影片
招牌菜
这天友人带了我到元朗试试邦美蜀越式工房，由于时间尚早，不用等位。邦美蜀越式工房虽然铺面颇细，只有大约二十多个座位，但食物味道不错，价钱亦很靓仔！生牛肉汤檬 ($38)牛肉刚刚熟，够滑，一点都不韧。汤底是用牛骨脯煮成，每啖的檬粉吸收了牛骨腩浓汤味，令人想encore。邦美蜀招牌越式法包 ($36)果然是招牌菜！法包焗得香脆，由于即叫即焗，制份需约15分钟，不过要吃好的就急不来。馅料有酸红萝卜、酸红萝卜、生菜、青瓜和札肉等等，配起来很fresh，味道不错。早吃饭有一好处，就是不用等位，当我们吃得饱饱时，外面而有人等位，这时，店员便...催促我们交台...也许，在邦美蜀越式工房早吃饭是比较吃亏吧...虽然，我也明白生意难做，当然希望能多做几转生意，店内亦贴满告示指用餐时间为1小时，但这天只用了大半小时，便催促我们交台，令我想饮多杯水也不能，的确有点不爽。
继续阅读
第二次食呢间野,上次食越式法包, 不过不失, 今次同老公叫左个二人份量既火车头汤蒙, 好明显碗大量小, 可能成本上涨. 因为孕妇要避免食生野, 我地落order时讲明要全熟牛肉, 可惜个侍应根本无理会, 算数, 忍你. 以为味道撘救, 好明显系我谂多左, 个牛腩除左有雪味之外, 乜味都无, 系个牛丸算ok.$73一碗既火车头居然只有4小片簿簿既半生熟牛, 2粒牛丸, 3片牛拍叶, 4件牛腩-.-'' 上菜时系无提供鱼露或酸醋, 更加无青柠, 但最奇怪店内张贴告示话''额外青柠要付费$x'', 原本无青柠, 额外青柠从何来?? 食越南野点可以无左佢既灵魂--酸醋. 老公问侍应要, 侍应比左一小碟, 当然唔够啦, 再问侍应要多一碟, 居然侍应话要收钱架, $2一碟酸醋!!!!火都黎, 间间越南食店都必定提供呢个基本调味料比客人, 就等于食云吞面加醋一样, 我未食过一间要额外比钱啰!!
继续阅读
又到晚餐时间，8:30食d乜嘢好呢，又怕太heavy。于是去了食越南嘢。 肥牛汤河一定唔少得，汤低鲜甜，加小小鱼露及青宁无得顶。😍札肉春卷拼盘，好新鲜，好脆，味道又好，最爱系蔗虾，美味。😆最后系我最爱嘅椰汁冰，比超其他餐厅唔同，椰汁冰超浓，超香，超好味。可以讲系元朗最好饮嘅椰汁冰。👍 虽然食物系好食，但厨房态度非常差，我问侍应攞青宁，之后就听到厨房职员大大声讲，又系边X 个攞青宁，态度非常差，你讲得咁大声，我会听到ka。
继续阅读
星期一晚元朗揾食，系openrice揾左呢间越南菜食。铺头同一般地区食肆无咩大分别，细细间但又唔洗点等两个人order左一个晚餐，包一个火车头汤朦 一个小食(春卷蔗虾扎肉拼盘)再另加半份虾饼！火车头汤朦大大碗！我地两个女仔share刚刚好！！材料足，但食落个汤底同平日系外面一般食既好唔同，佢比较甜d。本人比较少食越南菜，所以唔知系咪正宗既越南菜系咁，但自己就觉得怪怪地 火车头汤朦个拼盘就热辣辣，脆朴朴！本人特别钟情蔗虾，食亲越南菜都会order！结果，呢间蔗虾果然无令我失望！唔单止脆，仲食到有虾粒系到，最紧要食个蔗个阵系甜！！外间好多铺头都忽略个蔗既味，但呢间very good!!春卷蔗虾扎肉拼盘 而个虾饼就一般喇！太薄，做到好似 "吉烈猪扒" 咁既厚度，d酱又差咁d虾饼半份 如果我系住附近都会再去食，但如果系专登入元朗揾野食既，就可以有更多好选择！不过，价钱系平民化既！！两个人：套餐113+饮品14+小食29=hkd156
继续阅读
元朗多嘢食系人都知，但好多时睇你撞唔撞正揾到啲好嘢食，早排我同我个朋友仔喺元朗千色行完街就去咗入啲𠮶边见到呢间越南餐厅就入咗去坐，贪其不太多人，而我呢个朋友仔之前食过话OK，其实最主要都系想有个地方唔驶等就坐得低食。入到去装修简单得黎又够宽敞，点咗个汤面、小食拼盘同四宝饭，个拼盘系俾我地KO晒。当然我地只得2个女仔食唔晒咁多肉，但每样都都食到啲就真系几享受。不过如果个冷气可以唔好咁冻就好，因为搞到啲食物明明上枱时热辣辣，食多阵都变冷了~不过价钱好大众化。以为一间喺咁隔涉既地方唔会有咁多人黎，点知见Operice都几多好既评语，所以好嘢系唔怕要人捐窿捐罅去揾去试！
继续阅读