邦美蜀越式工房 (已結業)

3點食tea~點知呢間野冇tea set~可能係因為星期日啦~要左個雞絲凍檬同招牌法式三文治~雞絲凍檬: 份量唔大...多生菜絲同芽菜等配料~抵讚~因有口感~檬粉冇特別,只附上一小碗魚露,但亦可問佢再拎.. 雞絲冇乜肥膏~呢個算係清清地既選擇~招牌法式三文治: 侍應落order會問想分幾多件~幾貼心既service~醃蘿蔔絲份量多,仲有青瓜片~扎肉腩肉各兩塊, 唔會好似添記既啖啖肉感覺~要左小辣~剛剛好~唔會搶左味~但朋友因為咬到d指天椒, 覺得好辣…法包係即焗~所以感覺好新鮮好脆~整體都唔錯~個個人都幾滿意~呢間店既製法較健康,鋪位幾細~lunch time要等位架~但始終都係喜愛小巴黎既凍檬多d~

Field trip過後，人極倦極疲，早上在國記吃過的艇仔粥及炸一都已經消失得無影無蹤了小巴到了元朗，肚子已是餓得要緊，就算是剛才已多吃了一串炸生蠔，那又如何 ? 趕快找間店子吃些東西，才是正道....不及細想，快步走到這裡舊店的位置，怎知忽地想起她們已"細屋搬大屋"了。心念一轉，打了1083問一下，原來她們新店地址就在元朗人所稱的"雞地"，離西鐵站只是很近，位置上是更方便了....想當年只是一間"立食"及外賣小店，現在的新舖雖然也是地方小小，但比起以前的已是有規模得多了，真為她們高興以往只是獨沽一味吃法式三文治。現在餐牌選擇多了，自然想吃吃另些東西。叫了碗豬皮扎肉乾撈檬。份量很小巧，三扒兩撥便吃個精光普通扎肉就吃得多，但加上豬皮的就印象上很少吃。豬皮碎帶點爽脆，混和着腍腍且惹味的扎肉，很特別的口感檬粉質感是極硬的，可能是雪得太久了，差了點。棋差一着是她們的魚露，不夠香而且味太淡，跟大坑那數間越南店吃到的差了些，更遑論追得上佐敦老趙的水準了....還是吃回法式三文治才是正路，買了一條回家跟太座共享。包隔了個多小時後還帶脆，而且沒有添記的過份地flaky。紅及白醃蘿蔔絲很夠酸味，而且黑椒

某法式三文治名店令我失望之餘，同時卻燃起我對法包的渴求，終於有一天我媽竟然竟然在家附近越南小吃店！！搵食經歷告訴我們：裝潢漂亮的餐廳，味道總不及躲在角落不賣門面的小店，因為這份不經修飾多少給人實力有麝自然香的感覺，例如味吉陽一的日之出食堂 (c.f.<妙手小廚師>)。這店小小的座位也擠，談不上有特別設計，不過一上Openrice一查，就知道它可是傳頌於元朗居民之間的隱世名店。招牌法包：法包鬆脆，內面的肉鹹度剛好，配上酸蘿蔔，豐富了味道口感。後來也吃過香茅豬扒法包，唔講得笑，豬扒爽，一口香茅香，這才是真正的越南菜嘛。炒牛肉凍檬：為甚麼檬可以這麼滑，牛肉又可以充滿肉味？我和我媽常爭吃最後一口！牛肉湯檬：牛肉和檬不用說，店內的menu聲稱湯是牛骨熬成的，果然清甜！當初認識邦美蜀時，它還是一家以外賣為主的小吃店，後來才搬到現時比較大的店。希望老板娘可以堅持手藝和對食物的要求，別辜負元朗的老饕們！完整食評於：http://blog.yam.com/chrltt5/article/19210340

昨晚朋友介紹來了這間越南餐廳食飯,朋友說元朗得一間越南野食,這裏以前是做外賣的,後來搬到這裏,我們三個人叫了一個火車頭湯河,一個扎肉三文治法包,一個香茅豬扒,一個越式迷你春卷,跟住叫左三杯飲品,分別係咸檸七,青檸可樂,熱柚子薑蜜,先來香茅豬扒,好淋都幾好味呀,不是很油,細細件很易入口,再來炸越式迷你春卷,有六條的,好熱辣辣架,好香口好味呀,裏面有些粉絲,這款春卷不是用生菜包住食的,不過都好好味.法包三文治的買相都好靚,都很大份的,切開了三份每人一份,法包好脆,入面有些紅蘿蔔絲,白蘿蔔絲,扎肉,酸酸甜甜咁都幾特別及好味,最後的火車頭都好大碗,全是牛的配料,有生熟牛肉,牛栢葉,牛丸,牛腩,牛孖斤,蘿蔔,個湯底係牛腩湯,好好味呀,個湯好濃好重牛腩味,好正,牛栢葉好爽口,牛丸都好爽口彈牙,牛腩好入味好淋,生熟牛肉都好大塊的,全部都好好味呀.份量亦很多,每人可以食兩碗都還有剩,抵食,我飲的咸檸七都幾好飲是用檸柑桔來弄的,不過不夠咸如果咸d更好味呀,這裏真的又平又抵食呀.

我自己都幾鍾意食越南野,之前都會鍾意去小巴黎,越棧呀,燕平o個d啦...但都係覺得元朗lei一間好食,正常就唔會行到咁入,但聽聞好食,都要去食,食完第一次,已經覺得唔錯,食埋第二次感覺依然幾好...好鍾意食個招牌三文治,比較特別,唔係間間越南菜都有,入面d料好新鮮,札肉好食,mix埋d酸菜一齊,d味都幾好,唔錯架...但我唔食莧莤就走晒,真係去到試下,佢都有好多款揀...我覺得做得越南菜,個湯粉一定要好食先得,佢就真係唔錯,個湯底夠晒味,d粉都唔會一夾就散先, 生熟牛肉ok, 而凍檬都好食,加埋d魚露真係絕呀,我覺得lei 兩樣其中一樣都係必食...咖哩都唔差喎,上次我地食咖哩牛腩,d牛腩夠林夠入味,咖哩個味都ok,加上蒜蓉法包點黎食,真係冇得頂,其他小食唔會失望o既,香茅豬扒得! 春卷呀,庶蝦呀,不過不失...去左兩次,冇可能試晒咁多樣野,但我可以講,大家應該唔會失望o既...而家仲有一人一爐,都去試下用o個個湯底黎打下邊邊,應該唔錯...希望第日再轉間大d o既舖,咁就可以多d人食喇...價錢適中,唔錯...highly recommend!!!

出元朗打算食秋月點知好多人見到隔離個越南野OR提過ok就試下同爸爸兩個人叫左札肉雞絲湯檬法式三文治小食拼盤札肉雞絲湯檬個湯真係不得了….我係飲哂d湯!!佢話用牛骨煲所以個湯真係超好味小食拼盤有粉絲春卷 / 蔗蝦 / 札肉High standard 啦又無乜太特別 法式三文治個飽好脆脆到界親個口=.=”不過d餡好fresh我覺得好好味!!!但舖位細坐得好逼有待收善*

今日同朋友去叫了:1. 無骨猪扒湯河粉(HKD26)-- 湯都幾有牛肉味, (但唔係清湯), 香料配菜唔足夠, 只有芫茜, 沒有'九'重塔'葉!! 又無青檸...., 猪扒係煎, 唔係BBQ , HKD26....以呢個价錢, 係ok!2. 招牌三文治 ( HKD24)-- 如果扎肉可以厚D, 會好味D...唔係見到, 食完都唔覺有扎肉3. 蒸粉卷 (唔係好記得個名) (HKD26)-- 食完都無印象..因為個酸汁, 無咩味....但如果加埋要等位, 就會去另一間!

想到的那一間...又休息~!?!恰巧每次想到都是星期二麼~?!真大懵在鳳琴街附近亂撞吧~~憶起邦美蜀好像搬了在附近~也好還找得到~店內只有十來個座位~前天又上了雜誌~也要在大熱天時等上一會~內部是以簡約的青調設計為主~但說越南又不是太越南~只吃過添記的三文治~小比這次就衝著它來吧~我倆在兩點一到達~~午餐加飲品很貴~竟與下午茶差$8之多...最後小比的婆仔性格...決定唔蝕比佢....乜都唔叫..haha大比點了個香茅豬扒雞翼飯~賣相都幾大份幾吸引豬扒是很厚的樣子~是屬於豬柳了嗎~?!大比說若它不是那麼厚...已經放棄不吃了..因為實在無味得很.....隨碟的有蘿蔔絲番茄與蔥~但蔥不油~就吃得不過癮~雖然較健康...雞翼是炸出來的~小比原想吃一隻~點知一叉起......是一浸油在底....嚇得小比即刻放返低..只吃了兩邊軟骨小比點了最basic的招牌法式三文治~走芫荽~法包即焗要等上一會~也不是太大的份量~很鬆脆是真的因為這裡沒有添記的重肉不重菜~~甚至有點極端~扎肉腩肉嚼肉醬都來得不多~反而青瓜及醃蘿蔔絲很多很多~因內裡本身有指天椒~就沒有要求要多辣~結果就沒有太大味兒~反而古月粉與

是次拜訪估唔到係第一次而又係最後一次, 因已是接近搬鋪日子. 一個星期日, 晚上8時多, 只有我一個食客, 好彩法包還未賣完. 雖然粉類聽說做得不錯, 還是下次吧~ 一個招牌越式三文治($20), 走洋蔥是指定動作.法包係我最愛既包包, 最緊要烘得外面脆卜卜. 酸蘿蔔, 嚼肉醬, 札肉, 生菜, 青瓜, 蕃茄, 沒有一樣偏多偏少, 配搭是否地道/標準不得而知, 正如蔡生話, 岩自已口味就可以了. 酸蘿蔔切得很幼, 與添記不同. 都不打緊, 總之開胃就是. 其餘配料都新鮮, 很有層次, 再多一點蘿蔔更滋味呢~~ 這個質數合格有餘, 吃罷滿心滿足的回家去..吃過添記, 可能係人流多關係, 新鮮度會比此店略高.

2/8晚, 同gf去咗試一試.不過搵間鋪都搵咗一段時間(唔係難搵),係因為佢裝修咗,同upload張相唔同咗,所以唔認得.我地叫咗一客越式三文治,越式海鮮春卷,咖哩牛腩飯,一客焗法包,奶茶紅豆冰同埋一杯凍既滴滴咖啡.食物水準唔錯.....可以一去再去, 服務都ok,老闆娘都幾好人,因為我第一杯滴滴咖啡好淡,我同佢講,佢即刻滴過杯俾我仲問我個味o唔ok tim.店舖型式:小本經營,所以枱唔多,大約只可以坐12-16人左右.不過如果你8點後可能會好少少.不過我9點去都要等一等.都好快有位.是晚埋單只需要$121.00 真係抵食.....我同gf下次會再去試佢地既湯河系列,再上嚟報告!

通常是來吃三文治的，反而我沒有什麼興趣，能吸引我進店的，是門外宣傳牌寫著的「秘製牛湯」。趁是日要入流浮山看海鮮，就趁上小巴前來這裡試試牛湯。這裡舖位很小，只得三幾個位，來的時候沒有人，要了碗生牛湯河，扣底。牛湯很清澈，夠熱，似樣。喝一口，幾醇和，濃濃的牛骨味道，又不過鹹，當然也沒有味精的影子，很滿意！牛肉是生的，嫩滑之餘，又有點咬口，交足功課的。河粉幾厚身，薄一點就更好，但吃起來幾滑的，也沒有「粉味」，以20蚊一碗湯河的價位來說，是真的超額完成！下次再來，還是不會吃三文治，因為除了這個湯河，還有餐牌上的豬皮札肉及豬耳札肉。

之前响open rice睇過呢間店舖嘅食評幾好,所以6月29日專登走去想試下,點知佢地冇營業,原來預備搬舖7月1日至响新舖營業,由於實在太想試喇,所以7月2日收工後再去到佢地間新店鋪(原來响鳳琴街體育管後面,元朗人家酒樓轉埋彎個度!)一入到去叫咗佢地招牌菜:生牛河.招牌法式三文治同青檸梳打.1.青檸梳打----清涼解渴2.生牛河---湯和牛肉都好味,但河粉質地一般3.招牌法式三文治---麵包脆卜卜,材料新鮮好味,食嘅時侯簡直嘈住隔離檯咁脆卜卜總知都真係唔錯.唔錯.

買過一次外賣, 一個豬扒湯河, 另一個已經唔記得了.....不過一讚佢o既湯底幾好味, 而且 d 豬扒係即煎好新鮮,係就係要等得耐 d, 但都值啊!

結業前趕尾班車買了一碗外賣生牛河，當時巧遇幕後的老闆娘，原來餐廳是由契女主理。老闆娘是越南華橋，閒談幾句，談到本地越南料理，亦無意間得小店去向，之後的形式亦大為不同。契女主理人小心地將湯及配料分開放在兩個膠碗，經四十多分鐘車程，湯底依舊熱辣辣，即場吃的話就生料落湯也能即場浸熟，精彩。辦完公務後，叮熱湯，將河粉、金不換、中國芫茜及生牛放湯，湯底油撇得清，有牛鮮之餘亦嚐到複雜的香葉味，甜而帶藥酸，回甘味強烈，加上金不換及芫茜，確是有水準的湯底，而本地河粉夠滑身，要快吃否則易浸腍。$28吃一碗認真而足料之作，吃得稱心滿意，亦期待小店新模式下有更精彩表現。

mar 16, 08自己嚟重溫咗 :1) 招牌法式三文治-個包幾脆,但今次唔知喺咪我影相太耐,所以1咬落個包時只喺微暖2) 青檸梳打-青檸梳打非欺場貨,是將青檸取其汁,再溝7喜。味道夠酸,配上7喜甜甜地,中和番,仍舊好飲