邦美蜀越式工房 (已結業)

Try the vietnam raw beef noodle today.The beef bone soup is quite thin and volumne of beef is also not enough. NOT worth $20 each bowl.The newly open one "saigon" at Yau Sun Street is better but $25 each bowl.Maybe try the french sandwich next time

食完金記褪色嘅义燒，當然誓不罷休，過埋隔籬邦美蜀食番條法包先至夠喉...麵包焗得雖冇佐敦添記咁脆口，但勝在醃蘿蔔絲落得夠重手，加埋洋葱及黑椒，極度惹味...人地响街邊篤魚蛋，我就揸住條法包食，感覺上"型"好多..haha...^_^要食法式三文治，除咗呢度同添記，簡直不作他想...

今次係第2次食~個法包脆卜卜, 勁多料, 一路食一路趺, 好彩我係番到屋企先食, 平時我唔食紅蘿蔔架. 但佢d酸酸地又cut到好幼既紅蘿蔔C 我就覺得幾好食~份量好大, 我可以當係1個lunch~d 札肉同幾好食, 有d青瓜係到, 幾清新, 可惜既係d生洋好苦fly碟3文治都好食, 個邊脆脆地, 入面軟熟~$12 ok

此店名頗為特別，但好難記得住。所以奴隸獸讀了食評後，就將店名及地址抄錄下來，擄著主人去光顧。買了一份：珍寶越南法式三文治（HK$23）：法包香脆，餡料有越南扎肉、豬手、醃蘿蔔絲，還配了沙律醬，但特別的是加了洋蔥及芫茜，使味道變得清新一些。主人認為在元朗搵食，此三文治亦可作為另類選擇。P.S. 原來邦美蜀（Buon Me Thuot）是越南中西部中央高原最大的城市。奴隸獸真是孤陋寡聞啊！

在大西北內,亦有間越式小食店,同佐敦添記一樣賣越式三文治,名叫"邦美蜀".除三文治之外,同時有其他越式小吃供應,甚至牛肉粉都有.做法基本上同添記差不多,先在飽身噴噴水,再放入去焗爐焗一會,之後再放些扎肉,菜絲,蘿蔔絲等等.色彩繽紛,賣相不錯.吃不出是豬手,扎肉,抑或嚼肉.沒有添記的"立雜".加上辣椒之緣故,添加一份刺激感.除此之外,都係差不多.

今天傍晚時份,急於醫肚,覺得很久沒來,試埋唯1無食過的飛碟同糕點,當然好掛住杯青檸梳打啦1)自選飛碟-選了3拼: 扎肉+燻蹄+粟米(還有其他好多選擇,eg黑椒扎肉,豬耳扎肉,豬皮扎肉,素腸,腸仔,吞拿魚,蟹柳等),還加了沙律醬-嫌饀料唔夠厚,變得麵包的比例多咗-自選的這個組合麻麻地夾-普通2)青檸梳打-味道如上次,好有青檸味,如在越南嚐到的小青檸般-不過今次多咗d青檸核3)芋頭蒟蒻($22)-1盒6件-有彈性,非軟綿嗰種,但好滑; 香芋味是有,但唔濃-當中應有2款蒟蒻(1種奶白色,1種透明啡)-可以啦

傍晚時份,順路試埋last round,那就mission complete喇1)香茅豬扒湯檬-唔知是否無人咁早來食晚飯,於是的豬扒是即煎,故需要d時間-好終於來啦,豬扒同湯檬分開上。豬扒已是碎上大約有6/8小件,不用齒來齒去-跟手問我要不要辣和魚露,就由它的熟客幫忙端上魚露-豬扒厚度適中,好軟身,腍,夠味,身上還沾滿香茅碎-湯檬有芫茜,香菜葉,洋蔥絲,feel到臨尾撒咗d胡椒粉,檬粉個樣似賴粉咁,味道ok2)什錦拼盤(外賣)-有蔗蝦,豬肉春卷,粉絲春卷,各3件-食時只是微暖,蔗蝦d蝦膠嫌薄咗d,好在也食到有蝦的鮮味-豬肉春卷因個皮冷卻後,帶d"un",味道唔差-粉絲春卷個皮就油咗d,普通-要試的東西差不多試"雲",可以收收筆,要不然人哋以為我收咗錢

上次試過招牌法式三文治,今晚就來個豬耳扎肉薰蹄包+青檸梳打。製作時間比較"耐",先把肉放在包內,然後有趣地用水壺輕輕噴濕個包身,才入焗爐。肉類似招牌法式嗰隻,但今次的扎肉混有豬耳絲在內。配料同上次1樣,但今次留意到有番茄片。今次決定即場食,個法包真喺脆口(但唔會乾身硬嗰隻),不敢大力咬下去怕會弄損牙肉。好味!小心食完麵包碎散落1枱都喺青檸梳打非欺場貨,是將青檸取其汁,再溝7喜。等到個包差唔多得才加冰上比我。味道夠酸,配上7喜甜甜地,中和番,好好飲。樂透!

今晚經過,完了近日來的心願(見網友寫得咁吸引),買了個招牌法式三文治+紙包飲品試吓-肉方面好似有扎肉、薰蹄、稔肉,柔軟,只有薰蹄邊才彈口1點。這方面添記略勝一籌因有1款肉帶質感,同好似惹味d-配料方面就好豐富,有大量酸紅,白蘿蔔絲(但又唔會過酸),青瓜,芫茜,小量洋蔥,胡椒。其實可要求邊樣多d,店員有問過我要辣唔要辣,可能我話唔要,所以就無辣椒絲。這方面邦美蜀就出色d喇打個比喻添記重骨幹(肉)大葉(味濃d)，邦美蜀重細節(配料)流水(材料自然味道)與友人交流過,原來已試咗好幾款喇,都說唔錯。我都要分斷吸納

從OR得知這間越式小店，卻未曾親身去過。終於，在逛完宣道書局的夜晚，找到了它。還猶豫甚麼?當然即刻要試大受好評的法包!　說來慚愧，小妹才是第一次吃越式法包，也第一次感受那紅蘿白絲、扎肉、青瓜、辣椒絲等的配搭。怎麼說呢?它與delifrance或其他cafe出品截然不同，沒有可比性，我覺得絕對是個新嘗試；而味道是好的，因為法包鬆脆可口，其中微辣的口味，也令人留下幾深印象。$18一個，食得過~　除了法包以外，也點了龍喜歡的蔗蝦($15)。賣相與味道皆不錯，唯一要彈就是油份過多囉!　再加一杯凍檸水($6)，就是很滿足的一個簡餐(以我們的食量，之後當然繼續掃街)。感恩!

元朗遊記(二)...自己不嬲對越南法式三文治有種不解嘅情意結(因自細响佐敦八文樓由細食到大)。故一知道有小店賣，就會仆到去試。金寶嘅出品不值一提，食嚟食去都係老家附近嘅添記最出色，其次就係呢度嘞...今次食完加勒比後又行過呢度。雖然撑得要死，仍然係要食...吩咐老闆娘加上大量嘅酸蘿蔔。熱得嚟又脆口嘅法包，夾入酸蘿蔔、紅椒粒、扎肉、薰蹄、稔肉、青瓜片而食，人間美食...什麼魚翅鮑魚，行埋一邊la..

可能我住元朗既關係，總覺得元朗有好多好野食，好似邦美蜀咁，佢每一樣食物都好比心機整比你，老闆係個肥妹，超好人都有禮貌，雖然無得點當食，要外賣，不過我都成日外賣返屋企做晚餐，食物水準夠穩定，果度最出名就係個法飽！個飽好香脆，Ｄ涵好好食，小小酸好開胃，仲有Ｄ法式三文治，底食得黎Ｄ涵可以自選添！其他仲有湯檬粉，Ｄ香料一流，湯底正！豬耳紮肉夠爽，有咬口，香茅豬排都ＯＫ，生熟牛肉一般，粉絲春卷又係好好食，因為價錢真係平，大家一定要試下！！

竟跟你在元朗「再遇」。要的是法式三文治「通殺」：邦美蜀法式三文治，基本上同「添記」的一樣- 也是有越南扎肉、豬手、醃蘿蔔絲…也是用「灑水即焗」式的製作方法。跟添記實際上不同的，有以下幾項：（一）醃的是幼長和細的胡蘿蔔+白蘿蔔絲；（二）法包中間塗上奶油狀的淡沙律醬；（三）中間夾附大大片，長形的青瓜片；（四）「通殺」是加辣椒仔，加洋蔥，加芫茜；（五）另有「加肉版」以供選擇（$22）。雖然也是「變奏版」，但感覺比添記的惹味。百思不得其解：為甚麼香港的法式三文治總會有蕃茄同美極鮮醬油？