邦美蜀越式工房 (已結業)

這天友人帶了我到元朗試試邦美蜀越式工房，由於時間尚早，不用等位。邦美蜀越式工房雖然鋪面頗細，只有大約二十多個座位，但食物味道不錯，價錢亦很靚仔！生牛肉湯檬 ($38)牛肉剛剛熟，夠滑，一點都不韌。湯底是用牛骨脯煮成，每啖的檬粉吸收了牛骨腩濃湯味，令人想encore。邦美蜀招牌越式法包 ($36)果然是招牌菜！法包焗得香脆，由於即叫即焗，製份需約15分鐘，不過要吃好的就急不來。餡料有酸紅蘿蔔、酸紅蘿蔔、生菜、青瓜和札肉等等，配起來很fresh，味道不錯。早吃飯有一好處，就是不用等位，當我們吃得飽飽時，外面而有人等位，這時，店員便...催促我們交檯...也許，在邦美蜀越式工房早吃飯是比較吃虧吧...雖然，我也明白生意難做，當然希望能多做幾轉生意，店內亦貼滿告示指用餐時間為1小時，但這天只用了大半小時，便催促我們交檯，令我想飲多杯水也不能，的確有點不爽。

第二次食呢間野,上次食越式法包, 不過不失, 今次同老公叫左個二人份量既火車頭湯濛, 好明顯碗大量小, 可能成本上漲. 因為孕婦要避免食生野, 我地落order時講明要全熟牛肉, 可惜個侍應根本無理會, 算數, 忍你. 以為味道撘救, 好明顯係我諗多左, 個牛腩除左有雪味之外, 乜味都無, 係個牛丸算ok.$73一碗既火車頭居然只有4小片簿簿既半生熟牛, 2粒牛丸, 3片牛拍葉, 4件牛腩-.-'' 上菜時係無提供魚露或酸醋, 更加無青檸, 但最奇怪店內張貼告示話''額外青檸要付費$x'', 原本無青檸, 額外青檸從何來?? 食越南野點可以無左佢既靈魂--酸醋. 老公問侍應要, 侍應比左一小碟, 當然唔夠啦, 再問侍應要多一碟, 居然侍應話要收錢架, $2一碟酸醋!!!!火都黎, 間間越南食店都必定提供呢個基本調味料比客人, 就等於食雲吞面加醋一樣, 我未食過一間要額外比錢囉!!

又到晚餐時間，8:30食d乜嘢好呢，又怕太heavy。於是去了食越南嘢。 肥牛湯河一定唔少得，湯低鮮甜，加小小魚露及青寧無得頂。😍札肉春卷拼盤，好新鮮，好脆，味道又好，最愛係蔗虾，美味。😆最後係我最愛嘅椰汁冰，比超其他餐廳唔同，椰汁冰超濃，超香，超好味。可以講係元朗最好飲嘅椰汁冰。👍 雖然食物係好食，但廚房態度非常差，我問侍應攞青寧，之後就聽到廚房職員大大聲講，又係邊X 個攞青寧，態度非常差，你講得咁大聲，我會聽到ka。

星期一晚元朗搵食，係openrice搵左呢間越南菜食。鋪頭同一般地區食肆無咩大分別，細細間但又唔洗點等兩個人order左一個晚餐，包一個火車頭湯朦 一個小食(春卷蔗蝦扎肉拼盤)再另加半份蝦餅！火車頭湯朦大大碗！我地兩個女仔share剛剛好！！材料足，但食落個湯底同平日係外面一般食既好唔同，佢比較甜d。本人比較少食越南菜，所以唔知係咪正宗既越南菜係咁，但自己就覺得怪怪地 火車頭湯朦個拼盤就熱辣辣，脆朴朴！本人特別鍾情蔗蝦，食親越南菜都會order！結果，呢間蔗蝦果然無令我失望！唔單止脆，仲食到有蝦粒係到，最緊要食個蔗個陣係甜！！外間好多鋪頭都忽略個蔗既味，但呢間very good!!春卷蔗蝦扎肉拼盤 而個蝦餅就一般喇！太薄，做到好似 "吉烈豬扒" 咁既厚度，d醬又差咁d蝦餅半份 如果我係住附近都會再去食，但如果係專登入元朗揾野食既，就可以有更多好選擇！不過，價錢係平民化既！！兩個人：套餐113+飲品14+小食29=hkd156

元朗多嘢食係人都知，但好多時睇你撞唔撞正搵到啲好嘢食，早排我同我個朋友仔喺元朗千色行完街就去咗入啲嗰邊見到呢間越南餐廳就入咗去坐，貪其不太多人，而我呢個朋友仔之前食過話OK，其實最主要都係想有個地方唔駛等就坐得低食。入到去裝修簡單得黎又夠寬敞，點咗個湯麵、小食拼盤同四寶飯，個拼盤係俾我地KO晒。當然我地只得2個女仔食唔晒咁多肉，但每樣都都食到啲就真係幾享受。不過如果個冷氣可以唔好咁凍就好，因為搞到啲食物明明上枱時熱辣辣，食多陣都變冷了~不過價錢好大眾化。以為一間喺咁隔涉既地方唔會有咁多人黎，點知見Operice都幾多好既評語，所以好嘢係唔怕要人捐窿捐罅去搵去試！

很多人讚，所以專程來一試! 點知.......小食有春卷和庶蝦! 全晚最好食的兩碟! 最欣賞佢地有半份order的供應! 可以試多款不同的小食!飲品有椰汁冰和凍咸檸蜜! 無味又超多冰! 湯蘿蔔只係ok, 因為個湯超清淡! 欠缺牛肉味! 所以碗生牛肉金邊粉也不太好吃! 我只吃了半碗便停手! 另外也order咗個豬扒撈蒙，豬扒醃得入味和肉質淋，但個撈蒙汁就不可以接受啦! 又係欠缺味道! 無蒜和辣椒味! 只係有好酸的白醋味! 非常失望! 我們吃過很多的越南菜，所以有些少研究! 這間真的不可以! 唔會再有下次!

自從搬入元朗後，我同老公開始係元朗覓食，今次試越南菜，去邦美蜀之前睇咗openrice食評，越式法包係必食，所以第一時間order了，再order 個2 人set (火車頭湯濛+小食+2杯熱飲)越式法包好脆，味道幾特別，值得一試火車頭湯濛，湯底濃郁，材料足，可以分到6小碗，食到飽飽小食方面，我哋選咗酸辣鳳爪(小辣)，跟餐係半份size，2人食都夠，味道ok飲品方面，我哋加了$7轉特飲，利賓納紅毛丹冰及香茅龍眼冰，紅毛丹冰ok，但龍眼冰太重香茅味，似飲緊跌打水服務態度幾好，因為我哋兩口子都覺得服務態度係好重要，令我哋食得開心，加上又免收加一，物有所值

本身今天是同相公做節食飯, 但作病關係不能食辣東西所以轉去食越南菜, 越南菜式在元朗區不多但一講起越南菜一定會想起邦美蜀, 多年前已經食過一次好回味他們的法包. 經過多年後的今日再去看看質素如何.份量比較少, 而家有些鳳爪還帶點骨, 但味道不失, 辣度適中.我本身鐘意食扎肉, 但炸扎肉就從未試過, 見到餐牌有炸扎肉我當然不會錯過, 份量一樣偏少但新鮮炸起真的不錯. 可惜湯檬的湯底味精比較重, 整晚都要不停喝水.相公點了這個四寶飯, 貪有四款不同的食物. 四寶分別是扎肉、雞翼、豬扒、臘腸. 這個飯真是有點失望, 扎肉普普通通, 雞翼炸得有點乾身, 估不到會有臘腸, 而臘腸有點肥. 最差竟然是豬扒, 豬扒太鹹又乾, 我還記得邦美蜀的豬扒可說是不錯, 但今天為何那麼失手呢??還是水準已下降牛柏葉偏爽但味道卻淡淡的.其實價錢真是偏貴了點, 而家味道卻沒有以往那麼驚喜, 如果元朗好再有一些好的越南食肆我相信邦美蜀一定要更加努力改進了~

Vietnamese cuisine ranks pretty high up on my priority 'eat-list' for it is reputably one of the healthiest cuisine in the world. Charmed by its minimal use of oil, Vietnamese cooking is admired for its fresh ingredients and reliance on herbs and vegetables such as lemongrass, mint, long coriander and basil leaves.It took us quite a bit of effort before locating 'Ban Me Bistro' and after asking a few passer-bys, we finally managed to locate this inconspicuous eatery. With a really packed interio

在元朗想吃越南菜的話, 彷彿只會想到元朗廣場地下的越棧, 其實別的小店水準反而更高, 同樣的價錢卻予人更多的驚喜來。還記得最初幾年搬入這區時, 也不常踏足大馬路以外的街道, 後來才漸漸發現鳳攸南、北街一帶真是美食的集中營, 各式其式, 特別多富心思的小店, 令人既興奮又有點迷失。 自年前不知怎的找上門, 有幸嚐過越式法包後, 一直都這小店念念不忘, 不時也會製造機會登門造訪。 只是地方實在細小, 目測只約二百多尺, 勉強只能容得下廿多人, 所以也別奢望會闊落, 檯與檯之間基本上也沒多少距離, 但佈局還算簡潔明亮, 只好專注在食物身上。 二人套餐固然經濟抵吃, 已包小食、湯粉和飲品, 但這天不想吃得太飽, 加上心儀的又不在此列, 還是乖乖的散點好了。 火車頭看起很大堆頭, 材料堆放得滿滿的, 份量一點也不欺場。 面頭盡是一束束的香葉, 足以令湯底香氣倍添, 更收點睛之效。 我這多心且貪吃的人, 很多時都傾向不同用料的配搭, 這可算是我的恩物。 先將香葉在湯中浸一浸, 將香氣全迫出來, 唯一是欠點辣椒粒和青檸。 湯底清甜甘香, 但牛骨味的香氣未算十分突出, 至少也肯定是熬製過一段時間, 非

今日 lunch, 第2次試這間越南食店。原以為可吃特惠 lunch set, 點知原來只係 weekday 先有。而六日就只 offer d 2, 3-4人套餐，由於我得一個人，惟有單叫啦 。於 menu 上點左蕃茄牛腩飯 ($39)。落左單，我坐左係度打機而店內 waiter 冇意識比杯水我；等到碟飯到我問佢可唔可以比杯水我, 佢先至拿來。個蕃茄牛腩，D牛腩都幾諗同冇根，唔錯。之但係個人認為佢個汁就略酸了。以元朗黎計，一碟牛腩飯冇野飲跟要成差唔多40元；都真係略貴。話說上兩個禮拜第一次試又係 lunch，我叫左個扎肉湯河 set (包一杯野飲) (~$30)。扎肉同粉的份量OK，湯頭甜都唔錯。

四月二十二日 (星期五)難得入到元朗覓食,當然要先做一點資料搜集眾裡尋它,找到這一間好店六時開門,我們準時到達,做了是晚第一對客人剛吃了鄰鋪的豆花,之後又打算吃甜品,所以都不打算吃太飽選了豬扒湯檬和咖喱蝦餅飯豬扒炸得很香很脆,份量多平時大都吃凍檸,但這裡的湯檬都很不錯湯清而甘香,檬粉細長沒碎將豬扒浸一浸清湯,清啖中帶濃肉味,很不錯老公仔主力吃咖喱蝦餅飯咖喱香滑不辣,蝦餅用了新鮮的蝦肉蝦味濃而蝦餅炸得甘香兩物雖同樣是炸,但不覺得油膩,低讚!!!價錢實惠,值得推介果然名不虛傳

My family and I have visited this small Vietnamese food shop for more than 2 years.This shop can always maintain high standard despite it has opened a new branch.It is this shop that make me become a fan of Vietnamese food!That time I went there alone to eat its tea set,which was much cheaper than lunch set.As I remember,It costed not more than $30,which included a noodle and a special Vietnamese drink.I ordered雞絲扎肉湯河 and 香茅龍眼冰The noodles is the one that I always eat in this restaurant,the soup

住在元朗已有一段時間，可是卻很少特意去尋找一些有特色的小店，只會到一些名氣較大的餐廳。不過名氣越大，有些餐廳的食物質素不升反降，令一些專程到訪的食客大失所望。今天便來到邦美蜀，一試久違了的越菜。雖然餐廳有提供不少的套餐，不過套餐內有不少食物也不合大家的胃口，所以大家都決定單叫食物。小吃要了一客邦美蜀雜錦拼盤($61)，有扎肉丶豬扒丶粉包丶蔗蝦和粉絲春卷。扎肉的味道不突出，添上魚露才能嘗到淡淡的肉味。豬扒灑上香茅，邊位帶點脆口，不錯。粉包的皮較厚，好處是不容易弄散，不過這就顯得餡料很少，不夠豐富。蔗蝦炸得有點過火，蝦肉不彈牙，味道也偏淡。粉絲春卷炸得十分香脆，而且餡料的比例剛好，沒有一咬開就散滿一碟子的情況出現。餡料豐富，調味剛好。另外也要了一客邦美蜀招牌越式法包($29)，可以自選任加勁辣指天椒丶新鮮芫茜丶新鮮洋蔥。不過第一次試吃，當然是吃最原汁原味的才能真正嘗到味道。這個招牌法包，有扎肉丶紅白蘿蔔丶蕃茄和少許吞拿魚沙律，還有的是份量相當多的胡椒粉。胡椒粉多得大家都連忙咳了兩聲，幸然只是表面比較多，要不然也不能完成這個法包。說回麵包本身，麵包烘得夠脆，脆得咬開時麵包屑散到滿碟上。饀料也

今日晏晝【肥豪】早收工 , 佢四點多已返到大埔屋企 , 佢即打電話俾我 , 約左晏多少少拎部電腦 , 去我屋企俾我幫佢維修 , 但佢話沖埋涼先。到黃昏大約五點多 , 【肥豪】突然話坐小巴已到元朗 , 咁我叫佢直接上我屋企。稍後拎埋電腦上到我屋企 , 擺低電腦入我房坐下 , 佢因太攰系我房小睡一陣至七點點前 , 期間我煲碟。八點前我同佢落街離去 , 先陪佢去大馬路投注站買六合彩 , 再到【貴子】屋企樓下會合 , 再去大地停車場拎佢部新買既七人車 , 駕車去鳳琴街錶位泊好車 , 到附近搵下有咩好野食。因為一向好少系呢一撻地方食野 , 所以真係唔多熟悉邊間好食 , 凈係知近年呢邊食肆越開越多 , 人流又越黎越旺。行到一間又叫【來來】川菜火鍋店 , 但係唔同教育路裕榮徑、及近水邊圍邨對面福樂徑果兩間 , 只係名稱一樣但冇關係既。但因我腳痛唔想再食咁熱氣及辣 , 所以再行前少少搵 , 行到鴻運中心 , 見竟然有間【邦美蜀】分店 , 三個人心意一致就決定呢道 .但我地想坐鋪外舒服少少 , 而且【貴子】又可以吸煙 , 所以要求一位較年輕高瘦女侍應 , 系門外特別開一張枱俾我地坐。坐低後由另一位阿姐