑩通透，十分Q彈！留意返，有d配料會預先幫你放入鍋，減省返時間👍🏻另外，唔講唔得！飲品超級正！有芝士奶蓋靜崗抺茶、黑糖珍珠奶茶，全部都唔洗再另加錢🤩佢地亦推出2款全新自家製抗疫飲品✨雪梨雪耳杞子茶✨同✨羅漢果菊花茶✨健康之選！最貼心係用左外賣杯裝，飲唔哂可以帶返公司慢慢嘆😌

近排工作上好忙，做到個人好忟，到左星期日，老公話要帶我出去透下氣，仲要帶我食餐好既佢知我鍾意打邊邊，就一早book左酒鍋環境非常唔錯，夠乾淨又坐得舒服餐具又夠特式，好吸睛老公已經發板點好湯底，佢話我咁為食，揀左個可以一次過滿足晒我既5款湯底既鍋，酒火入鍋呢個鍋有獨特木瓜鍋配蕃茄波士頓龍蝦鍋，清湯蘿蔔牛腩，四川麻辣鍋，潮州沙嗲鍋幾個湯底好豐富，而且真材實料之外，仲有d睇頭中間果個有半個木瓜，入面有蝦同埋有d酒，當侍應放好之後，就點火，等d酒精揮發之後，就可以開始滾下滾下蕃茄波士頓龍蝦鍋，真係唔講得笑，真係有成隻龍蝦，加埋蕃茄，提升左鮮甜味。除左個鍋之外，老公仲點左幾款火鍋料：韓式部隊鍋福袋：呢個福袋入面係泡菜，夠辣好惹味墨汁腸：墨魚汁融入豬肉，口感豐富，仲有咬感👍🏻7星報喜：7款不同味道的丸，7隻唔同顏色，賣相好靚，細細粒容易食，好彈牙😋即炸手工雙層芝士漢堡味響鈴卷，未試過咁樣食響鈴卷，好夾&好脆口👍🏻至於到左打邊邊既至愛👇🏻頂級安格斯牛小排：一塊塊掛係個架度，很有動感而且牛味濃，嫩滑唔唔嚡加埋頂級日本黑毛豬豚腩肉，只係睇個賣相已經好吸引，又爽滑👍🏻簡直係牛豬相輝映成枱都係野食，超豐富又

天氣入夜有秋意，心思思又想打邊爐。之前去過銅鑼灣店，無論環境和食物都一流。今次去左尖沙咀酒鍋，環境氣氛都不錯，食物質素亦保持水準。揚名四海4款湯底各有特色，咸菜胡椒豬肚鍋咸香微辣，黑松露野菌鍋雖然是素但非常香濃，香濃豬骨湯清甜可口，四川麻辣鍋刺激惹味。秘製麻辣鴨血等湯底滾起的時候食最啱，鴨血柔軟滑溜，一食停唔到口，辣和麻恰到好處，超級惹味。頂級安格斯牛小排牛肉好靚，牛味濃郁，肉質鮮嫩，雖然望落不是太多油花，但一點都不韌，瘦得來又嫩，個人覺得必食。手打芝士蝦丸蝦丸煮熟有淡淡粉紅色，顔色好靚，超級爽口彈牙，重點是中間有半溶流心芝士，同蝦丸幾夾。即炸手工雙層芝士漢堡響鈴卷就咁當小食咁食真的有芝士漢堡的感覺味道，酥脆香口。微微過湯又是另一種食法，感覺冇咁熱氣，芝士溶化，而且可以吸湯。黑松露蝦蟹餃大大隻，皮滑有淡淡松露香，餡料足，蝦肉加上豬肉，爽口鮮嫩，雖然蟹肉不多，但無損餃子的美味。洋蔥豬肉蝦蛋餃蛋皮軟滑，吸收了湯汁，咬下去有爽脆惹味的洋蔥粒和爽嫰蝦肉豬肉餡料，口感味道豐富。蜂巢豆腐、豆腐紙兩款材料用來吸湯汁一流，口感各不同。蜂巢豆腐吸的湯份量比較澎湃，豆腐紙比較溫和，我兩款都鍾意。最後，值得

每年容易又生日，生日聚會何時了~年年都諗住搵d特別嘅餐廳食生日飯，見到d賣相都幾骨緻就試下啦~我地叫左個5宮格湯底，都幾濃，但係由於個火太集中滾到中間果格，需要叫員工加多幾次湯，如果吾係就會燶哂底，另外4格湯都吾係幾識滾，分佈吾平均，不過都吾係太大問題，我地一於慢慢涮慢慢食。然後落完單，d野食逐一上台，速度都算快，果陣大家都肚餓啦，所以快快手影左d相打下卡就開始食食左一段時間，會發覺d員工好似間中會失蹤咁，想叫個員工加下水，或者落單都要等幾分鐘先見影，果段時間又吾係見到好多客，但係就好似好忙咁，就算叫左，轉個頭又冇左件事。原本訂左個$20享用嘅安格斯牛小排都嗌左3-4次先送到黎，第一次應左話要睇收據但冇到，第二，三次追單睇完個電腦入單都仲係未到，到第四次已經係30分鐘嘅事，終於追到碟牛，果陣真係食到有d掃興。到最後埋單，發覺原來上漏左碟鴨血（退番錢），原本諗住吾係好多野，要食甜品埋尾，但食食下都好飽但呢餐都相當吾平，可一不可再…而且隔離仲有個姐係到唱歌（廟街果種），都有d影響心情醬料費:$22/位